Традиционный праздник "Эрын гурбан наадан"
материал

Сценарий «Эрын гурбан наадан»

Ведущий: Амар сайн, хүндэтэ айлшад, багшанар, hурагшад! Буряад хэлэнэй hайндэртэ зорюулагдаhан аймагай hургуулинуудай «Эрын гурбан наадан»  нэерхэнь мүнөөдэр!

Оронгын дунда hургуулиин бүлгэм уригдана. Туг үргэхэдэ булта сэхэ зогсое. (играет Гимн Бурятии на бурятском языке)

Ведущий: hула бологты! Түрэл буряад хэлэнэйнгээ hайндэрээр бүгэдые амаршалнабди! Түрэл хэлэеэ шадахаараа үргэжэ, уян нугархай хэлээ хурсадхажа,бэрхэнүүд ябахыетнай хүсэнэбди. Бултандатнай амжалта хүсэжэ, энэ мүрысөөндэ илажа гарахыетнай хүсэнэбди.

Саhан шэнги сагаан hанаатай,

Сэсэг мэтэ сэбэр шарайтай,

Сасалзажа байhан сагаан харгытай,

Сарюун айлшадаа арюун хадагаар угтанабди! (звучит музыка и девушки с хадагами)

Эсэгын гурбан наадые

Эртэ урдын заншалаар,

Эбтэй hайхан hургаалаар

Эльгэлэн байжа наадаял даа.

Аялга hайтай хүбүүднэй

Аглаг газарта hориhон

Ардаг хурдан гүйгөөшэдэйнгөө

Арюун солыень магтанал даа.

Бүгэдэ буряадайнгаа нааданда

Бүхэ барилдаашадайнгаа эрхимэй түлөө

Барилдажа илгарнал бүхэниинь,

Баатар бүхэнь шалгарнал даа.

Эбэр номоо харбажа,

Энэ hайхан зураахайдаа

Элирхэл даа мэргэниинь,

Энхэрэн байжа баярлаял даа.

Вед: Мүнөө амаршалгын үгэ Намжил Гармаевич Балданогой нэрэмжэтэ Оронгын дунда hургуулиин дарга Буряадай габьяата багша Будаева Валентина Владимировнада үгтэнэ.

Дуйнхор дасанай шэрээтэ Буда ламада үгэ үгтэнэ.

Оронго нютагай гулваа Цыренжапов Жамсо Владимировичтэ үгэ үгтэнэ.

Энэ «Эрын гурбан наадан» гэжэ мүрысоондэмнай ехэ туhаламжа оруулhан хэд бэ гэхэдэ: Батуев Цыденжап Бимбаевич, Буда лама, Цыренжапов Жамсо Владимирович.

Мүнөө мүрысөөнэй гол судья Оронгын дунда hургуулиин бэе тамирай багша Жамбалов Пурбо Атановичта үгэ үгтэнэ.

Бүхэ барилдаан, мори урилдаан (шагай наадан- мори урилдаха), hур харбаан (дартс наадан)

Зай, иигээд мүрысооноо эхилэе! (проводится наадан)

Yнгэтэ гоё буряад хубсаhатай, элинсэгhээ заяатай эрын гурбан нааданай мүрысоондэ залуу hүрэг мэргэшүүл, бүхэшүүл хаба шадалаа гэршэлбэ.

Мүноо эгээл хүлеэгдэhэн саг дүтэлбэ. Дүнгүүд гаргагдаба.Шагналгын саг ерэбэ. Мүрысөөнэй гол судьяда үгэ үгтэнэ (награждение)

Эрын гурбан наадан

Эршэ ехэтэй наадан

 Эрын гурбан наадан

Эрдэм ехэтэй наадан

Мэргэнтэнэй наадан

Бүхэнэрэй наадан

Гүйгөөшэ мориной наадан.

Эрын гурбан наадан

Аша ехэтэй наадан

Эрын гурбан наадан

Алдар ехэтэй наадан

Эрын гурбан наадан

Баяр ехэтэй наадан

Эрын гурбан наадан

Бүгэдэ зоной наадан!

Буряад hайхан ороноо бузарлангүй ябаарайгты. Буряад hайхан хэлэеэ мартангүй ябаарайгты. hайн hайханаа орхингүй муу муухайда дүтэлэнгүй

Сэхэ урагшаа дабажа

Сэбэр агаараар амилжа,

Yнэн сэхэ ябахатнай болтогой! Иигээд мүрысөөмнай түгэсэбэ, баяртай!