рабочая программа по чувашскому языку ФГОС 3 класс
календарно-тематическое планирование (3 класс) на тему

1.Умĕн ǎнлантарни

    Чăваш шкулĕн 3 класра чăваш чĕлхине вĕренмелли материала пуçламăш шкул вĕрентĕвĕн çĕнĕ патшалăх федераллă вĕренÿ стандартне, чăваш шкулĕн 1-4 класĕсем валли Волков М.К., Сергеев Л.П., Артемьева Т.В.,Печников О.И., Кульева А.Р. çырнă тăван чĕлхе программине тĕпе хурса йĕркеленĕ.

Тĕп тĕллевĕсем:

        -вуласси тата пуплеве аталантарасси;

        -вулав кĕнекипе ĕçлеме хăнăхтарасси;

        -ăславлă çырăва вĕренесси (творчествăллă);

        -сăмах йышне пуянлатасси, пуплеве аталантарасси;

        -чĕлхене ансат тишкерме, терминсемпе усă курма вĕрентесси;

        -таса та илемлĕ çырма хăнăхтарасси.

2. Предмета хак пани

          Пуҫламăш классенче ачан пуплевĕпе ăс-тăнĕ кашни урокрах аталанса пырать. Ҫак ĕҫре тăван чĕлхе урокĕсем уйрăмах паллă вырăн йышăнаҫҫĕ. Ачан пуплевĕпе  ăс-хакăлне аталантарнипе пĕрлех тăван чĕлхе урокĕсем  ăна пуҫласа хутла вĕрентеҫҫĕ. Вулама-ҫырма пĕлни вара – вĕренӳ  никĕсĕ.

    Виççĕмеш класс ачисене тăван чĕлхе вĕрентес методика 2 пайран тăрать:

1. Творчеств ăллă (ăславлă) çырăва вĕрентесси (17 сехет);
2. Пуплеве пур енлĕн аталантарнă май чĕлхене ансат тишкерме, терминсемпе усă курма вĕрентесси (85 сехет).

        Çак икĕ пая пуплеве аталантарас тĕллев пĕрлештерсе тăрать. Çапла вара, тăван сăмахлăха вĕрентни кирлĕрен те кирлĕ ăслайсемпе хăнăхусене аталантарса çирĕплетессипе тÿррĕнех çыхăнмалла. Çав ăслайсемпе  хăнăхусем шутĕнче – ăнланса вуласси тата тăнласси, çыхăнуллă калаçасси, çырасси. Çавăнпа пĕрлех ачасене чĕлхе ăслăлăхĕпе литература пĕлĕвĕн ансат ăнлавĕсемпе паллаштарнă май харпăр хăйĕн тата юлташĕсен пуплевне сăнас, чĕлхе илемне туйса ăна тарăнрах пĕлес туртăмне амалантармалла. Пĕтĕм халăх усă куракан литература чĕлхин сасă тытăмĕпе, сăмах пуянлăхĕпе, морфологи тата синтаксис мелĕсемпе паллаштарнă хушăрах вĕсене вырăнти калаçу уйрăмлăхĕсене курма та вĕрентмелле.

             Ача пуплевĕнчи тĕп ĕç-хĕлсене (тăнлассине, калаçассине, вулассине, çырассине) аталантарса пынипе пĕрлех тăван чĕлхе вĕрентнĕ чух пуçламăш шкулта çакăн пек пысăк та пархатарлă тĕллевсене пурнăçламалла:

     - вĕренекенсен çынлăх туйăмĕсене вăйлатмалла, пурнăçа юратма, ырра шанса тăма тата хăйсене те ырă кăмăллă, сăпайлă пулма хăнăхтармалла;

     - ачасем таврари пурнăё, этемпе ёут ёанталăк ёинчен мĕн пĕлнине анлăлатмалла;

     - вĕсен çыхăнуллă тата сăнарлă шухăшлавĕпе ăсне, асăмлас хевтине аталантармалла;

     - вĕренÿ ĕç-хĕлне лайăхрах хăнăхтарса, унăн ăслайĕсене «алла илме» май памалла; вĕренÿ вăхăчĕпе перекетлĕ усă курма, харпăр хăй тĕллĕн ĕçлессин ансатрах мелĕсене чухлама вĕрентмелле;

     - тăрăшуллă та тимлĕ вĕренме, пĕлÿпе пурнăç тĕслĕхĕсен çăл куçĕпе – кĕнекепе кăсăкланма хăнăхтармалла

     Программăри вĕренÿ материалĕпе вĕрентÿ меслечĕсем ачасене çирĕп пĕлÿсемпе ăслайсем, кирлĕ хăнăхусем паччăр тесен дидактикăн тĕп принципĕсене асра тытса вĕренÿ ăнланулăхĕпе кăсăклăхне, çыхăнулăхĕпе тĕллевлĕхне ялан пурнăçласа пымалла.

3. Вĕрентÿ предмечĕн вĕрентÿ планĕнчи вырăнĕ

        Çирĕплетнĕ вĕрентÿ планĕ пуçламăш шкулта чăваш чĕлхине вĕрентме 3 класра эрнере 3 сехет уйăрнă. Пурĕ çулталăкра 3 класра 102 сехет палăртнă.

4. Тăван чĕлхе вĕрентÿ предмет тытăмĕн  пахалăх ориентирĕсем

              Çамрăк ăрăва ăс-тăн парса ÿстерес ĕçре пуçламăш шкул пĕлтерĕшĕ калама çук пысăк.

     Вĕрентÿ ăс-тăн пару никĕсĕ, унăн тĕп инструменчĕ – тăван чĕлхе. Тин çеç кĕнеке тытнă ачана ăнăçлă вĕрентсе ăс-тăн парасси чи малтан вăл хăйĕн тăван чĕлхипе тухăçлă усă курма пултарнинчен килет. Тăван чĕлхе – ÿсекен этеме çут тĕнчене кĕмелли алăкăн ылтăн çăраççийĕпе пĕрех.

     Çак асамлă çăраççипе ача вĕренÿре туллин усă курма пултартăр тесен унăн пуплевĕпе шухăшлавне пур енлĕн аталантармалла. Кĕске тапхăртах ăна çăмăллăн вулама, тăнласа ăнкарма, шухăша пуплевре уçăмлăн палăртма, çырма хăнăхтармалла: вĕренÿ кĕнекине вăл хăй вулайтăр, вĕрентÿçĕ каласа панине лайăх ăнланма, асăмлама, асăнлама пултарайтăр, çавăн пекех унăн калаçу хăнăхăвĕпе çыру мехелĕ çителĕклĕ пулччĕр. Çакна тума шăпах ĕнтĕ тăван чĕлхене 1-4 классенче ятарлă программăпа туллин вĕрентни пулăшать.

                                                      5.Кĕтекен результатсем

        «Вĕренĕвĕн Универсаллă Действийĕ» (ВУД) вулав

Ку термина пĕтĕмшле илсен вĕренÿ ăслай тесе ăнланмалла, урăхла каласан, ВУД вăл - субьект унăн социаллă опыта ăнланса тата хастаррăн ăса хывнă май хăй т\лл\нех аталанма пултарни. Вĕренекен харпăр хăй тĕллĕнех çĕнĕ пĕлÿсене ăнăçлă ăса хывма, ăслайсемпе компетентноçсене калăплама (çав вăхăтра вĕренÿ ăслайне те) пултарнин никĕсĕнче – универсаллă вĕренÿ действийĕсем. Çапла вара вĕренÿ ăслайне ăса хывасси вĕренекенĕн вĕренÿ ĕç-хĕлĕн мĕн-пур компоненчĕсене туллин ăса хывмаллине пĕлтерет. Ку компонентсем шутне çаксем кĕреççĕ: пĕлÿсем туянас (познавательные) тата вĕренÿ мотивĕсем, вĕренÿ тĕллевĕ, вĕренÿ задачи, вĕренÿ ĕçĕсемпе (учебные действия) операцийĕсем, ориентировка, материала урăхлатни (преобразование материала), тĕрĕслев тата хаклав. Вĕренес ăслай – ачасем предметлă пĕлÿсене ăса хывассин, ăслайсемпе компетенцисене калăплассин тухăçлăхне ÿстермелли тĕп факторсенчен пĕри.

        Вĕренĕвĕн Универсаллă Действийĕсен тĕп функцийĕсем: вĕренекенĕн харпăр хăй тĕллĕнех пĕлÿсем туянас, вĕренÿ тĕллевĕсене лартас, тивĕçлĕ хатĕрсем шыраса тупса вĕсемпе усă курас, ĕç-хĕл юхăмĕпе результачĕсене тĕрĕслес тата пахалас майсене тупма пулăшасси;

харкамлăха килĕшÿллĕн аталантармалли условисем туса парасси; пĕлÿсене ăнăçлăн ăса хывассин, ăслайсене, хăнăхусене тата компентноçсене калăпласа çивĕчлетессин тухăçлăхне ÿстересси;

Вĕренÿ ĕçĕсен универсаллăхĕ çакăнта курăнать. Вĕсем предмет шайĕнчен тухса метапредмет шайне хăпараççĕ; харкамлăхăн пĕтĕмĕшле культура, харкам, пĕлÿсем туянас тата тĕллĕнех аталанассине пĕрлĕхлĕн тарăнлатма май параççĕ; пĕлÿсем туянас юхăмăн пур шайĕсене те пĕр тĕвве çыхăнтарма май параççĕ; ача-пăчан вăл е ку ĕç-хĕлне йĕркелессин тата асăрхассин никĕсĕ пулса тăраççĕ.

        Вĕренĕвĕн Универсаллă Действийĕн ушкăнĕсем

Пĕтĕмĕшле вĕрентĕвĕн тĕп тĕллевĕсемпе килĕшÿллĕн ВУД 4 ушкăнне уйăрма пулать: харкамлă (личностный), регулятивлă (саморегулятивлă та), пĕлÿсем туянас (познавательный) тата хутшăнуллă (коммуникативлă).

        Харкамлă ВУДсем

        Вĕренÿ ĕç-хĕлĕпе çыхăнтарса, харкамлă ĕçсен виçĕ тĕсне уйăратпăр:

1. Професси тĕлĕшĕнчен харкам вырăнне шырани.

    2. Пĕлтерĕшлĕх (вĕренÿ тĕллевĕпе сунăмĕ, е, урăхла каласан, вĕренÿ результачĕпе унăн кирлĕлĕхĕ хушшинчи çыхăнăва палăртни). Вĕренекенĕн хăйне çак ыйтăва памалла та ăна хуравлама пултармалла: «Мĕн тума тата мĕн тĕллевпе вĕренетĕп эпĕ?»

3. Кăмăл-сипетлĕх ориентацийĕ. Вĕренсе ăса хывакан содержание харкамлăх тата социаллă опыта кура мораль тĕлĕшĕнчен хаклани.

        Регулятивлă ВУДсем

1. Мĕн пĕлнине тата мĕн пĕлменнине шута илсе вĕренÿ задачине палăртмалли тĕллеве лартни.
2. Ĕçсен йĕркин планне туни; вĕçĕнчи результата кура пайăр ĕçсен тĕллевĕсене палăртни.
3. Прогноз туни. Урăхла каласан, результата тата туянакан пĕлÿсен шайне малтанах курса тăни.
4. Ĕç майне тата унăн результатне малтанах палăртнă калăппа танлаштарса тĕрĕслени.
5. Коррекци - результата вĕренекен хăй, юлташĕсем тата учитель хаклавне кура плана тата ĕç майĕпе йĕркине улшăнусем кĕртни.
6. Хаклав – мĕне вĕреннине тата мĕне вĕренмеллине, вĕреннин шайĕпе пахалăхне вĕренекен хăй палăртни; ĕç результатне хаклани.
7. Саморегуляци – йывăрлăхсене çĕнтермелли майсене тупса палăртас пултарулăх.

        Пĕлÿсем туянас ВУДсем

        Кунта пĕтĕмĕшле вĕренÿ(1), паллăпа символ ĕçĕсене (2) логика вĕренÿ ĕçĕсене(3) тата ыйтăва лартса ăна татса панине(4) кĕртетпĕр. Вĕсене хăйсене çапларах вакласа яма пулать.

        1. Пĕтĕмĕшле вĕренÿ универсаллă ĕçсем:

- пĕлÿсене туянас тĕллеве харпăр хăй тĕллĕнех уйăрса палăртни;

- пуçламăш шкулшăн шăл çемми ИКТ тата информацин ытти çăлкуçĕсемпе усă курса тивĕçлĕ информацие тупса уйăрни;

- пĕлÿсен тытăмне палăртни;

- сасăллă тата çыруллă пуплев ăслани;

- конкретлă условисенче задачăна шутламалли уйрăмах тухăçлă мелсемпе майсене суйласа илни;

- ĕç майĕсемпе условийĕсен рефлексийĕ, ĕç юхăмĕпе результачĕсене тĕрĕслени тата хаклани;

- вулав тĕллевне тата вулав тĕсне суйласа илме ăнланса вулани; тĕрлĕ жанрлă текстсене итлесе тивĕçлĕ информаци илни; тĕп тата иккĕмĕшле информацие палăртни; илемлĕ, ăслăх, публицистика тата официаллă ĕç стилĕсемлĕ текстсене ирĕклĕнех ăнланса йышăнни; массăллă информаци хатĕрĕсен чĕлхине ăнланса хак пани;

- проблемăна лартса калăплани, творчествăллă тата шыравлă проблемăсене татса панă чухне харкам тĕллĕнех ĕç алгоритмне туни.

2. Паллăпа символ ĕçĕсем:

- калăпсем туни – обьекта туйăм форминчен калăпа (уçлăхпа графика е паллăпа символ) куçарни;

- пĕтĕмĕшле законсене палăртас тĕллевпе калăпа юсаса урăхлатни.

3. Логика вĕренÿ ĕçĕсем:

- анализ - обьекта тĕп тата иккĕмĕшле паллисене кăтартас тĕллевпе сÿтсе пăрахни;

- синтез – пайсене пĕр çĕре пуçтарни, çав шутра сиксе юлнă пайсене хушни те;

- обьектсене танлаштармалли, ушкăнламалли критерисемпе никĕссене суйласа илни;

- ăнлав патне илсе çитерни, сăлтавпа тĕллев çыхăнăвĕсене кăтартни;

-рассужденисен логикăллă сăнчăрне йĕркелени, çирĕплетсе каланин тĕрĕслĕхне сÿтсе явни;

- доказательство;

- гипотезăсем кăларса тăратса вĕсене сăлтавлани.

4. Ыйтăва (проблемăна) лартса ăна татса пани:

- ыйтăва лартни;

- творчествăллă тата шыравлă ыйтусене татса памалли майсене харкам тĕллĕн туни.

        Хутшăнуллă ВУДсем

1.Учительпе тата тантăшсемпе хутшăнса вĕренессине планлани – кашни хутшăнаканăн тĕллевĕпе функцийĕсене, хутшăну майĕсене палăртни.

2.Ыйтусем лартни – информацие шырас тата пуçтарас ĕĕе хастар хутшăнса хăюллăнах ыйтусем лартни.

3.Конфликтсене татса пани – проблемăна асăрхани, конфликта тепĕр майлă татса памалли майсене шырани тата пахалани, юрăхлă майпа усă курни.

4.Партнер хăтланчăкне (поведение) ертсе пыни – тĕрĕслени, тÿрлетни, унăн ĕçĕсене хаклани.

5.Харкам шухăшсемпе сунăмсене хутшăну задачисемпе условийĕсене кура туллин те тĕрĕс палăртни; монологла тата диалогла пуплев тунă чухне тăван чĕлхен грамматика нормисемпе тĕрĕс усă курни.

6. Программăн   тĕп  содержанийĕ

Урок тематики:

1-2-мĕш класра вĕреннине аса илесси – 6 сех.

Сасă, сас палли – 23 сех

Предложени – 25 сех

Сăмах -12 сех

Пуплев пайесем. Япала ячĕ– 9 сех

Глагол – 15 сех

Паллă ячĕ- 7 сех

3-мĕш класра вĕреннине аса илсе çирĕплетесси – 5 сех

        Пуплевре пур енлĕн аталантарнă май чĕлхене ансат тишкерме, терминсемпе усă курма вĕрентесси.

             2 класра мĕн вĕрентнине шута илсе, вулав урокĕсемпе тачă çыхăнтарса ачасен çыхăнуллă калаçас, тăнласа ăнкарас, вулас тата çырас мехелĕсене малалла аталантармалла. Вуламалли, тăнламалли, çыхăнуллă каласа памалли, калаçăва хутшăнмалли, çырмалли хăнăхтарусем çине таянса вĕсемпе çыхăнуллăн чĕлхе тытăмĕн тĕрлĕ сийĕпе (фонетика, лексика, морфологи, синтаксис, стилистика) усă курма пĕлнине лайăхлатмалли хăнăхтарусем куллен йĕркелемелле. Вулаттарнă, пуплеве тăнлаттарнă, çыхăнуллă пуплев тутарнă, çыртарнă май вĕренекенсене чĕлхен тĕрлĕ енĕсене (аспекчĕсене) ансат тишкерме, чĕлхе ăслăлăхĕн кирлĕрех терминĕсемпе, янтă пĕлĕвĕсемпе усă курма вĕрентмелле.

        Çыхăнуллă пуплев. Пуплевĕн пурнăçри пĕлтерĕшĕ.

        Текст. Ăна темăпа çыхăнман предложенисен пуххипе танлаштарасси. Текстра мĕн çинчен каланине (текст темине) палăртасси. Текста темиçе сыпăка (пая) уйăрасси. Пысăках мар текста, унăн пайĕсене ят парасси.

                Ӳкерчĕксемпе ĕçлесси. Ӳкерчĕксем тăрăх ыйтусене хуравласси, предложенисем тăвасси. Вĕсене çырасси.

Изложении çинчен ăнлантарасси.

        Ыйтусене ушкăнпа хуравланă, йывăр орфограммăсене асăрхаттарнă хыёёăн вĕрентъёĕ пулăшнипе 30-45 сăмахлă текст тăрăх изложени ёырасси.

        Ачасен пурнăçĕпе çыхăннă темăсемпе (вăйă    выляни, вăрмана экскурсие кайни, кама та пулин пулăшни, шкул çинчен) 4-5 предложенирен тăракан пĕчĕк калав тăвасси.

        Пуплев этикечĕ. Сывлăх сунни. Сывлăх суннă чух усă куракан тараватлăх сăмахĕсемпе сăмах майлашăвĕсем. Паллашу сăмахĕсемпе предложенисем. Сăпайлăн тав тума пĕлесси. Сыв пуллашу сăмахĕсем.

        Ĕç хучĕсем. Ансат пĕлтерÿ хайласси. Юлташ патне çыру çырасси.

        Чĕлхене ансат тишкересси, терминсемпе усă курасси

        Алфавит. Саспаллисен ячĕсем тата йĕрки. Уçă тата хупă сасăсем. Хытă тата çемçе сасăсем.

        Пĕр-пĕр саспаллипе пуçланакан сăмахсене словарьте шыраса тупма вĕрентесси. Сăмахсене алфавит йĕркипе вырнаçтарма хăнăхтарасси (пуçламăш сас палли тăрăх).

        Япалана пĕлтерекен сăмахсем. Вĕсене кам? тата мĕн? ыйтусем тăрăх тупасси.

        Япала ĕçне пĕлтерекен сăмахсем. Вĕсене мĕн тăвать? мĕн тăвĕ? мĕн турĕ? ыйтусем тăрăх тупасси.

        Япалан тата унăн ĕçĕн паллине пĕлтерекен сăмахсем, вĕсене мĕнле? ыйту тăрăх тупасси.

        Сăмахсене вĕсен пĕлтерĕшĕсене кура ушкăнласси. Хирĕçле _пĕлтерĕшлĕ сăмахсем (хура - шурă, пысăк - пĕчĕк, сарлака - ансăр, пылак - йÿçĕ). Ёывăх пĕлтерĕшлĕ сăмахсем: васка - хыпалан, кил - пыр, усал - хаяр, аван - лайăх, илемлĕ - хитре, чипер.

        Лексикăпа тематика ушкăнĕсем: а) тĕс ячĕсем (хĕрлĕ, сарă, шурă, хура, хăмăр, кăвак т.ыт.те; çÿрен, турă, хăла, ула, сарă-хăла (лаша çинчен); ă) çынна хаклакан сăмахсем (чипер, илемлĕ, тирпейлĕ, тăрăшуллă, ĕёчен, кахал, наян, мăнтăр, начар т.ыт.те).

        Предложени. Пуплеври предложенисене уйăрасси (маларах вĕреннине ёирĕплетесси). Предложенин тĕп (подлежащипе сказуемăй) тата кĕçĕн членĕсем (ячĕсене асăнмасăр).

        Тĕрлĕ калăплă (тытăмлă) предложенисем  тума тата çырма хăнăхтарасси. Вĕсене (кам? мĕн? камăн? мĕнĕн? кама? мĕне? камра, мĕнре? камран? мĕнрен? кампа? мĕнпе? камсăр? мĕнсĕр? камшăн? мĕншĕн?) ыйтури сăмахсемпе анлăлатасси.

        Пунктуаци. Предложени вĕçне пăнчă, ыйту тата кăшкăру паллисем лартасси.

        Орфографи. 1) Хытă уёă сасăллă сыпăк е сăмах вĕçĕнчи [л'], [н'], [т'] сасăсене л, н, т саспаллисем хыççăн çемçелĕх палли (ь) çырса палăртасси.

        2) Уйăракан çемçелĕх палли (ь) çырасси.

3) Вăрăм хупă сасса икĕ пĕр пек сас паллипе палăртасси.

4) Сăмаха пĕр йĕркерен тепĕр йĕркене куёарасси.

5)Çын ячĕпе хушаматне тата ашшĕ ятне, выльăхсемпе чĕр чунсен уйрăм ячĕсене, хула, ял, урам, юхан шыв ячĕсене пысăк саспаллирен пуçласа çырасси.

6) Вырăс чĕлхинчен йышăннă хăш-пĕр сăмахсене вырăс чĕлхинчи пекех çырасси.

Вẽренекенсем çак ǎслайсене хǎнǎхмалла:

45-50 сǎмахлǎ текста каллиграфи тẽлẽшẽнчен тẽрẽс те таса, саспаллисене сиктерсе хǎвармасǎр, пǎтраштармасǎр пǎхса çырма;

45-50 сǎмахлǎ текста итленипе (диктант) çырма;

сǎмаха сыпǎклама, пẽр йẽркерен тепẽр йẽркене тẽрẽс куçарма;

çемçе хупǎ сасǎсене çырура тẽрẽс палǎртма, вǎрǎм хупǎ сасǎллǎ сǎмахсене (программǎра кǎтартнисене) тẽрẽс çырма;

çын ячẽпе хушаматне, ашшẽ ятне, выльǎхсемпе чẽр чунсен уйрǎм ячẽсене, хула, ял, урам, юхан шыв ячẽсене пысǎк саспаллипе пуçласа çырма;

сǎмахсен сасǎ тытǎмне тишкерме (вẽсене сыпǎклама, уçǎ тата хупǎ сасǎсене, сасǎсемпе саспаллисен йẽркине тата хисепне палǎртма);

япалана, унǎн ẽçне, паллине пẽлтерекен сǎмахсене ыйту лартса тупма;

предложенин тẽп членẽсене – подлежащипе сказуемǎя – тупма;

ыйтусем тăрăх ансат предложени членẽсем  хушшинчи çыхǎнǎва палǎртма;

предложение пысǎк саспаллирен пуçласа çырма, ун вẽçне, интонацие кура, пǎнчǎ, ыйту е кǎшкǎру палли лартма;

50-55 сǎмахлǎ текст тǎрǎх ыйтусене хурвласа изложени çырма; пẽрлехи шухǎшлǎ 2-3 предложени тума, вẽсене çырма.

Предметăн пайр=м результачĕсем:

- тăван чĕлхери тĕп сасăсене, хытă тата çемçе сасăсене сăмахра паллама, çырура палăртма пĕлни;

- сас паллисене, вĕсен çыхăнăвĕсене, сăмахсене, предложенисене тĕрĕс евĕрлесе çырса илме, тĕрĕслеме вĕренни;

- уйрăм сăмахсене, 3-4 сăмахран тăракан, тытăмĕпе ансат предложенисене илтнĕ тăрăх  çырма пултарни;

- чĕлхе пĕлĕвĕн  ăнлавĕсемпе терминĕсене  уçăмлани.

Харкам результатсем:

- ачасем Тăван çĕршыв, тăван халăх, тăван чĕлхе ăнлавсене ăша хывни: хăйсем хăш халăх ывăл-хĕрĕ пулнине ăнланни, вĕсен тăван халăха хисеплес туйăм амаланма пуçлани:

- ачасем таврари пурнăç, этем, çут çанталăк çинчен мĕн пĕлнине анлăлатни, тавракурăм йĕркеленсе пыни:

- харпăр хăйĕн тата тантăшĕсен ĕçĕ-хĕлне сăнас-хаклас ăслай-хăнăхусене алла илсе пыни.

Пур предметсене вĕрентнĕ май кĕтекен результатсем:

- ачасен шухăшлавĕ пур енлĕн аталанса, вĕсем тишкерÿ, пĕтĕçтерÿ, пĕтĕмлетÿ ĕçĕсене вĕренсе пыни:

- ачасен пуплевĕ пур енлĕн аталанса, вĕсем пуплев ĕçĕ-хĕлĕсене вĕренсе пыни:

- кĕнекепе ĕçлеме вĕренсе пыни.

Хутла вĕрентнĕ май ачасен универсаллă вĕренÿ ĕçĕсене йĕркелесси

          Вĕрентÿ ĕçĕнче кашни предмет шалашĕнчех тĕп пахалăх тĕллевĕсене шута илсе ĕçлемелле. Хутла вĕрентес ĕçре вĕсем çаксем шутланаççĕ.

- ачасен нумай пĕлес-вĕренес, харпăр хăй ĕç-хĕлне йĕркелеме хăнăхас кăмăлне чĕртсе ярасси, аталантарасси;

- вĕсене хăйсен харкамлăхне ăнланма пулăшасси, таврари тĕнчене хăйне евĕр курма-йышăнма, харпăр хăй хăтланăшĕсене хак пама, йывăрлăхсене çĕнтерме вĕентсе пырасси, вĕсен ăславлă мехелне аталантарасси;

- ачасене çынсем хушшинче çураçуллă пурăнма, ыттисене пулăшма хавас пулма, пĕтĕм этемлĕх пахалăхĕсене ăнланса ăша хума пулăшасси;

- ачасене вĕсем кашнийĕ хăйĕн тăван çĕршывĕн пĕчĕк гражданинĕ пулнине ăша хума пулăшасси;

- вĕренекенсене тавралăха, çут çанталăка, харпăр хăйне, сывлăхне упрама вĕрентесси.

Йĕркелÿ ĕçĕсем ачасене вĕрентÿ ĕç-хĕлне, унăн тапхăрĕсене (ĕç тĕллевне уçăмласси, планласси, ĕçе пурнăёласси, результачĕсене хакласси-пахаласси , тÿрлетесси) уçăмласа йĕркелеме хăнăхтарассипе çыхăннă. Ку вăл питех те кăткăс ĕç. Хутла вĕрентнĕ май çак хăнăхусем майĕпен йĕркеленсе пыраççĕ.

  Универсаллă пĕлÿ ĕçĕсене йĕркелессипе çыхăннă хăнăхтарусем вĕрентÿ комплексĕн кашни компонентĕнчех тĕп вырăнта. Ыттисен тата хăйсен пуплевне тимлесе ачасем чĕлхен элеменчĕсене асăрхама, вĕсем пĕр-пĕринпе мĕнле çыхăннине курма хăнăхаççĕ. Пуплеври предложенисене, предложенири сăмахсене, сăмахри сасăсене уйăрни, каялла сасăсенчен сăмахсем, сăмахсенчен предложенисем, предложенисенчен текст калăпланă май вĕсем тишкерÿ, пĕтĕçтерÿ ĕçĕсене вĕренсе пыраççĕ.

Предметăн пайрăм задачисем:

- ачасен пуплевне пур енлĕн аталантарасси:

- ĕçĕн терминсемпе паллаштарасси, вĕсемпе усă курма хăнăхтарасси;

- тĕрлĕ  енлĕ тишкерÿ вĕрентесси;

- капăшсене пĕрлĕхлĕ курма тата унăн пайĕсене палăртма хăнăхтарасси;

- ачасен вĕтĕ моторикине аталантарасси.

Харкам задачăсем:

- ачасене шкул пурнăçне, йĕркесене, вĕренекен яваплăхĕсене ăнланма, ăша хывма, пурнăçласа пыма пулăшасси;

- пĕр-пĕринпе, аслисемпе кăмăллăн хутшăнма вĕрентсе пырасси;

- хутшăну тата пуплев этикетне малалла тăсасси;

- «çемье»: «йăх»: «ял-йыш» ăнлавсене уçăмлама, ăса хума пулăшасси.

Пур предметсене те вĕрентнĕ май пурнăçламалли задачăсем:

- вĕренÿ ĕç-хĕлĕн уйрăмлăхне ăша хума, задачисене алла илсе, пурнăçласа пыма пулăшасси;

- тантăшĕсен тата харпăр хăй ĕçне сăнама, çитменлĕхсемпе ăнăçусене палăртма хăнăхтарса пырасси;

- пулăмсемпе япаласене, капăшсене тишкерме, танлаштарма, пĕр пеклĕхсемпе уйрăмлăхсене палăртма вĕрентесси.

      7.Календарлă- тематикăллă планĕ