Э.Шәрифуллинаның “Дуслык,чын дуслык”шигыре
план-конспект урока (6 класс)

                                                                        Теләче муниципаль районы    

                                                        МБГУ “Теләче урта гомумбелем мәктәбе “

                                                         нең югары квалификация  категорияле            

                                                         татар теле һәм әдәбияты укытучысы

                                                         Якупова Ләйлә Мидхәт кызы

I Мотивлаштыру- ориентлаштыру  

1)Уңай психологик халәт тудыру;

 “Урыныңны тап”уены. Һәр укучыга кыска биремнәр язылган кәгазь бирелә. Ул, шуларны үтәп, үзурынын табып күчеп утыра.

2)Актуальләштерү

1.Өй эшен тикшерү. “Серле алан” пьесасындагы картның сүзләрен сәнгатьле укыганны  тыңлау.

  3)Уку мәсьәләсен кую.

Аудирование.

- Игьтибар белән тыңлагыз. Әкият нәрсә турында? Бер сүз белән әйтерсез.(“Куркак юлдаш”әкиятен  “Бала”сайтыннан тыңлыйлар)

- Дуслык

-Әйе,әкият дуслык турында.Дуслык турында язылган әсәрләрне укуны дәвам итәбез.

Дәреслекнең 72,73 битләрен ачыгыз. Дәреслектән карап әйтегез: бүген безгә дәрестә нишләргә кирәк?

-“Дуслык,чын дуслык1 “ шигырен укырга ,аңларга, ятларга, авторы турында белергә.

II Уку мәсьәләсен өлешләп чишү

1. Э.Шәрифуллина иҗаты белән танышу.

-Без укыячак шигырьне кем язган? Сезнең аның турында ишеткәнегез бармы?

-.....

     - Дәреслектән биографик белешмәне үзегез укып,сорауларга җавап бирегез:

Кайда туган? Кайчан туган? Кайда укыган? Кем булып эшләгән? Нәрсәләр яза?

(эчтән укыйлар, җавап табуга кул күтәреп җавап бирә баралар)

2. Э.Шәрифуллинаның  “Дуслык,чын дуслык!” шигыре өстендә эш.

-Бүген  без Эльмира Шәрифуллинаның “Дуслык,чын дуслык!” шигыре белән танышырбыз.

а) Сүзлек эше (татарчасын бергәләп әйтеп карау)

Бердәм- дружно

Киңәшле-согласованный

Иптәш- товарищ

Илче- посол

Тор- здесь: живи

Юлдаш – спутник

ә) үрнәк уку

б) эчтән уку

в) чылбыр буенча уку, эчтәлекне аңлау (һәр укучыдан бер куплет шигырь укыту)

г) Сораулар һәм биремнәрне үтәү.

-73б. 2 нче биремне эшлибез.

Болар кайсы шигырь юлларына туры килә?

В каких строчках говорится о том ,что:

-согласованная работа не развалится;

-с хорошими друзьями дорога короче;

-сила дружбы- в умении быть вместе;

-пусть руки помогают друг другу;

-в  каждый дом приглашают дружбу;

-хотят, чтобы дружба жила с ними.

(Мөстәкыйль эшләү, тикшерү)

Ял минуты

д) Төркемнәрдә эшләү.

Бирем

(Һәр төркемгә 4 кә бүленгән А4 бите һәм рәсемнәр таратыла)

_ Шигырь куплетын 4 өлешкә бүлегез, һәр өлешкә туры килгән рәсемне ябыштырыгыз, өлешләрне әйтеп күрсәтегез.

Мөстәкыйль эш. Тикшерү

1нче куплет. (эшләрен тактага беркетә,рәсем буенча сөйли)

• Шигырьнең бу куплетында Э.Шәрифуллина дусны кем дип атый?
• Әйбәт иптәш

2 нче куплет. (эшләрен тактага беркетә,рәсем буенча сөйли)

• Шигырьнең бу куплетында Э.Шәрифуллина дусны кем дип атый?
• Киңәшче

3нче куплет. (эшләрен тактага беркетә,рәсем буенча сөйли)

• Шигырьнең бу куплетында Э.Шәрифуллина дусны нәрсә белән чагыштыра?
• Кояш кебек

4 нче куплетны эчтән укыйбыз.

• Шигырьнең бу куплетында Э.Шәрифуллина дусны кемнәр дип атый?
• Юлдаш, илче.

Нәтиҗә ясау

• Тактага карыйбыз һәм җавап бирәбез. Чын дус ул нинди була?
• Чын дус әйбәт иптәш, киңәшче, кояш кебек, юлдаш, илче(дуслыкны саклаучы)

III Рефлекция

1. –Бүгенге дәрестә без кем иҗатын өйрәндек,аның турында ниләр белдегез?
2. Өй эше.
3. 73б. 7 нче бирем.