Разработка урока литературного чтения (татарского) на тему " А.Алиш " Чукмар и Тукмар"..
план-конспект урока (3 класс) по теме

Укытучы

Халикова А.Х.

Предмет

 Әдәби уку

Тема

“Чукмар белән Тукмар” (Абдулла Алиштан).

Максат

●  А.Алишның “ Чукмар белән Тукмар”“ әкиятенең эчтәлеге  танышуга шартлар тудыру;

● уку күнекмәләрен камилләштерү;

●  сөйләм телен, хәтер һәм фикерләү сәләтен үстерүдә ярдәм итү;

● өлкәннәргә карата хөрмәт тәрбияләү;

Планлаштырылган
нәтиҗәләр

Шәхси:   А.Алиш иҗатына хөрмәт һәм мәхәббәт тәрбияләү; үз эшен, иптәшләренең җавапларын бәяләү; активлыкка, мөстәкыйль фикер йөртүгә, акыл эшчәнлегенә һәм рухи эшчәнлеккә өйрәтү.

Метапредмет:   

 ● регулятив– уку мәсьәләсен чишүне планлаштыралар.

танып-белү –уку мәсьәләсен чишәргә кирәкле белемнәрне хәтерләрендә яңарталар.

● коммуникатив –  әкият геройларын тасвирлыйлар; аларга характеристика бирәләр.

● предмет:  әсәрнең жанрын билгелиләр; әкиятнең әхлакый ягын аңларга тудырылган мөмкинлекләрдән файдаланалар..

укытучы белән бергәләп, үз эшен, иптәшләренең җавапларын бәяләү.

Предмет:  аңлап,йөгерек уку күнекмәләрен ныгыту;

Танып-белү: әдәби әсәр буенча һәм тормыштан алган күренешләргә, хис-кичерешләргә нигезләнеп, сорауларга җавап бирү.

Коммуникатив:  үз фикерләрен телдән белдерә белү.  

Регулятив:  үз фикерләреңне мөстәкыйль дәлилләү.

Дәреснең тибы

Яңа материалны өйрәнү

Предметара бәйләнеш

әйләнә-тирә дөнья

Эшне оештыру

төркемдә, парларда, индивидуаль

Чыганаклар

дәреслек

Җиһазлау

 ноутбук, презентация

Дәрес этаплары

Мотивлаштыру

Максат: уңай психологик халәт тудыру.

Уңай психологик халәт тудыру.

-Бер-беребезгә елмаегыз һәм дәрестә уңышлар теләгез.

Актуальләштерү

Максат:  яңа белем алуга әзерлекне тикшерү, аның темасын формалаштыру.

1.Өй эшен тикшерү.

Әкиятне рольләргә бүлеп уку.

2. А.Алишның“Чукмар белән Тукмар”  исемле әкияте белән танышачаклары турында әйтә. А.Алиш белән презентация ( Слайд №1) аша танышу.

Аңлау өчен авыр тоелган сорауны ачыклау, сынап карау этабы

Максат: укучының нинди авырлык белән очрашуын билгеләү

Проблема тудыра.

- Әсәрнең исеме буенча сүз нәрсә турында барыр?

 - Әсәрнең геройлары кемнәр булыр?

- Ә алар нинди? ( Кыенлыклык туа)

- Безнең максат: бу сорауга җавап табу. Ә моның өчен игътибарлы булырга, башкаларны тыңлый белергә кирәк.

Кыенлыктан чыгу планы. (яңа белемнәрне куллану). 

Максат: кыенлыктан чыгу юлларын ачыклау

Укучыларны проблеманы хәл итүгә оештыру.

Планны тормышка ашыру, яңа белемне куллану.

Максат:  әсәр  белән танышу, аңлау

Әкиятне уку. (97- 98 битләр)

Аңлашылмаган сүзләр өстендә эш: чукырга-клевать;

Әләкләү- ябедничать;

Юньләп- яхшылап;

Беренчел ныгыту

Максат: яңа белемнәрне биремнәрдә куллану,тышкы сөйләмдә әйтеп күрсәтү

Әкиятнең  кыскача эчтәлеген әйтү.

 -Бу әкиятне кем язган?

-Бу әкият халык әкиятләренә ошаганмы?

-Әкияттә нинди геройлар очрадылар?

- Кем сезгә ныграк ошады? Ни өчен?

- Алар нинди?

Белемнәрне ныгыту өчен мөстәкыйль эш.  

Максат: үзләштерелгән белемнәр буенча нәтиҗә ясау.

Әкиятне мөстәкыйль укып чыгу. Уку барышына бирем:

1) Геройларга кыскача харкатеристика бирергә.

2) Сәнгатьле укырга.

Белемнәрне системага салу.

Максат: алган белемнәрне куллану һәм ныгыту.

1.Сорауларга җавап бирү:

1)Әтәчләрнең төсләре нинди?

2)Әби әтәчләргә нинди исемнәр биргән?

3)Әби ни өчен Тукмарны күршеләргә керткән?

2. Мәкаль һәм әйтемнәр белән эш:

- Бу мәкаль һәм әйтемнәр әкиятнең кайсы өлешеләренә туры килә?

Рефлексия

6 мин.

Максат: үз эшчәнлегеңә кире кайтып бәя бирү.

1. Сорауларга җаваплар:

- Бүген сезгә дәрестә ошадымы?

- Авторның башка әсәрләрен укырга теләгегез уянмадымы?

- Сез бүгенге дәрестә

нәрсәләр белдегез?

- Нинди нәтиҗә ясый аласыз?

-Әкият безне нәрсәгә өйрәтә ?

2. Балалар үз эшчәнлекләрен бәялиләр.

Өй эше бирү һәм аңлату.

97-98 нче битләрне укырга, сорауларга җавап бирергә.