Есеп. Қанша қымбат? 1-класс
план-конспект урока (математика, 1 класс) по теме

Тақырыбы: Есеп. Қанша қымбат?

Мақсаты: «Қанша қымбат?» ұғымымен таныстыра отырып,сол арқылы берілген есептерді шешудің жолдарын түсіндіру.

Міндеттері:

     -   есеп түрлері жайлы оқушылардың білімдерін жетілдіру;

• есептеу дағдыларын, ой-өрісін,есте сақтауын дамыту. Пәнге қызығушылығын арттыру;
• шыншыл, адал болуға, әдептілікке тәрбиелеу.

Әдісі: сұрақ-жауап, түсіндіру, ойын,АКТ технологиясы

Түрі: жаңа сабақ

Типі: дәстүрден тыс

Көрнекілігі: ертегі кейіпкерлері,алтын ақшалар,қап,асық.

Сабақтың барысы: І.Ұйымдастыру

-сабақтың мақсатын хабарлау.

-психологиялық дайындық.

               Үлкенге де сіз,

                Кішіге де сіз.

                Бар адамды құрметтеп,

                Бас иеміз біз.

-Балалар,біздің бүгінгі сабағымыз ертегі түрінде өтеді.

     Ерте,ерте,ертеде бір бай мен Алдаркөсе болыпты. Бай өте қызғаншақ,үйіне адам келсе кіргізбейтін сараң болған. Ал Алдаркөсе болса - ақылды,айлакер,зерделі қу.Ол өзінің айлакерлігі арқылы мұратына жетіп отырған. Оның мақсаты – сараң байды, пайдакүнем саудагерді, озбыр ханды әжуа ету болған.

    Сол Алдаркөсе бір күні Байды қайткенде де алдап, алтын ақшаларын алғысы келіп, байға келеді. Бай оған тапсырмалар орындаса ғана беретіндігін айтты.Сендер Алдаркөсеге көмектесесіңдер ме? Егер сендер оған көбірек көмектессеңдер оған бай да көп алтын ақша береді.

ІІ. А)Үй тапсырмасын тексеру

    Ә) Өткенді пысықтау.  «Бес асық» ойыны.

1.Бір таңбалы сандарды ата.

2.Екі таңбалы сан

3.Есептің құрамды бөліктерін ата

4.Екі сан аттай отырып тура сана

5.Бір сан аттай отырып кері сана

ІІІ.Негізгі бөлім

• Балалар, енді Алдаркөсе мен Байдың киіміне назар аударайық.
• Қайсысының шапаны әдемі?
• Кімнің шапаны қымбат деп ойлайсыңдар?
• «Қымбат» деген сөзді қалай түсінесіңдер?

(Мысалдар арқылы түсіндіру)

Дәптер – 10тг         ? қымбат

Қарындаш – 7тг

10 – 7 = 3(тг)

Жауабы: дәптер 3 теңгеге қымбат.

ІV.Оқулықпен жұмыс

Тапсырмалар орындау. №1 (Тақтада) (Байдың 1-тапсырмасы)

Есептерді салыстыру.

• Ұқсастығы қандай?
• Айырмашылығы қандай?

V.Сергіту сәті.   Мультфильм «Сиқырлы қасық»

Мультфильмге қатысты 5сұрақ қою. Мақсаты: оқушының зейінін, есте сақтауын дамыту.

1.Ертегіде жылдың қай мезгілі суреттелген? (жаз)

2.Алдаркөсе неше қасық тауып алды? (1)

3.Байдың шапанының түсі қандай? (көк)

4.Байдың үйінің қасында неше қазандық құрылған? (1)

5.Алдаркөсенің киімінің түсі қандай? (қоңыр)

№2 (3 оқушы тақтада орындайды) (Байдың 2-тапсырмасы)

Теңдік,теңсіздік,өрнекті ажыратып үш бағанға жазу.

№3 (өз бетімен жұмыс).  Бір-бірін тексеру, дәптер алмастыру.

(Байдың 3-тапсырмасы)

        5, 4,

№5 (ауызша) ) (Байдың 4-тапсырмасы)

• Міне,балалар Алдаркөсе сендердің арқаларыңда барлық тапсырмаларды орындап шықты. Оған бай өзінің барлық алтын ақшаларын беруіне тура келді. Ал Алдаркөсе болса сендерге «Жарайсыңдар!» деп рахметін айтып жатыр.  

VІ. Бекіту.

• Бүгін қандай ұғыммен таныстық?
• Заттардың бір-бірінен қанша қымбат екенін қалай табамыз?
• «Қанша қымбат?» сөзі қай сөзді алмастырып тұр?

VІІ.Қорытынды

• Бүгінгі сабақ ұнады ма?
• Бай қандай адам? Ол неге үнемі алданып қалады?
• Алдаркөсе қандай?

VІІІ. Үйге тапсырма беру

ІХ. Бағалау

Х. Мадақтау. Байдың алтын ақшаларын балаларға тарату.