Сказка "Репэ" на бурятском языке (собственный перевод"
творческая работа учащихся (2 класс) на тему

Репэ

Хабаадагша нюур:

Yбгэн аба

Хγгшэн эжы

Аша басаган

Жучка

Хөөшхэ

Хулгана

Хөөрэгшэ нюур

Хөөрэгшэ нюур:

Хабартаа Мухомор нютагта

Хγхэрэн сэсэгγγд hалбардаг.

Хуушан бγдγγн модон

Хаяа хадхан ургадаг.

Шэдитэ юумэн олон даа –

Шадалаараа огород малтадаг,

Шиираг хγнγγд хγнэгөөр уhа

Шааятар гоожуулан зөөдэг

Хулуудаг юм ха бог шоройгоо

Хулгайшадынь арга шадалаараа…

Хаана юм даа, тэрэ Мухоморынь

Хаарта дээрэ бэдэрхэ гээшэнь

Хулпаае hγγлhээнь татаhандал.

Харин эндэш миинтээр

Хахадшье хашарhан олдохогγйл.

Yбгэн аба гэрhээ хγрзэ абажа гараад, огороодоо малтажа эхилнэ.

Yбгэн аба:        

  Ай, ямар гай тодхор гээшэб

Огород соомнай халаахай.

Яндан ямаагаа γнгэрhэн жэл

Яахадаа эндээ оруулаагуйбииб!

Энээхэн газараа малтанаб шадалаараа

Эндэнь юушье тарихаяа ойлгоногγйб.

Сонхоор аша басаган шагаана

Аша басаган:

Yбгэн аба, сэсэгγγдые таряарай!

Yбгэн аба тархяа hэжэрнэ.

Yбгэн аба:

Сэсэгγγдые арайл эдихэгγй байхаш!

Аша басаган саашаа ороно, хγгшэн эжы сонхоор шагаана.

Хγгшэн эжы:

Хартаабха тарилши тэндээ, γбгэжөөл

Хажуудань багаханаар морхооб hуулгаарай.

Хγгшэн саашаа ороно, сонходо аша басаган бии болоно.

Аша басаган:

Yбгэн аба! Спаржа hуулга!

Yбгэн:

 Yгы, репэ тарибал дээрэ.

Yбгэн газар руу γрhэ хаяна.

Yбгэн:

Бидэш энээхэндээ дуратайбди.

Шаранабди, хатаанабди, шананабди!

Хэдэн зуун жэл соо

Хоол хэнэбди бултадаа.

Гэрhээ хγгшэн гаража, репэ уhална. Репэ аалиханаар газарhаа бултайжа эхилнэ. Гансал эшэнь харагдана.

Хγгшэн :

Алтан наран шангаар шара,

Огторгойдо хγрэтэр репэ урга.

Тэбэрижэ хγрэшэгγй бγдγγн боло

Тооложо барашагγй γндэр боло.

Аша басаган гарана.

Аша басаган:

Ай, харыт, репэмнай ургажа байнал.

Yбгэн:

Аша басаган, багахан хγлеэе.

Аадар бороо садатарнь уhалаг.

Арюйхан наран элшээрээ шараг.

Алтан намартаа эдеэшэхэл.

Yбгэн гэртээ ороно, аша басаган репэеэ харана.

Аша басаган:

Ямаршье γни хγлеэгдэхэ юм даа

Яhалашье шоройлхо, уhалха болохол.

hаяхана зγγдэндээ хараалби репыетнай

hаглагар нарhанда ургажа hуухыень.

hγγлээрнь шэдитэ хасууриин дэргэдэ

hγγзэгэр шононууд шандагадые суглуулаа.

hайн hанаhан хγндээ

hайхан хасуури харуулхаб.

Хγгшэн аша басагн хоер гэртээ ороно. Репэ ургажал hууна.

Хөөрэгшэ нюур:

Yдын хоол баримсаараа,

Yбгэн репэдээ яаран ерэбэ.

Репэ бγхэлеэрээ гарашаба. Сонхоор γбгэн харана.

Хөөрэгшэ нюур:

Хитадай хана шэнгеэр репэнь

hара дээрэhээшье харагданал.

Yбгэн гэрhээ гγйжэ гараад, репэеэ тойроод ябана.

Yбгэн: (бодолгото болон)

Yрэжэлтэйл ха энэ жэл

Ургаха гээшэнь, гайхалтайл!

Хада шэнги болошоогγй дээрэнь

hугалжа хаяхаар болоол ха.

Yбгэн репэдэ дγтэлжэ, эшэhээнь баряад, татана. Репэ хγдэлнэшьегγй.

Yбгэн:

Хγгшэржэ наhандаа hулараа гээшэб,

Хγшөөрөөл татанаб, тоолхогγй!

Наhатай болоходо γбшэн олон

Нюрганайм γбдэхэ гээшэнь аргагγй!

Хγгшэн!

Хγгшэн сонходо бии болоно.

Хγгшэн:

Юун болооб?

Yбгэн:

Хайрлажа намайгаа туhалыш даа.

Хγгшэн: (hанаа алдана)

Ажахыдамнай мориной γгынь, харамтай.

Yбгэн:

Зай, намhаа барилса.

Хγгшэн гэрhээ гаража, γбгэнhөө барилсана. Хоюйлан репэеэ татана, иишээ тиишээ хэлтэлзэнэд.

Yбгэн хγгшэн хоер: (хоюулаа)

Татанабди хоюулаа, татанабди эбтэйгээр!

Татажа гаргаха хэрэгтэй репэеэ!

Газарhаа бγ аhалда, репэ,

Гаража мандаа харагда!

Репэ хγдэлнэгγй. Yбгэн хγгшэн хоер татажал байна.

Хγгшэн:

Хаха татахамнай гэдэhэеэ!

Хоюулан хγшэ хγрхэгγйбди!

Yбгэн:

Туhалагша манда хэрэгтэй!

Yбгэн хγгшэн хоер: (хоюулаа)

Аша басаган!

Аша басаган сонходо бии болоно.

Аша басаган:

Юун бэ, баhа? (гэрhээ гаража ерэнэ)

Yбгэн:

Yтэр наашаа гγйжэ ерэ,

Yбгэн хγгшэн хоерто туhала.

Аша басаган хγгшэнhөө барилсана, булта репэеэ татажа γзэнэ.

Yбгэн, хγгшэн, аша басаган (булта):

Татанабди бултаа, татанабди эбтэйгээр

Татажа гаргаха хэрэгтэй репэеэ.

Газарhаа бγ аhалда, репэ,

Гаража мандаа харагда!

Репэ хγдэлнэгγй.

Хөөрэгшэ нюур:

Хγдэлнэшьегγй репэнь

Хγрьhэндөө гараараа аhалдаад,

Хγнγγдэй хоол болонхоор,

Хγйтэн газартаа hууhаниинь дээрэл.

Yбгэн, хγгшэн, аша басаган (булта):

Жучка!

Жучка нохой гγйжэ ерэнэ.

Жучка:

Гав! Гав! Гав! Гγйнэб!

Мγнөө тандаа туhалхаб!

Жучка аша басаганhаа барилсан, булта репэеэ татажа γзэнэ.

Yбгэн, хγгшэн, аша басаган, Жучка (булта):

Татанабди бултаа, татанабдиэбтэйгээр

Татажа гаргаха хэрэгтэй репэеэ.

Газарhаа бγ аhалда, репэ,

Гаража мандаа харагда!

Репэ хγдэлнэгγй.

Хγгшэн:

Дγрбγγлээшье гаргажа шадахагγйбди!

Yбгэн:

Магад hγхөөр дээрэ гγ?

Жучка:

Хγлеэ, γбгэн, нэгэ заа

Хөөшхэеэ дуудажа γзэе.

Yбгэн, хγгшэн, аша басаган, Жучка (булта):

Хөөшхэ!

Гэрhээ хөөшхэ гγйжэ ерэнэ.

Хөөшхэ:

Мяу! Би гγйнэб!

Мэнэ тандаа туhалхаб!

Хөөшхэ нохойhоо барилсана, булта репэеэ татажа γзэнэ.

Yбгэн, хγгшэн, аша басаган, Жучка, хөөшхэ(булта):

Татанабди бултаа, татанабди эбтэйгээр

Татажа гаргаха хэрэгтэй репэеэ.

Газарhаа бγ аhалда, репэ,

Гаража мандаа харагда!

Репэ хγдэлнэгγй.

Хγгшэн:

Табуулаашье татажа диилэхэгγйбди!

Аша басаган:

Халуун уhаар уhалжархие!

Жучка:

Зγйтэй юумэ хэлэнэ хаш.

Хөөшхэ:

Эндээ тиигээд эдижэрхие!

Yбгэн: (сγхэрэнгеэр)

Юушье хэ, миин лэ hалаха юм ха!

Хγгшэн:

Хаанаhаа баатарые олохомнай гээшэб!

Гэрhээ хулгана гγйжэ гарана.

Хулгана:

Пип! Би таанартаа гγйжэ ябанаб.

Бγ гашуудагты, битнай туhалхаб!

Хулагана хөөшхэhөө барилсана, бултарепэеэ татана.

Булта:

Татанабди бултаа, татанабди эбтэйгээр

Татажа гаргаха хэрэгтэй репэеэ.

Газарhаа бγ аhалда, репэ,

Гаража мандаа харагда!

Репэ газарhаа hугаржа, булта унашана.

Хөөрэгшэ нюур:

Бултадаа хамта газарта унашабал

Булай томо репэ гарашабал.

Баглажа хэлэбэл дγшэн пγγд болохол!

Хулганын ажал миин hалаагγй гээшэл!

Булта гар гараа барисалдан, репэеэ тойроод хатарна.

Булта:

Ажалша арад ерэгты наашаа,

Ажаглан харагты, манай огород.

Шэдитэ репыемнай гайхан харагты!

Шадал соогоо мантай сэнгэгты!

Булта дуулажа, хатарна.

Булта хγхюун hуунабди

Хγгшэнтэй γбгэнтэй

Бултанда hуури хγртэхэл

Yдын хоолдо

Ерэхэ шэнэ жэлдэ

Бидэ бултадаа

Дахин репэ тарихабди

Энэл газартаа.

Yбгэн:

Бидэ таанартаа онтохо харуулаабди.

Хγгшэн:

Тайзан дээрэhээ буухамнай.

Тиибэшье манда зγбшөөгыт

Тарахынгаа урда тээ.

Аша басаган:

Таанартаа хγхюу дуунуудые дуулахамнай.

Частушки

Онтохо тандаа харуулаабди

Одоошье эсэсынь ерэбэ.

Yбгэн тухай, репэ тухай

Yнэн шагнаhан хγншье

Yгын hайнаар магтанабди.