Классный час
классный час по географии на тему

Байыр-оол.А.К,

Класс шагы "Аът-кижинин оннуу."

Сорулгазы: 

-  тыва кижинин амыдыралында аът кижинин оннуу дээрзин  билиндирер;

- оореникчилернин аът дугайында билиин быжыглап, сайзырадыр;

- аътка камныг болурунга  кижизидер, аътты мунуп тура бодунун айыыл чок болурун  ооредир.

Дерилгези:

1. тыва улустун улегер домактары;

2. хогжумнуг каасталга;

3. аъттын  он-чузунун коргускен  слайдылар.

Чорудуу.

"Эки аътка ээ хой, эки кижээ  эш хой"-деп огбелернин бо улегер созу ханы уткалыг. Бурунгу турк уезинден бээр кошкун чоннар аъттын дузазы-биле ажыл-агыйын кылып, ынай-бээр кожуп, ырак-чоок чоруун кылып, аалдар аразынга аргыжып, аннап-меннеп, дайылдажып-даа чораан. Ынчангаш бурунгу огбелеривис аътты онзагай унелээр , ол назыдап кырааш ужуп каарга безин, оон бажын черге кагбас , ыяшка азып каар чораан.

  Хартыга дег кашпагай, угаанныг болгаш узак чоруктуг аъттын овур-хевирин тывалар боттарынын маадырлыг  тоолдарында, улегер домактарында , чечен состеринде , ырларында, тывызыктарында монгежидип каан.     

           Тывызык                                                                    

                  Соонда салбактыг, согун дег сынныг

                  Сыын дег манныг, шыдалы магалыг.

                  Чул ол? (аът).

      Ада-огбелеривистин аът дугайында чамдык улегер состерин сактып корээлинер. Мен эгезин чугаалаарымга, силер тондурер силер.

1. Ада чокта- эш чок, аът чокта..............-бут чок.

2. Аъттыгда- амыр,  адалыгда-............... чоргаар.

3. Аът олур- баглаажы артар,   ада олур-...... оглу артар.

4. Аътты баглап ооредир, аныяан .......сургап ооредир.

5. Ада турда- чон таныыр,  аъды турда........-чер коор.

6. Чадаг чорба- аъттыг чору,  чааскаан чорба,.... эштиг чору.

7.Эки аътка  ээ  хой, эки  кижээ ............. эш  хой.

-Тыва улус шаандан тура  аъдынга  аажок  ынак, ону  шын  ажаап карактаар ,  хырнын  аштатпас  чораан.

Ол дугайын дараазында кожамыктардан коруп болур.

Ыры   "Донен-Шилги".

  Тес-Хем кожууннун  хамаатызы Санданмаа   "Эзир -Кара" деп чугурук аъттыг  турган.  Ол мынчаар ырлагылаар турган:

Эрзин-Тестин , Тере-Холдун

 Ээзи болган Санданмаа мен.

"Эзир-Карам" эрес боорга

          Эрим хайныр Санданмаа мен.

"Эзир-Кара"  Наадымнарга чугурук аъттар аразынга эртерге -

1936 чылда-"Хартыга-Кара" ,

 1937 чылда эртерге- "Эзир-Кара",

1938 чылда эртерге- "Хулук-Кара"  

деп алдарлыг шолаларны тывыскылаан.

Ынчалза-даа ол уенин чону ону Эзир-Кара дишпишаан турган.

Аъттын ээзи Соян Санданмаанын хоренгизин 1939 чылда хавыргаш, "контр" деп нугулдээш, актыг черге адып каан. Ол-ла чылын" Эзир-Караны" наадымга чарыштырар дээш белеткеп турда штаб начальниги "Эзир-Караны" чарыштырарга бо уедеги политикага таарышпас, контр Санданмаанын аъды деп чувени чон билир  дээш чарыштырбайн турган.

Ам "Эзир-Кара"-деп  ырны дыннаалынар.

Ыры "Эзир-Кара".

  Чылгы малдын назыны:

1 Чаа торуттунген  малды чуу дээрил?      (кулун).

2. Богба деп чул?-        1 харлыг  мал

3. Чаваа-         2 харлыг  мал

4. Донен-       3 харлыг мал

3  харлыындан ынай мунар аът  апаар.

Айтырыглар:

1) Торуур кыс малды чуу дээрил?                  (бе).

2) Кызырак деп чул?........        (назыны 3 харлыг, бир дугаар  торуур мал).

кызырак   доненде  торуур.  оон  ынай  кулуннуг  бе  дээр.

3)Аът дээрге кандыг малды  ынча  дээрил?            (чазап каан эр мал, мунар аът).

4) Кыжаалан- ...............дижин дужуруп чоруур чаваа мал

5) Карангы чалыы.............- 5-тен 8 хар чедир эр аът, холге аъды.

6) Соок диш........- назыны 9  азы 10 хар чеде берген  болгаш кырып бар чоруур аът.

7) Дижи улчуя берген...........- эъди шуурелип, кырый берген аът.

8) Аскыр...............-чазаваан эр мал.

Айтырыг.

- Аъттын он чузуну кандыг болгулаарыл?

(ак, кара, мелдер, доруг, шилги, шавыдар, кула, хоор, кыр, шокар, сарала, карала, дорала, бора, сарыг, калдар-кара, калдар-доруг, кызыл-доруг, хурен-шилги дээш оон-даа оске).

Слайдыны  коор.                                          

Айтырыг.

- Аъттын дериг-херекселдерин адап корунерем.

эзер,  чонак,  чуген, суглук, эзенги, узун  тын  дээш  оон-даа  оске.

Торепче- малды мунуп тура тепсенирге, демир эзенги , идик малдын ээгизинге аарышкылыг  болбазын дээш кылыр.

Дерлик- малдын дери чонакка синмезин дээш, кургадып алырда белен болзун дээш кылыр.

Кудурга, хендирге- дош, кудургай черлерге аътты мунуп чорда , эзер бажынче чылбазын  азы сонгаар сывырылбазын дээш  кылган эзернин немелде кезектери.

Аът кужу чуге денил?

Жигули деп машина 60 аът куштуг , херек кырында ол 20 тонна чуъкту турган черинден-даа  шимчедип шыдавас, а  чангыс аът  бодунун кужу-биле  20 тонна чуъкту соортуп алгаш, дурген кылаштап чоруй барып шыдаар.

Бо  2014 чыл аът чылы деп шупту билир болгай бис.

Аът чылында оът-сиген,  тараа быдаа эки унер. Аът ышкаш ажылчын-кежээ кижилер  бо чылын олча-омактыг  болур, эки чыл деп турар.

Аът чылында торуттунген улустарнын будужу:  белен ундаравас, аажы-чаны омак-сергек, угаан -бодалы ханы, харын-даа оттур коор шынарларлыг, кылган ажылынга харыысалгалыг.

Ол дээрге 1930, 1942, 1966, 1978, 1990, 2002, 2014 чылда  торуттунген улустар  болур.

Туннел.

Айтырыг:  Аъттын  кижиге ужур-дузазы кандыгыл?

1)Тывалар шаандан бээр аъттын эъдин, чаан  чип чораан, аът эъди эм боор.

2) бенин судун ижип чорааннар. Белерни 15 харлыынга чедир саар. 15 хардан ашкан бе кырый берген боор.  Бени хунде 5 катап саар. Бир саарга-ла 3 литр хире сутту бээр.  Бени саарда солагай талазындан саар.

Айтырыг:

 Бе судунден кылыр чемнин ады чул?...... хымыс.

3) Хымыстын ужур-дузазы. Ол ижин - баар  органнарын  арыглаар,  эм болур.

4) Чугурук аъттын чел, кудуруунун хылы -биле тыва хогжум херекселдерин хылдап аарга эткир боор.

Ол  дугайында мынча деп ырлап турар:

Ала бенин кудуруундан

 Хылдап алган допшулуурум

Аргалыктын ыяжындан

Чазап алган допшулуурум - деп ырлажыр болгай.

Аъттын ужур-дузазы кайгамчык:

-  Аът -биле чуък соортур. шанактаар, тергелээр.

-  Аъттын дузазы-биле чер чарар, сиген кезер дээш оон-даа оске.

Шанактаптар, тергелептер

Шаап мунар, чортуп мунар.

Артка, сынга тура душпес

Аът малым эки-ле ийин-

деп бичии уругларнын шулуу безин бар болгай.

 Амгы уеде дыка хой улустар  чугурук  аъттарны  остуруп турар болгай. Аът чарыштары бооп турар.

Айтырыг.

- Соолгу  чылдарда бистин  кожуундан  силернин билиринер кымнарнын аъттары эртип турарыл?  Адап корунерем.

Оореникчилернин харыылары:

Ыры"Аъдым"

Туннел:  Моон -биле клазывыс  шагы тонуп тур. Бо 2014 аът чылында хей аъдынар улам бедик болзун.