готовимся к мониторингу
тест (4 класс) по теме

Эшне башкару өчен кулланма

Татар теленнән белем һәм күнекмәләрен тикшерү өчен биремнәрне башкаруга 40 минут вакыт бирелә. Тәкъдим ителгән эш 2 өлештән тора.

Беренче өлеш 20 биремне үз эченә ала (А1-А20), сез алар арасыннан дөрес дип уйлаган җавапны сайлап алырга тиеш.

Икенче өлеш В1-В6 биремнәреннән тора. Әлеге биремнәр текстка бәйле рәвештә башкарыла. В1-В6 биремнәренә җавапны сез мөстәкыйль рәвештә формалаштырырга һәм язып куярга тиешсез.

Биремнәрне тәкъдим ителгән тәртиптә үтәгез. Аларны үтәү барышында сезнең өчен кыенлык тудырганнары килеп чыкса, әлеге биремне калдырып торып, алдагыларына күчәргә киңәш итәбез. Сез бу биремнәргә, вакытыгыз калган очракта, кабат әйләнеп кайта алачаксыз. Беренче өлештәге һәр биремнәргә якынча 1,5 минут вакыт бирелә. Икенче өлештәге һәр биремгә 2 минут вакытыгызны сарыф итегез.

Дөрес җаваплар, катлаулылыкларыннан чыгып, 1 яки югарырак баллар белән бәяләнәләр. Әлеге балларны бергә кушканнан соң, сезгә гомуми балл чыгарыла, шуңа күрә мөмкин кадәр күбрәк биремнәргә дөрес җаваплар бирергә һәм күбрәк баллар җыярга тырышыгыз.

Сезгә уңышлар телибез !

1 өлеш (А)

Әлеге өлештәге биремнәрне (А1-А20) үтәгәндә, 1 нче номерлы җавап бланкында эшләнә торган биремнәр аста урнашкан, дөрес дип табылган җавап шакмагына «Х» билгесе куегыз.

А1. Бер генә иҗектән торган сүзне табыгыз:

1. ай
2. алма
3. китап
4. ярма

А2. Кайсы рәттәге сүзләрдә [w] авазы әйтелә?

1. Вәкил, ватык, вакыт, валчык
2. вагон, витамин, вокзал, Владимир
3. җавап, витрина, волейбол, Вәли
4. веранда, вакыт, паровоз, тавыш

А3. Кайсы сүздә ь билгесе аеру билгесе булып тора?

1. төньяк
2. яшь
3. сәгать
4. руль

А4. Татар телендә ничә сузык аваз бар?

1. 10
2. 11
3. 12
4. 9

А5. Татар телендә генә булган сузыкларны табыгыз:

1. [ы], [э/е], [и]
2. [у], [а]
3. [ә], [ө],[ү]
4. [и], [о], [ы]

А6. Иҗекләргә дөрес бүленгән сүзләр рәтен билгеләгез:

1. гө-л-ләр-гә, әйт-егез
2. гөл-ләр-гә, әй-те-гез
3. кайт-ып, к-үреп
4. ү-скән, ки-теп

А7. Сүзләрне тәрҗемә итәргә ярдәм итүче сүзлек:

1. синонимнар сүзлеге
2. орфографик сүзлек
3. татарча-русча сүзлек
4. антонимнар сүзлеге

А8. Фигыль:

1. предметның билгесен белдерә
2. предметның эшен белдерә
3. предметны белдерә
4. предметның санын, исәбен белдерә

А9. Тезмә сүзләр булган рәтне билгеләгез:

1. әти-әни, исәп-хисап
2. үги ана яфрагы, кура җиләге
3. һәрбер, тузбаш
4. авылдаш, сыйныфташ

А10. Нинди дәрәҗәдәге сыйфатларга –рак,–рәк кушымчалары ялгана?

1. гади дәрәҗәдәге
2. кимлек дәрәҗәсендәге
3. чагыштыру дәрәҗәсендәге
4. артыклык дәрәҗәсендәге

А11. Аның зат алмашлыгы кайсы килештә килгән?

1. баш килештә
2. юнәлеш килешендә
3. иялек килешендә
4. төшем килешендә

А12. Исем:

1. предметның билгесен белдерә
2. предметның эшен белдерә
3. предметны белдерә
4. предметның санын, исәбен белдерә

А13. Дәр...я  сүзендə нинди хəреф төшеп калган? 

1. ы                
2. и                
3. ь        
4. ъ

А14. Кушма сүзләрдән генә торган рәтне күрсәтегез:

1. ап-ак, савыт-саба, Зилә
2. ашъяулык, Айнур, төнбоек
3. карабодай, дөнья, кәгазь
4. ямь, яз, Агыйдел

А15. Кайсы рәттәге сүзләр III зат, берлек сандагы боерык фигыльләрдән генә тора?

1. кайтсын, ашасын, күрсен
2. кайта, ашый, күрә
3. кайтсыннар, ашасыннар, күрсеннәр
4. кайтам, ашыйм, күрәм

16. Юклык формасындагы фигыльләргә кайсы кушымча ялгана:

1. – ма (– мә), – мый (– ми)
2. – лар (– ләр), – нар (– нәр)
3. – да (– дә), – ты (– те)
4. – сыз, – сез

А17. Күплек санда, урын-вакыт килешендә килгән исемне табыгыз:

1. бакчада
2. балаларга
3. яфракларда
4. урамда

А18. Дөрес язылышны тап:

1. бермең җиде йөз илле
2. бер мең җиде йөз илле
3. бер мең җидейөз илле
4. бер мең җиде йөзилле

             А19. Боерык фигыльләрдән торган рәтне күрсәтегез:

1. пешермә, борчыла, хыялланыр

2. уянсын,туйды, язам

3. китермә,  илт, очыгыз

4. карама, укыячак, тудым

А20. Антонимлыкка нигезләнгән парлы сүзләр кергән рәтне билгеләгез:

       1) берәм-берәм, көлә-көлә, кызып-кызып

       2) көн-төн, вакытлы-вакытсыз, яше-карты

       3) аң-белем, алай-болай, йөгерә-чаба

       4) савыт-саба, бала-чага

2 өлеш (В)

Әлеге өлештәге биремнәрне, тәкъдим ителгән текст ярдәмендә үтәгәндә, җавапларыгызны 1 нче номерлы җавап бланкында В1-В6 саннарының уң ягына беренче шакмактан башлап языгыз. Һәр хәреф яки цифр аерым шакмакка язылырга тиеш. Сүзләр яки цифрлар, санап үтелгәндә, аерым шакмакка куелган өтерләр белән аерыла. Җавапларны язганда буш шакмаклар калдырырга ярамый.

(1)Аңа рота китеп барган юлдан бер тапкыр үтәргә дә туры килгән иде.(2)Ул балага күтәрелеп карады. (3)Бала  зур булып ачылган күзләре белән аңа бик җитди карап тора. (4)Бу караш Зарифның икеләнүен өзде.  (Ә.Еники)

В1. Икенче җөмләдәге нечкә әйтелешле сүзне языгыз.

В2. Рус теленнән кергән алынма сүзне языгыз.

В3. Сыйфат булган җөмләнең санын күрсәтегез.

В4. Дүртенче җөмләнең  иясен табыгыз һәм төшем килешенә куеп языгыз.

В5. Икенче җөмләнең әйтелү максаты буенча төрен билгеләгез.

В6. Ясалышы буенча күзләре сүзенең төрен билгеләгез.

Җаваплар

1 өлеш (А)

2 өлеш (В)