Урок крымскотатарской литературы для 2 класса - Масал «Не ичюн Тавукъ ве Хораз бир куместе яшайлар?»
методическая разработка (2 класс)

Къырымтатар  эдебият дерси 2 сыныф

Мевзу: Къартанамнынъ сандыгъындан.Масал «Не ичюн Тавукъ ве Хораз бир куместе яшайлар?»

Макъсат:талебелерге халкъ масаллары акъкъында бильги бермек,тилимизге ве эдебиятымызгъа севги ашламакъ,лугъат байлыгъыны кенишлетмек.

Корьгезме: «Халкъ масаллары дюньясы»нынъ харитасы,масалгъа ресимлер,аудио язувы.

Эпиграф:Яхшыдан унер ал,ямандан узакъ къал.

                                                 (Аталар сёзю)

                                          Дерснинъ кетишаты

I.Тешкилий къысым(«Бир заманда бар экен…» аудио йырынынъ язысы янъгъырай).

1)-Селям алейкум,урьметли талебелер! 

Энде зиль чалды ,оджамыз дерске кирди.

Ралелерге отурайыкъ,дерсимизни башлайыкъ

2)Шульте ве Козырева джедвеллер устюнде чалышув.

«Шульте» джедвели

II.Эв вазифени тешкирюв

1)«Тильки ве къаз» масалны ифадели окъуп,саналаштырмагъа.

2)Талебелернинъ масалгъа  япылгъан ресимлернинъ  устюнде иш.

III. Янъы мевзуны илян этюв

-Шимди исе дикъкъатнен тапмаджаларыны динъленъиз,сонъ джевапларыны айтынъыз.

Уянам мен пек эрте,танъ йылдызынъ корьгенде,

«Кукарекок!» деп къычырам,турунъыз деп чагъырам! (Хораз)

Тобанларнынъ ичинде

Мен акъ топчыкъ къозларым.(Тавукъ)

-Бугунь биз «Халкъ агъыз яратыджылыгъына» масаллар дюньясына сеяат этеджекмиз,ве «Не ичюн Тавукъ ве Хораз бир куместе яшайлар?»къырымтатар халкъ масаллынен таныш оладжамыз.

IV.Янъы мевзу

     Оджа масалнынъ биринджи къысымны окъуй.

Субет(«Микрофон» усулы шекилинде сорав.)

-Хораз не ерде яшай?

-Онынъ эви неден ясалгъан?

-Тавукъ къайда яшай, эви насыл?

-Не ичюн Тавукъ Хоразгъа бара?

-Хораз Тавукъны насыл къаршылап ала ? О Тавукъкъа насыл джевап бере?Метинден сечип алып окъунъыз.

     Лугъат иши

Къыр-байыр,гъарип-бичаре,фикир этмек-тюшюнмек.

-Бу сёзлернен бирер джумле тизинъиз.

V.Раатлыкъ дакъкъасы

«Адымчыкълар».Талебелер адымлап эв къушларнынъ адыларыны айталар.

Эв къушларыны севем,оларгъа мен ем сепем-

Чипче,тавукъ ве хораз,мысыр,папий эм де къаз.

VI.Экинджи къысым устюнде чалышув.ифаделиокъуп,саналаштырмагъа. Талебелер роллер боюнджа масалны окъуйлар (ифадели окъуп,саналаштыр-магъа).

VII.Хуляса.

-Хоразнынъ эвине не ола?

-Сылангъан Хораз не япа?

-Тавукъ Хоразгъа насыл ярдым эте?

Аталар сёзлеринен иш.Талебелер тахтада язылгъан аталар сёзлерини окъуйлар.

Бу аталар сёзлери окъугъан масалмызгъа келишеми?

Эйлик достукъны пеките.

Эйликке кемлик япма.

VIII.Ресим узеринде иш.

Рессам Энвер Изетов «Не ичюн Тавукъ ве Хораз бир куместе яшайлар?» массалына аджайип бир ресим япты(с.26).(Талебелер ресимни сейир этип суаллерге « Микрофон» ве «Кунешчик» оюнинен джевап берелер).

-Ресимде насыл масалнынъ къараманлары тасвирленген?

-Тавучыкънынъ одасы насыл?

-Оданынъ ичинде насыл эв-ишьяларыны коресинъиз?                                      Тавукънынъ                                                                    

- Оданынъ ичинде насыл себзелер бар?                                                                       одасы

-Тавукъ ишкир олгъаныны неден коремиз?                                                                 

-Тавукъ табакъ устюнде не кетире?

-Софра башында хораз ве чипчелер не беклейлер?

-Софрада нелер бар?

IX.Эв вазифеси

1.Масалны ифадели окъумагъа.

2.Бегенген масал къараманларынынъ ресимини сызмакъ.

X.Дерснинъ нетиджеси

-Бугуньки дерсимизде не яптыкъ?
-Насыл вазифелерни бегендинъиз?

Бильгилерни тешкерюв

                                              Тест

1)«Бир заманда бар экен,бир заманда ёкъ экен…»ибаресинен не башлана?

а)масал;

б)икяе.

2)Масалларнинъ къайсы бири достлукъ ве муаббетлик акъкъында?

а)Тильки ве къаз;

б)Не ичюн Тавукъ ве Хораз бир куместе яшайлар.

XI.Баалав