занятие и презентация на мордовском языке. мордовские сказки. фольклор
план-конспект занятия (старшая группа) на тему

«МБДОУ Инсарский детский сад «Солнышко»

Фольклорсь

Мокшэрзянь народнай ёфксне

                                     Составитель: воспитатель МБДОУ

 «Инсарскй детский сад

«Солнышко» Жалнова С.А.

Инсар 2015

Эпиграфсь: «Тонафнесть устнай народнай творчествать – сон пяк пара, тя кода пандалдонь лихтибрянь ару ведь, модалдонь танцти шудерькс».

(А.М. Горький). (Слайд №1)

Мероприятиять темац: Фольклорсь. Мокшэрзянь народнай ёфксне. 

(Слайд №2)

Цельхне:

1. Образовательнайхть:

• Кемокстамс фольклорть колга шарьхкодемать;
• Кемокстамс ёфксть колга шарьхкодемать.

2. Развивающайхть:

• Шарфтомс мяль иттнень эсь мялень азондомаснонды;
• Шарфтомс мяль иттнень ёфкснень выразительнайста морафтомаснонды;

3. Воспитывающайхть:

• Пачфтомс иттненди ялгаксшить эрявиксшиц;
• Тонафтомс иттнень перьфпяльть ванфтоманцты;
• Формировадондамс иттнень обуцяса ляпешить.

Оборудованиясь: «Мокшэрзянь народнай ёфксне» книгась, слайдт: «Мокшэрзянь народнай ёфксне», задания мархта тяштенят, рисункат.

Мероприятиять планоц:

   I.  Оргмоментсь

  II. Заданиятне:

1) Викторина.

2) Содасть ёфксть.

3) Содасть ёфксонь геройть.

4) Кельгома герой.

5) Кроссворд.

 III. Выводонь тиемась

Мероприятиять молемац

I.  Оргмоментсь

Учительсь: Шумбратада, шабат! Тячи минь мархтонтт ётафттама пяк интереснай ваймамань илядь – «Фольклорсь. Мокшэрзянь народнай ёфксне». 5-це класста сявомок минь тонафнесаськ мархтонтт фольклорть, корхтаме устнай народнай творчествать колга, ваноськ мезе стамось ёфкссь и сонь видонзон, морафтоме лама ёфкс. Тячи минь тя семботь мархтонтт лятьфтасаськ. (Слайд №3)

  II. Заданиятне

 (Клазсь явови кафта командава, эрь командати максови кизефкс, кда синь аф муйхть ответ, отвечай омбоце командась)

1) Викторина:

1. Минь мархтонт аф весть корхтаме, што ёфкссь – тя, фольклоронь жанра. А мезе стамось фольклорсь и кода ётафтови сон английскяй кяльста?

(Произведениятненди, конат латсевсть и азонкшневсть устна, мярьгихть английскяй валса – фольклор (народть ёнюшиц, смузец)). (Слайд №4)

2. Максода определения ёфксти.

(Ёфкссь – тя, фольклоронь жанра, азондозь азондови, ёфтазь-ёфтави произведения). (Слайд №5)

3. Кодама группава содержанияс коре явондовихть ёфксне?

(содержанияс коре ёфксне явондовихть колма группава: чудань, животнаень и  эряма коень). (Слайд №6)

4. Мезе няфтеви чудань ёфкснень эса?

(Чудань ёфкснень эса няфневихть кунардонь пингонь ломаттнень верасна, арьсемасна и содамошисна перьфпяльть и эсь эряфснон колга. Ломаттне кемасть, што перьфпяльсь пяшксе чудада, сяс месс синь афолезь шарьхкотькшне перьфпяльть закононзон). (Слайд №7)

5. Мезе няфтеви животнайхнень колга ёфкснень эса?

(Животнайхнень колга ёфксса сидеста азонкшневи сятнень колга, конатнень ломаттне васьфнесазь мала вирьхнень и эсь хозяйстваснон эса. Зверьхнень пряснон вятемаснон вельде няфтевихть ломаттнень обуцясна).

(Слайд №8)

6. Мезе няфтеви эряма коень ёфкснень эса?

(Эряма коень ёфкснень эса лихневихть лангти ломаттнень афсатыкссна).

(Слайд №9)

2) Содасть ёфксть:

1. Бабась мярьгсь атяти: «Атя, печк буканять, сиволь пидетяма!». Атясь шовась пеель и тусь буканять печкома. Буканясь няезе пеельть и воръгодсь вири. Атясь ёразе печкомс боранть, да сявок ворьгодсь вири. Ворьгодсть яксяргське, атёкшське. Илядсть атят-бабат сивольфтема. Пингонь ётазь пинесновок тусь.    

(«Буканясь и пинесь»)

2. Келептезе Костя шава кяскавть, и сире върьгазсь куштядсь тоза, кода вашеня. Костя алясь ульсь сонцьке аф пяк кальдяв, серец ульсь кафтошка метра, а копорьсонза кота путтнень каннелезень хъть мезе. Яфодезе Костя копорезонза върьгаз мархта кяскавть и тусь эсь киганза.      

(«Сире върьгазсь и Костя»)

3. Якась-бралгсь вирьге, да ёфси апак учентт токадсь кибрязонза панда, а ся пандса кафту явожф кели лазф. Сувась тоза и варжакстсь алу: тоса оцю куй ащи, аф тарови, аф шарови, пулонц люпштазе стака кев.

(«Парось пандови пароса»)

4. Алять кулось ърьвац, лядсь фкя стирняц. Алясь ърьвакс саявсь од ава ёмла стирня мархта. А аляти авась мярьги:

- Эрьфтьк стирняцень. Эрьфтьсак стирняцень – эрян мархтот, аф эрьфтьсак – аф эрян.

Аляти идняц арась ужялькс, изезе эрьфте.

(«Од ава»)

3) Содасть ёфксонь геройть:

1. Ёжу, машты васькафнема, но лияста сонцьке повонды кальдявс? 

(Келазсь) (Слайд №10)

2. Кяжи и жаднай, аф ёню, ваче пеке?

(Върьгазсь) (Слайд №11)

3. Ляпе седи, лияста казяма, аф пяк ёню, кельгсы лишнай пореманц.

(Офтсь) (Слайд №12)

4. Кие сембода пелись?

(Нумолсь) (Слайд №13)

4) Кельгома герой.

(Эрь командась рисовадондай ёфксонь герой и арьси колганза аф оцю ёфкске).

5) Кроссворд.

(Эрь командати максф кроссворд).

III. Выводонь тиемась

(Жюрись лувсыне балхнень и азсы кона командась сяда вии)

Учительсь: Вов аделавсь минь ваймамань вечероньке. Арьсян, мялезонт тусь тячиень мероприятияньке! Пяк кенерьфтемасть ответонтень мархта, сембонди путан ветет. Оцю сюкпря, няемозонк!