Тақырыптық-күнтізбелік жоспар 3-сынып
календарно-тематическое планирование на тему

Түсінік хат

  Қазақстан Республикасының  Білім және Ғылым Министрінің 2013 жылғы  27 қарашадағы  № 471  бұйрығына  сәйкес

қазақ тілінен 3 сыныптың   сағат санының өзгеруіне байланысты күнтізбелік-тақырыптық жоспарына  өзгертулер енгізілді. Осы  бұйрыққа сәйкес қазақ тілі аптасына 4 сағат жүргізіледі. Оқулық авторлары: А.Қайырбекова.  Алматы «Атамұра» баспасы  2014 жыл.

  3-сыныпқа арналған күнтізбелік-тақырыптық жоспар Қазақстан Республикасы Білім және Ғылым министрлігінің 2013 жылғы 03.04. №115 бұйрығымен бекітілген  оқыту қазақ тілінде емес жалпы  білім беретін  мектептің 1- 4 сыныптарына арналған оқу бағдарламасына (Астана 2014) және «Атамұра»  баспасы шығарған оқулыққа сүйеніп жасалды. Оқу орыс тілінде жүретін мектептерде егеменді еліміздің мемлекеттік тілі – қазақ тілін оқыту өмірлік зор маңызға ие болып отыр. 

Пәнді оқыту мақсаты – қарапайым және негізгі (негізгі деңгейдің алғашқы игерімі) деңгей бойынша қазақ тілін қатысымдық тұрғыдан меңгерту; сөйлесім әрекетінің түрлеріне сай оқушыны тілдік білім негізінде түсінікті сөйлеуге, сауатты жазуға үйрету.

 Оқыту міндеттері:

1) оқушыларға сөйлесім әрекетінің түрлерін күнделікті қарым-қатынас деңгейінде меңгерту;

2) оқушылардың тілдік дағдысы мен білігін дамыту;

3) қарым-қатынас әдебінің қарапайым нормаларын меңгерту:

4) ойын жағдаяттарында қазақ тілін қолдану арқылы оқушыларды жаңа әлеуметтік тәжірибеге қатыстыру;

5) оқушыны сөйлесімдік қарым-қатынастың жаңа тәсілдеріне (қазақ тіліндегі), қазақ халқының мәдениетіне, ұлттық-мәдени сөйлесім ерекшелігіне баулу;

6) оқушылардың оқу білігін, шынайы өмірлік жағдаяттарда алған тілдік білімдерін шығармашылықпен пайдалануға дайын болу білігін қалыптастыру;
      7) оқушыларды қазақ халқының балаларға арналған әндермен, тақпақтармен және ертегілермен, фольклормен, ойындармен таныстыру;

8) оқушылардың қазақ тіліне қызығушылығын дамыту, қазақ еліне, мемлекеттік тілге деген құрмет сезімін тәрбиелеу.

       Бағдарламаның мақсатын іске асыру жолдары:

1.     Дыбыс, буын, сөз, сөйлем туралы ұғымдарды біртіндеп меңгерту.

2.     Сөз құрап тұрған дыбыстарды, дауысты, дауыссыз, жуан, жіңішке, ашық, қысаң болып бөлінетінін тиісті көрнекілік, ойын-жаттығуларын орындату арқылы меңгерту.

3.     Үлестірмелі карточкаларды қолданып сөйлем, сөз, буын құрату.

4.     Оқушыларды әдептілікке, адамгершілікке тәрбиелеу, туған еліне, Отанға деген сүйіспеншілікке баулу.

І тоқсан – 36 сағат

ІІ тоқсан – 28 сағат

           ІІІ  тоқсан – 40 сағат

           ІV  тоқсан – 32 сағат