Тест ирон литературæйæ 4 – æм къласæн
методическая разработка (5 класс) на тему

Тест ирон литературæйæ 4 – æм къласæн.

Вариант № 1

1. Адæмон сфæлдыстады хуызтæм нæ хауы:

         а)  аргъау

         æ)  радзырд

         б)  кадæг

         в)  уыци – уыци

2. Радзырд «Хъæддаг бабызы лæппын» фæуд кæны ахæм рæнхъытæй:

«Диссаг та куннæ у, æвæдза, хъæддаг бабызы лæппын хуыйнæд, хъæддаг ми та йын адæймаг бакæнæд!..» Цавæр «хъæддаг ми» бакодтой дыууæ лæппуйы?

         а)  Мадæл бабызы амардтой.

         æ)  Бабызы лæппыны дуртæй фæцæфтæ кодтой.

         б)  Бабызы лæппын æрцахстой æмæ йæ сæхимæ ахастой.

         в)  Нæ баххуыс кодтой бабызы лæппынæн.

3. Айларты Чермен йæ радзырды кæй хоны «хæххон бæлццон»?

        а)  хæххон цæргæсы

        æ)  хæххон суадоны

        б)  хæххон дымгæйы

        в)  хæххон лæджы  

4. Зындгонд аргъауы рæсугъддæр кæй къухтæ уыдысты?

        а)  зæхкусæг сылгоймаджы

        æ)  къулбадæг усы

        б)  хъæздыг сылгоймаджы

        в)  сывæллоны

5. Нарты фыдбылыз æмæ хин  чи  уыд?

        а)  Сослан

       æ)  Сатана

        б)  Сырдон

        в)  Хæмыц  

  6. Цæмæй адзæбæх кодта Нарты Æхсæртæг Дзерассæ - рæсугъды?  

        а)  хостæй

       æ)  йæхи туджы æртæхтæй

        б)  гас чи кæны, ахæм нæртон нозтæй

        в)  арфæйы ныхæстæй

7. Кæцойты Арсены радзырд «Хъусой» – ы цæмæн алыгъд куыдз йæ хицæуттæй?

         а)  Хæринаг ын нал лæвæрдтой.

         æ)  Æфхæрдтой йæ.

         б)  Йæ лæппынты йын доны баппæрстой.

         в)  Сæрибарæй цæрын æй фæндыд.

8. Кадæг «Сослан – тыхагур» – ы сæйраг хъуыды у:

         а)  Тыхагур цæуын нæ хъæуы. Тыхджынæй тыхджындæртæ бирæ ис.

         æ)  Тых дæм куы уа, уæд никуы фесæфдзынæ.

         б)  Тыхджын адæймагæн йæ кад дæр стыр у.

         в)  Царды æппæты сæйрагдæр у тых.

9. Хърихъупп Бипп - Биппыл цы бæллæх сæмбæлд?

         а)  Сывæллæттæ йæ æрцахстой.

         æ)  Фæдзæгъæл æмæ кæмдæр ныссалд.

         б)  Æрхауд йæхæдæг зæхмæ æмæ йæ базыр асаста.

         в)  Сывæллæттæ йæ дурæхсæнæй фæцæф кодтой.

10. Зындгонд аргъауы паддзахы фарст: « Хорз чи у, рæсугъд чи у æмæ хъæздыг чи у?» – йæн цавæр дзуапп радта уызын? Разы стут уызынимæ æви нæ? Ныффыссут уæ хъуыдытæ.   

                              Бæрæггæнæнты критеритæ:

Нысан  «5»  æвæрд цæуы  16 æмæ фылдæр баллæн.

Нысан  «4»  æвæрд цæуы  13 баллæй 15 баллы онг.

Нысан  «3»  æвæрд цæуы  8 баллæй  12 баллы онг.

Нысан  «2»  æвæрд цæуы  7 æмæ къаддæр баллæн.

Тест ирон литературæйæ  5 – æм къласæн.

Вариант № 1.

1. Адæмон сафæлдыстады хуызтæй нæу:

             а)  кадæг

            æ)  æмдзæвгæ

            б)  аргъау

            в)  æмбисонд

2. Ацы аргъæуттæй литературон аргъау у:

              а)  «Фаззæттæ»

             æ)  «Раст лæг æмæ Зылын лæг»

              б)  «Гæмæт»

              в)  «Зонд æмæ Амонд»

3. Уацмыс «Лæскъдзæрæн» у:

               а)  адæмон аргъау

              æ)  радзырд

               б)  литературон аргъау

               в)  æмдзæвгæ

4. Фыййау Бадейы сæйраг бæллиц уыд:

                а)  ахуыр кæнын

               æ)  æхца бакусын

               б)  хорз куыст ссарын

               в)  зындгонд лæг суæвын

5. Коцойты Арсены радзырды Гигойы бинонтæ цавæр бæрæгбонмæ цæттæ кодтой сæхи?

                 а)  Ногбонмæ

                æ)  Куадзæнмæ    

                б)  Джеоргуыбамæ

                в)  Цыппурсмæ

6. Барахъты Гинойы радзырд «Зæлимхан» – ы цавæр цæрæгой амард йæ хицауы аххосæй?

                 а)  гал

                æ)  бæх

                б)  хæрæг

                в)  куыдз

7. Дзесты Куыдзæджы радзырд «Æрдхæрæны лæвар» – ы сæйраг хъуыды у:

                 а)  Ахуырад ахсы стыр бынат адæймаджы царды.

                æ)  Ныййарæг мадæн хъæуы лæггад кæнын.

                 б)  Райгуырæн бæстæ хъæуы уарзын æмæ хъахъхъæнын.

                 в)  Фыдæлты æгъдæуттæ рох кæнын нæ хъæуы.  

8. Лæвæрд рæнхъытæ цавæр уацмысæй ист сты?

                                Диссаг æвналынмæ, -

                                Цас ын æнтысти!

                                Уалынмæ уæны стæг

                                Хурхы нынныхсти…

            а)  басня «Бирæгъ æмæ Хърихъупп»

           æ)  аргъау «Рувас æмæ Зыгъарæг»

            б)  аргъау «Лæскъдзæрæн»

            в)  басня «Халон æмæ Рувас»

9. Гуыцмæзты Алешы радзырд «Бæхы уаргъ æмæ чысыл лæппу» – йы Мурæт цæуылнæ ацыд фæстæмæ хъæумæ æххуысагур?

              а)  зивæг кодта  

             æ)  тæрсгæ кодта

             б)  худинаг æм каст, йæ сæрмæ йæ нæ хаста

             в)  йæ уаргъæн давынæй тарстис

10. Кæцæй ист сты ацы рæнхъытæ? Куыд сын æмбарут сæ хъуыды? Уæ хъуыдытæ ныффыссут.

                              Ноджы ма дæуæй æз курын:

                             Адæмимæ у хæлар,

                             Хорздзинад дæ зæрдыл дар,

                             Де’ мгæрттимæ цæр фæрнæй, –

                             Иугæйттæй уæлахиз нæй!..

                        Бæрæггæнæнты критеритæ:

Нысан  «5»  æвæрд цæуы  15  æмæ фылдæр баллæн.

Нысан  «4»  æвæрд цæуы  12 баллæй 14 баллы онг.

Нысан  «3»  æвæрд цæуы  8  баллæй  11 баллы онг.

Нысан  «2»  æвæрд цæуы  7 æмæ къаддæр баллæн.

Тест ирон литературæйæ  5 – æм къласæн.

Вариант № 2.

1. Лæвæрд уацмыстæй адæмон аргъау нæу:

                  а)  «Сарты фырт»

                  æ)  «Дыууæ зæрватыччы æмæ дыууæ сыхаджы аргъау»

                  б)  «Фаззæттæ»

                   в)  «Зонд æмæ Амонд»

2. Аргъау «Лæскъдзæрæн» - ы  автор у:

                   а)  Нигер

                   æ)  автор ын нæй (адæмон аргъау у)

                   б)  Къоста

                   в)  Дарчиты Дауыт

3. Зындгонд литературон аргъауы æнахуыр насы мыггаг æрхаста:

                    а)  булæмæргъ

                    æ)  цæргæс

                    б)  халон

                    в)  зæрватыкк    

4. Тугъанты Батырбеджы радзырд «Фыййау Баде» - йы сæйраг хъуыды у:

               а)  Райгуырæн бæстæмæ уарзондзинад.

               æ)  Хистæртæн кад кæнын.

               б)  Ахуырад адæймаджы царды ахсы стыр бынат.

               в)  Æрдз хъæуы уарзын æмæ хъахъхъæнын.

5. Гигойы куадзæн фехæлдта:

                 а)  хъæуы хицау

                æ)  æлдар

                б)  сауджын

                в)  йæ сыхаг

6. Барахъты Гинойы  радзырд  «Зæлимхан»  мах ахуыр кæны:

                    а)  чиныг уарзын

                   æ)  æгъдауджын  уæвын

                   б)  цæрæгойты уарзын æмæ сын тæригъæд кæнын

                   в)  мадæлон æвзагмæ уарзон цæстæй кæсын

7. Дзесты Куыдзæджы радзырд «Æрдхæрæны лæвар» - ы Гæбилæн ахуыргæнæг балæвар кодта:

                       а)  «Нарты кадджытæ»

                      æ)  Къостайы чиныг «Ирон фæндыр»

                      б)  ирон аргъæутты чиныг

                      в)  ирон æмбисæндты чиныг

8. Мамсыраты Дæбейы радзырд «Хъæндил» - ы  сæйраг архайæджы æцæг ном куыд хуындис?

                      а)  Сослан

                      æ)  Батрадз

                      б)  Чермен

                      в)  Таймураз    

9. Гуыцмæзты Алешы радзырд «Бæхы уаргъ æмæ чысыл лæппу» - йы Мурæтыл цавæр бæллæх æрцыд фæндагыл?

                 а)  Фæдзæгъæл.

                 æ)  Æд уæргътæ бæхæй митмæ ахауд.

                 б)  Абырджытæ йын йæ бæх æмæ уæргътæ байстой.

                 в)  Йæ бæх бастад æмæ амард.  

10. Ныффысс, цæмæй фæцыд Мурæт дæ зæрдæмæ? Цавæр хорз миниуджытæ йæм уыд? (Радзырд «Бæхы уаргъ æмæ чысыл лæппу» - мæ гæсгæ.)  

                        Бæрæггæнæнты критеритæ:

Нысан  «5»  æвæрд цæуы  17  æмæ фылдæр баллæн.

Нысан  «4»  æвæрд цæуы  13 баллæй 16 баллы онг.

Нысан  «3»  æвæрд цæуы  9  баллæй  12 баллы онг.

Нысан  «2»  æвæрд цæуы  8 æмæ къаддæр баллæн.

Тест ирон литературæйæ  5 – æм къласæн.

Вариант № 3.

1. Адæмон сфæлдыстады хуызтæм хауы:

                 а)  кадæг

                æ)  æмдзæвгæ

                б)  радзырд

                в)  поэмæ

2. Сауи æмæ Будзи сты ахæм аргъауы архайджытæ:

                а)  «Раст лæг æмæ Зылын лæг»

                æ)  «Зонд æмæ Амонд»

                б)  «Сарты фырт»

                в)  «Фаззæттæ»

3. Æмбисонд   Хуры  разæй  дæр  лæг…  кæронмæ ахæццæ кæн:

                 а)  мæй  фены

                 æ)  арв фены

                 б)  йæ сыхаджы фены

                 в)  йæхи фены

4. Кæцæй ист сты ацы рæнхъытæ?

                              – Кæд ды дзырд мæ дзырдмæ сарай, –

                                 Дæу фæуæд мæ фос!..

                 а)  аргъау «Гæмæт»

                 æ)  аргъау «Лæскъдзæрæн»

                 б)  басня «Бирæгъ æмæ Хърихъупп»

                 в)  «Дыууæ зæрватыччы æмæ дыууæ сыхаджы аргъау»

5. Æмдзæвгæ «Мæгуыры зарæг» - ы Къоста кæрæдзийыл бары:

                 а)  хъæуккаг æмæ горæтаг адæмы

                 æ)  ахуыргонд æмæ æнахуыр адæмы

                 б)  мæгуырты æмæ хъæздгуыты

                 в)  рæсугъд æмæ фыдуынд адæмы

6. Бæрæгбонмæ Гигойы бинонтæ хастой:

                  а)  карк

                  æ)  род

                  б)  фыс

                  в)  хъыбыл

7. Фыййау Баде йæ бæллиц сæххæст кæныны тыххæй цы бакодта?

                   а)  ахæстонмæ бахауд

                   æ)  æфсадмæ ацыд

                   б)  скъоламæ бацыд

                   в)  чингуытæ балхæдта

8. Кæй аххосæй рауад Хъæндил ахæм ницæййаг лæг?

                     а)  йе’ мбæлтты аххосæй

                     æ)  йæ усы аххосæй

                     б)  йæ ныййарджыты аххосæй

                     в)  йæ сыхæгты аххосæй

9. Булкъаты Михалы радзырд «Нæмыгдзæф фæндыр» - ы  цы фæци  фæндыр?

                      а)  Хæсты фесæфт.

                     æ)  Музеймæ йæ радтой.

                     б)  Кудзи йæ фæстæмæ йæхимæ райста.

                     в)  Дзамболайы  гыццыл  лæппу Бечырæн æй радтой.

10. Ныффыссут уæ хъуыдытæ Хъæндилы тыххæй. Æцæг ирон лæг цавæр хъуамæ уа? (Мамсыраты Дæбейы радзырд «Хъæндил» - мæ гæсгæ.)                

                        Бæрæггæнæнты критеритæ:

Нысан  «5»  æвæрд цæуы  16  æмæ фылдæр баллæн.

Нысан  «4»  æвæрд цæуы  12 баллæй 15 баллы онг.

Нысан  «3»  æвæрд цæуы  8  баллæй  11 баллы онг.

Нысан  «2»  æвæрд цæуы  7 æмæ къаддæр баллæн.

Тест  ирон литературæйæ  7 – æм къласæн.

Вариант № 1.

1. Ирон адæмон сфæлдыстады стырдæр хæзна у:

                     а)  æмбисæндтæ

                    æ)  аргъæуттæ

                    б)  «Нарты кадджытæ»

                    в)  таурæгътæ

2. Цал тæны уыд Сырдоны фæндырæн?

                    а)  11

                    æ)  9

                    б)  7

                    в)  12

3. Кодзырты Таймураз цæмæн амардта æлдæртты?

                 а)  Йæ чындзы йын хъалоны бæсты фæцæйкодтой.

                 æ)  Йæ мады йын ныццавтой.

                 б)  Йæ фос ын атардтой.

                 в)  Йæ зæхх ын истой.  

4. Кæй ныхмæ тох кодтой Ларс æмæ Хуха?

                 а)  æлдæртты

                 æ)  Тæгиаты

                 б)  хицæутты

                 в)  паддзахы

5. Бæтæйы фырттæн сæ мыггаг кæмæй уыд?

                  а)  Санатæй

                 æ)  Алыккатæй

                 б)  Кодзыртæй

                  в)  Хъуыбадтæй  

6. Къоста цардмæ цы цæстæнгас дардта, уый йæ фыдæн раргом кодта æмдзæвгæ:

                   а)  «Æнæ хай» - ы

                   æ)  «Тæхуды» - йы

                    б)  «Ныфс» - ы

                    в)  «Сидзæргæс» - ы

7. Лæвæрд скъуыддзаг кæй портреты æрфыст у?

          « (…)  бæрзæй нæ уыди æппындæр; кæд ын уыди бæрзæй, уæддæр дзы æддæмæ ницы зынди; сæр цæрдæвæрдау зынди гуырыл. Чи зоны, исчи уыдаид Беслæныхъæуы æмæ федтаид фæззыгон цæттæ настæ… Уыдонæй иу æрæвæр хосы мæкъуылы сæр, уæд уый дардæй бакæсгæйæ уыдзæн (…) хуызæн. (…)  ис худгæ гыццыл цæстытæ. Чи зоны, уыцы цæстытæ фыццаг  афтæ гыццыл нæ уыдысты, фæлæ сæ нард алырдыгæй куы балхъывта, уæд ма сæ зынди уынгæг дыууæ хуынчъы. Былтæ дæр уыдысты нæрст фыр нардæй, æмæ сыл æдзух бадти æхсызгон мидбылты худт.»    

                     а)  дæсны Биганоны

                     æ)  Сауджын Иосебы

                     б)  Арагуийы ерыстау æлдары

                     в)  Сырдоны

8. Дзесты Куыдзæджы зындгонд радзырды кæдæм цыдысты Темсыр æмæ Доди зымæгон тæссаг фæндагыл?

                        а)  куыстагур

                       æ)  хор хæссынмæ сæ хæстæджытæм

                       б)  цыдæртæ уæй кæнынмæ

                        в)  уазæгуаты

9. Коцойты Арсен йæ пьесæ «Гæдыйы къах цыбыр у» - йы кæй ныхмæ дзуры?

                      а)  дины кусджыты

                      æ)  æлдæртты

                      б)  дæсныты

                      в)  хъæздгуыты

10. Раттут цыбыр характеристикæ Фацбайæн. Цавæр хорз миниуджытæ йын тынгдæр фæцыдысты уæ зæрдæмæ? (Нигеры поэмæ «Бадилон симд» - мæ гæсгæ.)

                                         Бæрæггæнæнты критеритæ:

Нысан  «5»  æвæрд цæуы  17  æмæ фылдæр баллæн.

Нысан  «4»  æвæрд цæуы  13 баллæй 16 баллы онг.

Нысан  «3»  æвæрд цæуы  9  баллæй  12 баллы онг.

Нысан  «2»  æвæрд цæуы  8 æмæ къаддæр баллæн.

Тест ирон литературæйæ  7 – æм къласæн.

Вариант № 2.

1. Нарты хистæртæ хуыздæрыл банымадтой:

                а)  Уырызмæджы

                æ)  Сосланы

                б)  Батрадзы

                в)  Хæмыцы

2. Кæцæй ист сты ацы рæнхъытæ:

                     Бын бауай, иунæг,

                     Дзыллæтæй иу лæг

                     Кæй нæ рæвдыдта!

                     Фæсмон фæкæна,

                     Мæрдты дзыназа,

                     Дæу чи ныййардта!..      

              а)  Къоста «Сидзæргæс»

              æ)  Къоста «Ныфс»

              б)  Къоста «Мæгуыры зарæг»

              в)  Къоста «Хъуыбады»

3. Цавæр æбуалгъ ми бакодта Арагуийы ерыстау æлдар Хъуды комы сывæллæттæн?

                     а)  Амарын сæ кодта.

                     æ)  Бæхтæй сæ банай кæнын кодта.

                     б)  Доны сæ бакалын кодта.

                     в)  Басудзын сæ кодта.

4. Цавæр фау æрхаста Сырдон Нарты иумæйаг хæдзармæ?

                     а)  Хæдзар æгæр гыццыл уыд.

                     æ)  Хæдзары цар æгæр ныллæг уыд.

                     б)  Хæдзары астæу къонайы рæхыс нæ уыд.

                     в)  Хæдзар æвзæр ран сарæзтой.

5. Нигеры поэмæ «Бадилон симд» - ы цæуыл смæсты  Инал Фацбаймæ?

                   а)  Йæ хойы йын аскъæфта.

                   æ)  Йæ хомæ йын æвзæртæ сдзырдта.

                   б)  Йæ хойы йын кафгæйæ фæуагъта.

                   в)  Йæ зæронд фыды йын бафхæрдта.

6. Дзесты Куыдзæджы радзырд «Хорхæссæг» - ы фыд æмæ фырт куыд бабын сты?

                    а)  Былæй ахаудысты.

                    æ)  Абырджытæ сæ амардтой.

                    б)  Доны аныгъуылдысты.

                    в)  Æлдæрттæ сæ амардтой.

7. Ирон  поэттæй хæрз æрыгонæй  Фыдыбæстæйы Стыр хæстмæ ацыд æмæ нал æрыздæхт:

                     а)  Плиты Грис

                     æ)  Кочысаты Мухарбег

                     б)  Нигер

                     в)  Цæрукъаты Алыксандр  

8. Æмдзæвгæты цикл: «Ахæстоны фыстытæй» у:

                     а)  Къостайы

                     æ)  Хъамбердиаты Мысосты

                     б)  Гæдиаты Цомахъы

                      в)  Барахъты Гинойы

9. Радзырд «Дадолты мæт» - ы  Коцойты Арсен цы равдыста?

                     а)  Дæснытæ мæгуыр адæмы куыд сайдтой.

                     æ)  Æлдæрттæ мæгуыр адæмæн куыд фыдмитæ кодтой.

                     б)  Ирон адæм куыд тох кодтой фыдгæнджыты ныхмæ.

                     в)  Адæймаг куыд дурзæрдæ у æрдзмæ.

10. Цавæр фыдæлтыккон зианхæссæг æгъдау æвдыст æрцыд Хъайттаты Сергейы радзырд «Ирæд» - ы? Ныффыссут уæ хъуыдытæ ацы æгъдауы тыххæй. Радзырды хабæрттæ абарут абоны цардимæ.

                                         Бæрæггæнæнты критеритæ:

Нысан  «5»  æвæрд цæуы  16  æмæ фылдæр баллæн.

Нысан  «4»  æвæрд цæуы  12 баллæй 15 баллы онг.

Нысан  «3»  æвæрд цæуы  8  баллæй  11 баллы онг.

Нысан  «2»  æвæрд цæуы  7 æмæ къаддæр баллæн.