Подлежащеелъун т1аджубараб предложение
план-конспект урока (9 класс)

Авар мац1алъул рагьараб дарс

Тема:

«Подлежащеелъун т1аджубараб предложение».

                                Выполнила: Темирова Макка Магомедовна

                                                                   2018 год

                                                          Дарсил мурад:

1. Подлежащее такрар гьабизе

2. подлежащеелъун т1аджубараб предложение цогидаб жубараб предложениялдаса бат1а гьабизе малъи.

3. лъималазул  хъвавул калам цебет1еялде к1вар кьезе.

Дарсил алат: ункъабго падежалда подлежащеелъун т1аджубараб предложение хъвараб таблица.

Дарсил план:

1. Лъимал дарсиде х1адур гьари.
2. Рокъобе кьураб дарс гьикъи.
3. Ц1ияб тема.
4. Ц1ияб тема щула гьаби.
5. Практикиял х1алт1аби.
6. Дарсил х1асил.
7. Рокъобе х1алт1и.

Дарсил ин:

1. Лъимал дарсиде х1адур гьари.
2. Рокъобе кьураб дарс гьикъи.

- Лъимал, кина-кинал предложеиял нужеда лъалел?

(Предложениял рук1уна журарал ва г1адатал).

- Кинаб предложениялда г1адатаб предложениян абулеб?

(Цо преддложениялдаса г1уц1араб предложениялда г1адатаб предложение абула). Мисал:

- Сунда абулеб жубараб предложение?

(Жубараб предложение абула к1иго, яги ц1ик1к1ун г1адатал предложениялдаса г1уц1араб предложениялда)

Мисал: Бакъ баккана, дунял рогьана. (жубараб предложение).

Т1аде щвана ихдалил къоял. (Г1адатаб предложение)

-Жидер г1уц1иялде балагьун, журарал предложениял кина-кинал рук1унел?

(Жидер г1уц1иялде балагьун, журарал предложениял рук1уна: журарал сок1к1арал ва журарал нахърилълъарал).

- Жубараб сок1к1араб предложение сунда абулеб ва мисал?

(Жибго жиндаго ч1араб, бащадаб к1варалъул к1иго яц1ик1к1ун предложениялдаса г1уц1араб предложениялда жубараб сок1к1араб предложение абула).

Мисал: Ах1мад т1але вахъана, гьес кагъат ц1алана, гьесул гьумер аваданлъана.

- Кинаб предложение кколеб жубараб нахъбилълъараб? Гьелъие мисал.

(Цояб цоялдаги бараб, цояб цоялъги баян гьабулеб к1иго я ц1ик1к1ун г1адатаб предложениялдасан г1уц1араб предложениялда жубараб нахъбилълъараб предложение абула).

- Жубараб нахъбилълъараб предложение кинал предложениялдасан г1уц1ун  бук1унеб?

(Жубараб нахъбилълъараб предложение г1уц1ун бук1уна бет1ерабги т1аджубарабги предложенияздасан).

- Сунда абулеб бет1ераб предложение?

(Цо кинаб бугониги жиндир член, яги раг1абазул г1уц1и цогидаб предложениялъул баян гьабулеб предложениялда бет1ераб предложение абула).

Бет1ераб предложениялда жибги бараб, гьениб цо кинаб бугониги член яги раг1абазул г1уц1и жинца баянги гьабулеб предложениялда т1аджубараб предложение абула.

Мисал:

 ГIакъуба бихьич1ес къо хIехьоларо.

Къо хIехьоларо –бет1ераб предложение

ГIакъуба бихьич1ес – тIаджубараб предложение.

3. Ц1ияб тема:

Нилъеца абуна, лъимал, предложениял рук1унин жураралги нахърилълъаралги. Нахърилълъарал предложениял союз рагIабигун рукIунел гIадин, гьел  гьеч1огоги рукIине бегьула. Нахъбилълъиналъул союз рагIаби гьечIел журарал нахърилълъарал предложениял авар мацIалда батIи-батIиял рукIуна.

- Жакъа , лъимал, неелъеца баян гьабила подлежащеелъун тIаджубараб предложение.

- АхIмад, сунда абулеб подлежащиян?

- Кинаб предложениялъул член гьеб кколеб?

(Гьеб ккола предложениялъул бет1ераб член)

- Цоги кинал предложениялъул членал нужеда лъалел?

_ Асият, баче цо мисал подлежащеегун.

ГIали рокъове вачIана.

-Чан падежалда подлежащее хIалтIизабулеб ва кина-кинаб?

(Подлежащее хIалтIизабула 4падежалда: аслияб п., актив п., кьовул п., жинда п.).

Мисалал.

Асмаца (акт.п.) дарс цIалана.

Мурадие (кьов.п.) эбел йокьула.

Дида (ж.п.) цер бихьана.

Таблицаялдаса хIалтIи

ГIумар, цIале гьаб таблицаялдасан предложение.

Риидал борохь бихьарав хасало гIарщикьа хIинкъула;

РакIалда хиял гьечIес щибго жо гьабуларо.

ВатIан бокьуларесе эбелги йокьуларо.

Квералда махщел бугесда кибго бетIербахъи гьабизе кIола.

ГIадатаб предложениялда жаниб цо рагIи яги рагIабазул гIуцIи подлежащеелъун ккезе бегьулеб гIадин, жубараб предложениялъул тIубараб предложениялъунги ккезе бегьула, гьединаб предложениялда подлежащеелъун тIаджубараб предложение абула.

Подлежащеелъун тIаджубараб предложениялъе бетIераб предложениялъул сказуемоялдасан гIадатаб предложениялъул  подлежащеялъе кьолеб гIадаб суал кьезе бегьула (Щиб? Лъица? Сунца? Лъида? Лъие?).

Гьеб кагъат босун вачIарасда кинабго лъалаан.

Кинабго лъалаан – бетIераб предложение.

Гьеб кагъат босун вачIарасда (лъида?)- тIаджубараб предложение подлежащеелъун.

Ахикье щварас пихъ кванала.

- Гьаб предложение подлежащее тIаджубараб кколищ, лъимал?

- Кколаро, щайгурелъул ахикье щварас абураб рагIабазул эркенаб гIуцIи  ккун бугго, гьелъие суалги подлежащеелъего гIадаб бачIуна.

Подлежащеелъун тIаджубараб букIине ккани, кIиго бетIераб член къваригIуна тIаджубараб предложениялда жаниб.

Подлежащеелъун тIаджубараб предложение бетIераб предложениялдаса запятая лъун, тIезабизе бегьуларо.

- Лъимал, гьанже нужецаго ургъун, подлежащеелъун тIаджубараб предложениялъе цо-цо мисал хъвай.

         4. ЦIияб тема щула гьаби.

ХIалтIи

ТIадкъай: аслияб  падежалда подлежащее тIаджубараб цо хIуби гьабун, актив п. подлежащее тIаджубараб уо хIуби гьабун хъвай.

Цо гьереси бицарас нусго гьереси бицуна.

Гьанаца гIорцIичIев рокьоца гIорцIиларо…

ХIалтIи .

ТIадкъай: гьал предложениял лъигьинаре подлежащеелъун тIаджурарал ва гъоркь мухъ цIай подлежащее тIаджубаралда.

1. Жинцаго гьабизе жо лъаларес…
2. Бергьенлъи босарасда …
3.                                      … чидае гьеб кьоларо.
4.                                     … гIанкIуги бикъула.

Подлежащеелъун тIаджубараб предложениялъул сказуемоелъун батIи-батIиял падежазда глаголалъул формаби хIалтIизарула. Гьеб нилъеда мисалаздасанги бихьула.

1. Актив , кьовул ва жинда падежазда причастие ккола тIаджубараб предложениял сказуемоегун.

Пер кунарес (актив п.) хъал кунеб.

Вехь вокьуларесе (кьов.п.) гьойги бокьуларо.

Чохьол унти чIварасда (жинда п.) ботIрол унти кIочана.

2. Подлежащее тIаджубараб предложениял сказуемоелъун ккола глаголияб цIарги.

Лъимал, нилъеца хъварал предложениязда гъоркь балагье гьединаб предложение.

АхIмад рокъове вачIиналъ (акт.п.) Сурхайил рахIат хвезабуна.

Чехь цIезегIан кванаялъ (акт.п.) кIухIаллъи тIад гьабула.

3. Предметияб цIаралъул бакIалда хIалтIизабураб гьари магIнаялъул тIалабияб наклонениеги ккола подлежащее тIаджубараб предложениялъул сказуемоелъун.

Лъимал чIахъадица  (акт.п.) бицана дида гьеб хабар.

Рокъоб бертин гьабудие (кьов п.) щибдай бокьараб?

ГIанкIудал тIанчIаз чехь хъирщадида (ж.п.) гьаб иш жеги лъаларебищ?

ХIалтIи 202

ТIадкъай: Гьал предложениял хъвай, подлежащеелъун тIаджубараб предложениялда гъоркь хIучч цIай, подлежащеелъун ккараб гIуцIи батIа гьабун, аскIоб бихьизабе.

1. АхIун вачIарас лъикIаб хIалтIи гьабула. (подлежащеелъун ккараб гIуцIи).
2. Буртина ретIарас бицана дида гьеб хабар. (подлежащее тIаджубараб предложение).

ХIалтIи

Лъимал, дица кицаби абила, амма нужеца гьел лъугьинарила подлежащеелъун тIаджурарал. (РекIехъе)

1. Чу гьечIес…
2. Ургъел гьечIесда …
3. БоцIи хьхьулесда …
4. ХIалтIи тIагIарас …
5. ЛъикIалда мал барас …
6. Мадугьал вокьуларесе…

Гьазие суалалги лъун, падежги бихьизабе.

                                                                 Отзыв

об  открытом уроке

учителя  родного  языка и литературы                                               МКОУ«Новогагатлинская СОШ имени Х.С.Салимова»

Темировой Макки Магомедовны

в  9  классе  по  теме:

                      «Подлежащеелъун т1аджубараб предложение»

Все этапы урока учителя Темировой Макки Магомедовны были последовательными и логически связанными. Структура урока во всех аспектах: по распределению времени на этапы урока, по дозировке умственной нагрузки на протяжении всего урока, по смене видов деятельности в течение урока – соответствует возрастным особенностям данной возрастной группе и современным требования к уроку. Перегрузки учащихся на уроке не наблюдалось.

Урок прошел организованно, был логический переход от одного этапа к другому, было четкое управление учебной работой учащихся, владение классом, соблюдение дисциплины. Учителем был правильно определен объем учебного материала на уроке, умелое распределение времени, характер обучения был демократичным, объективным. На уроке царила доброжелательная атмосфера, и учащиеся чувствовали себя достаточно свободно.

Речь учителя была грамотной, точной и эмоциональной.   Учащиеся были  активны и организованны на разных этапах урока, были доброжелательны к учителю, показали умения творческого применения знаний, умений и навыков. Макка Магомедовна не упустила возможности тестовой проверки усвоения программного материала. Она оказалась удобной формой в обобщающих уроках в конце изучения произведений одного или двух поэтов-писателей, позволяла подвести итоги усвоения программного материала и на  уроках осуществлять  связь  с  родным  языком.

Цели и задачи урока выполнены полностью.  Урок проведен на высоком методическом уровне.    

Учитель – Темирова С.Г.

             2018 г.