Беседа «Ог-булеге чаагай чанчылдарны кижизидилгеге ажыглаары»
материал на тему

Чадаананын № 2 школазы

Беседа «Ог-булеге чаагай чанчылдарны кижизидилгеге ажыглаары»

        Социал педагог: Тулуш Ч.С.

                Тыва кижи будужунден торелзирек,

Танывазын оскелевес, ээлдек чанныг

Дылы ээлгир, чугаа-созу эптиг-чымчак,

Дунмай, акый, угбай дижип аралажыр.

    Кандыг-даа чон, оон  улуг-бичезинден хамаарылга чокка, салгалдан салгалче дамчып чоруур онзагай ужур-чанчылдарлыг болгаш ёзу-сагылгаларлыг.Ол ужур-чанчылдар болгаш ёзу-сагылгалар –ук чоннун амыдыралынга шаг-тоогуден туруп келген, сарыылдыг кижи бурузунун сагыш-сеткилинде синниккен, сагып чорууру ыдыктыг дурумнери болур. Бо дугайында: «Тоогузун билбес-тоорээр, торелин танывас –турээр» деп тыва улустун улгегер дома чиге угааткан.Бодунун чонунун ёзу-чанчылдарын билир болгаш сагып чоруур улустар-ада-иелеринин  ёзулуг салгалы, арат-чонунун толептиг толдери ол!

   «Шаг шаа-биле турбас, чавылдак когу-биле чытпас» деп, тыва улустун мерген улегер чугаазы бар. Ужур-чанчылдар чоннун амыдыралчы дуржулгазындан шилип алдынар болганда, олар база-ла шаг-уенин болгаш ниитилелдин сайзыралынын аайы-биле оскерлип, утка-шынар талазы-биле хогжуп, доктаамал чаартынар дээрзи чугаажок. Уе-шагнын агымы кажан-даа болуушкун  тоогунун кандыг-бир уезинде эртер, ол шуут тода эвес-даа болза, кызыгаарлыг. Уе-шагнын агымынын аайы-биле, чоннун чамдык ужур-чанчылдары уттундуруп азы шуут чидип, оскелери ниитилелде хулээп алдынган бижиттинмээн хоойлу-дурумнерге хамаарыштыр чаартынып, быжыгып доктаай бергилээр.Чээрби бирги вектин эгезинде кижилернин хой кезиинин сагыш-сеткили кедергей хоозуралга таварышкан, ылангыя аныктар колдуу ыдыкшылга, бузурле, сузуглел, томаарылга, кээргел деп чуулдерни уттуп чоруур.Сеткил  хоозураашкыны дег ындыг улуг каража, когарал,аар чидириг, оскундуруг чок. Сеткил байлаа- ортээ турбас эртине-дир!

   Амгы уеде дыка хой национал курунелер боттарынын шаандакы тоогулуг эрги аттарын, бурунгу огбелеринден дамчып келген ёзу-чанчылдарын  катап эгидип аныяк-оскенин мозу-шынарлыг кылдыр кижизидеринче улуг сагышты салып эгелээн. Бо ажылга ог-буленин салдары эн куштуг. Чуге дизе, бугу кижизидилге ог-буледен эгелээр. Кижи эн-не эгезинде ада-иезинден, эн чоок кижилеринден улегер алыр болгаш олар-биле арадлажып тургаш, амыдыралчы дуржулганы шингээдип алыр.А ада-иези, улуг огбелери-ажы-толунун угу-дозу болурндан ангыда, ургуларнын мозу-будужун хевирлеп. Оларнын угаан-медерелин сайзырадып, сос-домаан чечен-мерген болгаш чедингир кылдыр ооредир. Ыныдг турбуже бо хуннерде, ажыы-биле чугаалар болза, ургулар кижизидилгезинде ада-иенин киржилгези аргажок кошкаан. Сагыш-салыышкыны сулараан, ажы-толунун кижизидилгези дээш кандыг-даа ээ-харыысалга чуктевес апарган.Ынчангаш бо байдалды ундезини-биле чаартып, эде кору-чугула айтырыгларнын бирээзи.

   Чырык ортемчейде бойдустун бугу-ле чаяалгазынын аразында КИЖИ амытан- эн-не онзагай чаяалга. «Кижи амытан дээрге эн дээди, эн тода болгаш долузу-биле тондур хевирлетинген чаяалга болур» деп, сураглыг  педагог Ян Коменский бижээн. Ынчалза-даа, кижинин толу торуттунген дораан-на Ёзулуг кижизиг мозу-шынарлыг болбас. Кижиге деннээрге, оске бугу-ле дириг амытаннарнын ажы-толу торумелинден  ада-иезинин мозу-шынарларын барык долузу-биле дозээн болур.А кижи толунун кижизиг мозу-шынарын чугле оон хар-назынын барымдаалап торадыр. Моон алгаш коорге. Бир эвес кижи толу бодунун ёзулуг кижи деп дээди чаяалгазынга толептиг болур дизе, бодунун хар-назынынга дууштур чогуур аажы-чанныг, угаан-сарыылдыг, тодаргай сайзыралдыг болур ужурлуг-дур. Кандыг-даа кижинин мозу-будужунун нити сайзыралдын деннелин илередирде чугула коргузуглери: мага-бот, сагыш-сеткил, угаан-сарыыл.

    Шаандакы тывалар кижинин чырык черге чурттап эртер назынын Чеди-Хаан сылдыстарынга домейлеп, чеди онзагай кезектерге ангылап чораан. Этнограф-эртемден, тогу эртемнеринин доктору М.Б.Кенин-Лопсан:

 « Бурунгу тывалар кижинин чурттап эртер чеди назынын онзагай ангылап чораан.

1. Чаш назын: ол болза бир хардан уш харга чедир назын болур.Уш харга чедир чаш уругну аштатпас, донурбас, коргутпас болгаш иезинден чарбас турган.
2. Элээди уруглар: уштен он беш хар чедир назын болур. Беш харлыг кыс уруглар ошкуну саар.
3. Аныяктар:он алдыдан чээрби тос хар.
4. Ортун назын: уженден эгелээш дортен беш хар.
5. Улуг назын:дортен алдыдан алдан бир харга чедир назылыг кижилер. Тыва ёзуда ол назыннын кижилери бажы каткан, угаан кирген кижилер.
6. Кырганнар: алдан бирден сезен бир харга чедир.
7. Чонуур назын:ол дээрге сезен бир харны харлапалгаш,тыны узулгуже чурттаар назыннын кижилери болур.Чонуур назыннын кижилери бугу чонга кончуг хундуткелдиг…»

    Чаш назын- бо дээрге долгандыр турар делегейни, кижилер аразынга амыдыраарынын арга-дуржулгазын, кижиге толептиг мозу-будушту ооренип-шингээдип алырынын уези. Кандыг-даа кижиге назыннын чогум-на бо кезээ-ёзулуг кижизиг мозу-будушту бодунга хевирлээрин эн-не таарымчалыг уези болур.Бо ажылга ала-ие болгаш ниитизи-биле  ог-буле эн-не куштуг салдарлыг, эн-не улуг харыысалгалыг. Бир эвес чаш назынында кижи чогуур кижизидилгени албас болза, арткан назыныда амыдыралынче арай кыры-биле, шала халымак, кызыы коруштуг болуп артар.

   Кандыг-даа кижи, ону чырык ортемчейге чурттаар кылдыр чаяап бодараткан ада-иелиг.Ол ышкаш, кижи бодунун ада-иезин болгаш чоок доргул-торелин торумелинден дозеп салгаар.Торуттунер чаш кижи ада-иезинден оларнын чугле чамдык мозу-будужун, даштыкы хевир-шырайын дозеп алыр эвес, а харын-даа ажыл-ишчи мергежилдерин, аажы-чанынын онзагай шынарларын безин дозей берип болур.

   Тыва улустун: «Эге бенин кулуну семис, эки иенин толу эрес» деп улегер чугаазы торуттунер ажы-толунун мозу-будужунге ИЕ кижинин салдары эн куштуг дээрзин илереткен. Кижизидикчи йорээлдери, чалбарыышкыннары кайгамчык чылыг, ынакшылдыг сеткил долган: «Булут аразында ХУН кара чылыг, улус аразында ИЕ кара чымчак», «Уялыг  куш чанынган, ургулуг ИЕ кээргээчел». Ортемчейде ИЕ кижинин холдары дег, ындыг чылыг-чымчак холдар ккайда-даа чок!Бодунун чоок улустарынга:ада-иезинге болгаш акы-дунмаларынга ынак эвес, оларнын дугайында аарывас кижи- оске кижилерге сагыш-сеткилинден кажан-даа ёзулуг кичээнгейлиг болуп шыдавас. Сураглыг педагог В.А. Сухомлинскийнин чугаазы-биле алрга, шынаап-ла, бугу кижи торелгеттенге ынак болуру, эн-не чоок кижилеринге  ынак болурундан белен. Улусчу кижизидилгенин эгезинде Авага, Ие кижиге ынакшыл, чылыг сеткил турар. Ол ындыг болур ужурлуг-даа!

    Эртемденнернин чамдык шинчилелдерин ёзугаар алырга, кижи амытан торумелинден мага-боттун, сагыш-сеткилдин байлаан иезинден, а аажы-чаннын, угаан-медерелдин шынарларын адазындан дозеп алыр.

         «Кижи болуру чажындан, аът болуру кулундан» деп тыва улустун улегер дома бар. Чоннун бо мерген улугер домак-биле алырга, кижи бурузу чогум-на ЧАШ назын уезинде боуднун ёзулуг КИЖИ деп дээди чаяалгазынга толептиг мозу-будуштун таваан салып, ону бодунга хевирлеп алыр ужурлуг-дур. Чаш назын- долгандыр турар делегейни, кижилер аразынга амыдырап-чурттаарынын арга-дуржулгазын, кижиге толептиг аажы-чанны ооренип- шингээдип алырынын уези-дир.

   Кандыг-даа кижи ада-иезинин ачы-хавыязында чырык ортемчейге торуттунер, оларын ажаап карактаарынын ачызында доругуп, кижи болуп озуп келир. Ада-иезинин ачы-буяны-деннелге чок, кажан-даа эгиттинмес, ортээ турбас олчей-кежик!Ынчангаш кижи бурузу ада-иезинин сеткил-сагыжын хомудатпайн, оларга кезээде чугле хундуткелин, ачы-буяны дээш ооруп четтигенин илередип, кырый бээрге, аарып-аржыырга ажаап-карактаар хулээлгелиг. Бистин бурунгу огбелеривис ИЕ кижини бурган дижир чораан. Иезинин сеткилин хомудаткан тол-кирер чер тыппас. Ада-иезинин созундыннавас ажы-тол –чон аразынга таптыг чурттап шыдавас. Тываларнын  «тол багы-ог чуду, торел багы-аал чуду»дижири ханы утка долган.

    Уруглар кижизилгези иезинин иштинге тыптып келген уезинден 12 харга чедир оонге, ада-иезинин холунга, улустун хайгааралынга эртер ужурлуг. Кижизидилге ажылынын кол угланыышкыннары: куш-ажылга белеткээри, мозу-будужун сайзырадыры, угаан-медерелин делгемчилери. Кадыкшылын быжыглаары, чараш-шеврегин чуулдерни эскерип билиринге ооредири. Бо сорулганы чедип алырынын чогумчалыг аргалары: угаадыры, улегер-чижек болуру, коргузери, тайылбырлаары, дилээри, сумелээри,элдээртири, деткиири, когудери, чемелээри, хорууру. 12 харлапкан уруглар»кижи болуп», боудунун чонунун сагыыр ужурларын, ёзу-чанчылдарын, аажы-чаннын дурумнерин улуг улус дамчыштыр шингээдип алган, оларны боттары амыдыралга боттандырып чоруур ужурлуг.Бир эвес 12-13 харлыг кижи кандыг-бир эпчок чуве кылып, унген-кирген чонунга, эрткен-душкен улуска «бак карак» болупкан болза, ону  «мозузу бак» деп чемелээр. Ол дээрге «чогум бо таварылгада сен буруулуг эвес, а сени кижизиткен ада-иенин болгаш чоок торелдериннин багы ол-дур» дээн. Ынчангаш тываларнын «торел бакта чон ырак» дижири-даа чоп.

        Литература:

Алексей Тэвек «Чеди назын»