математика в 4 классе
классный час (4 класс) на тему

Предмет: математика

Класс: 4  

Тема: Хәрәкәткә мәсьәләләр чишү..

Максат: “-Хәрәкәткә мәсьәләләр “темасы буенча белем һәм күнекмәләрне ныгыту, аларны тормышта кулланырга өйрәнү.

-логик фикерләү һәм игътибарлылыкны

-Белемгә омтылыш,математика фәненә мәхәбәт, узара дуслык мөнәсәбәтләре тәрбияләү.

Бурычлар: 

-хәрәкәткә мәсьәләләр һәм тигезләмәләр буенча күнекмәләрне камилләштерү,

- логик фикерләүне үстерү,

- төркемнәрдә эшләүне дәвам итү.

Үткәрү формасы : ИКТ кулланып  эшлекле уен-дәрес 

Ресурслар: Microsoft Office Power Point программасы слайдлары, клиентлар өчен купоннар, мәс ьәләгә кыскача язылыш схемасы,мөстәкыйль эшләр өчен битләр,

                          Дәрес барышы.

I.Оештыру  моменты.

    - Бүгенге математика  дәресе уен формасында узар.Уен-ярышта барыбыз да катнашачакбыз.Һәр биремне сигнал карточкалары ббелән  тикшереп барырбыз

  II.Төп өлеш.

           1. Телдән исәпләү.Математик разминка                       /слайд2/

    1.Чылбырлы мисалларны чишү

  2.Шаян мәсьәләләр                                                                      /слайд 3/

1. Йөк машинасының массасы3 т.Ул җиңел машинадан 3 тапкыр авыррак.Җиңел машинаның массасын табарга.

 Тауга менгәндә машинаның кайсы тәгәрмәче әйләнми?

2. Автобус шәһәрдән авылга 2 сәгать бара,ә кайтканда юлга 120 минут сарыф итә.Аңлатырга.
3. Такси машинасы авылга бара,аңа каршы 5 йөк машинасы,3 җиңел машина очрый. Авылга ничә машина барган?

 (Һәр дөрес җавап өчен клиенттан 1 купон)

3. Санарны дөрес урнаштыргач бугенге дәреснен ачкычы табылыр                    

                                                                                                             /слайд 4/

  ХӘРӘКӘТ—ул пространстводагы хәрәкәт.

 Ә математик разминка- безнен фикерләребез хәрәкәте.                                                                    

   Хәрәкәт бүгенге дәресебезнен ачкычы.                                /слайд5 /                                                                                      

4. Вакыт,тизлек.юл ны табу формулаларын дәфтәргә язу

       Формулаларны тикшерү                                                   /слайд 6/

2. Сызымга карап мәсьәлә ЧИШҮ.                               /слайд 7/

 1. Бер үк вакытта ике авылдан бер-берсенә кара-каршы ике шоферюлга чыккан. Һәм алар 2 сәг.тән сон очрашканнар.Беренче шофер уртача 50км/сәг тизлек белән, ә икенчесе 60км/сәг тизлек белән барган.Авыллар арасындагы ераклыкны тап. 

-Мәсьәләдә нәрсә турында сүз бара?

-Машиналар нинди юнәлештә хәрәкәт итәләр?

-Алар үзләренең хәрәкәтләрен бер урыннан башлаганнармы?

            Җавапларны тикшерү                                                /слайд 8/

    (60 + 50 = 110  ( км / сәг ) – Уртача тизлек

       110 х 2 = 220  ( км )

           Җавап : 220  километр

.                                                    

3.ТИЗЛЕКне табуга мәсьәлә төзү, чишү.                        /слайд9/

Бер-берсеннән 220 км ераклыктагы ике авылдан бер үк вакытта кара-каршы ике автомобилист юлга чыккан. Һәм алар 2 сәг   тән сон очрашканнар. Беренче автомобилист уртача 50км\сәг  тизлек белән барган.икенче автомобилистнын тизлеге нинди?

            Җавапларны тикшерү.                                            

220 : 2 = 110  ( км / сәг ) – Уртача тизлек                               /слайд  10/

              110 – 60 = 50  ( км / сәг )

                Җавап : 50  км/сәг

4. ВАКЫТны табуга мәсьәлә чишү.                                    / слайд11

Бер-берсеннән 220 км ераклыктагы ике шәһәрдән бер үк вакытта кара-каршы ике автомобилист юлга чыккан.Беренче автомобилист уртача 50км/сәг тизлек белән , ә икенчесе 60 км/сә белән барган.Авомобилистлар

ничә сәг тән сон очрашырлар?

   Җавапларны тикшерү.                                           /  Слайд12/

1)60 + 50 = 110  ( км / сәг ) – Уртача тизлек

2)220 : 110 = 2 ( сәг )

Җавап: 2 сәг.тән сон       очрашырлар

5.   Проблемалы ситуацияне чишү                          /слайд 13/

Машина йөртүче юл йөрү кагыйдәләрен бозганмы?

280км озынлыктагы юл аралыгында  60 км/сәг дигән билге тора.Әгәр машина йөртүче бу араны 4 сәгатьтә узса,ул юл йөрү кагыйдәләрен бозганмы?

        6.  Һәр   предметнын хәрәкәт тизлеген тап.                  /слайд 14/

Җавапларны тикшерү.                                /слайд 15-16/

7.Күзләр өчен физминутка.

(Күзләре белән генә слайдтагы машина артыннан йөриләр)

8.Дәреслектәге №65, 12 биттәге мисалларны дәфтәрләрдә мөстәкыйль чишәргә

III.Дәрескә йомгак.

1.Купоннарны санау.Җиңүче төркемне,төркемдәге аерылып торган  уенчыларны билгеләү.

-Бүгенге эшлекле уенда сезгә нәрсә ошады?

-Бу дәрестә сез нәрсәләргә өйрәндегез?

-Юлда хәрәкәт тизлеге нинди мөһим роль уйный?

IV.Өй эше.

Хәрәкәткә мәсьәлә төзергә,альбом битенә язып,схемасын сызып килергә.Алдагы дәрестә  иптәшләрегез чишәр.

ТУГАН ЯГЫМ -НУРЛЫ ТӨБӘГЕМ .

Максат:.

1. туган якның матурлыгын күрергә һәм аны бәяләргә өйрәнү;
2. укучыларның сәнгатьле уку һәм иҗади фикерләү сәләтен үстерү;
3. туган төбәктә яшәүче халыкка карата мәхәббәт хисләре тәрбияләү.

Җиһаз:

информацион- компьютер технологияләр.

Кичә барышы. -Исәнмесез, укучылар, хөрмәтле кунаклар!

?    - Укучылар, Туган илең кайдан башлана? – дип сорасалар сез ни дип жавап бирер идегез?

 -туган авылымнан башлана.

- уйнап үскән, көтү көткән болыннардан.

- балык тоткан, су коенган елга-чишмәләрдән.

- мин укыган мәктәптән.

Чыннан да, укучылар, Туган ил – туган авылдан, андагы һәр сукмактан, андагы без үткән юлдан башлана икән. Шуңа да үзенең Туган авылы, Туган ягы, Ватаны белән горурланмаган кеше юктыр ул.

- Менә шундый инде минем

Туган җирем, туган ягым.

Мин төзәлә алмам, ахры, -

?    Мактанылды менә тагын! – дигән юллар кайсы шагыйрьнең шигырендә   чагыла?

- Бу юллар белән без Р.Миннулинның «Шундый минем туган ягым!» шигырендә таныштык.

Туган як.туган җир , газиз Ватан. Бу тирән мәгънәле. Һәркем өчен кадерле, күнелгә үтә якын төшенчәләр бер-берсеннән аерылгысыз.авылларыбыз күп һәм аларның һәркайсы бай тарихлы.

?Тарих дигәннән 2012 ел Татарстаныбызда нинди ел диеп игълан ителде.

--2012 ел Татарстан Республикасында тарихи-мәдәни мирас елы дип игълан ителде.    Слайд 3

Бүген без сезнең белән туган як буйлап сәяхәткә чыгарбыз.

1 этап  өчен биремнэр  - Ә хәзер минем сорауларга төгәл җавап биреп карагыз.Слайд   4

- Безнең  республикабыз…(Татарстан)

- Баш шәһәре…(Казан)

- Татарстандагы иң зур елга…(Идел)

- Президентыбыз...(Миннеханов Рөстәм Нургалиевич)

- Флагыбыз төсләре...  (яшел ,ак.кызыл)

- Гербта нәрсә сурәтләнгән...( Ак Барс сүрәте)

- Районым һәм туган авылым...( Апас)

Ял укучылар сезнен белщн бергэлэп  Голнур Айзатуллованың Апас турында шигыре белән танышып үтик. (бер бер артлы укыйлар)

1.Апасымның урамыннан
Үтәм горурлык белән.
Туган якка киләчәккә
Изге теләкләр теләп.

2.Якташларым якты йөзле,
Кунакчыллар-таң калам!
Апасым дип җырлар җырлыйм,
Апасым дип шатланам.

3.Тәмле сулы чишмәләр күк
Тәмле телле халкым бар.
Макталырлык ул-кызлары-
Ялкыннар да алтыннар!

4.Якташларым хезмәт сөя-
Дан яулыйлар-таң калам!
Апасым дип җырлар җырлыйм,
Апасым дип шатланам.

2 этап    

Кадерле балалар. Без бүген туган ягыбызның , сөекле Апасыбызның

Тарихи истәлекле урыннарына тукталырбыз.Мондагы төзелешләр, урамнар шау чәчәккә күмелгән, балалар сөйләгез әле, нинди матур биналар барлыкка килгән монда.

Бу рәсемдә-                                                             Слайд 20
Мәңгелек ут. Апаслылар Ватанны саклап, яу кырында ятып калган солдатларны искә  алалар. Бәйрәмнәрдә Мәңгелек ут чәчәкләргә күмелә.

- 

Бу рәсемдә Апасның тирә якка дан тоткан музее сүрәтләнгән        Слайд 21

    Музей1993 елның 1 нче ноябрендә эшли башлый. 

 Аңың җитәкчесе кем икән, кемнәр әйтә ала?.Әйе Аны сезнен райондашыгыз. авылдашыгыз   Ногманов Рәмис Усманович җитәкли.    Музей зур ,матур Без өлкәннәр дә, укучыларда бу музейларда еш булабыз,Ел дәвамында уртача 2500 кеше музей ның бай тарихы белән таныша.

Ә сез районыбызда тагын нинди музейларны бәләсез? Сезне мәктәптә музейлар бармы? ( 2)

-Бакырчыда Шәүкәт Галиев исемендәге музей.

-Тутайда Сара Садыйкова исемендәге музей.

-Кызыл тауда   Мөхәммәт Гайнуллин исемендәге музей

-Шәмбалыкчыда  Фәхри Насретдин исемендәге музей.

Бу автовакзал. Автовокзал зур, матур, чиста.                  Слайд 22
Аннан төрле шәһәр һәм авылларга автобуслар йөри.

- 

Сез бассейнда булганыгыз бармы?                 Слайд 23
Монда безнең балалар, әти-
әниләр суда йөзәргә  ,сәламәтлекләрен ныгытырга йөриләр. Хәзерге вакытта балалар өчен   Боз сарае төзелеп килә.

- 

                                                                                                      Слайд 24

Апасымның урамыннан үтәм горурлык белән .дип язылган шигри юллар да бу рәсем чын дәлиле булып санала.Апас урамнары матур архитектура үрнәге булып тора

Сәяхәтебезне дәвам итеп туган төбәгебез турында мәкальләр искә тошерик.

Дуслык турында дан җырлый

Һәрбер халык мәкале.

Кем күбрәк белә икән .

Сынашып карыйк әле.

Мәкалләр әйтешү. (чиратлашып слайдтан  1әр  мәкаль уку)     25 слайд

1Туган илем- туган өем.

2.Үз илем- алтын бишек.

3.Туган илем- туган анам.

4.Бердә түгел- илдә көч.

5.Иле ныкның- биле нык.

6.Читне макта- илеңдә тор.

7Иленнән аерылган- канаты каерылган.

Әй, туган ягым! Нинди гүзәл син! Синең гүзәллегеңә кемнәр генә сокланмаган. Шигырьләр иҗат итмәгән.

   Безнең Апас районы  данлыклы кешеләргә дә бай. Әйдәгез әле балалар, аларны искә төшереп үтик:

? районыбызда туып ускән,нинди күренекле кешеләрне беләсез?

-шагыйрь Шәүкәт ага Галиев,

-язучы- Гали Хуҗиев

- композитор Сара Садыйкова

-җырчы Фердинанд Сәлахов,Илсур Сафин

-артист Илдус Абдрахманов

-РСФСР ның һәм Татарстанның фән эшлеклесе социалистик хезмәт герое Садовников Владимир Генндьевич,   Советлар Союзы геройлары Горбунов Дмитрий Иванович, Каримов Салават Хакимович,Кузьмин Михаил Кузьмич  һ.б.һ.б

Әйе укучылар саный китсәң бик күп алар безнең районыбызда.Туган ягыбыз тагын да матурая, ныгый . Хәзерге вакытта районыбызны төзекләндерү, матурландыру өчен районыбызның җитәкчесе бик күп эшләр алып бара. Ә кем соң ул балалар? (Заһидуллин Рәшит Нәҗипович)

 Укучы (слайдтан укый) Рәхмәт сезнең барыгызга да

Безгә байлык биргәнгә.

Рәхмәт сезгә тагын бер кат

Безне тынычлыкта яшәткәнгә.

 Укучы. (слайдтан укый)

Апас ягым минем туган ягым,

Иркен синең басу- кырларың.

Тормышымны минем җырлы иткән,

Моңлы иткән якты хыялым.

Йомгаклау. Шулай итеп, укучылар, сәяхәтебез  ахырына якынлашты.  Бүгенге сәяхәт дәресебездә сез нәрсәләр өйрәндегез. Сезгә ошадымы ?

Туган якны яратасыз, аның табигатен саклыйсыз, үткәне һәм киләчәге белән кызыксынасыз икән.

    Сезнең һәммәгезгә дә   актив катнашканыгыз өчен рәхмәт. Исән булыгыз, туган телегезне, туган җирегезне хөрмәт итегез, онытмагыз, Татарстаныбызның лаеклы уллары һәм кызлары

булып үсегез.

Мәгарифне модернизацияләү шартларында гражданлык һәм

патриотизм хисләре тәрбияләүгә заманча якын килү