“Белем һәм тәрбия – белем ачкычы” шигырь сөйләүчеләр бәйгесенә сценарий
методическая разработка

“Белем һәм тәрбия – белем ачкычы” шигырь сөйләүчеләр бәйгесенә сценарий

Катнашалар:

Ике алып баручы- Касимов Александр, Биянова Лиана

Укытучы – Журавлева Розалия

Укучы – Касимов Александр

1 алып баручы: Исәнмесез, хөрмәтле укытучылар, кадерле балалар!

2 алып баручы: Исәнмесез, хөрмәтле жюри әгъзалары һәм кадерле балалар!

1 алып баручы: Без бүген Кистем урта мәктәбенең актлар залында бәйрәмгә җыелдык. Сезне барыгызны да “Белем һәм тәрбия – белем ачкычы” исемле шигырь сөйләүчеләр бәйгесендә күрергә шатбыз.

2 алып баручы:  Быелгы бәйге күренекле татар мәгрифәтчесе Шиһабеддин Мәрҗәнинең 200еллык юбилее һәм атаклы педагог Василий Сухомлинскийның 100еллык юбиллее уңаеннан уку-укыту, тәрбия, әхлак темаларына  багышланган.

1 алып баручы: Әйе, бүгенге бәйге балаларның күңелләренә гыйлем орлыклары чәчүче һәм аларның матур шытымнар бирүен сабыр гына көтүче остазларга, газизләрдән – газиз әниләр белән бер дәрәҗәгә куярлык изге затларга багышланган.

2 алып баручы: Тәрбияче!

1 алып баручы Укытучы!

2 алып баручы Остаз!

1 алып баручы Мөгаллим!

Ә кем соң ул? Ул  - сабыйны кулыннан тотып белем дөньясына алып керүче , барлык һөнәрләргә юл ачучы кеше. Киләчәктә нинди генә биеклекләргә ирешсәк тә , уңышларыбызның башында укытучыбыз тора.

1 алып баручы:  Әйе, “укытучы, тәрбияче” сүзләре  изге. Һәр кеше бу сүзне тирән мәгънәсен аңлый, төшенә. Бу һөнәр ияләре бөтен көчен биреп балалар күңеленә яхшылыкны  сеңдерергә, тормышны аңларга, аны яратырга өйрәтә.

 2 алып баручы:   Бу залда утыручы һәр кеше минем белән килешер дип уйлыйм.   Мөгаллим хезмәте - авыр да, жаваплы да,шул ук вакытта кызыклы да.Гомерен балаларга багышлаган, аларны киләчәк  тормышка әзерләүгә алынган , шушы мактаулы эшкә бар күнелен, йөрәк җылысын салган, тынгысыз, көчле рухлы кеше генә мөгаллим була ала. 

1 алып баручы: Ә  минемчә,  мөгаллим ул  укытучы гына түгел, чын дус, якын кеше дә. Без һәрвакыт аның белән уй-фикерләребезне уртаклашабыз, аңа киңәшләр сорап киләбез. Ә ул вакытын кызганмыйча гел безнең янда булырга тырыша

2 алып баручы: Укытучы булу җиңел түгел.  Беренче чиратта, әлеге һөнәр  балаларга карата олы мәхәббәт таләп итә. Икенчедән, сабырлык,түземлек сорый.

“Кайда хаклык, кайда дөреслек?”

1 алып баручы: Хәзер барыгызны да бәйрәм белән тәбрикләү өчен сүз Кистем урта мәктәбенең директоры Камил Шамильевичка бирелә.

2 алып баручы: Хәзер эш тәртибе белән танышып үтик. Биредә Балезино, Юкамен, Игра, Глазов районнарында эшләп килгән балалар бакчалары һәм мәктәпләре укучылары катнашалар.

1 алып баручы: Конкурста шигырьләр тематик яктан өч төркемгә бүленгән: укытучым – иң якын киңәшчем, тәрбияче – беренче укытучы, әхлак турындагы шигырләр . Шигырьләр рус һәм татар телендә яңгырар.

2 алып баручы: Бәйгебез ике залда узар. Балалар бакчалары һәм башлангыч сыйныф укучылары өчен конкурс татар теле бүлмәсендә үтәр. 5-11 сыйныф укучылары шигырьләрен актлар залында укырлар.

1 алып баручы: Бәйгене башлап җибәргәнче жюри әгъзалары белән таныштырырга рөхсәт итегез.

2 алып баручы: Бәяләү 5 группа буенча, 10 баллык система буенча булачак:

Балалар бакчасы

1-4 сыйныфлар

5-8 сыйныфлар

9-11 сыйныфлар

Рус телендә сөйләүчеләр

1 алып баручы: Ә хәзер балалар бакчасы һәм башлангыч сыйныф укучыларын татар теле бүлмәсенә чаырабыз.

Конкурсны башлап җибәрәбез. Беренче булып ____________________________________ чыгыш ясый. ________________________________________әзерләнә.