Работа над текстом с применением технологии критического мышления "Шогуушан"
методическая разработка
Текст "Шогуушан" (Чарли Чаплинай басагандаа бэшэhэн бэшэг)
Скачать:
| Вложение | Размер |
|---|---|
 shoguushan.docx | 180.22 КБ |
Предварительный просмотр:
Дүүргэгшэ: Монголова Г.С.,
МБОУ «Улюнская СОШ им.С.Хамнаева»
Д-1. Энэ текст уншаад, гаршаг үгэгты.
Текст 1
1965 ондо, далан зургаатай байхадаа, алдар суута Чарли Чаплин 21 наһатай Джеральдина басагандаа тон гүнзэгы удхатай, эсэгын нангин һургаалтай бэшэг бэшэһэн юм. Тэрэ үедэ Джеральдина басаганиинь Парижай тайзан дээрэ хатаржа, бэеэ туршажа байһан байгаа...
Басагамни!
Мүнөө – һүни. Бурханай мүндэлһэн Рождествогой һүни. Шинии дүү хүбүүн дүү басаган хоёр унтажа байна. Эжышнишье баһал унтанхай...
Намһаа ямар холобши даа! Шинии дүрэ зураг – эндэ, минии стол дээрэ, эндэ, минии зүрхэндэ дүтэхэнэ. Харин ши хаанабши? Тэндэ, үльгэр, онтохоной орон шэнги Парижда, Елисейн талмай дээрэ оршодог театрай гайхамшаг тайзан дээрэ хатарнаш. Энээниие би һайн мэдэнэб. Гоё һайхан энэ зүжэгтэ Персиин гоохон дангина басаганай роль хатархыешни харанаб. Сэбэр һайхан ходо бай, хатара! Одон болоод ялара! …
…Би шинии эсэгэшниб, Джеральдина! Би Чарлиб, Чарли Чаплин!
Шинии багахан байхадашни, унтадаггүй луу, нойрсоһон хүүхэн дангина тухай онтохонуудые хөөрэжэ, оронойшни хажууда хэды һүни һуужа үнгэргэдэг байгааб. Тэрэнииемни мэдэнэ гээшэ гүш? Шинии хүсэлнүүдыешни би харагша һэмби, Джеральдина, шинии ерээдүйешни, мүнөөдэрыешни. Тайзан дээрэ хатаржа байһан басагые, эди шэдитэй дангиные харагша һэмби.
“Энэ басагые харана гүт? Энэшни хүгшэн шогуушын* басаган. Һанана гүт, Чарли гэжэ нэрэтэй һэн?”, - гэжэ олон хүнэй хэлэхыень дуулаа һэм. Тиимэ, би Чарлиб! Би наhатай шогуушан гээшэб!
Шинии Джеральдина нэрыншни һүүлдэ минии Чаплин обогни байна. Энэ обогтой би дүшэ гаран жэлэй туршада дэлхэй дээрэ зониие энеэлгэжэ ябааб. Джеральдина, шинии оршолондо ганса хатар, хүгжэм байдаггүй! Һүниин тэндэ, томо танхим сооһоо гарахадаа, бэлиг талаанииеш сэгнэдэг баяшуулые мартахадашни хамаагүй. Харин шамайе гэртэшни абаашажа ябаһан таксиин жолоошонһоо тэрэнэй һамган тухай һурахаяа бү мартаарай. Хэрбэеэ тэрэнэйнь хээлитэй һаа, түрөөгүй үхибүүгээ мансылха һуури абаха мүнгэгүй һаань, хармаандань хэдышье һаа мүнгэ хэжэ үгөөрэй.
Би үхэхэб, харин ши ажаһуухаш... Хэзээдэшье үгытэй ядуу байдал мэдэхэгүйешни шамда хүсэнэб. Хэды мүнгэ гаргашалхаяа һананабши, тэдыгээ ядангүй гаргахыншни тула энэ бэшэгтэеэ хамта мүнгэн дансын дэбтэр эльгээнэб. Теэд хоёр франк гаргаад, гурбадахинь минии бэшэ гэжэ өөртөө һануулхаяа бү марта. Тэрэ ядажа ябаhан нэгэ танигдаагүй хүнэй мүнгэн болохо ёһотой. Тиимэ хүниие ши бэлэхэнээр олохош...
…Ши хүндэхэн ажалтайш, би тэрэниие мэдэнэб. Эсэгэнэр болон үхибүүдэй хоорондо хэтэ мүнхын тэмсэл бии гэжэ мэдэнэб. Намтай, минии бодолнуудтай тэмсэ, минии басагахан! Хүнэй үгэ соо байдаг үхибүүдтэ би дурагүйб. Нюдэнэйнгөө нулимсын энэ бэшэг дээрэ дуһажа эхилшөөгүйдэ, бурханай мүндэлһэн мүнөөдэрэй Рождествогой һүниие эди шэдитэ һүни гэжэ этигэхэеэ би һананаб… Би бурханай элшэн байгаагүйб, харин хүн байха гэжэ эрмэлзэдэг һэм. Шишье оролдоорой.
Тааланаб шамайе, Джеральдина.
Шинии Чарли.
1965 оной декабрь.
(Баир Балдановай буряад хэлэндэ оршуулгаар үгтэнэ)
*шогуушан – комик
Д-2. Асуудалнуудта харюусагты (Блумай 6 асуудал)
- Чарли Чаплинай басаган хэн гэжэ нэрэтэйб?
- Джеральдиные хүгшэн шогуушын басаган гэжэ үнэхөөрөө олон хүн мэдэхэ байгаа гү?
- Юундэ таксиин жолоошонһоо тэрэнэй һамган тухай һурахаяа бү мартаарай гэжэ Чарли басагандаа бэшэнэб?
- Хэрбэеэ басаганиинь эсэгынгээ үгэhэн зүбшэл шагнаагүй hаань юун болохоб?
- Юундэ эсэгэнэр болон үхибүүдэй хоорондо хэтэ мүнхын тэмсэл бии гэнэб?
- Танай һанахада, һайн аба гээшэ ямар хүн бэ?
Д-3. Текст сооhоо абтаһан эдэ мэдүүлэлнүүдые үргэлжэлүүлэгты.
- Намһаа ямар холобши даа!..........
- Джеральдина, шинии оршолондо ганса хатар, хүгжэм байдаггүй!.........
- Нюдэнэйнгөө нулимсын энэ бэшэг дээрэ дуһажа эхилшөөгүйдэ, бурханай мүндэлһэн мүнөөдэрэй Рождествогой һүниие эди шэдитэ һүни гэжэ этигэхэеэ би һананаб……
Д-4. Текст дээрэ үндэһэлэн, өөрын һанамжа нэмэн, фишбон арга хэрэглэжэ, текст түшэглэн, Чарли Чаплин басагандаа ямараар хандадаг байгааб? гэhэн асуудалда харюусагты.
Фишбоун:
По теме: методические разработки, презентации и конспекты
Статья "Применение технологии критического мышления на уроке литературы"
В современных условиях каждая школа и каждый учитель вольны выбирать себе свое педагогическое кредо, свою философию образования. От этого выбора зависит очень многое. Как учить детей без п...
Мастер-класс "Реализация государственной общеобразовательной программы формирования компетенций через применение технологии критического мышления на уроках литературы"
Представление опыта конструирования урока по технологии критического мышления....
Применение технологии критического мышления через чтение и письмо на уроках литературы как одной из ведущих технологий внедрения ФГОС.
Цель: Осмыслить возможности использования технологии развития критического мышления с целью повышения эффективности обучения и развития мыслительных навыков учащихся, необходимых не только в уче...
представление инновационного опыта работы по теме "Применение технологиии развития критического мышления через чтение и письмо при подготовке обучающихся к ЕГЭ и ГИА по биологии"
Представляю вашему вниманию систему методов и приемов работы по технологии развития критического мышления через чтение и письмо при подготовке обучающихся к ЕГЭ и ГИА по биологии....
Презентация опыта работы по теме самообразования: "Применение технологии критического мышления на уроках математики"
Современный учебный процесс сильно отличается от того, который был 10 – 15 лет назад. Увеличилось число предметов, сложнее стал материал в учебниках. Резко увеличилась нагрузка на учителя и ученика. У...