Внеклассное мероприятие "Аштема кудо"
методическая разработка по теме

Аштема кудо.

Велень кудопотмо. Гайги «Ёру» кезерень морось, конань моры «Торома» ансамблясь.

Икелев лиси ветицясь.

Ветицясь. Шумбратадо, вечкевикс оят! Течи мон тердтядызь тынк «Аштема кудов».

Эрзянь тейтерть ды од ават,

Ёвксонь мазый чинязават

Сайнизь пакарест ды штерест,

Сурень ды коцтонь кептерест,

эзизь стувтне мазый морост,

ракцицянь кенярксов корост,

пурнавильть аштема кудос;

натай нузякстнэ эзть удо!

Вай, кодамо коесь пароль!

Сонзэ эйсэ лезесь зяроль!

Эрьга, ялгат, сергедтяно,

Эрямонь толт верьгедтяно,

Эрзянь койтнень вельмевтьсынек,

Тиринь келенть а стувтсынек,

Алкуксонь эрзякс ультяо,

Аштема кудов мольтяно. (Маризь Кемаль)

(Гайги Бакич Видяень «Кишть ды морак» морось. Совить тейтернетне ды цёрынетне, весе оршазь эрзянь оршамосо. Стякшныть ветицянть перька.)

Весе. Шумбрат, Дарья бабай!

Дарья баба. Шумбратадо!

Тейтертне. Нолдасамизь штердеме-кодамо, киштеме-морамо?

Дарья баба. Умок учан эйсенк, лажамонь ёжо саимим ськамон.

Весе морыть «Дарья баба» моронть.

Дарья баба, бабинесь

Стряпамодо коль ульнесь.

Вай, дива, дивань тевть,

Косто сайсь сон истят превть?

Почт совавтыль беремасо,

Чапакс ичиль помеласо.

Вай, дива, дивань тевть,

Косто сайсь сон истят превть?

Дарья баба кши каясь-

Кшизэ кулов потс ваясь.

Вай, дива, дивань тевть,

Косто сайсь сон истят превть?

Ямс сон каиль жив сараз,

Лапшас каиль цела ваз.

Вай, дива, дивань тевть,

Косто сайсь сон истят превть?

Инжеть ойсевтсь полок лангс,

Ярсамс путыль каштом лангс.

Вай, дива, дивань тевть,

Косто сайсь сон истят превть?

Дарья баба. Пандя эно. Ойседе, муеде эстенк таркат.

(Сови гармония марто од цёра.)

Дарья баба. Вана гармонистэськак сась.

Гармонистэсь. Эзинь поздая?

Дарья баба. Эзить, эзить. Ансяк пуромсть.

Гармонистэсь. Та-кода кияк а кишти, а моры?

Дарья баба. Тонстеметь кие киштевтьсамизь?

Гармонистэсь. Нейке те тевенть витьсынек.

Эрьга, тейтерть-боярават,

Куншка видьс лиседея.

Минь карматано цяпамо,

Тынь-нурька моронь морама.

( икелев лисить кавто тейтернеть, морыть «Нурька морынеть»)

Шумбратадо, паро ялгат,

 Кода тынь эрятадо?

Кунсолодо паро мельсэ,

 Минь тыненк моратано.

Минь од ломанть - тонавтницят,

Вандынь чив бажатано.

Тыненк, ялгат-кунсолыцят,

Морынеть моратано.

 Ней эрзятне пек

«культурнойть»,

Тиринь кельде нулгодить.

 Вана минь тыненк невтьсынек,

Кода эрзятне кортыть.

Сехте мазыйть тейтерькатне,

Содан: эрить Саранскойсэ

Сынь а виздить якамодо

Эрзянь викшнезь панарсо

Гармония, седяка –

Верь чавозо санга.

Нурька морот моратано

Эрямонок ланга.

Петя вечки удомо

Аволь ансяк кудосо.

Вешкени уроконть перть

Парта лангсо судозо.

Чийни Ванюша тей-тов-

Мейле эцесь аксялов.

-Содатадо, мекс кекшни?-

Чамазо пек рудазов.

Валя черензэ судринзе-

Пейдезевсь мик чизэ:

Теевсь тейтерькиненть прязо,

Прок саразонь пизэ.

Вера тейтерькась превейне-

Содасынзе «праванзо».

А стяко пандянь кочкомсто

Некшнян ансяк аванзо

Света якси, теке пава,

Пилесэнзэ - сырнень повт.

Мекс журналсо теке шкава

Панжовсть «кавтот» -горниповт?

Кенжтне артозь, чертне пондакшт –

Те Лариса - мазычи.

Сон васень уроксто саезь

Меельценть нувсезь учи.

Эдик - цёрась «пек культурной»,

Нулгоди меремс авай.

Сон монголонь ханонть лемсэ

Аванстэнь мери: Мамай.

 Минь морынек, минь пейдинек

Тунь аволь  згилямонь кис.

А паронтъ эйсэ айгинек

Паронть изнявксонзо кис!

Дарья баба. Зняро инжеть тенек састь, эрявольть каванямс.

Сёга, цёрам, валгта каськас,

Куяр банка монень весть.

Церынесь.

Авай, авай , вием арась,

Вачоминь, порян мик тенсть.

Дарья баба.

Бути пекеть вачсь, тякинем,

Нейке озак морганть экшс.

Максан ловажа порнемс

( Озавты морганть экшс, путы икелензэ ваканнэ ды пенч.)

Дарья баба. Ярсак!

Цёрынесь.

 Истямо тантей ярсамо

Монень, авакай, пидить.

А эрявить ней куярот,

Сывель ямдо мехудинь.

(сти морганть экшстэ, вадяши пекнзэ).

Вай, кода кеместэ ярсынь!

А велявтован ковгак,

Каська кургованть а кельган,

Винни Пухокс неяван.

Гармонистэсь. Вана, весе нусмакадсть! Авардеме илядо карма, кияксонть весе начтсынк. Цёрат, кие пейдевтьсамизь?

(лисить кавто цёрынеть)

1. Шумбрат?
2. Шумбран.

1. А кудосонк весе шумбрат?
2. Аволь. Тараканось каштом лангсто прась, пильгензэ синдинзе.

(лисить тейтерне ды цёрыне)

1-(тейтернесь) – Удыть?

2 (цёрынесь) – Удынь.

1. Стить?
2. Стинь.

1. А мезть эно аштят?
2. Оймсян.

(озыть)

( лисить кавто цёрынеть)

1. Мекс истямат нусманят?
2. Пелян.

1. Мезде пелят?
2. Тетям од машина рамась, таштонть миизе.

1-Ну и мезе?

2-Ней маринь:авам пурны рамамс од цёрыне, мейле моньгак мисамизь?

Дарья баба. Келесь ловажавтомо, а сизи лабордомо. Эно келенек тевс нолдынк, морыне  рангстано.

(Морави «Эрзянь кель» морось.)

Монь чачтымим эрзянь ава,

Эрзянь масторсо касынь,

Эрзякс кортамо баславазь

Весе пингем, весе чим.

Мороюткось:

Эрзянь кель, эрзянь кель,

Ашо килей, чуди лей,

Чольдердиця горнипов,

Гайсэ морыця цёков.

Эрьва келесь эсь койсэнзэ.

Мазый, эрявикс, питней.

Илядо стувто эйсэнзэ,

Путодо тензэ седей.

Мороюткось:

Эрзянь кель, эрзянь кель,

Ашо килей, чуди лей,

Чольдердиця горнипов,

Гайсэ морыця цёков.

Тиринь мастор, вечкень веле,

Седеем кецни тонь кис.

Мон пек вечкса эсень келем,

А стувтса меельце чис!

Мороюткось:

Эрзянь кель, эрзянь кель,

Ашо килей, чуди лей,

Чольдердиця горнипов,

Гайсэ морыця цёков.

Дарья баба. - С.М. Люлякина сермадсь зярыя пьесат. Эйкакшт ! А кие содасы пьесанть  «Печкин рот»?

Ветицясь:  Чачсь велесэ мазый Хрола –

                     Нузякс ды прять шныця цёра,

                     Прок сезяка, лабордыця,

                     Работань а пек вечкиця.

                     Виде, ульнесь мазый чама.

                     Кассь, школанть эзизе прядо

                     Сеетьстэ кортась авазо.

Авась:        Хрола, тон а вишка няка:

                     Мейсь ёмавтнят эсь шкат стяко.

                     Ялгат важодить паксясо.

                     Эрьванть ули уш пакшазо.

                     Тонгак мук эстеть робота,

                     Чиньчоп стяко иля бота.

Хрола:        Монь аволь лишмень кутьмерем

                     Ошов туян, витьстэ мерян!

Авась:         Мезень ошт теть, зярдо теске

                      А чавови чувтос эске.

                      А вечкат тевень теме

                      Эрямонть стака печтеме.

                       Ошсо сюкорот теть а панить

                      Медте стяко а каванить.

 Хрола:        Иля поре, мон туян

                      Теке теск а кадован.

(уходят)

Выходят девочки, садятся.

 Ветицясь:  Тусь эрямо ошов Хрола:

                       Велесэ эзь муе пола

                       Кадызе сыре аванзо

                       Тиринь шкинензэ, трицянзо

                       Ансяк тусь эсь велестэнзэ

                       Стувтынзе тиринь келензэ

                        Вейке ие уш ютась

                       Хрола инжекс велев сась.

Ветицясь:  Ошсо мусь робота паро:

                      Ульцят тенси сон стамбаро

                      Велев сась сон шляпасо

                      Кирьгась свистязь галстуксо

 Подходит к девушкам

 Девушка:    Шумбрачи теть, Хрол Иваныч.

                       Истя косто тон появить?

 Хрол:          Что сказал – не понимаю

                       По-мордовски я не знаю.

                       Давно в селе не бывал я

                       Свой язык позабыл я.

 Девушка:    Вай, тирень келенть уш стувтык

                       Кодамо кельсэ кортат?

                       Тон а рузат, а эрзят

                       Прок сезякак лабордат.

Хрол:           Цела год ошсо живу,

                       Все забыл я, не пойму.

Девушка:    Таня, кевстика тон рузонть

                       Кода лемесь пецька кургонть?

Хрол:           Ха-ха-ха! Кода? Печкин рот!

 Хотите взять меня в оборот?

 Печкин рот я не забыл:

 Мать пецька курго говорила.

Девушка:   Эх, тон Хрола, нужань цера:

                         Галстук сюлмить кирьгазот:

                         Теке сюват пря потсот.

 Ламот кадызь эсь велест

 Теке эзизь стувт келест

 Тон ансяк мелят туить

 Кона шкане рузыить?

 Ветицясь:   Седе мейле те велесэнть

                         Тунь ёмась Хролань лемезэ

                         Хрол Иваныч а мераить,

                         Печкин рот свал сеерить.

Гармонистэсь. Маштат важодеме, маштат кеняркшномаяк. Кишть-морак, а теветь илить стувтне. Пелевес шкась пачкодсь. Адядо кудова. Сюкпря ёвтатано Дарья бабанень чокшнень кис.

Весе. Сюкпря! Вастомазонок!

Дарья баба. Вастомазонок! (весе туить музыкань коряс).