Технологическая карта по татарсскому языку 3 класс
план-конспект урока (3 класс) на тему

Татарстан  Республикасы   Әлмәт шәһәре  “Татарстан нефтенең 70 еллыгы исемендәге 25 нче урта гомуми белем бирү мәктәбе” муниципаль бюджет белем бирү учреждениесе

Татар теле.3 нче сыйныф

Тема: синоним һәм антоним сыйфатлар.

                                                                                                          Башлангыч сыйныфлар укытучысы                                                                                                                             Фәррахова  Рәйсә Шайнур кызының

                                                                                                        Әлмәт шәһәре һәм Әлмәт районы  башлангыш сыйныф укытучылар өчен

күрсәткән ачык дәрес конспекты.

Гыйнвар. 2017 ел

Дәрес структурасы.

1. Оештыру өлеше (исәнләшү,уңай психологик халәт тудыру, Тим Чир структурасы).
2. Белемнәрне актуальләштерү ( өйгә бирелгән эшне “Инсайт Секл” структурасы аша тикшерү, күнегү аша сыйфат сүз төркемен кабатлау).
3. Төп өлеш (яңа тема, максатларны ачыклау, күнегүләр ярдәмендә теманы үзләштерү. Релли Родин, Тейк ОФ-Тач Даун структураларын куллану).
4. Беренчел ныгыту (белемнәрне күнегүләр ярдәмендә ныгыту). Физ.минутка  (Микс пэа шэа структурасын куллану).
5. Мөстәкыйль зш (тест). Үрнәк буенча тикшерү.
6. Белемнәрне кабатлау, ныгыту.
7. Йомгаклау. Белемнәрне бәяләү. Рефлексия. Уку эшчәнлегенә нәтиҗә.
8. Өй эше( өй эшен хәбәр итү, аны башкару ысулын аңлату).

Тема: синоним  һәм антоним сыйфатлар.

Максат: укучыларның синоним һәм антоним сыйфатларны аера һәм таный белүе, сөйләмне сыйфатлар ярдәмендә тулыландыра, матурлый белүе өстендә эшләү, , аларның фикер йөртү сәләтләрен үстерү; зәвыклы сөйләмгә омтылыш, табигать дуслары тәрбияләү.

Җиһазлау: таратма материал, компьютер, экран, тест, рәсемнәр

Дәрес  барышы.

I.Оештыру өлеше.

-Хәерле көн, хөрмәтле коллегаларым, кадерле балалар.

Дөрес, матур утырыйк,

Дәрестә җавап бирик.

        “Бир бишне ун булсын,

        Эшебез уң булсын! (Тим Чир структ.)

-Бүгенге көн турында нәрсә әйтә алабыз?( Ничәсе, атнаның ничәнче көне, көн нинди, елның кайсы фасылы, кышлаучы кошлар, ничек булышабыз?)

II.Актуалҗләштерү (Инсаид- Аутсайд Секл структурасы)

1.-Балалар, сезгә сыйфат төркемнәрен истә калдырып, мисаллар уйлап килергә иде. Хәзер эчке һәм тышкы түгәрәкләр ясарбыз. Мин сезгә сораулар бирәм, сез шул сорауның җавабына кирәкле адым ясап, парлашып басарсыз. Тышкы түгәрәктә торучылар сөйләүне башлый.

        -Кадерле  сүзендә ничә иҗек, шулчаклы адым атлыйсыз. Дәрес сүзендә? Күңелле сүзендә?( Балалар “Әссәламегалайкем” көе астында йөриләр.)

2.Парларда эшләү (Релли Родин структурасы)-Күңелле сүзе белән җөмлә язарга.  Беренче номер астындагы укучы укый.

Iii. Уку мәсьәләсен кую (слаид). Тагын ничек әйтеп була?

 -Матур( ямьле, гүзәл, чибәр) Мәгънәләре якын булган сүзләрне синоним сүзләр дип йөртәләр

Кечкенә(бәләкәй, нәни)

Салкын(җылы) Мәгънәләре капма-каршы сүзләрне антоним сүзләр дип йөртәләр.

-Димәк, дәрестә нәрсәләр турында сөйләшербез икән?  Нәрсәләр зшләрбез?(Синоним, антоним сыйфатлар турында... аларны сөйләмдә кулланырга өйрәнербез...)

IV. Уку мәсьәләсен чишү

1.Язганда дөрес утырам

Тигез тора иңсәләр

Баш иелми, баш бармаклар

Күз читенә тисәләр.  (Дәфтәргә  числоны, матур язу күнегүләрен язу)

2.-Белемне кайлардан алып була? (дәреслектән, төрле китаплардан). 112 нче битне ачып, 234 нче күнегүне табабыз (кагыйдә укыла, күнегү эшләнә).

ТЭЙК ОФ- ТАЧ ДОУН структурасы.  Дәфтәрне күңелле дип буламы? Ничек әйтеп була?.Ямьле исемме? Ә нинди сүз төркеме? Нечкәлек билгесе сүзне бүләр өчен кулланыламы?  Бас сүзе ике иҗеклеме? Ә ничә? Нигә?

237 нче күнегүне эшләү (кагыйдә укыла,бирем буенча эшләнә).

Физминутка.Микс пэа шэа.( музыка астында бүлмә буйлап йөрибез. Музыка туктагач, пар табабыз. Биремне тыңлыйбыз, бер-бебебезнең җавабын тыңлыйбыз. Мин әйткән укучы җавап бирә- озынрак булган укучы, ак бантиклы кыз...)

Болытлы сүзенә антоним

Җылы сүзенә синоним

Авыр сүзенә антоним

Эшчән сүзенә антоним

V.Ныгыту.

Ситуатив күнегү.  “Кышны яратасыңмы? Нигә?”

VI. Мөстәкыйль эш. Тест.

1.Антоним сыйфат булган җөмләне билгелә

А)Җәй көне көн җылы,ә кыш көне көн салкын.

Б)Айдар- әдәпле малай.

2.Сыйфатларга синонимнар яз.

Тәрпитле-

Чиста-

Яхшы-

3. Сыйфатларга антонимнар яз.

Ак-

Әдәпле-

Белемле-

4.Акыллы сүзенә синоним тап:саран, белемле,җылы, кышкы. ( Җаваплар экраннан тикшерелә, билге куела.)

VII.Йомгаклау.

-Укучылар, без бүген нинди сүзләр турында сөйләштек?  Алар турында нәрсәләр белдегез? Нәрсәләр эшләдек? Нәрсәгә өйрәндегез? Үзегезне уңыш баскычының  ничәнчесенә куясыз?

Дәрес шуның белән тәмам. Җавапларыгыз өчен рәхмәт.