Башҡорт теле һәм әҙәбиәте аҙналығы
материал

Хәйерле иртә, гимназия!!! Хәйерле иртә уҡытыусылар, уҡыусылар, ата-әсәләр!

Хәйерле булһын!

Хәйерле атһын таңыбыҙ,

Хәйерле килһен көндәр,

Хәйерле етһен кисебеҙ,

Хәйерле үтһен төндәр.

Хәйерле булһын уйыбыҙ,

Хәйерле булһын эштәр,

Хәйерле булһын өнөбөҙ,

Хәйерле булһын төштәр!

Хәйерле юлдарҙан уңып

Әйләнешеп ҡайтайыҡ,

Хәйерле аҙнаны башлап,

Хәйерле оҙатайыҡ!

Һәр бер ҡылған ғәмәлебеҙ

Хәйерле була күрһен…

Хәйерле булһын бөтәһе –

Хоҙайым ярҙам бирһен!

26-сы ноябрҙан 1-се декабргә тиклем Гимназияла “”Туған телеңдең  ҡәҙерен бел һәм ярат” девизы аҫтында туған телдәр аҙналығы үткәрелә. Программала “Иң белемле класс”, һүрәт конкурстары,  викториналар, туған телдәр буйынса олимпиада, уйын-ШОК, музыкаль-әҙәби композиция ҡаралған.

Бөтәгеҙҙе лә аҙналыҡта әүҙем ҡатнашырға саҡырабыҙ.

Моң шишмәһе һандуғастай йырсы ла һин,

Һығылма бил тал сыбыҡтай нәфис тә һин,

Аллы-гөллө гөл-сәскәләй наҙлы ла һин,

Эй, илһамлы, эй, хөрмәтле башҡорт теле!

Күгәреп ятҡан Уралыңдай бай, йомарт һин,

Серле ҡамыш ҡурайыңдай ҡарт, олпат һин,

Күпте күргән сәсәнеңдәй йор, зирәк һин,

Эй, һөйөклө, эй, ҡәҙерле башҡорт теле!

Диңгеҙҙәргә тиңләмәйем — тәрәнһең һин,

Айға-көнгә тиңләмәйем — гүзәлһең һин,

Ҡаяларға тиңләмәйем — бөйөкһөң һин,

Эй, хикмәтле, мәрхәмәтле башҡорт теле!

Күп быуаттар һин йырланың ҡурай моңон,

Күп быуаттар һин йырланың яугир юлын,

Инде азат. Шат. Йырлайһың еңеү йырын,

Эй, бәхетле, эй, ҡәҙерле башҡорт теле!