КОНСПЕКТ ИНДИВИДУАЛЬНОГО ЛОГОПЕДИЧЕСКОГО ЗАНЯТИЯ.
методическая разработка по логопедии (старшая группа)

Ҙ өнөн ҡуйыу буйынса индивидуаль дәрес конспекты. Уҡытыусы-логопед Иманғолова Ләйсән Марат ҡыҙы.1.Коррекцион белем биреү маҡсаты: 

-ҙ өнөн ижектәрҙә,һүҙҙәрҙә дөрөҫ ишетергә өйрәтеү;

-һүҙҙәрҙе ижектәргә бүлеү,һөйләмдәр төҙөү һәләтен киңәйтеү;

2.Коррекцион үҫтереү маҡсаты:

-фонематик ишетеү һәләтен,бәйләнешле телмәр үҫтереүҙе дауам итеү;

-иғтибарҙы,хәтерҙе,фекерләү ҡеүәһен нығытыу;

-һүҙ байлығын арттырыу.

3.Коррекцион тәрбиәләү маҡсаты:

-башҡорт теленең үҙенсәлекле өндәрен өйрәнеүгә ынтылыш,туған телдә аралашыуға ҡыҙыҡһыныу уятыу.

Йыһазландырыу:өн символдары,предметлы һүрәттәр,ҡыңғырау;

Дәрес барышы:

1.Ойоштороу өлөшө.

Сәләмләү.-Беҙгә бөгөн Ҡәҙриә исемле ҡыҙ килгән.Ҡәҙриә башҡорт теленең өндәрен өйрәнгеһе килә.Бөгөн ниндәй өн өйрәнәсәкбеҙ икән? Мин һүҙҙәр әйтәм,иғтибар менән тыңлағандан һуң,был һүҙҙәрҙең аҙағында ниндәйөн ишетелгәнен әйтерһең.(туҙ,боҙ,ҡаҙ,ҡыҙ)

2.Артикуляцион гимнастика."Ҡоймаҡ"

"Сынаяҡ"

"Бәшмәк"

"Татлы бал"

3. Ҙ өнөнөң  артикуляцион билдәләрен асыҡлау.

Телдең осо тештәр араһына ҡыҫтырыла.Һауа ауыҙҙан сыға.Ҙ өнө тартынҡы,яңғырау.

4.Фонематик ишетеү һәләтен үҫтереүгә күнегеү.

Уйын "Ҡыңғырауҙы зыңғырлат". Әйтелгән өндәр,һүҙҙәрҙә ҙ өнөн ишетһә бала ҡыңғырау менән тауыш сығара.

5. Өндө ижектәрҙә әйтеү. Уйын 

"Бал ҡорто йырын йырлау" 

6. Ҙ өнөн һүҙҙәрҙә әйтеү. Интерактив уйын "Ҡәҙриәнең бүләктәре"

7.Ял минуты. Көй аҫтында хәрәкәттәр яһала.

Тирмән тартып алайым,

Ҡымыҙ бешеп алайым,

Бутыр - бутыр бутҡа бешә

Бутҡамды мин болғайым.

Эшем бөттө,ә хәҙер

Ҡумыҙымды уйнайым.

8. Ҙ өнө булған һүҙҙәр менән һөйләмдәр төҙөү. Электроуйын. Бала мәғәнәһе яғынан яҡын булған һүрәттәрҙе табып әйтә,дөрөҫ яуап әйтелгән осраҡта көй уйнай.Артабан ошо һүҙҙәр менән һөйләмдәр төҙөлә.

9.Логико-малыш әсбабын ҡулланып һүҙҙәрҙе күплектә әйтеү. -ҙар,-ҙәр ялғауҙарын асыҡлау.

10.Йомғаҡлау.