ь (нечкәлек һәм аеру билгесе)
план-конспект урока

Сыйныф

2

Дәрес

Татар теле

Тема

ь (нечкәлек һәм аеру) билгесе

Максат

• ь функцияләрен дөрес аңлап язуда кулланырга өйрәнү;
• ь билгесен төшереп калдырмыйча, пөхтә итеп күчереп язуларына ирешү;
• Г.Тукай иҗатына мәхәббәт һәм әхлаклылык сыйфатлары тәрбияләү.

Планлаштырылган нәтиҗә

ь(нечкәлек һәм аеру) билгесе кергән сүзләрне дөрес язу күнекмәләре булдыру

Предметара бәйләнеш

Әдәби уку, рус теле

Чыганак

 Татар теле : татар телендә башл.гомуми белем бирү мәкт.2 нче с-фы өчен дәреслек, 1 нче кисәк / И.Х.Мияссарова, К.Ф.Фәйзрахманова;

Җиһазлау

Ноутбук, проектор, презентация, алма рәсемнәре

Эшне оештыру төрләре

• фронталь;
• индивидуаль;
• парлап эшләү

Дәрес этаплары:

Укытучы эшчәнлеге

Укучы эшчәнлеге

1. этап.

Оештыру.

Максат:Балаларны активлаштыру, белем алырга теләк, әзерлек алып бару.

Дәрескә оештырып алып кереп китү.

Саумы, кояш! Саумы көн!

Дусларым, хәерле көн!

Телим сезгә уңышлар.

Эшкә тотыныйк, дуслар!

• Татар теле дәресен башлыйбыз

Тыныч кына утыралар,игътибар белән тыңлыйлар.

II этап.

Белемнәрне актуальләштерү.

Максат: Алдагы дәрестә алган белемнәрне искә төшерү.

1. Өй эшен тикшерү.
2. Фронталь сораштыру.

1. Узган дәресләрдә нинди хәрефләрне өйрәндек? (е,ю,я)
2. Әлеге хәрефләр ничә аваз кушылмасын белдерәләр? (2)

      3.Сүзлек диктанты яздыру.

Куян, кыяр, юл, аю, каен, әнием,кояш.

1.Слайдка карап, сүзләрне тикшерәләр.

Бияләй, аю, дөя, каенлык, ютәл, яңгыр, кыяр, Гүзәлия, күзлек,   юрган, юкә,  кояш.

2.Сорауларга җавап бирәләр.

3.Сүзлек диктанты язалар.

4.Дәфтәрләрен алышып тикшерәләр.

III этап.

 Уку мәсьәләсен кую.

Максат: Дәрестә өйрәнеләчәк теманы ачыклау

Слайдтагы сүзләргә игътибар иттерү.

• Барлык сүзләрдә дә нинди хәреф кабатланган? (ь җәрефе)
• Димәк, бүген дәрестә нәрсә турында сүз барачак? (ь хәрефе)

Сүзләрне күчереп язалар, һәр сүздә кабатланган хәреф астына сызалар.

Дөнья, руль, яшь, көньяк, ноябрь.

IV этап.

Уку мәсьәләсен өлешләп чишү.

Максат: Нечкәлек билгесенең ике функция башкаруын ачыклау.

1.Слайдтагы 2 баганага бүленеп язылган сүзләрне укыту.

яшь                            дөнья                                                

сәгать                      төньяк                        

ямь                          көньяк

ноябрь                   берьюлы                                            

                               күпьеллык                        

       -Ничек уйлыйсыз,ни өчен бу сүзләр ике төркемгә  бүлеп язылган?

2. Модель төзү.

                                 Ь

Нечкәлек                        аеру билгесе

билгесе

ь  хәрефе кергән сүзләрне кычкырып уку,уйлыйлар, җавап бирәләр.

 -иҗекне нечкәртә,

-тартыкларны аерып уку өчен, е, ю, я хәрефләре  алдыннан,

Физминутка

“Куян”

Куян, куян,йомшак куян,

Тор йокыңнан, уян, уян,

Ныгыт мускулларыңны,

Яз аяк-кулларыңны.

Хәрәкәтләр ясыйлар

V этап.

Яңа материалны  аңлауларын беренчел тикшерү.

-Хәзер күнегүләр эшләрбез.Дәреслектән 88  нче биттәге 87 нче күнегүне табыйк әле. Биремне укып чыгабыз.

- 1 нче кызыл юлны гына күчереп язабыз.

- ь хәрефе кергән сүзләрне табыгыз.

-Бу сүзләрдә ь ни өчен кулланылган?

Дәреслекне ачалар,күнегүне табып биремне укыйлар.

Ь хәрефен куеп 1 нче кызыл юлны гына күчереп язалар.(мөстәкыйль эш)

Шагыйрь, шигырь

-нечкәлек билгесе

VI этап. Уку мәсьәләсен этаплап чишү.

Максат: Уку күнекмәләрен үстерү өстендә эшләүне формалаштыру.

1.Слайдтагы җөмләләр өстендә фронталь эш оештыру.

1.Сәгать җиде тулды.

2.Бүген җил төньяктан исә.

3.Табигать ап-ак мамыкка төренгән.

2. Исемнәрендә с, р, й, т,и хәрефләре булган укучыларны барлау. (ТЭЙК ОФ - ТАЧ ДАУН структурасы)

3.Кроссворд чишү.

1. Ишектән керә, түргә менеп утыра. (җил)

2.Шигырьләрне кемнәр яза? (шагыйрь)

3.Кышның беренче ае? (декабрь)

4.Әйләнә-тирәне, урман-күлләрне, елгаларны бер сүз белән ничек атап була? (табигать)

4.Табигать сүзенең хәрефләреннән яңа сүзләр уйлау.

Җөмләләрне укыйлар, ь хәрефе булган сүзне табалар, ни өчен язылганын аңлаталар.

Исемнәрендә яңгыраган хәреф булган укучылар басалар

Табышмакларның җавапларын уйлыйлар.

Сүзләр уйлыйлар һәм язалар ( ат, ит, Гата, таба, бит, бата, ата

VII этап. Йомгаклау. Рефлексия

Максат:Дәрес материалын нәтиҗәле өйрәнүгә анализ ясау.

-Бүген нәрсәләр белән таныштык?

ь хәрефе тагын  нәрсә булып килә ала?

Кызыл алма – теманы аңладым һәм иптәшемә дә аңлата алам.

Яшел алма – теманы аңладым, ләкин иптәшемә аңлата алмыйм.

Сары алма – теманы аңлап бетермәдем, сорауларым калды.

-нечкәлек билгесе булып.

-аеру билгесе булып.

Алмаларны күрсәтәләр.

VIII этап. Өйгә эш.

Максат: Өй эшен дөрес эшләү өчен информация бирү, инструктаж үткәрү.

88 нче бит,87 нче күнегү.(2,3 абзац)

Көндәлеккә язалар.