Методическая разработка внеклассного мероприятия "Мы вместе"
методическая разработка

Захарова Марина Анатольевна

учитель родного(чувашского) языка и литературы

МБОУ «Новоильмовская СОШ»

Черемшанского  муниципального  района

Республики Татарстан

Класс тулашĕнчи ĕçĕн конспекчĕ

 «Эпир пĕрле!»

                                                                                             Эпиграф «Прлешÿре – вăй»

Слогон «Пĕрле юрлар, пĕрле ташлар,  

                                                                                                          Пĕрле ĕçлер, пĕрле савнар,

  Пĕрле ялан хаваслă пурнар,

                                                                                    Пĕрле, пĕрле,

                                                                                    Ялан пĕрле!»

Харкамлăх результачĕсем

- чăваш чĕлхин илемлĕхне хаклама пултарни, тăван чĕлхене хисеплени, унпа мăнаçланни; чаваш пуплевĕн нормисене наци культурин пуянлăхĕ шайне лартса сыхласси кашни чăвашшăн пысăк тивĕç тесе йышăнни;

 пуплеве куллен-кун аталантарма тăрăшни

Пур предмета та вĕренме кирлĕ результатсем:

- шухăша сăмах вĕççĕн е çырса ирĕклĕ те тĕрĕс уçса пама пултарни;

-вĕренÿре илнĕ тĕрлĕ пĕлÿпе, хăнăхупа яланхи пурнăçра усă курни;

- калаçнă май, пĕр-пĕр ĕç тунă чух е мĕнле те пулин тавлашуллă ыйтăва сÿтсе явнă чух çынсемпе тĕрлĕ çыхăнăва кеме хăнăху пурри; пĕр-пĕр йĕркепе иртекен хутшăнура е яланхи калаçура наци культуринче çирĕпленнĕ пуплев нормисене пăхăнни;

- пуплев-хутшăну культурине аталантарни;

- ачасен шухăшлавĕпе пултарулăхне аталантарни;

- общество пурнăçăн пулăмĕсене, кулленхи пурнăç тупсăмĕсемпе çыхăннă проблемăсене тарăннăн ăнланма пулăшни

Предмета вĕреннин результачĕсем:

- тăван чĕлхене пелни чăваш культуришĕн, халăх пуласлăхĕшĕн пысăк пĕлтерĕшлĕ пулнине, çавăнпа чĕлхене вĕренме тивĕç пуррине ăнланни;

- пуплевĕн тĕрлĕ тĕсĕпе усă курма пултарни;

- шкул ачин кăмăл - сипет тата культура никĕсне чи малтан чăвашсен традициллĕ тĕнче ăнланăвне пур енлĕн аталантарни;

- пуплев - хутшăну культурине аталантарни; ачасен шухёшлавĕпе пултарулăхне аталантарни;

Курăмлăх хатĕрĕсем:

Интерактивлă доска, компьютер, колонкăсем, презентаци, видео «Пĕрле» https://www.youtube.com/watch?v=e5swZFPuxc8 , аудио юрă «Пĕрле», логотип

Ĕçе йĕркелемелли формăсем: калаçу, вăйă, ăмăрту, ушкăнпа

Ĕç йĕрки

1. Ĕçе йĕркелесе ярасси

- Пĕрле, пурте юрлар паян пĕрле,

  Пĕрле, пурте ташлар паян пĕрле,

  Пĕрле, пурте ĕçлер паян пĕрле

  Пĕрле, пĕрле, савнар пĕрле!

2. Ĕçлеме хавхалантарасси

  «Пĕрле» видео-клип пăхасси

3. Калаçу «Пĕрлешÿре – вăй»

- Çак шăпăра кам хуçма пултарать?

- Уйрăм туратсене хуçса пăхăр-ха. (Хуçăлаççĕ).

- Мĕншен çапла?

- Пĕрле сăмахăн синонимне тупар-ха.(Сăмахсен пĕлечĕ йĕркелесси)

(Ушкăнпа, нумайăн, йышпа, эртелпе, халăх, ниме)

- Урăх чĕлхесене куçарăр. (Мы вместе/ Без бергә/ We're together)

-Пĕрле самахăн антонимĕ мĕнле пулать?

4. Вăйă «Пĕччен сурать – типсех пырать, халăх сурать – кÿлĕ пулать»

Ушкăнпа – пĕччен  - сăмахсенчен пÿрт «купаласси», е пазл пуçтарасси

Халӑхпа вӗрсен хапха уҫма пулать.     Эртелпе ӗҫлесен ӗҫ ҫӑмӑл.

5.  «Эпĕ - халăхăн пер чĕптĕмĕ» Тумлам шыв тинĕсе пулăшать.

1. Сăвăсем ăмăртса вуласси

6. Вăйă «Эпĕ - чăваш»

• Пĕрремĕш ача: Эпĕ Станислав, эпĕ – чăваш, эпĕ сăпайлă, çынна сăпайлăх илем кÿрет(хăйен ячĕн пĕрремĕш сас паллинчен пуçланакан çынна сăнлакан паллă ячĕ тупмалла е ваттисен сăмахĕ, е каларăш), эпĕ вун иккĕре, … Иккĕмĕш ача: Вăл – Станисав, вăл сăпайлă чăваш ачи, манăн юлташ, эпĕ Кристина, эпĕ– чăваш хĕрĕ, эпĕ - кăмăллă, камӑллӑ ҫыншӑн пурте кӑмӑллӑ. Эпĕ вун иккĕре, …
• Виççĕмĕш ача: …….

7. Вăйă «Ваттисен сăмахне выляса кăтарт»

1 ушкан - Йышпа ÿпре те вăйлă теççĕ.

2 ушкăн – Йышпа çисен апат тутлă.

Ушкăнсем выляса кăтартаççĕ, пăхакансен ваттисен сăмахне ăнланса илсе каламалла.

8. Пĕтĕмлетÿ.

Флешмоб «Эпир пĕрле!» - «Пĕрле» юрăпа тата çак сăмахсемпе:

- Пĕрле, пурте юрлар паян пĕрле,

  Пĕрле, пурте ташлар паян пĕрле,

  Пĕрле, пурте ĕçлер паян пĕрле

  Пĕрле, пĕрле, савнар пĕрле!