Түгәрәк саннарны тапкырлау (Умножение круглых чисел)
план-конспект урока по математике (2 класс) по теме

Математика 2 сыйныф

УМК «Перспектива»

Укытучы: Нуруллина Руфия Ислямовна

Татарстан Республикасы

 Аксубай муниципаль районы

Иске Ибрай урта мәктәбе

Тема:   «Түгәрәк саннарны тапкырлау»

Максат:

• 100 эчендә түгәрәк саннарны тапкырлау ысулларын өйрәтү;
• Игътибарларын, фикер йөртү сәләтләрен үстерү;
• Математика фәненә кызыксыну уяту.

Планлаштырылган нәтиҗәләр:

        Предмет нәтиҗәләре: 

• санау таякчыклары ярдәмендә түгәрәк саннарны тапкырлау ысулларын модельләштерү;
• 100 эчендә түгәрәк саннарны тапкырлау;
• түгәрәк саннарны тапкырлауга карата гади мәсьәләләр чишү;
• аңлатмаларда төшеп калган гамәлләрне дөрес кую;
• саннар рәтенең закончалыгын табып, рәтне тулылыандыру.

Предметара нәтиҗәләр:

• регулятив: 

• уку эшчәнлегенең максатын билгеләү;
• уку мәсьәләсен чишү буенча эш планын төзү;
• план буенча эшләү;
• эшне үрнәк буенча тикшерү.

• танып – белү:

• кирәкле информацияне эзләү һәм  табу;
• таблица, кыскача язу, математик аңлатмаларны дөрес файдалана белү.

• коммуникатив:

• дәрестә гади, аңлаешлы сөйләм куллану;
• дәреслектәге текстларны кычкырып яки эчтән уку;
• әңгәмәләрдә, күмәк фикер алышуларда катшашу;
• укытучы сорауларына җавап бирү.

Шәхси нәтиҗәләр:

• үз эшчәнлегеңне контрольдә тоту;
• бәяләү;
• уңышыңның һәм уңышсызлыгыңның сәбәбен аңлау;
• математика фәненә уңай мөнәсәбәт;
• гади тәртип кагыйдәләрен булдыру.

Җиһазлау:

• презентация;
• биремле карточкалар;
• үзбәя өчен карточкалар.

Дәрес төзелеше: 

1. Оештыру өлеше.
2. Танып – белү эшчәнлеге:

• белемнәрне актуальләштерү;
• икеурынлы түгәрәк саннарны тапкырлау кагыйдәсен кертү;
• мөстәкыйль эш;

3. Рефлексия. Үзанализ һәм үзбәя.

Дәрес барышы

1. Оештыру өлеше.

   Күңелле кыңгырау чыңлый,

   Чакырып безне дәрескә.

   “5” ле эләктереп калыйк”,-дип,

                  Керешик без дәрескә

II. Белемнәрне актуальләштерү.

- Сез берурынлы саннарны тапкырлый беләсез. Кушуны тапкырлау, тапкырлауны кушу белән алыштырып язып карагыз.

Бирем  N1 (вариантларда бирелә).

СЛАЙД 2.

I вариант

2 + 2 + 2 + 2 + 2 =

6 + 6 + 6 =

4 + 4 + 4 +4 =

II вариант

3 х 5 =

5 х 4 =

7 х 2 =

- Карточкаларны алышып ,эшләрегезне, тактадагы үрнәккә карап, тикшереп чыгыгыз һәм бәяләгез.

СЛАЙД 3

Бирем № 2. Бирелгән аңлатмалар арасыннан мәсьәләнең чишелешенә туры килгәнен табыгыз. Фикерегезне дәлилләгез.

- Ике атнада ничә көн?

- Дүрт куянның ничә аягы?

- Биш керпенең ничә колагы?

- Өч үрмәкүчнең ничә аягы?

- Артык калган аңлатмага үзегез мәсьәлә уйлап карагыз.

СЛАЙД 4

Бирем № 3. Телдән исәпләү.

20 +30                           80 – 20

60 – 40                         100 – 60

10 + 40                          90 – 50

50 + 50                          30 + 60

70 – 30                          20 x 3

III.  Теманы формалаштыру, максатны билгеләү.

СЛАЙД 5

              Түгәрәк саннарны тапкырлау кагыйдәсен кертү

- Әлеге аңлатмалар турында нәрсә әйтә аласыз? (Түгәрәк саннарны кушу һәм алу.) Артык аңлатма турында ни әйтерсез? (Түгәрәк саннарны тапкырлау).

-Бүгенге тема “Түгәрәк саннарны тапкырлау”, -дип атала.

Без нинди максатка ирешергә тиешбез? (Түгәрәк саннарны тапкырларга өйрәнергә кирәк)

IV.  Яңа теманы ачу.

1. Түгәрәк саннарны тапкырлау кагыйдәсен чыгару.

      1 ысул.

• 20 x 3 нең кыйммәтен ничек табарбыз икән? Бәлки миңа ярдәм итүчеләр табылыр?
• 20 не 3 тапкыр кушабыз.

20 + 20 + 20 = 60

2 ысул.

( Санау таякчыклары бәйләмнәре ярдәмендә тапкырлауның икенче ысулы карала.)

• 20 не 3 кә тагын ничек тапкырлап була ? 20 ул ничә дистә?

(20 – 2 дистә. 2 дистәне 3 кә тапкырлыйбыз, 6 дистә яки 60 була.)

-Кайсы ысул беоән исәпләргә җиңелрәк? (Икенче ысул белән исәпләү ансатрак.)

 - Икеурынлы түгәрәк саннарны берурынлы санга тапкырлау кагыйдәсен формалаштырып карый әле.  ( Икеурынлы түгәрәк санны берурынлы санга тапкырлау өчен, түгәрәк санны дистәләргә әйләндерергә һәм тапкырларга.)

2. Физкультминутка.

СЛАЙД 6

3. Теманы ныгыту. Мөстәкыйль эш.

- Аңлатмаларны ике ысул белән чишәргә.

20 х 4

20 + 20 + 20 + 20 =80

2 дис. х 4 = 8 дис.

30 х 3

30 + 30 + 30 = 90

3 дис. х 3 = 9 дис.

V. Дәреслек белән эшләү.

  1. Телдән исәпләү. № 1,2,3 (17, 18 бит)

      Мисаллар алдан тактага язып куела, чиратлап җавапларны гына язалар.

2. Дәфтәрләрдә эш.

 № 4 (18 бит , комментарияле эш)

 № 6,7 ( 18 бит , мөстәкыйль)

VI. Үтелгән материалны кабатлау.

    № 8,9 (18 бит, телдән)

 VII. Диагностик бирем.

1.- Кушуны тапкырлау белән алыштырып язырга.

1 вариант

10 + 10 + 10 + 10 + 10 + 10 =

20 + 20 + 20 + 20 =

30 + 30 =

2 вариант.

40 + 40 =

20 + 20 + 20 =

50 + 50 =

- Парларда тикшерегез.

- Тактадан дөреслеген карагыз.

 СЛАЙД 7

- Кем барысын да дөрес эшләде? /х кеше.

- Кем барысын да эшләп бетерә алмады, ләкин эшләгәннәре дөрес? /х кеше

- Кемнең хаталары бар? /х кеше.

- Кем чишә алмады? /x кеше

2. Аңлатмаларны исәпләргә.

50 x 2        10 x 9        40 x 2         10 x 10          30 x 3

20 x 5        20 x 3        10 x 6         7 x 10             4 x 10

VIII.  Рефлексия.

СЛАЙД 8

Смайлик сайлагыз:

-“Мин өйрәндем, башкаларга да булыша алам.”

-“Мин беләм, ләкин бераз ярдәм кирәк.”

-“Миңа дәрестә авыр булды.”

IX. Дәресне йомгаклау.

• Нинди яңа белемнәр алдык? (Түгәрәк саннарны тапкырларга өйрәндек)