Башҡорт теле дәрестәрендә интерактив методтар ҡулланыу. Семинар.
методическая разработка

Һаумыһығыҙ, хөрмәтле коллегалар!

Мин Сәмиғуллина Миләүшә Рәфәүиҙ ҡыҙы 12-се мәктәптең башҡорт теле һәм әҙәбиәте уҡытыусыһы.

Яңы уҡытыу формалары, шул иҫәптән дистанцион уҡытыу бөгөнгө көндә популярлыҡ алды. Һуңғы йылдарҙа бар доньяны шаулатҡан пандемия ҡыҫҡа ваҡыт эсендә дистанцион уҡытыу термины менән олоһон  да кесеһен  дә күҙмә – күҙ осраштырҙы.

Бөгөнгө сығышымда минһеҙгә гугл-формаһын нисек итеп ҡулланып дистанцион форматта эшләп булыуы тураһында һәйлөп үтәрмен.

Мин был эш төрөн үҙемдең практикамда ошо аҙнала дистанцион уҡыу ваҡытында дүртенсе кластар менән эшләгәндә ҡуллана башланым. Был эш төрөн балалар өсөн өй эше итеп алдым. Гугл-формаһында эшләр өсөн иң мөһиме- интернет селтәре, һәм электрон почта булыу.

Нисек итеп эште башҡарабыҙ?

Беренсенән,Гугл формаһына инәбеҙ.

Создать тигән кнопкаға баҫабыҙ.

Артабан Создать пустую форму тигән шаҡмаҡ сыға. Уны асабыҙ.

Унда эштең темаһын яҙып ҡуябыҙ. Тесты по башкирскому языку для 4 классов тип. Шунан 1һанын ҡуеп беренсе һорауҙы яҙабыҙ һәм бернисә яуап тәҡдим итәбеҙ  ( А Б В Г). Бары тик 1 генә дөрөҫ яуапты һайлап алырға кәрәк буласаҡ. Һәр дөрөҫ яуапҡа 1 балл куйҙым .Мөмкин 2, 3 һәм башҡаса итеп балдар куйыу. Шулай итеп мин 10 һорау төҙөнөм.

Мәҫәлән,ҡайһы төркөмдә һүҙҙәрҙә Ҡ хәрефе төшөп ҡалған, Рус телндә бирелгән һөйләмде башҡорт теленә тәржемә ит, һөйләмдә ниндәй миҙгел тураһында һүҙ бара, ҡайһы һүҙ артыҡ  һәм башҡа төрлө. Һорауҙарҙы үтелгән темаларға ҡарап ҡына төзөйбеҙ.   Дөрөҫ яуапты һайлап алырға кәрәк буласаҡ.

Балаларға кластың ватсап төркөмөнә ошо эшкә ссылканы ебәрәм.Был уларға икенсе аҙнаға өй эше булды. Тесты эшләп бөткәс балалар аҫтағы отправить тигән кнопкаға баҫалар һәм шул уҡ ваҡытта унда үҙҙәре башҡарған эшкә нисә балл йыйғандарын күрә алалар һәм уҡытыусыға электрон почтаға йәғни ватсапҡа скриншот эшләп тә ебәрә алалар. Балалар эште яратып башҡарҙы тип уйлайым, сөнки тиҙ арала күбеһе инде эшләп тә ебәрҙе. Эштәр 4 һәм 5 билдәләренә эшләнгән.Хаталар күп түгел.

Бындай эш уҡытыусының эшен еңеләйтә. Оҙаҡ ваҡыт тикшереп ултырырға кәрәкмәй.Балдарға карап билдәләр генә ҡуярға кәрәк буласаҡ.Балаларға ла бындай формалағы өй эше бик оҡшаны.

Нисек итеп баһа ҡуябыҙ?

Бөтәһе бергә 10 һорау ине. 1 дөрөҫ яуапҡа 1 бал бирелде.

Шулай итеп эш

9-10 бал йыйһа  – 5ле

7-8 бал-4ле

5-6 бал 3 билдәләре ҡуябыҙ.

Ошо гугл формаһында эшләүемде мин алға табан дауам итәсәкмен. Башҡа класс уҡыусылары менән дә киләсәктә шундай ҡыҙыҡлы эш төрләре башҡарып ҡарарбыҙ тип уйлайым.

Иғтибарығыҙ өсөн ҙур рәхмәт. Һаубулығыҙ!