Эссе "Дорога к родному языку"
творческая работа учащихся (5 класс)

Республиканский конкурс эссе «Дорога к родному языку»

Всегда, везде - в кругу привычном дома

      Иль далеко от наших рубежей –

      Я благодарен языку родному:

      Он мне открыл мир мыслей и вещей.

(П. Хузангай, чувашский поэт).

(на чувашском языке)

2018

                                                                    Çепĕççĕн, сулмаклăн, 
                                                                   Савăккăн, хăватлăн 

       Янăратăн эсĕ, ман тăван чĕлхем. 
      Тимĕре тататăн, 
      Чул сăрта вататăн, 
       Сÿннĕ вучахра та эс чĕртен хĕлхем! 

Çеçпĕл Мишши

Чĕлхе – халăх пуянлăхĕ. Тăван чĕлхене юратман çын пур-ши çут тĕнчере? Ун пеккисем пулсан та, вĕсен шучĕ пысăках мар пулĕ. Мĕнле-ха аçу-аннÿ парнеленĕ чĕлхене чĕре патне туртмăн? Ăслă çыншăн тăван чĕлхе хаклăран хаклă япала. Ăна хак пама та çук пулĕ.

Тăван чĕлхе вăл – халăх палли. Халăхăн хăйĕн чĕлхи пур-тăк, çав халăх вилĕмсĕр. Çакна ăнланакан çын хăй чĕлхине калама çук хытă юратать.

Юрататăп-ши эпĕ тăван чĕлхене?   Çакăн пек ыйтăва хама-хам пама питĕ намăс туйăнать пек. Мĕнле-ха атте-анне парнеленĕ чĕлхе çинчен юратманни пирки сăмах хускатма хал çитермелле? Тăван чĕлхене тиркекен, çут тĕнче ишĕлсе анассăн туйăнать. Ун пек çыншăн çакă тĕнчере вырăн та пулмалла мар пек.

Эпĕ тăван чĕлхене юрататăп! Манăн пĕтĕм тĕнче илтмелле кăшкăрас килет. Юрататăп сана, тăван чĕлхем! Юрататăп…

Тăван чĕлхемĕре пирĕн юратмалла. Ăна пуринчен те ытла мухтаса хисеплемелле. Куç харши пек сыхламалла. Халăхăмăрăн историйĕ пире тăван чĕлхешĕн халăхăн паттăр ывăлĕ-хĕрĕсем шывра путма та, вутра çунма та хатĕр пулни çинчен каласа парать. Пирĕн тăван чĕлхе пуянран та пуян чĕлхе шутланать. Мĕнлерех те вирлĕ вăл. Шыв пек шăнкăртатать. Кирлĕ чух ăна çил-тăвăл тейĕн. Ахальтен мар ĕнтĕ Константин Васильевич Иванов унта ытарайми «Нарспи» поэма çырма пултарнă.

Юлашкинчен ман çакна калас килет: «Пурăнтăрччĕ, малаллах аталантăрччĕ тăван чĕлхе! Юрат ăна, хисепле, тăван халăхăм!»