Сценарий праздника "Здравствуй,Пасха"
материал (5 класс) на тему

Куадзёны бёрёгбон

(Фольклорон къорды ‘ххуысён бёрёгбоны сценари)

Залы къулыл иуырдыгёй Къостайы цитатё: «Дё фыдёлтё рухсаг – дёхёдёг мын бёзз!», иннёрдыгёй ёмбисонд: «Фарн – стыр сыгъдёг ёгъдау, фидар фётк, ёфсарм, намыс, цёсгом» ватмёныл фыстёй, фёйнёгыл сывёллётты нывты равдыст «Ирон бёрёгбёттё».

Разамонёг:  Абон  фольклорон къорды уёнгтё сымахён бацёттё кодтой чысыл равдыст. «Сатанайы  хуртё» тынг зёрдиагёй архайынц нё адёмон сфёлдыстадон хуызтёй цавёрфёнды ёрмёгимё бакусыныл. Уарзынц се ‘взаг, аудынц ыл, сё национ ёгъдёуттё цёмёй тыхджын уой, ууыл ёдзухдёр архайынц. Уымё гёсгё сёхи ‘гъдау дёр  фёзминаг у. Хорз чызджытё ёмё лёппутё сты! Байхъусут сём, уё хорзёхёй, равдисынмё нын хъавынц, раджы ама абон дёр куадзён куыд арёзтой не ‘мзёххонтё, уый.

       (Сценёйы рахизфарс сывёллттё хъазынц хъёлдзёгёй. Сё иу сё ёндар хъазтмё рахизыныл ардауы:)

Алан: Ай ницавёр хъазт у, «Усгурёй» - ма ахъазём цёй!

Дзамболат: Леуан – усгур!

Иумё: Леуан нё, фёлё – ды!

     Атымбыл сты ёмё хъёрёй хъазт амонынц:

 Къаппа-къоппа къёбёлдзыг,

 Нё усгур, дам, бынмёдзыд.

 Йё бухархуд – дидинёг,

 Йё ирёд нын – фидинаг!

 Тамас – тумас, тёмёчъи,

 Йё буц дарёс – сёмпёрчъи.

 Гакк-гукк, уёдё гакк-гукк,

 Дёдуйы йын раттут!

       (Ёвзёрст чызджытёй  иу разгъоры ёмё цёнгтёй рёхыс атонёгау кёны. Кёд ныхмёлёуджыты къухтё фёхицён вёййынц, уёд чызг иу архайёджы йемё ракёны сёхирдём, кёд нё – уёд уым баззайы. Хъазт та дарддёр уыцы ныхёстёй аразынц чызджы фарслёуджытё)

      (Сценёйы иннёфарс 3 архайёджы ныхас кёнынц:)

 Аннё: Куадзён у абон, уый зонут? Мёнён нана радзырдта знон, куыд ёй бёрёг кодтой сё бинонтё, чысыл ма куы уыд, уёд. Алцы- иу, ёрдзёй, адёмёй, ног хуыз райста. Ёппёты диссаг, дам, иу уый уыд. Хёдзёрттё иу - ног чъырёйдзагъд, дзаумёттё – ногивд, уынгтё – райдзаст. Дуне-иу цыма ногёй райгуырд, афтё каст алкёмё дёр.

Сабинё: Махён та сё абон нана дзырдта. Гыцци та афонмё чъиритё дёр скодта!

Зёринё: Фёцёй мё рох кодта, абон куадзён у, уый. Мах ёй кёнём, сымах та?

Иууылдёр сыв-ё: Ёмё йё чи нё кёны, цомут уал нё хёдзёрттём, стёй азилдзыстём нё сыхы!

(Сывёллёттё апырх сты)

Дзамболат мидёмё бахизгёйё: - Нана, баба, куадзён нёма райдыдта?

Леуан: О-о? Уартё Зёлиитё дёр азгъордтой сёхимё, махмё, дам, куадзён ис.

Нана: Рауайут, мё хуртё, цёттё стём мах дёр! Уёхи не счъизи кодтат? Цёут, уё къухтё ахсут. Кувыны афон дёр у  уёдё.

Баба: Цёй уёдё, Хуыцау дё хорзёх ратт. Абон дём дё Иунёг цёрдудёй здёхдзён ёмё дё цины хай мах дёр уёд.Чырысти, дёуёй та курём, ёмё нё дзёгъёлёй макуы ныууадз, дё хорзёхты хай нё фёкён. Сыгъдёгёй дын цы ком бадардтам, уый дын хёлар уёд, махён та уды ёмё буары сыгъдёгён – ахъаз! Цёй, фёйнё айкёй уал ком суадзут. Стёй фынгмё ёрёвналдзыстут.

Лёппутё: Ёмё къуырцц та кёд хъуамё акёнём?

Баба: Къуырцц дёр сё акёнут, уёдё!

Сёлимёт: (дуархойгёйё) Чырысти райгас, Санатё!

Нана: Ёцёг райгас! Мидёмё, Сёлимёт, мидёмё!

Баба: Йё хорзёх сымах дёр уёд! Сымах та ма цёмён бадут, уе ‘мбёлттём акёсут, азилут арфётёгёнгё сыхёгтыл.

Леуан: Нана, ёмё нё цы дзурын хъёуы?

Нана: Мёнё ныртёккё Сёлимёт куыд ёрбадзырдта, афтё! Сымахмё «Чырысти райгас» чи сдзура, уымён -иу зёгъут: «Ёцёг райгас, йё хорзёх дё уёд!»

     (Ёрбацыдысты сывёллёттё хъёргёнгё: Чырысти райгас, зёгъгё. Нана сын фёйнё айчы авёрдта, ёмё лёппутё дёр семё, афтёмёй ацыдысты)

 Амонёг: Афтё сбёрёг кодтой Санатё сё Куадзёны бон ёмё ма бирё ирон бинонтё, ёвёццёгён. Фыдёлты фёзмгёйё. Адёмон сфёлдыстадимё бирё фысджыты уацмыстё сты баст. Уыдонимё Коцойты Арсены прозё дёр. Уый Къостайау тынг бирё уарзта йё мёгуыр ёмзёххонты, ёмё-иу сё ныхмё иставёр мёнгард, хинёйдзаг хъуыддёгты хабар куыддёр фехъуыста, афтё-иу ёй йё уацмысты раргом кодта. Иу мёгуыр лёг куадзёнмё йёхи куыд цёттё кодта, уый равдыста йё радзырд «Гигойы куадзёны». Арсен парахатёй ёвдисы йё уацмысы, бинонты цины  змёлд куадзёнмё цёттёгёнгёйё, ёмё сын куыд фёфыдёнхъёл, уый. Табуафси, бакёсём та нё архайджытём!.

                       (Къорды уёнгтё ёвдисынц Коцойты Арсены радзырдмё гёсгё ёвёрд спектакль)