Проект "Алтан сэргэ". 2015г
статья

Выступление ученика по проекту «Алтан сэргэ» Сономовой Дулмы, ученицы 10 класса.

«Алтан сэргэ» гэжэ проектын хоёрдохи һалбари хадаа «Минии түрэл нютаг» гэжэ нэрэтэй. Энэ проект минии багша Гынденова Любовь Юрьевна 2015 ондо бэелүүлээ. Проектын гол зорилго: эдэбхи үүсхэл, арга боломжо элсүүлжэ, тоонто нютагаа, буряад арадайнгаа хэлэ, ёһо заншалнуудые шэнжэлэлгэ.

Задачануудынь:

- түүхэтэ хүшөөнүүдтэй, нангин шүтөөнэй газарнуудтай, нютагайнгаа түрүү зонтой танилсаха;

- ресурсна база бии болгохо;

- һурагшадые эрдэм шэнжэлгын ажалда хабаадуулга;

- ёһо гуримуудаа зүбөөр сахижа ябахые хүмүүжүүлгэ.

Проект дүүрэнээр бэелүүлхын тула иимэ ресурснууд хабаадуулагдаа:

- Аймагай номой сангай, Хориин аймагай хизаар ороноо шэнжэлэлгын музейн хүтэлбэрилэгшэдэй, Анаагай дасанай шэрээтэ болон бусад ламанарай хабаадалга;

- бюджетһээ гадуур (спонсорнуудай, түрэлхидэй) мүнгэ һомололго.

Энэ проектын түсэбэй ёһоор элдэб олон хэмжээ ябуулганууд, шэнжэлэлгын ажал ябуулагдаһан байна. Харин бии тобшохоноор нэгэ хэдэн аяншалганууд болон уулзалганууд тухай хөөрэхэм. Анаагай дасан аяншалхадамнай, Дондок лама бидэниие хайшан гэжэ дасан соо бэеэ барижа ябаха еһотойб, зүбөөр Бурхандаа зальбаржа ябахые, гороо хэхэдээ юун тухай һанажа, ямар маани уншахаб гэжэ һургаа. Үшөө манда Анаагай дасанай түүхэ тухай ехэ һонирхолтойгоор хөөрэжэ үгөө. Олон юумэ мэдэхэ болообди.

Бидэ шүтөөнэй газарнуудай нэгэн болохо Наран хадын субарга хүрэтэр аяншалһан байнабди. Нэгэ үдэрэй аяншалгамнай бидэндэ бүхы наһанай мэдэсэ болон ухаандамнай үлөө. Хүн бүхэндэ өөрын үнгэтэй хии морин байдаг, тэрэнээ зүб зүг тээшэнь хиидхүүлхэ ёһотой, орооһо сасажа, бурхадтаа зүбөөр зальбарха хэрэгтэй гэжэ мэдэхэ болообди.

Музей ошоходомнай, хүтэлбэрилэгшэнь ехэ һонин экскурси үнгэргөө. Советскэ Союзай Геройнууд тухай, гурбан зуун жэлэй саана Хориин делегаци Петр хаанда Санкт-Петербург зорижо ошоһон тухай  хөөрэжэ үгөө. Буряадуудай урданай ажабайдал тухай мэдэхэ болообди, олон гэгшын экспонадуудые хараабди.

Гармаева Татьяна Филипповнатай уулзалга бидэндэ ехэ һайшаагдаа. Энэ хадаа соёл болбосоролой габьяата хүдэлмэрилэгшэ, уран зохёолшо, хизаар ороноо шэнжэлэлгын ажал ябуулагша. «О чем поведал старый тракт» гэһэн номоороо гайхамшагта хөөрөө үнгэргөө, элдэб һонин материалнуудые харуулаа.

Ямар үрэ дүн туйлагдаа гээшэб гэхэдэ иимэ:

- «Минии түрэл нютаг» гэһэн презентацинууд;

- отчётно хэмжээ ябуулга;

- һурагшадай докладууд.