Класс сәгате " Бәхет дәресе"
классный час (5 класс)

Сыйныф сәгате “ Нәрсә ул бәхет?”

Максат һәм бурычлар:

1.Укучыларны бәхет төшенчәсе хакында уйланырга этәрү

2.Бәхеткә ирешүнең юлларын эзләү

                                                                            Җиһазлау:

Проектор, такта, альбом битләре, төсле карандашлар, карточкалар.

Кулланылган алым: әңгәмә

Сыйныф сәгатенең барышы:

       Хәерле көннәр! Укучылар, еллар буе кешелек “ Бәхет бармы? Нәрсә соң ул бәхет?” сорауларына җавап эзләгән.Без дә  бу темага ачыклык кертергә  тырышырбыз: “ Ишәкнең бәхет эзләве” исемле  мультфильмны карарбыз һәм әңгәмә корырбыз. Соңыннан һәркем бәхетне ничек күз алдына китерүен рәсемдә күрсәтер.

       ( Мультфильм карау )

-Укучылар, каралган өзек буенча бәхетнең нәрсәдә икәнен кем ничек аңлады? Нәрсәдә икән соң ул бәхет?

Җаваплар:

-Һәркем  бәхетне үзенчә күрә- сарык өчен бер нәрсәдә булса, кечкенә кыз өчен бәхет үзенә бер ( фикер алышу, әңгәмә)

-  Мин тактада “ бәхет ул-....” дип язып куйдым, хәзер кем бу җөмләне дәвам итәргә тели, шул такта янына чыгып яза... ( 3-4 кеше)

-  Димәк, һәрберегез бәхетне үзенчә күрә ( фикер алышу).

Хәзер ак битләргә рәсем ясыйбыз. Темабыз: бәхет ул....дип башлана. ( Һәрберсе рәсем ясый)

• Ә ничек уйлыйсыз, бәхеткә ирешү өчен нишләргә кирәк? Җөмләнең азагын язып бетерегез.

Бәхетле булу өчен....( карточкалар белән эш)

--Афәрин, карточкаларны  тактага беркетеп куйдык.

--Димәк, без бүген сыйныф сәгатендә нәрсә хакында сөйләштек?.

Йомгаклау, нәтиҗә

(  Укучылар ясаган рәсемнәре белән фотога төшә)