Тема: О,Ө хәрехләре.
план-конспект урока (1 класс) по теме

Дәрес А.З. Рахимовның иҗади үсеш технологиясенә корылып төзелде.

Дәрес Тема: О,Ө хәрехләре.

Максат: 1. О,Ө хәрехләре кергән сүзләрне язу күнекмәләрен камилләштерү. 2. Парларда киңәшләшеп эшләргә өйрәтү.

3. Үзбәя куярга өйрәтүне дәвам итү.

Җиһазлар: татар теле китабы (А.Х.Нуриева, Ч.М.Харисова), дәфтәр, үзбәя кую өчен карточкалар, интерактив такта.

Дәрес барышы:

1. Актуальләштерү.

1. Калын һәм нечкә сузыклар  турында парларда сөйлиләр.

Үзбәя . “5”- укучы үзе сөйли алса

 “4” - укучы чөйләгәндә хата ясап, үзе хатасын төзәтсә

 “3” – иптәше ярдәмендә сөйләсә куела.

2. 16 нчы күнегү фронтталь тикшерелә.

Үзбәя . “5”-хатасыз эшләгән эшкә

3.  “4”-1-2 хата ясаган эшкә

 “3” – 3-5 хата ясалса.

4. Сүзлек диктанты. Аерым битләрдә языла, фронталь тикшерелә.

Татарстан, маэмай, тәэсир, тәэмин, дүшәмбе, сишәмбе, чәршәмбе, пәнҗешәмбе, җомга, шимбә, якшәмбе.

Үзбәя . “5”- хатасыз язылган эшкә

“4”-1-2 хата ясаган эшкә

 “3” – 3-5 хата ясалса.

5. Матур язу.

О о  Өө

Кортлы, орлык,  көзге,  көчле.

Кагыйдәне ике баладан сөйләтү, парларда әйттерү.

(Тикшерү, Үзбәя )

“5”- укучы үзе сөйли алса

 “4” - укучы сөйләгәндә хата ясап, үзе хатасын төзәтсә

 “3” – иптәше ярдәмендә сөйләсә куела.

2. Уку мәсьәләсен кую.

18 нче бирем.

Күнегү эчтәлегенә карагыз һәм бүгенге дәреснең  мәсьәләсен билгеләгез. (О, ө хәрефләре кергән сүзләрнең язылышын өйрәнүне дәвам итү.)

Биремне укыгыз.

(Тикшерү, Үзбәя .)

3. Уку мәсьәләсен адымлап чишү.

• 24 нче күнегү. Истә калдырыгыз.
• Сүзләрне укыгыз.
• Үз-үзегезгә әйтеп карагыз, парларда, төркемдә.
• Парларда бер-берегезгә әйтеп яздырыгыз.

        (Тикшерү, үзбәя)

4. Модельләштерү.

1. Модельгә таянып кагыйдәне балалардан сөйләтү.

(Үзбәя .)

 “5”-модельгә таянып кагыйдәне сөйли алса

 “4” - модельгә таянып кагыйдәне укучы сөйләгәндә хата ясап, үзе хатасын төзәтсә

 “3” - сөйләгәндә ярдәм кирәк булса

2.  Предметлы рәсемнәр (борыч, бөркет)

- Бу предметлы рәсемнәргә карап исемнәрен атагыз һәм схемалары белән транскрипцияне языгыз.

3 укучы такта артында эшли.

(Парларда тикшерү, үзбәя)

1. 25 нче күнегү.

(Төркемнәрдә киңәшләшеп эшлиләр. Тикшерү, үзбәя)

2. 27 нче күнегү.

-Биремне укыгыз.

-Нинди бирем бирелгән? (Хикәяне дәвам итеп язарга.)

-Хикәядә кайсы ел фасылы турында сүз бара? (Көз турында)

- Вакыйга кайда бара? (Урманда)

-Урман нинди?

- Җылы якка нинди кошлар китәләр? ( Кара каргалар, сыерчыклар, торналар.)

-Көз көне кешеләр нинди яшелчәләр җыялар? ( Бәрәңге, кәбестә, кишер , чөгендер.)

- Парларда  киңәшләшеп эшләгез.

        (Тикшерү,  үзбәя .)

5. Рефлексив кабатлау. Үзбәя.

-Дәрес барышында нинди уку мәсьәләсен куйган идек?

-Аңа ирешә алдыкмы?

-Кем о,ө хәрефе кергән сүзләрне язарга өйрәнде?

Нәтиҗәләр: О,ө хәрефләре сүзнең беренче иҗегендә языла.

Калын әйтелешле сүзләрдә о хәрефе, нечкә әйтелешле сүзләрдә өхәрефе языла.

6. Өй эше.

(Өй эше вариантлап бирелә, сайлап алу мөмкинлеге бирелә.)

1. О, ө хәрефләренең дөрес язылышы турында гайләгездә сөйләгез.
2. 23 нче күнегү.
3. Төрле сүзлекләрдән о,ө хәрефләре кергән яңа сүзләрне табып язып алыгыз (5-6 сүз).