Тема Кыргый хайваннар. Дикие животные
план-конспект

Тема. Кыргый хайваннар

Бурычлар:

1. Кыргый хайваннарга карата кайгыртучанлык һәм зоопаркта үз-үзеңне тота белү сыйфатлары тәрбияләү.

2. Уеннар һәм тирә-юнь белән тaнышу барышындa балаларның бәйләнешле сөйләм телен, логик фикерләү сәләтен үстерү.

3. Кыргый хайваннар һәм аларның үзенчәлекләре турында белемнәрен баету.

Сүзлек: бурсык, маймыл, арыслан, фил.

Җиһазлар: өстәл өсте зоопаркы, рәсемнәр.

Эшчәнлек барышы

1. Табышмаклар:

а) Үзе кардай ап-ак ул,

Озын колак, бик сак ул.

Дошман күрсә, элдертә,

Кем аны куып җитә? (Куян)

б) Кош түгел – оча,

Ябалактан курка.

Чикләвекне бик ярата.

Сызгырса, урманны яңгырата. (Тиен)

в) Асрамый да умарта,

Балны бик-бик ярата.

Кышын сөя йокыны,

Язгача тормый ята. (Аю)

 2. «Зоопаркка сәяхәт». Балаларга сораулар.

- Зоопарк ни өчен кирәк?

- Зоопаркта нинди хайваннар яши?

- Алар нәрсәләр белән тукланалар?

- Сезнең зоопаркка барганыгыз бармы?

- Сезне шаккаттырган хайван турында сөйли аласызмы?

- Сез ничек уйлыйсыз, хайваннарга кайда ныграк ошый: читлектәме, әллә иректәме?

3. Дидактик уен «Дөрес тап. Дөрес итеп билгелә» ( рәсемнәрдә кыргый хайваннарның яшәү урыннарын, ризыкларын, табигатькә ничек җайлашуларын ук ярдәмендә билгеләү).

4. Бармак уены:

Баш бармагым бүредер,

Имән бармагым – төлке,

Урта бармагым – бурсык,

Атсыз бармагым – аю,

Чәнти бармагым – куян,

Куянны кая куям?

5. Хәрәкәтле уен. «Куяннар һәм бүре».

Бер бала бүре, калганнары куяннар була. Уен барышында

куяннар үз урыннарында (түгәрәкләрдә) утыралар, ә бүре икен-

че якта (чокырда) утыра. Тәрбияче әйтә:

Ямьле болында куяннар

Сикергәләп йөриләр.

Як-якларына каранып,

Бүре килүен күзлиләр.

Куяннар урыннарыннан чыгып уйныйлар, ә бүре, чокырдан

чыгып, куяннарны тотмакчы булып йөри. Куяннар үз урыннарына

йөгерәләр. Тотылган куянны бүре үзе белән чокырга алып китә.