Концерт программасы
материал по теме

Тел-күнел көзгесе.

Сәхнәгә ике алып баручы чыга.

1а.б. Исәнмесез, кадерле әти-әниләр, укытучылар, килгән кунаклар. Сезнең игътибарга 8 класс укучылары көче белән әзерләнгән “Тел-күңел көзгесе” дип исемләнгән  концертыбызны башлыйбыз.

2а.б.  “Иң татлы тел- туган тел, анаң сөйләп торган тел”-ди халык.Безнең туган телебез – татар теле. Тугач та  иң газиз кешеңнән ишетә башлаган, күп гасырлык тарихы булган, теләсә нинди катлаулы фәнне өйрәнергә мөмкинлеге булган, иң авыр кимсетүләргә дә түзгән, сынмаган-сыгылмаган, баш имәгән горур татар теле.

1 а.б. Кемнәр генә сина  сокланмаган һәм мактау җырламаган?! Кемнәр генә синең ярдәмеңдә дөньяны танып белмәгән һәм үзенең уй-хисләрен башкаларга сөйләмәгән икән?

2 а.б. И минем җандай кадерле,

          И җылы, тере телем!

          Кайгылар теле түгел син,

          Шатлыгым теле бүген.

Тик синең ярдәм белән мин,

Тик синең сүзләр белән

Уйларын йөрәккәемнең

Дөньяга әйтә беләм. (сәхнә артыннан)

1 а.б. Татар халкы элек-электән бердәм, эшчән, булдыклы булуы белән аерылып  торган. Кызлар аулак өйләрдә егетләренә атап кулъяулыклар, кич утырып бирнәгә сөлге чиккәннәр. Чигелгән сөлге – татар милләтенең йөзен күрсәткән. Безнең  класстагы кызларыбыз да уңган, чибәр булулары белән аерылып торалар. Кызларыбыз башкаруында  “Сөлге биюе”.

2 а.б.  Туган тел. Һәркем өчен дә газиз бу сүз. Чөнки иң кадерле, бернәрсә белән дә алыштырылмый торган “әти”, “әни”, “әби”, “бабай” сүзләрен башлап туган телдә әйтәбез. Туган-үскән ил  –  җирнең   якынлыгын, Ватанның газизлеген без әүвәл туган тел ярдәмендә тойганбыз. Сәнгать әһелләренең  матур-матур шигырьләрен  ятлап әле дә куанабыз. нәфис сүз.

1 а.б.  Үз ана телем – минем өчен матур, иң тәмле тел,

           Үз телем – үз әйберем булган өчен ярата күңел.

           Шул ана теле белән мин максатымны аңлатам,

           Шул ана теле белән “балам” диләр ата-анам.

           Әле дә шул тел белән укыйм, язам һәм сөйләшәм,

           Шул татар теле белән көйлим берәр көй көйләсәм.

Сәхнәбез түрендә “Егетләр  ансамбле” башкаруында “Бер егет гармун сайлый” җыры.

2 а.б. Тел -  халыкның горурлыгы,

Яшәве һәм барлыгы.

Чиксез кыйммәтле хәзинә

Аның рухи байлыгы.

Тел кайгыны уртаклаша,

Куандыра, хуш итә.

Йөрәкләрне кавыштыра,

Кешеләрне дус итә.

1 а.б. Безнең классыбыз кызлары да дус, тату һәм бердәм.

Җырлыйбыз да, биибез дә,

Көлешәбез дә.

Җырласак та, биесәк тә,

Килешә безгә.

Сәхнәдә “заманча” бию.

2 а.б. Күзләремне ачты минем,

          Иркәләде үз телем.

          Үз телем яктыртты юлны,

          Үз телем бирде белем.

1 а.б. Сандугач язын сагынып,

Кайтса да туган илен,

Үз көен онытса әгәр,

Аны тыңламас идем.

Сәхнәдә классыбыз сандугычы 2 а.б. Туган телнең серләренә, матурлыгына, байлыгына төшенү өчен, иң  беренче чиратта аның сүзлек байлыгын белү зарур.

1 а.б. Әйе, нинди генә сүзләр юк! Нәфисләре бар, күңелсезләре. Мөләемнары күп, ачулылары. Бер уйласаң, сүзләр җанлы кебек. Хәтта кеше кебек алар: берсе ачык йөзле, берсе шыксыз чырайлы. Ә безнең сәхнә геройларыбыз ничегрәк сөйләшә икән? Тыңлап үтик әле. Сәхнәдә скетч: “шахматист”.

2 а.б. Ак алъяпкыч бәйләсәләр

          Өзлеп тора кызлар биле.

          Кызлар кебек шат чырайлы,

          Ачык йөзле татар теле.

1 а.б.  Туган илкәй...

           Бу исемдә язгы таңнар,

           Бу исемдә җанга рәхәт татлы моң бар.

           Бу исемдә киләчәгем һәм үткәнем,

          Туган халкым, туган илем

          Туган телем.

2 а.б. Кызлар бездә уңган, булган,

          Алардан сибеләдер нур.

          Барсына да өлгерүче,

          Ачык йөзле, шат күңелле

          Классташыбыз Гөлнур.

 “ татар халык ”биюе.

1 а.б. Туган телдә сөйлибез без,

          Туган телдә серебез.

          Шушы телдә күңел ачып,

          Җырлап йөргән чагыбыз.

Сәхнәбез түрендә “яшьсөйгән ярым” җыры белән  Хадиева Фирүзә.

 2 а.б. Классташыбыз Шарипова Гөлнур күп кенә шигырьләр иҗат итә. Аның  “Көмеш кыңгырау” газетасында күп кенә шигырьләре басылып чыкты. Сезнең игътибарыгызга Гөлнурның берничә шигырен тәкъдим итәбез.

 1 а.б.  Биючегә, дуслар, канат кирәк,

            Биючегә, дуслар, хис кирәк,

            Биючегә ярсу йөрәк кирәк

           Сылу гәүдә, ачык йөз кирәк.

Сәхнәдә кызлар башкаруында “ заманча” бию.

2 а.б. Халкым бер тумыш көнендә дә

          Тукаен онытмады.

          Без – “ Туган тел” дән туганнар,

         Без – Тукай оныклары.

Нәфис сүз

1 а.б.  Милли  тел – милләт яшәешенең нигезе ул. Кеше һава  суламыйча яши алмаган кебек, милләт тә телсез яши алмый.

2 а.б. Татар халкынаң үз милли йөзе бар. Милли йолалары, гореф-гадәтләре яшәп килә. Шулай ук бар халыкны шаккаттырырлык милли биюе бар.

1 а.б. Сәхнәбез түрендә татар халык биюе. 

2 а.б. Коллектив башкаруында җыр “И туган тел”

1 а.б.  Туган теле булган халыкның туган җире бар. Туган җиреннән аерылган  халык теленнән дә аерыла. Татар халкы кайларда гына яшәсә дә, туган телен, туган илен саклап калырга омтылган. Балаларын, нәсел-нәсәбәсен дә шушы юнәлештә тәрбияләгән.

2 а.б. Син исән булсан,

          Халкым да яшәр.

          И туган телем,

          Үс һаман, яшәр.

1 а.б. Шушының белән әзерләнгән концертыбыз ахырына да якынлашты. Игътибарыгыз көчле алкышларыгыз өчен зур рәхмәт.

2 а.б. Киләсе очрашуларга кадәр сау булыгыз.