8 нче Март халыкара хатын-кызлар көненә багышланган ”Кызлар – язгы чәчкәләр” исемле ярыш - кичә
материал на тему

8 нче Март халыкара хатын-кызлар көненә багышланган

”Кызлар – язгы чәчкәләр”  исемле ярыш -  кичә

Максат: укучыларны  тапкырлык, зирәклек, уңганлыкта сынап карау; сәхнәдә үз-үзләрен иркен тотарга өйрәтү; әдәбияткә, сәнгатькә мәхәббәт тәрбияләү.

Умырзая  сафлык бүләк итсен!                                                                                     Яз кояшы сипсен  җылысын!

Март  җилләре  өмет бүләк итсен!
Урап алсын  бәхет барысын!

 Хөрмәтле гүзәл затлар !  

Сезне матур бәйрәмегез белән чын күңелдән тәбрик итәбез! Ныклы сәламәтлек, бәхет, якыннарыгызның хөрмәтен һәм сөюен, иминлек, бөтен изге эшләрегездә яңадан-яңа уңышлар телибез! Хөрмәтлеләребез! Кичәбез уен рәвешендә үтәр.

 БЕРЕНЧЕ уен - “Үзеңне тәкъдим итү” Һәр командага бер чәчәк исемен команда исеме итеп алырга һәм  аны яклап бирергә тиеш иде.

Сүз 5 нче сыйныф кызларына бирелә. (“Ромашка” командасы.)

Сүз 6 нчы сыйныф кызларына бирелә. (“Лилия”  командасы.)

Сүз 7 нче сыйныф кызларына бирелә. (“Ландышлар” командасы.)

Сүз 8а  сыйныфы кызларына бирелә. (“Роза чәчәге” командасы.)

Сүз 8б  сыйныфы кызларына бирелә. (“Умырзая” командасы.)

ИКЕНЧЕ уен

Бәхеткә, шатлыкка күмелеп,
Һәрвакыт елмаеп һәм көлеп,
Кадергә, хөрмәткә төренеп
Яшәгез мәңгелек нур булып Хөрмәтле укытучыларыбыз, укучы кызларыбыз, техник хезмәткәрләр!

Икенче уен -  “Тапкырларга - табышмак”

Бу юлы уенны Умырзая” командасыннан башлыйбыз.

1. Гимназия директорының исеме.

2. Чәчәк исемнәре белән бәйле гимназиядә эшләүче хатын-кыз укытучыларның исемнәрен атагыз. (Лилия Гөмәровна, Резеда Хайраровна, Миләүшә Әнасовна)

“Роза чәчәге” командасы өчен сораулар

3. Беренче хатын-кыз космонавт. (Валентина Терешкова 1963 нче елның 16 нчы июнендә Восток – 6 кораблендә 3 тәүлек космоста булып, җиргә әйләнеп кайта. Советлар Союзы Герое.)

4. Чәчәк исемнәре белән бәйле хатын-кыз исемнәре. (Лилия, Роза, Зөһрә, Миләүшә)

“Ландышлар” командасы өчен сораулар

5. Язның беренче бәйрәме. (8 март)

6. Чәчәк исемнәре белән бәйле әдәби әсәр исемнәре. (М. Җәлил “Кызыл ромашка”, Г. Әпсәләмов ”“Ак чәчәкләр”, И. Гази “Ак сирень”, Х.. Туфан “Ромашкалар” әсәрләре дәресләрдә өйрәнелә.).

“Лилия” командасы өчен сораулар

7. Көн белән төн тигезләшкән көн. (20  нче март көнне сәгать 8. 48 минутта көн белән төн тигезләшә.)

8. Чәчәк исемнәре белән бәйле җыр исемнәре. “Кызыл розалар” – Айдар Галимов, “Сиреньнәр”  Раяз Фасихов,  “Мәк чәчәге” – Флера Сөләйманова, “Ромашкалар” – Фәхри Насретдинов ).                                                                          

“Ромашка” командасы өчен сораулар

9. Чәчәк исемнәре белән шәһәребездәге кибет исемнәре. (“Ландыш”, “Азалия”, “Архидея” ял итү комплексы).

 10. Чәчәк исемнәре белән бәйле җырчылар исеме.(Зөһрә Сәхәбиева, Зөһрә Шәрифуллина, Роза Рымбаева, Ландыш Нигъмәтҗанова, Лилия Муллагалиева)

ӨЧЕНЧЕ уен  

Борын-борыннан хатын-кыз җан җылысын, матурлык һәм назлылыкны үзендә гәүдәләндерә, дөньяга яңа тормыш, киләчәккә өмет-ышаныч бүләк итә. Гаилә учагын тергезүче һәм саклаучы да, җәмгыятебезнең терәк-таянычы да ул.

Өченче уен  - “Профессияне яклау” дип атала.  Уенны без  “Ромашка” командасыннан башлап китәбез. Уенның тәртибе - командалар бер һөнәр иясе белән таныштырырга тиешләр.

 “Ромашка” командасы

 Табиблар  - безнең сәламәтлек сагында торучы фидакарь затлар. Алар көнне төнгә ялган безнең сәламәтлегебез турында кайгыртып торалар.

 “Лилия” командасы

Кеше тук булса гына, ул сәламәт санала. Поварлардан башка без шулай ук тормышыбызны тулы килеш күз алдына китерә алмыйбыз! Гимназия поварлары Диләрә, Гөлнур, Әлфинур апаларыбызны да бәйрәм белән котлыйбыз!

“Ландышлар” командасы

Әйе. Һәрдаим көн яңалыклары белән танышып бару мөһим. Бу эшне дикторлардан башка күз алдына да китереп булмый.

“Роза чәчәге” командасы

Кибетләрне без бик яратабыз. Бигрәк тә анда эшләүче кибетчеләрне. Алар безне көнкүреш товарлары белән тәэмин итеп торалар. Елмаеп каршы ала һәм озатып калалар.

“Умырзая” командасы

Әйе, гимназиябез укытучыларыннан башка кем соң без?! Бүгкнге көндә гимназиядә          хатын-кыз укытучы белем бирә. Аларның барысы да югары белемле, стажлы, зур тәҗрибәгә ия. Кадерлеләребез! Бәйрәм белән сезне!!

ДҮРТЕНЧЕ уен  

Җылы көн һәм язгы тамчы белән,
Ләйсән яңгыр, соңгы буран белән,
Назлы кояш, иртәнге нур белән,
Котлыйм сине, туташ,бәйрәм белән! 

Дүртенче уен   - Капитаннар ярышы                                                                   Хәзер команданың бер туташы – команда капитаннары ярыша. Җөмләләрне тыңлап, алар сүзнең нәрсә турында баруын белергә тиешләр.

“Ромашка” командасы

      Аны әниләр ясый. Ул зур да, уртача да, кечкенә дә була. Ашап туйганнан соң әтиләр дә аңа еш таяна. Ул авылда һәрвакыт түрдә була, ә шәһәрдә аңа игътибар аз. Кешеләр аннан башка сирәк йоклый. (Мендәр)

“Лилия” командасы

   Аны һәркем ярата. Ул бер дә искерми. Ул елата, моңлата, күңелләрне күтәрә. Әниләр дә аның белән балаларын йоклата. (Җыр)

“Ландышлар” командасы

Ул чит илләрдә генә бар иде. Хәзер газета- журналларда да басылып чыга. Озыны да, кыскасы да була. Эшмәкәрләр өчен файдалы.

“Роза чәчәге” командасы

Җирдәге бөтен кешеләр өчен дә иң ягымлы, иң кадерле кеше. Ул кояшка тиң.

“Умырзая” командасы

     Ул март аенда була. Зур бүләкләр. Тәмле ризыклар. Хатын-кызлар елмаеп кына торалар. Бу нинди көн?

БИШЕНЧЕ уен 

Кем куллары өйне, җирне ямьли,                                                                             Игелеге үлчәү тапкысыз?                                                                                               Ул, әлбәттә, яшәү чыганагы,                                                                             Тормыш яме - Әнкәй,  хатын – кыз!

Хатын- кызларыбыз безнең ирләр белән беррәттән кайларда гына эшләми! Ә кайда эшләгәнен хәзер безгә кызларыбыз әйтеп бирер!                                             Бишенче уен        Сорау биреп, кем икәнен бел!    Кагыйдәсе бар: “Ул нишли ” дигән сорау бирмәскә!

1) “Умырзая” командасына  -          (Милиционер)

2)“Роза чәчәге” командасына -         (Парикмахер)

3) “Ландышлар” командасы    -         (Төзүче)

4)”Лилия” командасына -                  (Тегүче)

5)”Ромашка” командасына    -          (Пожар сүндерүче)

АЛТЫНЧЫ уен  

Гүзәл затлар хөрмәтенә – җәннәт ясап,

 Бакча-бакча  җимеш  өлгертәсе  иде,

8 нче мартта  сары сандугачтай

Сайрап кына  сөю белдертәсе  иде!

Алтынчы уен - “Шигырь чыгару”

1. “Умырзая” командасына  

Күктә кояш нуры

Елмаеп көлә.

Туган җиребезгә

Яз ае килә.

2)“Роза чәчәге” командасы

Кояш көлә, кошлар килә,

Ишек шакый яз.

Каләм, кагәзь ал да әле,

Матур шигырь яз!

3. “Ландышлар” командасы    

Бүген - Әниләр бәйрәме,

Бүген җирдә тантана.

8 нче март бездә

Иртәгедән башлана.

4)”Лилия” командасына

  Күк йөзеннән бакчаларга

Кояш нур сибә.

(Яфрак яра бакчаларда

  Шомырт һәм чия.)

5)”Ромашка” командасы    

Яз килде, кояш көлде,                                                                                                                       Дөньяга нур бөркелде.                                                                                                         (Уянды бар агачлар,                                                                                                               Куанды алмагачлар.

ҖИДЕНЧЕ  уен - “Командалардан бәйрәм котлавы”