Правописание сравнитеьной степени имени прилагательного
план-конспект урока (6 класс)

Таҥастарымаш степенян пале мут-влакым возен моштымаш.

Цель: Тунемше-влаклан таҥастарымаш степенянпале мут-влакын возалтме йонжо-влак нерген   шинчымашым пуаш.

Задаче-влак: образовательный: таҥастарымаш степенян пале мутын ышталтме йӧнжӧ дене шинчымашым пеҥгыдемдаш да нуным чын возен мошташ, пале мутым возымаште кучылталтмыжым почын пуаш.

развивающий (виядыме): мутер дене пайдаланен моштымо навыкым вияндаш; пален налаш тыршыме да шымлыме навыкым, шке шонымым раш да чын каласен кертмым, шкевуя паша ыштымым вияҥдаш 

воспитательный: шочмо йылмым утларак йєраташ кумыландаш, тўрлє чонан нерген шинчымашым ешараш.

Урокын цельже ден задачыже тыгай УУД-ым шуарымашке виктаралтыныт:

Личностный: -тунемме материал деке йоча-влакын кумылыштым лукташ,

-мутланымаште марий йылмын поянлыкшым кучылт мошташ туныкташ .

Регулятивный: -тунемме лектышыш шуаш манын, ончылан цельым шындаш да, ик этап гыч вес этапыш эртен, урокышто пашам ыштымылан акым пуэн мошташ.

Познавательный: - кӱлеш информацийым чын кучылт мошташ;

- йодышым шынден, вашмутым пуэн керташ;

- тунемме правилым палаш да практичекий пашалаште чын кучылт мошташ туныкташ

Коммуникативный: - тўшкан ыштыме навыкым вияҥдаш;

- шке шонымашым чын, раш каласен да икте-весым колыштын мошташ туныкташ.

Метод-влак: таратыше диалог (подводящий да побуждающий диалог), критический лудмын элементше, кычалмаш (поисковый)

Технологий-влак:

1. Информационно-коммуникативный технологий.

2. Тазалыкым аралыме да пеҥгыдемдыме технологий.

3. Тунеммым вияҥдыме технологий. ( Развивающее обучение (проблемно – поисковый).

Вес предмет дене кыл: биологий, марий литератур.

Урокын типше: у шинчымашым налме урок.

Урокын эртымыже.

1. Организационный момент.

кОҥгыр йыҥгыртыш. Тӱҥале урок. Поро кече, уна-влак, поро кече, йоча-влак. Айста окнаш ончалына. Уремыште шыже, кече онча. Икте-весым ончалына да шыргыжалына. Кумылнам нӧлталына. Урокышто пашам уло кумыл дене ышташ тўналына вет. Шичса. Кидна парт умбалне, тупна тӧр.

1Мӧҥгӧ пашам тергымаш

-Таче кече могай? Йодышлан вашмутым пуыза.

-Пале мутым кычал муаш могай йодышым кучылтыда?

-Моҥгыштат пале мутым пуртен текстысе икымше абзацыжым возен налаш кӱлеш ыле. Каҥаш кӧлан кӱлеш?

-Туге гын, тетрадьым поген налына

II.Ончыч тунеммым ушештарымаш.

1.-Ынде вес тетрадьым почына да тачысе числам возена.(Шыжан латиндешымшыже. Класс паша.)

2. Йылме разминке.

-Тыгай паша лиеш. Мут-влакым кок столбикыш шеледыман. Туткын лийза.  Могай ойлымаш ужашысе мут-влак пуалтыныт да могай правил( признак дене) почеш шеледеда. (Суффикс -рак, утларак шомак, эн шомак да кок икгай пале мут деч почеш мут дене кучалтеш ). - Могай йӧн дене ышталтыныт? (пале мутым таҥастарымаш степеньыш шындымаш).

-Икымше корешысе мут-влакым пырля шелына.

1. Кугу, кугурак, писырак, писе, ошо, ошырак,яндар, яндаррак

Могай признак почеш шелда? (Икымше столбик-пале мут тӱҥалтыш формышто, кокымшо столбик-пале мут таҥастарыме степеньын простой формыжо).

Умбакыже кажне парт ик тӱшка пале мут дене шелеш

2 . Утларак кугу, кугу, писе, утларак писе. утларак ошо, ошо, яндар, утларак яндар

3.Кугу,эн кугу.эн писе, писе, ошо, эн ошо, яндар, эн яндар

4. Кугу, кугу деч кугу, ошо деч ошо, ошо, писе деч писе, писе, яндар, яндар деч яндар

Тергымаш:

-Могай тӱшка-влак толын лектыч?

III. Проблемный ситуацийым шындымаш.

-Мут-влакым шеледемекыда пыл мутым иктаж тӱшкашке пурташ лиеш мо?

-Молан тиде мутшым нигушкат огыда пурто? (Кажне командын вашмутшо турло)

-1 тӱшкасе пале мут -влакым состав дене лончылена. (Туҥ пале мут да рак суффиксым ушымаш)

-Таче урокышто мо нерген ойлаш тўҥалына? Темына могай лиеш, кузе шонеда? ( Таҥастарымаш степенян пале мут-влакым возен моштымаш.)  
-Темынам тетрадьыш возен шындена.

- Урокын темыжым келгынрак умылаш могай цельым шынден кертына?

( Пале мутым простой таҥастарыме степеньыште возалтмыже нерген пален налаш, состав дене чын лончылаш.)

-Йоча-влак, урокын цельышкыже шуаш могай задачым шындаш лиеш?

(Йоча-влакын вашмутышт тÿрлö лийын кертеш.)

1).Икте-весылан полшен шогыман.

2).Письменный паша-влакым чын возаш тыршыман.

3).Урокышто правилым умылен колыштман.

4).Икте-весын пашаштым аклен моштыман да т.м.

5).Предложенийлаште пале мут-влакым муын мошташ да кузе ышталтмыштым,  возалтмыштым палаш.

IV. У темым почмаш.

1.  27 стр. 1,2 правилым лудын лектына

- Туге гын, лудмо правил почеш пале мутым возымаште кунам тӱткӧ лияш кӱлеш?

2.  Ынде доскаш ончалына да пашам шуктена. Предложенийлаште мом возымо?( ава нерген калыкмут).
3. 2-шо предложенийым лудына.Кажне айдемат шке авай нерген тыге ойла. Ик еҥ доска деке лектеш да предложенийым член шот дене лончыла .

 (Экраныште предложений-влак:

Поро ава кече деч шергырак.

Ава – тӱняште эн поро, тыматле да яндар

(Предложенийым член дене лончылаш, пале мут-влакым муаш)

- Мо тугае пале мут, могай ойлымаш ужаш? Предложенийыште пале мут могай член лиеш? / Определений, сказуемыят лийын кертеш/

- Чылаланнат авана эн шерге, эн поро, эн тыматле, эн лишыл, эн ласка …

3. - Айста ава нерген, пале мут-влакым кучылтын, предложений-влакым чонена. /кажне еҥ предложенийым чоҥа, ик мутымак уэш-пачаш она кучылт/

V. Шинчымашым пеҥгыдемдымаш.

1.  Учебник дене паша.

1) -Ава гаяк шке шочмо кундемым йӧратена.

- 28 страницысе «Ото» почеламутышто пале мут-влакым шынден сылнын лудын пуыман. Лудын ончыза.

А) Тӱҥалтышлан тыгак лудына.

Б) Ындыжым пале мут-влакым пуртен лудына.

- Кудыжо сылнын йоҥга?

- Тиде почеламутышто тӱҥалтыш формысо пале мутат да простой таҥастарыме степенян пале мут-влакат вашлиялтыт. Нунын деч посна почеламутшат сылнын ок шокто

2. 3-шо паша, 28 стр.

-Пале мут-влакым таҥастарыме степеньын простой формышкыжо шынден да составыштым ончыктен возен налаш кӱлеш.

Писырак мардеж, виянрак имне,..

VI. Иктешлымаш.

1.  5 паша. 29 стр.

 2.  - Пале мут-влак илышыште молан кулыт?

(Предложенийым, ойым сылнештараш: Сылне мурат ок шоч, кумыланже оят ок шоч)

3.Занимательный материал:

 1) -Шукыточко олмеш кӱлеш буквам возыза: ош.рак, сылн.рак, кӱкш.рак, шем.рак,йошкарг.рак, шулд.рак

2) -Келшыше пале мут дене предложенийым чоҥен возен шындыза.

3) - Тетрадьым вашталтен аклымаш.

4. Индивидуальный паша.

1).- Рак суффиксым ешарен мут-влакым возаш: поро, чевер, сылне, нӧргӧ, ушан.

2) -.Аклымаш.

VII. 1. Тунемшын шке ыштыме пашажым, умылымашыжым тергымыже. (Рефлексия)

-Мом урокышто пален налда?

-Мутысо ударенийдыме пытартыш (о,е,ӧ гласный--влак -рак суффиксым ушымо годым ы йӱкыш савырнат да ы буква возалтеш)

-Ударениян гласный да согласный дене пытыше пале мутлаште -рак суффикс ончылан -ы ок возалт

2. Мӧҥгӧ паша.

- Кумыл почеш 30 стр. 1 але 2 пашам шуктыза:

1. предложений-влакым член да ойлымаш ужаш шот дене лончылаш.
2.  «Ешыштыда пайрем кумыл» сочинений-миниатюрым возыза.