Удура учурлу сӧстор ( поурочное планирование)
план-конспект урока (2 класс) по теме

4 Класс        

Уроктыҥ темазы:  Укташ члендер

Уроктыҥ амадулары: укташ члендер керегинде билип алары, олорды схемала кӧргӱзери;

-ӱренчиктердиҥ бичиир ле оос куучын-эрмегин темиктирери;

- урокто эрчимдӱ иштеерине таскадары.

Уроктыҥ бӱдӱми јаҥы билгир берер урок

Урокто тузаланар јепселдер схема, таблица, јуруктар

Уроктын турган аайы

1 Урокко белетеер ӧй.

Кире сӧс.

Эрмектерди тӱҥдештирер.

- Эрмектер бой-бойынаҥ незиле аҥыланат?

- Карарткан сӧстор эрмектиҥ кандый члендери болор?

2. Јаҥы тема.

1-кы эрмекте кызыдгат, бороҥот, уй-јиилек бир член болор. Нениҥ учун дезе олор тӱҥей суракка каруу берет. Тӱҥей суракка каруу берип, јаҥыс сӧскӧ баштанып турган эрмектиҥ члендерин укташ член деп айдар. Эрмектиҥ тӧс тӧ, эчеҥи де члендери укташ болор. Ол эрмек-куучында укташ члендер тоолоп айткан ӱнле айдылып јат, бой-бойыла ӱннниҥ болужыла биригет. Бичикте укташ члендерди запятойлор бӧлийт.

3.Јаҥы теманы быжулаары.

Бичикле иш.

90 таскаду.

Р/т. бӱк 21, 38таскаду

91 таскаду (оосло бӱдӱрер).

Уулчак кастар, такаалар, пӧтӱктер азырайт.(Укташ баштаачылар).

Ӱренчиктер школдо бичинет, кычырат, јуранат.(Укташ айдылаачылар).

Малчы койлорды чӧлдӧ, кобыларда, кырларда кӱдет. (Укташ айалгалар).

Амыраар ӧйдӧ ӱренчиктер театрга, циркке, концертке барат.(Укташ толтыраачы).

Јалаҥда  кызыл, кӱреҥ,ак, кара ӧҥдӱ аттар отоп  јӱри. (Укташ јартаачылар).

Амыраар ӧй.

Таҥынаҥ иш.(творческий иш)

*Јуруктарды тузаланып, эрмектер тургузар. Укташ члендерин табар.

*Укташ айдылаачылар кожуп,эрмектерди јетире бичигер. (3 бала карт043Eкаларла иштеп јат)

Кызычак бичип јат, кычырып јат, јурап јат. Аҥчыны сескен тийиҥ кыймыктанбас, табыштанбас, маҥтабас. Кышкыда салкын сыгырат, шуулайт. Јолдо кӧп кӧӧликтер кӱӱлежет, маҥтажат.

4.Уроктын тӱп- шӱӱлтези.

Укташ члендер кандый сурактарга каруу берет?

Кандый члендер укташ болот?

Бичикте укташ члендер неле аҥыланат ?

Айылдыҥ ижи.

48бӱк, 92 таскаду

4 класс

        Уроктыҥ темазы:  Куучын-эрмектиҥ бӧлӱктери аайынча викторина

Уроктыҥ амадулары: куучын-эрмекиҥ бӧлӱктери аайынча ӱренчиктердиҥ билгирин кӧрӧри;

- бирлик туп-шӱӱлтеге келерине ле  эрмек-куучынын темиктирери;  

- ӱренчиктердиҥ најылык ла ӧмӧликте  јаба иштеер  кӱӱнин бийиктедери.

Уроктыҥ бӱдӱми:  билгир быжулаар урок

Урокто тузаланар јепселдер: карточкалар, ребустар

Уроктын турган аайы

1 Урокко белетеер ӧй.

Кире сӧс

Бӱгӱн урокто куучын-эрмекиҥ бӧлӱктери аайынча викторинада туружарыс. Айдарда, 2 ӧмӧликке бӧлӱнип,тартыжып ийектер. Кажы ла чын карууга 5-ке јетире балл тургузылар.

1. Алдынаҥ учурлу куучын-эрмекиҥ бӧлӱктерин адап, олорды јартаар.
2. Ребустарды табар, тапкан сӧсти кубулткыштарла кубултып бичиир.
3. Табышкактарды табар, кем кӧп тооломо чыгара бичип алар.

Тӧрт карындаш бир бӧрӱктӱ.

Одус эки боро ат, ортозында ойлоок јеерен ат.

Јӱс кучыйак кӧл карайт.

Беш карындаш бежулези иштеҥкей.

Сууга кирзе -бир, суунаҥ чыкса-муҥ.

Беш тайганыҥ мӧҥкӱзи јаҥыс.

4. Схемага  келиштире эрмектер тургузар.

Толтыраачы баштаачы јартаачы јартаачы айдылаачы.

Баштаачы толтыраачы айалга айдылаачы.

5. Сӧсколбуларды кычырар, сӧстӧр куучын-эрмектиҥ кандый бӧлӱгиле айдылганын јартап берер.

Тӱрген учты, тӱрген самолёт, бийик туулар, бийик калыды, јакшы ӱренип јат, јакшы иш.

Уроктыҥ тӱп-шӱӱлтези

Кандый ӧмӧлик канча балл иштеп алганын чотоп ийектер

4 класс

        Уроктыҥ темазы:  Кубулбас.

Уроктыҥ амадулары:-Кубулбас деп куучын-эрмекиҥ бӧлӱгиле  таныштырары;

-Кубулбастарды ла јарталгыштарды бой-бойынаҥ  сурактардыҥ болужыла ылгаштырып  билерине  темиктирери;

-Ајарыҥкай, ару-чебер болорына таскадар.

Уроктыҥ бӱдӱми:  билгир берер урок

Урокто тузаланар јепселдер: карточкалар, таблица

Уроктын турган аайы

Уроктыҥ ӧдӧр аайы

1 Урокко белетеер ӧй.

Кире сӧс

Ару бичиири

Јаҥы тема

Бӱгӱн урокто кубулбас деп куучын-эрмекиҥ бӧлӱгиле  таныжарыс.

                                             Кубулбас

                              Качан?  Кайда?  Канайда ?

                                Куучын-эрмекиҥ бӧлӱги

                             Эрмекте глаголды јартап јат.

Кадын тӱрген агып јат.

Ээжини таҥынаҥ бойлоры кычырары.

Бичикле иш.

Карарта  базылган  сӧстӧргӧ глаголдоҥ сурак тургузар.

Амыраар ӧй

Јаҥы теманы быжулаары

Кубулбастарды  сурактары аайынча талдап бичиир

Кайда?                      Качан?                 Канайда?

Анда                         эҥирде                тӱрген

Аркада                     кече                      бийик

Городто                   эртен                     араай

Чеденде                  удабас                   коомой

Кубулбас ла јарталгышты бой – бойынаҥ ылгаштырары аайынча иштеери.

Јарталгыштар                                                 Кубулбастар

Узак јол                                                              узак кычырды

бийик кыр                                                         бийик учты

тӱрген самолёт                                                тӱрген чыкты

коомой темдек                                                коомой бичиди

Јарталгыштар ла кубулбастар кандый суракка каруу берет?

Эрмекте нени јартайт?

Олорды канайда ылгаштырар ?

Таҥынаҥ иш

1. Сӧстӧрди сурактары аайынча эки бӧлӱкке  бӧлип бичиир.

 Качан?                                  Канайда?

2. Глаголдорго кубулбастар кожуп бичиир.

Кычырат омок

Турат јарт

Учат јеҥил

тынат јакшы

јӱгӱрет мында

3. Тексттеҥ кубулбастар чыгара бичиир.

Анда-мында койлор отоп јӱрӱ. Анайда ок мен сананадым. Качан-качан бис те јакшы јадарыс. Кенетийин тыҥ салкын боло берди.

Уроктыҥ тӱп-шӱӱлтези

Урокто кандый тема аайынча иштедис?

Кубулбас кандый сурактарга каруу берет ?

Эрмекте кубулбас нени јартап јат?

Кубулбас ла јарталгышты канайда ылгаштырар?

Темдектер айдып берер.

Айылдыҥ ижи