Открытый урок по родному языку.
план-конспект урока (6 класс)

Дарсны темасы: Даражалы ва даражасыз сыпатлыкълар.

Дарсны муратлары:

      1.  Сыпатлыкъны гьакъындагъы билимлерин аян этив.

          Даражалы  ва даражасыз сыпатлыкъланы айырып болмакъ.

          Гечилген материалны такрарламакъ.

     2. Оьзбашына билим алыв. Пайдалы маълумат топлав бажарывлукъларын оьсдюрюв.

     3. Тил культурасын ва чебер сезивню тарбиялав.

Къурулушуна гере дарс  къошулчан белюклерден къурашдырылгъан.

Дарсны барышы:

1. Гиришив.
2. Сынавун мекенлешдирив, токъташдырыв.

Охувчулагъа суратлар герсетиле.  Атлыкълагъа сыпатлыкълар къошулуп сез тагъымлар тизиле.

Уьйге берилген тапшурувну уьстюнде иш юрюле.

3. « Янгылыкъ ачыв» - янгы материалны уьйренив.

Янгы темагъа тюшюндюрюв.

Доскада сыпатлыкълар язылгъан, предметде аз да, кеп де болуп болагъан белгилени герсетегенлерин бир тапкъыргъа, алышынмайгъан белгилени герсетегенлерин бир тапкъыргъа языгъыз.

Шу тапшурувну кюте туруп янгы тема мекенлеше.

Янгы материалны уьйренив.

Муаллим даражалы деген терминни маънасын англата.

Сезлюк иш юрюле.

 Даража – степень, мера, уровень.

Махмар – бархат

Чув – тишина

Къакъа – ущелье (сураты да герсетиле)

  Предметни аз яда кеп оьлчевдеги белгисин герсетеген сыпатлыкълагъа даражалы сыпатлыкълар деп айтыла. Масалалар гелтириле. (къызыл – къызгъылт, къып-къызыл)

    Предметни алышынмайгъан, аз да, кеп де болмайгъан белгисин англатагъан сыпатлыкълагъа даражасыз сыпатлыкълар деп айтыла. Масалалар гелтириле. (авлакъдагъы, бугюнгю)

    Охувчулагъа оьтесиз уллу, инг де уллу, чинк де уллу, лап да, бек, ажайып уллу деген сезлер булан сез тагъымлар тизме тапшурула. ( охувчулар жут болуп ишлей)

  Физминутка оьтгериле.

Кюрчю материал булан ишлев.

Тапшурув № 168( сезлюклеге язылгъан сезлер такрарлана)

4. Башлапгъы бажарывлукъларын яратыв.

Яшлагъа карточкалар бериле.  Даражалы сыпатлыкълар бир тапкъыргъа, даражасыз сыпатлыкълар бир тапкъыргъа языла.

Охувчулар бир- бирин къыйматлай.

5. «Рефлексия» ва уьйге иш айырыв.

Даражалы ва даражасыз сыпатлыкъланы рус тил булан тенглешдиригиз.

Яшлагъа суратлар бериле. Суратланы сюйген тюсге бояма ихтияр бериле.

Суратгъа гере гиччирек хабар тизмек. Хабарда даражалы ва даражасыз сыпатлыкъланы къолламакъ.  

Тапшурув № 169 ( охувчулар сюйген тапшурувну сайлай)

Рефлексия.

- дарсны магъа не пайдасы болду?

- къужурлу тийген ерин эсгерив.

 - не йимик четимликлени эсгерме боламан.