Внеклассное мероприятие "Сюкпря теть, авай!"
методическая разработка на тему
Предварительный просмотр:
Сюкпря теть, авай!
(Гайги Н. Кошелевань «Весемеде мазыйнем» моронь мелодиясь. Эйкакштнэ сэтьместэ совить залс, косо аштить аваст, сырькаест, эйдень кужонь важодицятне. Эйкакштнэ ютыть ды ойсить таркаваст)
Ветицясь:
Шумбратадо, вечкевикс оят! Течинь вастомась алтазь аванок, сырькаенек, патянок-сазоронок туртов. Весе сетненень, кить кандыть тейтерь-авань лем. «Авай» Кодамо мазый ды лембе, кодамо чевте ды валдо те валось! Сон гайги эрьванть седейсэ, эрьванть мельсэ-превсэ.
Эрзянь ава... кодат виевть кедеть! Ризксэнзэ а невти весенень.
Кепедить эйкакшот пильге лангс Кунсолодо, моры эрзянь ава:
Кодамо чевте, ава, седееть! Кодамо мазы гайги вайгель!
Содат, кода видестэ эрямс. Эрзянь ава, сырнень тюс мекшава,
Ванодо, пееди эрзянь ава, Маней ды валдо тонеть менель.
Кенярксонзо кази лиянень. Покшчинь пазчангот тенк, вечкевикс ават!
Ванодо, аварди сон салава - Сюкпря тенк эйкакшонь трямонть кисэ!
(Икелев лисить 3 эйкакшт.)
1-це эйкакшось 2-це эйкакшось
Авай, авай, тон прок шержей нармунь. Кинь сехте вечкевикс ды чевте кедезэ?
Чить ды веть мелявтат минек кис. Кинь сехте кемевикс, лембе седеезэ?
Тонь кудынеть велькска лембе вармат Зярдояк а мадни вечкемась эйсэнзэ,
Кандыть тундонть минек сыця чис. Сех питнейкс ломантне свал ловить лемензэ.
3-це эйкакшось
Сонзэ эрьва валось, теке сырнень эрьге,
Авань седейёжось меште потс а кельги.
Арсян, валдост тешттне сонзэ эйстэ саить,
Кирвазтить чипаенть.
(Икелев лисить тейтерне ды церыне, морыть нурька морынеть)
Валдо, валдо сэнь менелесь, Эрька, ялгай, моратано
Валдосто мизолды чись. Вейке, кавто морынеть.
Ванта, оям, кужось келей - Мейле колмоценть морасы
Каршонзо киштеме лиссть! Саран ошонь церыне.
Тетяй, рамака тень котат Нурька морынеть аванень
Парсей цюлка марто. Минь, ялгат, моратано.
Мон молян лисян киштеме Ломань седе вадря, паро
Балалайка марто! Лия а содатано.
Морак, морак, гармония, Вечкан, вечкан парсей паця
Вайгелеть келейстэ макст. Сурепуло марто.
Саран ошонь кол тейтертне Седеяк вечкан од цера
Минек ваксс киштеме саст. Гармония марто.
Тейтерне:
Течи авань паласа,
Пек псистэ кутмордаса.
Мазый морыне моран
Ды киштемеяк туян.
(Гайги «Панжовсь лемось» Н. Кошелевань моронь мелодиясь. Моронть коряс тейтертне киштить покш паця марто)
Ветицясь:
Течинь чинтень минь минь пек седейшкава анокстынек: киштемат ды морот тонавтнинек. Ней кунсолотано стихть.
Тейтерне:
Валске марто течи стинь,
Ваньксстэ киякстнэнь мон шлинь.
Стясь авам:
- Те мень тамаша?
Шлязь кияксось! Ванькс ды ашо!
- Покш чи марто! - меринь тензэ.
Казнекс путынь икелензэ
Мазый цецят-горниповт.
(Лиси кискине марто церыне)
Ветицясь: Мерсь кисканстэнь Тюма
Церынесь:
Бобик, иля шума.
Авам роботастьо сась,
Тарка лангс оймсеме мадсь.
Мон тонь матро налсксевлинь,
Эрязасто чийневлинь...
Неят, сэтьместэ аштян:
Авам оймси - каштмолян.
Тейтерне:
Сехте мазый монь авам,
Весенень теде кортан.
Сехте превей, чевте седей,
Вана кодамо авам!
(Моры «Весемеде мазыйнем» моронть. Муз. Н. Кошелевань, валтнэ И. Девинэнь, эрзякс - Маризь Кемаль)
Ветицясь:
Аволь ансяк валсо вечксызь аваст эйкакштнэ, бажить тень невтемс тевсэяк. (Морави ды невтеви «Кода ленонть минь видьсынек» морось)
(Икелев лиси няка марто тейтерне).
Тейтернесь:
Мекс тякинем а удат?
Мезень кисэ мелявтат?
Аштекая, нурсетян,
Мазый морыне моран.
(Моры «Лавсень моронть». Муз. Н. кошелевань, валтнэ А. Доронинэнь)
Ветицясь:
И киштинек, и морынек, сась шка налксемскак.
(Ютавты налксема: «Кие седе бойкасто няканть прячерензэ кодасынзе»)
Ветицясь:
Течи миненек састь инжекс аволь ансяк аватне, но сынст авасткак, конатне кандтнить покш лем - сырькайть, ды конатнень пек вечксызь нуцькаст. Вана теде кунсолотанояк.
(Лисить церынеть, морыть)
1-цесь 3-цесь
Тундонь морынем алтаса Сюкпря теть парочить кисэ
Мон вечкевикс сырькайнень Евты вечкиця нуцькат.
Эрзянь морынесэ шнаса Уцяскавсто, шумбрачисэ,
Сень, кона сех питней тень. Чивалдынем, свал эряк.
2-цесь 4-цесь
Сырнень кедь ды чевте седей, Стакачитне ютаст-потаст,
А оймави зярдояк. Куроксто саст паро шкат.
Сонтемензэ кудосонок Сырькай, свал улят седейсэнь,
Емаволь валдочиськак. То монень пек эряват.
(Церынетне ды тейтернетне киштить «Авкай, молян мон вирев» моронть коряс. Икелев лисить церынеть. «Косо, косо да Утяша» мелодиянть коряс налксить чувтонь пенчсэ.)
Ветицясь:
Ней сырькайтнень ливтьсынек икелев, карматано мартост налксеме. Вансынек, кода сынь содасызь эсь нуцькаст.
(Ютавтови налксема: «Муик нуцькат сельмень сюлмазь»)
Седе тов танцоватано вальс.
Ветицясь:
Вана пачкодсь пес минек вастомась. Вечкевикс ават, сырькайть! Кодат лембе валт тенк евтамс? Евтан ансяк сень: а сэредемс, а сыредемс, свал цивтердомс менельсэ тештинекс, свал мизолдомс тундонь васень цецинекс! Вастомазонок!
По теме: методические разработки, презентации и конспекты
Сценарий новогоднего утренника для детей средней группы "Новый год у тети Кошки"
Сценарий новогоднего утренника для детей средней группы "Новый год у тети Кошки"...
Сюкпря теть, эрзянь цёков!
Литературно - музыкальная композиция, посвященная творчеству Никула Эркая....
Проверочные работы по геометрии 11 класс по тете "Цилиндр, конус"
Проверочные работы по теме " Цилиндр, конус" вычисление площади боковой поверхности, осевого сечения. Задания из открытого банка заданий....
Стилістичні засоби (анафора, рефрени, постійні епітети, персоніфікація, символ, гіпербола). Робота з текстами УНТ. Пісні Марусі Чурай. «Віють вітри», «За світ встали козаченьки». Історичні пісні. «Ой Морозе, Морозенку», «Чи не той то Хміль».
Урок для підготовки до зовнішнього незалежного оцінювання. Матеріал дає змогу розібратися в стилістичних засобах літератури....
Внеклассное мероприятие "Мин авыл җирлеге башлыгы"
Учебная игра, выборы в органы местного самоуправления. Ученики 10го и 11го классов выдвигают своих кандидатов и агитируют за них. А ученики 9го класса выбирают....
