Открытый урок по родному языку
план-конспект урока на тему

- Организационной моментэсь.

Шумбрачи! Эйкакшт, течи миненек састь инжеть. А минь тесэ азортано ды арсетяно невтемс, кода минь важодтяно эрзянь келень уроктнесэ.

Сермадсынек числанть, классо важодеманть ды течинь теманть «Местоимениядонть ютазенть мельс ледстямось» ды алтасынек Анна Дмитриевна Сульдинань  творческой кинзэ туртов.

Уроконть бажамотне:  

-   кемекстамс ды домкалгавтомс  тонавтницятнень  содамочист местоимениядонть;                                                                                               - маштомс явомо местоимениятнень вейкест –вейкест эйстэ, муеме текстстэ;                                                                                                                                                            

- кастомс вечкеманть эрзянь келентень, тонавтомс эрзянь келень мазычинзэ нееме

Уроконь кедьенкстнэ:

Сермадовкст, текстовой заданият, мультимедиянь проектор.

А эпиграфокс сайсынек (ловны тонавтницясь) Слайдат тиринь веледе

     Содан, содан, улить лия ёнкст,                                                                

Косо пальмат ды лымбиця морят.

Но монень эсь ёнксось –  теке ёвкс,                                                                        Эрьва чизэ кази валдо зорят.

Кази лисьмапринень валдо налт,

Тюжа розень каштордыця колозт.

Тесэ прасть кель прястон васень валт,

Седеезэм кенерсть васень морот.

Тия чийни кепе эйкакшчим,                                                                Ламарькс цвети садтнэва од порам,

Тестэ ушодови келей ким

Ды палыть, палыть вечкемань зорям.

Вишка лейненть велькссэ тошкить чейть,

Кустембезэм лопат правты лепесь.

Мик кевензэ тиринь ёнксонть чевть,

Нартимксэнзэ ламбамот – а сэпейть.

Неть валтнэнь сёрмадынзе минек велень поэтессась Анна Дмитриевна Сульдина. Вана кода лембестэ поэтэсь невти эсь масторонь мазычинть, косо кевтне чевть и нартимкстнэ ламбамот.

     1.    Ушодтано уроконть теманть коряс важодема (ютазенть мельс ледстямось)

- Ледстясынек, мезе минь содатано местоимениядо.

1)Мезде мерить местоимения? (Те кортамо пелькс, кона невти предмет, ёнкс ды ламочи лангс, ансяк а ёвты сонзэ)

ТЕНЬ КОРЯС ВЕСЕ МЕСТОИМЕНИЯТНЕ ЯВОВИТЬ КОЛМОВ М- ПРИЛ. М-СУЩ. М – ЧИСЛ)

2) Смустень коряс местоимениятнень явовомаст

1)Личной

2)Азорксчинь

3)Возвратной

4)Невтиця

5)Определённой

6)Кевкстемань

7)Относительной

8)Аволь определённой

3)Кодат синтаксисэнь ёнкстнэ местоимениянть

Валрисьмесэ местоимениятне эрсить подлежащейкс. Сказуемоекс, дополнениякс, определениякс. Валзюлмавкссо – малав свал кандовиця валокс.

2)Обобщение по таблице.

3)Вантанок проекторонть лангс. Ловносынек. Мусынек местоимениятнень. Ёвтасынек, кодамо кортамо пельксэнь таркас сынь сайневить. Толковамс лотксема тешкстнэнь путомаст)

4) Кочксемань диктант. Кунсолынк текстэнть. Сермадынк местоимениятнень,невтинк смустень коряс курост.  (Сульдинань портретэзэ)

Эсензэ вайгелезэ Анна Сульдинань. Поэтэсь сонзэ валонзо марто ломантнень эйс вельмевти лембе, валдо ёжомарямо. Эрямонь ёнкстнэнь невти истя, кодамокс сынь улить алкукскак. Тень теемс лезды тензэ тевс эрзянь келенть мазычинзэ парсте нолдамось.Поэтэсь седеень панжозь кенярды весе вадрянтень, мелявты зыянтнэнь кувалт, конат вастневить эрямосонть.

5)Эрьванть ули авазо. Сон сехте мазый, сехте превей. А монь ули истямо кевкстемам, кодат аванк ёвты валт, зярдо моли валскемарто пря пезынк?

- превейнем, стяк.

-вечкевиксэм, панжить сельметь.

-нузякскем, чийть школав

-эйдинем, паро удомс

-чивалдынем. Сыргозть

-сияпокольнем, стяк

- Ловносынек А.Сульдинань стихотворениястонзо саевксэнть «Васенцеде роботас» (Сульдинань аванзо портретэзэ)

Авай, валске монь рана стявтомак,

Зярдо зорясь росантень токши.

Васенцеде роботас ильтямак,                                                      Мартон саян  розень шумбра кши.

- Муемс местоимениянть, ванномс морфология ёндо.

Тонавтыцясь важоди доскасо)

- Кудов ульнесь задания, сёрмадомс а покш сочинения аванк ланга. Ловносынек.   Слайда авань фотография марто.

 -Кикс тынь арсетядо улемс?

- Александр Дёмкин «Шумбрат, авай» моро.

6) Книга марто важодема .Упр.160-це.А.Доронинэнь текстэсь А.Сульдинадо. Слайда – Доронинэнь фотографиязо.

Ловнынк текстэнть. Кодамо стилень сон? Муеде синонимть явовтозь местоимениятненень.

3-це абзацонь 1-це валрисьмесь.Теемс синтаксисэнь ёндо ваннома.

-Оймсетяно!!! (Звуки природы «Рассвет»)

Звуки природы «Весенний ручей» Тундодо слайдат

-Минек велень поэтессась пек вечксы тундонть. Зярдо телень удомадонть мейле сыргози весе пертьпельксэсь.

Тундонь  гайттенть таго сыргойсь виресь,                                                                          Тей нармунтне лембе ёндо састь.

Яннэсь вети эйсэнь лейнень чирес,

Козонь эйкакш пингем повнекс прась.        

- Эйкакшт, тынь содатадо валмеревкст тундодо рузонь кельсэ?

_ Снартнетяно сынст ютавтомс эрзянь кельс.

Кто спит весной, плачет зимой.

Весной трёх погожих дней рядом не бывает.

Вешний день год кормит.

В марте курочка под порожком напьётся.

Март с водой, апрель с травой.

Май холодный — год хлебородный.

Глубже вспашешь — больше хлеба возьмёшь.

Май леса наряжает и лето в гости поджидает.

Майский мороз не выдавит слёз.

Весной дождь парит, а осенью мочит.

Весною ёрш дороже, чем осенью лосось.

Бывает май — под кустом рай, бывает май — коню сена дай, а сам на печь залезай.

-Стихень сёрмадомась

- Тест лангсо важодема.

8)Панжиковонь 9-це чистэнть  Ине изнямонтень -70 иеть . Ламо А.Сульдинань стихензэ, конат алтазь войнань толов ды качамов читненень. Стихень ловномась  «Солдатонь ава», «Веленть куншкас стязь солдатось ашти»  (Велень памятникесь)

Веленть куншкас стязь солдатось ашти,

Кевсэ оршавтызе сонзэ шкась.

Умаринань цветсэ викшнезь коштось-

 Таго тундось цёков морос прась.                                    

-  Кемекстасынек сень, мезде кортынек уроксо.

Местоимениятне вастневить художественной текстсэ, валмеревксэ, поэзиясо. Алтынек уроконть А.Д.Сульдинанень.

Эйкакшт, тынь тонатнетядо 10-це классо. Курок прядсынк школанть. Паряк,   тынк юткстояк кармить содавикс ломанть.Ды тыненк  иень ютазь кармить алтамо урокт.

- Роботынек парсте. Тестэнь кис тынсь путттадо эстенк,секс отметканк улить весень. Башка путан сочинениянк -            кисэ.

- Минь тынк марто бажинек топавтомс эрьва кодамо формань важодемат, конатне кастовлизь бук ель –валонок ды превенек –

арсеманок.

- Тень эйсэ, эйкакш, оят,минек урокось прядовсь. Весенень арсетяно сюпавчи,шумбрачи ды паро уцяска! Вастомазонок1