Рабочая программа 7класс по родной литературе
рабочая программа (7 класс) на тему

                        Муниципальное бюджетное общеобразовательное учреждение «Тарханско –  Потьминская ООШ»

                                                                                                  Составитель - учитель родного (мокшанского) языка и литературы

                                                                                                  Кирдяпина Елена Степановна

 1. Пояснительнай записка.

 Родной литературань рабочай программась тиф сисемце классонь тонафнихненди, конанди основакс сявф:

• Российскяй Федерациянь Федеральнай законць «Об образовании в Российской Федерации» №273 от 29.12.2012 года.
•  основной и средняй школань примернай программась родной литератураса  5-11 класса Российскяй Федерациянь  национальнай школань  2000 кизотькса;
• Мордовия Республикань Образованиянь Министерствань «Мокшэрзянь литературань программат 5-11-це классненди», Саранск 2010к.,
• Федеральнай Государственнай образовательнай стандартсь, кона примаф Российскяй Минобразованиять приказонц коряс  05.03.2004к.;
•  учебнай планонц коряс МБОУ «Тарханско – Потьминскяй ООШ» 2018-2019 т.к.

      Афкуксонь календарно-тематическяй планць тиф, нежедемок «Мокшэрзянь литературань программат 5-11 классненди», кона нолдаф 2010 кизоня, Саранскяйса, Мордовскяй книжнай издательстваса.

               Программась ащи фкакс 7-це классонь «Родной литература» тонафнемань книгати общеобразовательнай учрежденияса, книгать автороц Азыркина Е.И., Саранск, 2016к.

   Родной литературань  урокти 7-це класса макссеви фкя част недляти, общеобразовательнай программать коряс сизьгемонь   част, школань тонафнемань планть коряс 35 тонафнемань недля, марнек 35 част кизоти. Родной литературань  урокти 5-це класса макссеви фкя част недляти, общеобразовательнай программать коряс сизьгемонь    част, школань тонафнемань планть коряс 35 тонафнемань недля, марнек 35 част кизоти. Программась ётави учебнай материалть кирьфтманц коряс.

Лама лия предметтнень еткса, конат тонафневихть школаса, няевикс васта максови мокшэрзянь литературати. Родной кяльса серматф произведениятнень мархта шабатне васьфтихть васенда начальнай класса, сяда меле художественнай литературать колга содамошитнень касфтсазь мельдень класса тонафнемста. Литературась лезды тейст шарьхкодемс эряфть, перьфпяльть, кърхкалгофтсыне тевснон-мяльснон, козякофтсыне кяльснон-валснон, кеподьсыне корхтамань и сермадомань кялень культураснон, келептьсыне эстетическяй ванфксснон,касфтсынь содамошиснон эсь культураснон, масторснон колга.

     Литературань произведениятнень вельде тонафнихне сяда цебярьста кармайхть содама эсь народснон тевонзон-мялензон, иланзон, сонь кяль-валонь мазышинц и эряфонь киса смузенц, сядонгольдень эряманц-ащеманц.

2)Литературать тонафнемань целенза и задачанза.

Сисемце класса национальнай школань ученикне родной литературань урокса тонафнихть лувфть коряс устнай и письменнай ответонь максома, произведениять идеянц, героинзон и конфликтонзон шарьхкодема.

Тя класса тонафневи произведениятнень эса лама материал, штоба касфтомс ученикнень видешить, ялгаксшить и родной природать колга эстетическяй содамашиснон.

Ученикне крхалгофтсазь эсь содамошиснон литературнай ёфкснень, устнай народнай творчествать колга, кармайхть содама, мезе стамсь стихотворнай и прозаиескяй корхтамась, рассказсь, повестсь, литературнай героень портретсь, пейзажсь, эпитетсь, метафорась, сравнениясь, олицетворениясь, гиперболась.

Крхкалгоды и словарнай работась. Ученикнень устнай и письменнай корхтамасост эвондай отвлечённай значения мархта лама вал.

Сяда сидеста кармай ётафневома картинань и иллюстрациянь коряс работась, мезсь лезды ученикненди художественнай литературать, живописть и графикать кода искусствань шарьхкодемаснонды.

    Лама лия предметтнень еткса, конат тонафневихть школаса, няевикс васта максови мокшэрзянь литературати. Родной кяльса серматф произведениятнень мархта шабатне васьфтихть васенда начальнай класса, сяда меле художественнай литературать колга содамошитнень касфтсазь мельдень класса тонафнемста. Литературась лезды тейст шарьхкодемс эряфть, перьфпяльть, кърхкалгофтсыне тевснон-мяльснон, козякофтсыне кяльснон-валснон, кеподьсыне корхтамань и сермадомань кялень культураснон, келептьсыне эстетическяй ванфксснон,касфтсынь содамошиснон эсь культураснон, масторснон колга.

     Литературань произведениятнень вельде тонафнихне сяда цебярьста кармайхть содама эсь народснон тевонзон-мялензон, иланзон, сонь кяль-валонь мазышинц и эряфонь киса смузенц, сядонгольдень эряманц-ащеманц.

      Родной литературань урокнень инголи путневи цельхть:

• тонафтомс шабатнень родной кяльть и литературать вельде шарьхкодемс эсь народснон историянц и тяниень пингонь эряманц,
• воспитандамс афкуксонь патриотт,
• касфтомс содамошиснон мокшэрзянь народть историянц, культуранц колга,
• касфтомс шарьхкодемаснон кяльть национальнай башкаширенц колга.

      Эсь кяльса серматф произведениянь тонафнемась панжи кели ки рузонь литературать шарьхкодеманцты и сонь вельденза лия нароттнень литератураснон содаманцты, сон лезды сяда теждяста шарьхкодемс сембе искусствань виттнень: киноть, театрать, живописть, музыкать и лиятнень.

Родной литературась кемоста сотнеф эряфть мархта, сяс и полафксне, конат молихть тя пингста, фалу  эрявихть кирдемс мяльса сонь тонафнемстонза.

       Тяни родной литературань урокста произведениятненди идейно-художественнай питнеть путомста сави кирдемс мяльса васендакиге аф идейно-политическяй ширеть, кода ульсь инголе, а нравственнайть и эстетическяйть. Анализонь тиемста васенда эряви шарфтомс мяль марнек ломанень проблематнень панжемаснонды, азомс эряфса писательть ванфонц видеть-аф видеть лангс, кодама художественно- выразительнай средства вельде авторсь панчсесы геройхнень тевснон-валснон, потмоежеснон, ванондсы кялень козяшить. Тяка пингть шабатне  тонафнихть арьсема, эсь мяльснон-арьсемаснон азондома, пара тефнень и афсатыкснень няема.

3) Учебнай планца предметть вастоц

Родной литературань  урокти 7-це класса макссеви фкя част недляти, общеобразовательнай программать коряс колмогемонь   част, школань тонафнемань планть коряс 34 тонафнемань недля, марнек 34 част кизоти.

Тонафнемань материалсь етави программань материалть кирьфтаманц вельде.

4)Программать потмоширец и тиевомац

       Родной литературать коряс программать сермадомста авторхне кирдезь мяльса и нолдазь тевс ся цебярь сатфкснень, конат кочкавсть синь тиевомстост ведьгемоньда лама кизоста. Тонафнемс сявфт ся произведениятне, конат кандыхть афкуксонь нравственнай и эстетическяй питне.

  5-11-це классненди программась тиф тяфта, штоба тонафнихне аф ламонь тонадольхть художественнай произведениятнень  смузьснон  шарьхкодема и тейст виде питнень путома, кармальхть содама теоретико-литературнай шарьхкодематнень и синь вельдест  анализонь тиема, келемольхть кялень козяшисна и эстетическяй  культурасна

     Программаса оцю мяль шарфневи предметтнень ёткса сотксненди. Родной литературать  тонафнемста тонафтыти фалу эряви маштозь нолямс тевс ся материалхнень, конат келептьсазь  и крхкалгофтсазь  шабатнень содамошиснон (лия народонь литературань, живописень, скульптурань, графикань, музыкань, родной масторть историянц колга произведениятне).

      Родной литературань программатненди  сувафтфт  мокшень и эрзянь народть устно-поэтическяй  лама  произведениясна, содавикс писательхнень литератураса касома кисна, поэзиясь, прозась, драматургиясь, азфт аф класса лувомать  коряс книгатнень  лемсна и сёрмадысна.

5-8-це класснень эса родной литературась тонафневи кода литературань морафтома. Шабатне кочкайхть содамошит писательхнень колга, морафтыхть художественнай башка произведеният. 5-це класса, ваномок шабатнень вийснон и мяльснон лангс, произведениятне путневихть жанрово-тематическяй принципонь коряс: васенда максфт идень фольклоронь произведениятне; сяда тов – литературань ёфксне и баснятне, сяльде моли «Идькс пинге» пялькссь, коза сувайхть мяльс туф азксне, конатнень эса главнай геройхне тяфтама жа итть, кода и синць тонафнихне. «Идькс пингть» поладсы «Перьфпяльсь» темась.

Тяза сувафтфт произведеният, конатнень эса морави перьфпяльть мазышиц и азондовихть мяльхть-арьсемат сонь ванфтоманц колга. Аделави ветеце классонь программась «Историясь» пяльксса. Сонь эсонза азондови мокшетнень и эрзятнень эряфсна и Великай Отечественнай войнать пингста врагть каршес тюремасна.

   Программаса тяда башка максовихть теоретико-литературнай шарьхкодемат, аф класса лувомать коряс произведеният и педа-пес арьсеф ся, кодама литературно-творческяй тефт эрявихть тиемс класса.

   5-8-це класснень эса кочкавихть марс тонафнихнень содамошисна мокшэрзянь устно-поэтическяй творчествать, писательхнень произведенияснон и теоретико-литературнай шарьхкодематнень коряс.Сембе тя козякофнесыне шабатнень мялямснон и эстетическяй культураснон.

   Корхтамань и сёрмадомань кялень навыкнень касомаснонды программаса максовихть башка урокт. Эрь класса арьсефт литературань творческяй жанратне, конатнень коряс тонафнихне сёрмадсазь эсь мяльснон. Арьсетяма, тя канды оцю лезкс кялень культурать касома тевса.

   Литературань процессь аф ащи фкя вастса, эвондайхть писателень од лепт, цебярь произведеният, сяс тонафтыхненди фалу эряви келепнемс эсь ваномаснон литературать лангс и старандамс, штоба шабатне улелельхть анокт одонь вешема и содама.

Нюрьхкяня методическяй няфтемат

  Родной литературань тонафнихненди эряви кирдемс мяльса, што минь литератураньке серматф кафта кяльса, но сембе лия ширетнень коряс сон аф явови, сяс мес няфнесыне сембе мокшетнень и эрзятнень эряфснон, койснон и мяльснон. Аф эряви юкснемс сяньге: минь литератураньке кемоста сотнеф рузонь кяльть мархта. Улихть малавикс сюжетт, темат, эряфонь няфтема принципт. Минь писателеньке тонафнесть рузонь и лия народонь художественнай  валонь мастерхнень эзда эряфть сяда цебярьста няфтемаса, сяс шабатненди сидеста сави корхтамс тянь колга. Тяка мархта марса эрь урокса эряви шарьхкодемс, мезе од тись тя или тона писательсь литератураса, кодама общечеловеческяй смузь кандыхть сонь произведенинза, мезьса пяк лац няевихть национальнай ширенза. Сатомшка мяль эряви шарфтомс мокшетнень и эрзятнень койснон лангс (семьяса сяда оцюфнень кулхцондомасна, щамснон, праздниконь ётафтомаснон и ст. тов) и национальнай обуцянь ширетнень панжемаснонды, родной кяльть козяшинц и мазышинц няфтеманцты.

   Родной литературань тонафтыти мяляфтома сявок, што мекольдень кизотнень эряфсонк тиевсь лама полафткста. Сидеста сашендови няендемс, кода валомня бъта стяфневи пряста пильге лангс мъзярда-бъди лама вастова колсеф социальнай, историческяй и нравственнай видешись, мърдафневихть афкуксонь тевсна-арьсемасна ся ломаттнень, конатнень лемсна стакащемда валфтольхть ърдазса. И сембось тя, васендакиге, няфневи литератураса, сяс мес сембе уликс искусстватнень ёткста эряфонь няфти ваномакс сембодонга ладяй лемдемс литературась. Эвондакшни  од сельмованф ётаф событиятненди. Мокшэрзянь литературасовок эвондась аф кържа произведения, коса тя няфневи.

   Тячи писательхненди можна аф пелезь азодомс сянь, мезсь таколфтсыне. А ульсть пинкт, мъзярда эряволь сёрмадомс сянь, мезе мярьголхть «оцюнятне», кепсемс ся кизефкснень, конат таколфтсазь синь, эряфть няфнемс аньцек цебярь ширенц. Къда писательсь ёрась  мезе-мезе азомс эсь эздонза, тушендсь цютькада каршек, произведениясь афоль ноляв печатьс.

Тяконь лувксса коллективизациянь, революциянь, Великай Отечественнай войнань событиятне. Кепотьксонди, революциянь тиихне фалу няфневсть аньцек цебярь ширде, а козятне – мекланкт. Тячи содаф, щто козятнень ёткс шоворязь и тевонь кельги ломаттненьге. Революциянь тиихневок аф фкя лацотольхть, синьге ётксост кой-кие шудефтсь аф кържа аф мувору верда. Великай Отечественнай войнатьке перьф лама мекольдень пингть лисенди аф содафта. Мезе корхтамс, лама аф фкя лацонь мяльда-арьсемада  ломаттнень ёткса тячи. Нъльня мярьгондихть нардамс мялямстонк историять, сяс мес ламоль тоса аеркс тевда, эльбятькста, а кинди пяк мялезонза тячиень эряфоньке. Но кие кода афоль арьсе, а виде ся: истоиясь аф эряви юкснемс. Сяс, тонафнемок родной литературать, тяда эряскода максомс питне няфтьф событиятненди, обрасненди. Ваность васенда, месс тя или тона геройсь тяфта тись. Варжасть шарьхкодемс сонь ваймонц и мяляфтомс, кодама пингста сон эрясь. Ня арьсематне савихть кирдемс мяльса тонафтыхненди литературань произведениятнень ваномста: ушедомань занятиятнень эса, произведениятнень лувомста, анализонь тиемста и мельдень занятиятнень эса.

   Родной литературань урокса эрь темать тонафнемац ушедови ушедомань занятияста. Средняй класснень эса ушетксонь занятиятненди макссеви 5-20 минута, оцю класснень эса жа – марнек уроксь. Ушетксонь занятиятнень основной цельсна – касфтомс шабатнень мяльснон получамс содамошит писательхнень и синь произведенияснон колга, анокламс тонафнихнень произведениянь лувома и цебярьста шарьхкодема.

   Ушетксонь занятиятне молихть аф фкя лаца, кепотьксоди, можна ваномс:

• писательть эряфста пакшт, конат лездыхть произведениять шарьхкодемс;
• родной и рузонь литературань урокса ётаф и од материалть мархта соткснень арьсемасна;
• историческяй, историко-литературнац и бытовой комментариянь тиемась;
• произведениять сёрмадомань историянц тевс нолдаманц;
• кяльть лангса покодемась.

   Ня тефне максомат башка приём вельде, кепотьксонди, ётафтомс экскурсият (писательть эряма вастс, музеи, вири, лугав, паксяв и стак тов), можна нолдамс тевс художниконь картинат и иллюстрацият, кулхцондомс морот и лия музыкань произведеният, лятфтамс ётаф материалть.ушедомань занятиятне ётафтовихть аф фкя лаца. Кажнайть улеза сонцень шамац, эрь писательть мархта васьфтемась куватьс кадоволь шабатнень седиса.

  Ушедомань занятиятнень ётафтомда меле моли произведениянь лувомась. Средняй класснень эса сембе ёмла произведениятне лувовихть урокса, мъзярда жа тонафневихть повестсь, оцю азкссь, то башка пяльксне максомат лувомс куду. Вейхксоце-кефкиеце класснень эса произведениятне марнек, лирическяйда башка, лувовихть кудса. Произведениятнень лувомста васендакиге эряви кирдемс мяльса сонь родонь и жанрань ширенц, сяс мес эрь жанрась вешсы сонцень лувомань кинц. Кепотьксонди, лирическяй произведениятне васенцеда лувовихть фалу класса, кайгиста. Тянь тисы учительсь или учениксь, къда цебярьста машты лувома. Драматическяй произведениятнень тонафнемста сидеста кулхцонкшневихть радиоспектаклятне, конат сёрматфт магнитофонц. Произведениять лувомда меле ушедови содержаниянц лангса работась: путовихть кизефкст, тиеви план, азондови смузец (эпическяйхнень и драматическяйхнень) и тиеви анализ.

   Анализонь тиемста учительсь кочкай эсь мяленц коряс тяфтама методическяй приёмт, конат ладяйхть сонь классонцты тя или тона произведенияти. Эряви шарьхкодемс произведениять смузец и темац, азовихть сюжетонь, композициянь ширетне, изобразительно-выразительнай средстватнень рольсна типическяй характеронь тиемста, панжеви идейнай смузсь.

   Приёмтне, конатнень нолдасыне тевс тонафтысь тя пигста, эрьсихть аф фкя лацоннет :путф проблематнень мумасна и азомасна, комментированнай лувомась, произведениятнень, геройхнень, васттнень, сценатнень карань-каршек арафтомасна и ваномасна, киносценариень тиемась, устна валса портретонь и перьфпяльть колга азондомась, инсценированиясь, литературань налхксематнень ётафтомасна (викторинат, литературнай геройхнень мельге заочнай путешествият) и лият.

   Анализонь тиемань приёмтнень кочкамста и синь тевс нолдамстост учительти эряви мяльса кирдемс шабатнень кизосна и литературать коряс содамошисна.

   Литературать тонафнемста пяк эрявихть тематнень коряс остатка урокне. Ня урокнень эса максовихть геройхненди кърхка характеристикат, арьсевихть путф проблематне и идейнай смузсь, писательть эряфть лангс ванфоц, нюрьхкяняста мярьгомс, произведениясь арьсеви марнек, сембе ширде. Сидеста оцю класснень эса мекольце урокнень пингста ётафтови работа критическяй статьятнень коряс (къда фкя произведениять коряс сёрматф аф фкя статья), эста синь путовихть карань-каршек, азови мезьса синь фкат, кона критикать сяда видет мяленза-арьсеманза. Тяда башка, вейхксоце- кефкиеце класснень эса лядыкс занятиятне оцю темань аделамда меле ётафтовихть семинаронь и зачётонь формаса.

Произведениятнень тонафнемста родонь и жанрань кизефкснень мяльса кирдемасна

Эрь литературань родть улихть сонцень призаконза, кнатнень эса няфтьф перьфпяльдень эряфсь, азфт тяшить мяленза-арьсеманза, кодама эстетическяй вий канды произведениясь лувихненди.

Эпическяй произведениятнень тонафнемасна

Литературоведенияса башка ширекс лувови повествованиясь, лиякс мярьгомс, ётай событиятнень колга корхтамась. Эряфса васьфневи событиятнень и синь колгаст эпическяй произведениятнень эса азондомать ёткса фалу ётай мзъярошка пинге. Сяс азксса, повестьса, романца корхтамась моли ётай пингонь грамматическяй формаса. Эпическяй повествованиятнень эса эрси лама азондома: перьфпялень, кудъетконь предметонь, геройхнень образснон, щамснон, ёжмарямаснон колга и стак тов.

Оцю васта заняйхть геройхнень фкя-фкянь мархта корхтамасна и тевсна. Кой-кона эпическяй произведениятнень эса васьфневихть авторть башка мяленза-арьсеманза ся событиятнень колга, конатнень лангс сон лотски. Сембось тя лезды писательти эпическяй произведениятнень сёрмадомста няфтемс сяда кърхкаста и келиста перьфпяльдень эряфть.

Формань коряс эпическяй произведениятнень можнат явомс колма группава; оцю, средняй и ёмла. Оцю жанракс лувовихть эпопеясь и романць, средняйкс – повестсь, ёмлакс – азкссь, очерксь, баснясь, новеллась.

Средняй классонь программатнень эса сембода няевикс васта макссеви азксти и повести, оцю класса – романти.

Азксть и повесть тонафнемста учениксь аф васьфти пяк оцю сталмот. Азкснень эса аф лама валса, кърхкаста няфтеви кодамовок фкя события, ломанень эряф; эсонза эрьси мяльс туф сюжет, геройхть, конат сембе ширде малат шабатненди. Сяс ня жанрань произведениятнень иттне лувондсазь пара мяльса. Штоба сяда кърхкаста шарьхкодемс произведениять, тонафнити эряви тиемс план (простой, сложнай, цитатный) и азондомс содержаниянц. Азондомань видта лама: подробнай (малавикс текстти), нюрьхкяня, выборочнай и творческяй. Эрь урокса учительсь кочкасы ся видть, кона лезды сяда цебярьста шарьхкодемс произвдениять смузенц. Анализонь тиемста эряви старандамс путнемс иттненди стама кизефкст, конат кошардыхть арьсема и эсь мяльснон азома; геройхненди характеристикань максомста цитатань тевс нолдама, персонашнень тевснон-валснон вельде обуцятнень башка ширеснон панжема.

Сяда стака школаса роматтнень тонафнемасна. Романть лангса работать ушедомста тонафтыхненди эряви лац арьсемс, кона пялькснень сявомс, конатнень лувомс класса, конатнень кудса, конатненди тиемс кърхка анализ, конатнень ваномс курокста и нюрьхкяняста, ваномс, кона пялькснень вешихть художественнай азондома, конатнень азондсазь ученикне, а кой-коста и сонць учительсь.

Эрь родонь и жанрань произведениять тонафнемац ушедови сонь лувоманц эзда. Романтьке васендакиге эряви лувомс. Мзярда шабатне туйхть кизонда ваймама. Тейст макссеви задания: лувомс программати сувафтф оцю произведениятнень, кода рузонь, станя жа родной литературать коряс.

Къда тонафнихне ваймама пингть ашезь лува эрявикс произведениятнень, то тяка жа заданиясь макссеви тонафнема пингста, тонафнема материалть ушедомда инголе.

Эрь монографическяй темать тонафнемац панжеви ушедомань заданияста. Вейхксоце – кефкиеце класснень эса ушедомань занятиясь сяви целай урок, лияста и сяда лама. Ушедомань урокненди сявондеви эрь кодама материал. Кепотьксонди: произведениять сермадомань историяц, документт, конат лездыхть сяда цебярьста шарьхкодемс произведенияса няфтьф пингть, прототипнень колга (къда синь улихть) корхтама, писательть биографияста сявф пакшт, конат лездыхть произведениять шарьхкодемс и стак тов.

Ушедомань заданиять ётафтомда меле уставави произведенияти анализонь тиемась. Школань анализс аф фкя лацонь литературоведениянь анализть мархта, кода задачатнень, станя жа приемтнень коряс.

Традиционнай рузонь методикаса улихть эрь кодама анализонь тиема кит. Синь етксост оцю васта заняйхть тяфтапне: проблемнай, сюжетно-композиционнай, эпизодонь лангса, геройхнень образснон лангса работась, произведенияса авторть позициянц шарьхкодемац.

Кодама ба анализонь ки афоль кочка тонафтысь, сон фалу старандай шарьхкодемс произведенияса путф проблематнень, ванцы ученикнень мархта сюжетть, тии анализ башка пяльксненди.

Лувись (кода ёмлась, станя жа оцю ломанцьке) книгань морафтомста васендакиге шарьхкодсы сюжетть: событиятнень, конат максовихть

произведенияса фкя-фкянь мельге, геройхнень тевснон-валснон, сяс и анализське школаса сидеста ушедови сянь эзда, кода шарьхкодезь шабатне произведениять смузенц. Эряви путнемс стама кизефкст, конат кошардсазь тонафнихнень арьсема. Къда иттне шарьхкодезь произведенияса аф сембе няфтьф событиятнень, эста лезды кодамовок пяльксненди планонь тиемась.

Вейхксоце – кефкиеце класснень эса, коса родной литературась тонафневи историко-литературнай планца, урокть структуранц нежеди репродуктивнай и эврестическяй метоттнень лангс и максы тонафнихненди разнай самостоятельнай работань витт: цебярьста урокти аноклама, произведенияти самостоятельна анализонь тиема, докладонь аноклама. Оцю класснень эса ванондови сембе материалсь, тонафнихненди толкавави ся, кода писательсь сявондьсыне типическяй факттнень, явлениятнень, штоба няфтемс произведенияса типическяй обстоятельстватнень. Сяс оцю класснень эса макссевихть сяда стака кизефкст: Мес писательсь сявозень ня эряфонь факттнень и явлениятнень? Мезе од азонды писательсь синь няфтемсост? Мезьса няфтьф эряфть кърхкашиц?

Кемонце-кефкиеце класснень эса корхтамась эряви вятемс кяльть мазышинц колга, толкавамс шабатненди сянь, мес произведенияса эрь геройть сонцень кяль-валоц, конань вельде шарьхкодеви сонь потмоёжец, культурац. Станя жа эряви азомс, кялень кодама изобразительнай средстват нолдай тевс писательсь эрь образть сермадомста.

Художественнай произведениянь анализсь аф ётафневи темань апак панчт. Темать азондсы сонць эряфсь, писательть опытоц. Произведениять васенцеда лувомдонза меле можна максомс тяфтама кизефкст: Мес писательсь сявозе тя материалть? Содайхть ли тонафнихне лия писателень произведеният, конатнень эса азондовихть тяка жа проблематне? Мезе одсь тя или тона произведенияса? Произведенияса няфтьф кодама эрямань ширнетне сяда мялень салайхть? Кодама сембода оцю кизефкст и прябалат вановихть тя или тона произведенияса?

Шабатне эрявихть тонафтомс произведениять шарьхкодема, няемс эсонза пара ширетнень и афсатыкснень.

Школаса литературнай произведениять лангса работась шумордави мекольце занятияса. Тя урокса арьсеви произведениять идеяц, кърхкашиц, литератураса вастоц. Тянкса ётафтовихть разнай работань витт: произведенияста выразительнайста отрывкань лувомась, иллюстрациянь лангса работась, ролень-роль лувомась, башка темас аноклаф докладонь кулхцондомась и стак тов.

Лирическяй произведениятнень тонафнемасна

Лирикаса няфтевихть ломанть арьсеманза и ёжмаряманза кенярдемста и ризнамста, кельгомста и кяжиямста, пичедемста и оцю тевонкса тюремста. Стихотворенияса фалу ули ёжмарямань образ, сембода пяк марявихть сонцень поэтть пичефксонза и ёжмаряманза. Поэтсь корхтай эсь пяльденза и тяконь мархта марса пачфни лия ломатнень ёжмарямат, сяс поэтть мяленза-арьсеманза шарьхкодевихть ламонди. Лирическяй стихотворениятнень эса аф эрси сюжет, аш эсонза действиянь няфтемавок. Лирикань произведениятне сембода сидеста сёрматкшневихть стихотворениянь формаса. Валхневок стихса кандыхть сяда оцю смузь. Тя сембе эряви кирдемс мяльса учительхненди.

Инголи азонтф лирикать башка ширензон мархта сотфт сембе методическяй приёмтне, конатнень нолдасыне тевс тонафтысь произведениятнень лувомдост инголе, лувомста и анализонь тиемста. Стихотворениятнень тонафнемста оцю лезкс канды учительть ушетксонь нюрьхкяня валоц. Лияста сон эсь валонза азонды писательть биографияста мяльс туф эпизод, кона лезды сяда цебярьста шарьхкодемс произведениять, лияста жа корхтай произведениять эвондамань туфталонзон колга. Тяда башка, пейзажнай лирикать тонафнемста эряви ётафтомс работа художниконь картинаста репродукциятнень и музыкань произведениятнень коряс. Ушетксонь валхнень

азомста аф эрявихть юкснемс шабатнень эряфонь опытснон и эсь пачка книгань лувомаснон. Тя урокса тя или тона материалть сявомста

учительсь кирдьсыне мяльсонза произведениять башка ширенц и урокть целензон.

Ушетксонь валда меле лувови мяльс туф лирическяй произведениясь. Сяда сидеста тянь тиендсы сонць учительсь. Лияста сон кулхцондови фонохрестоматиянь или жа магнитофонц сёрматф артистонь лувомать коряс. Шабатнень эрявихть тонафтомс, штоба лувомась туль мялезост. Тянди эряви пяк лама пинге: шарьхкотьфтемс стихнень содержанияснон (путнемс эрь валса звукнень, мушендомс сембода кайги валхнень, няфнемс валхнень, коса вайгяльсь кеподеви, коса жа парай, тяштемс нюрьхкяня и кувака ваймонь тарксема васттнень и стак тов), аф весть кулхцондомс стихнень.

Стихотворениять кулхцондомда меле шабатне кафтошка минута ваймяйхть, аньцек сяда меле ушедови анализсь. Лирическяй произведениятненди эряви тиемс стама анализ, конац кеподелезень шабатнень ёжеснон. Сяс стихнень ваномста аф эряви путнемс тяфтама кизефкст: Мезень колга моли корхтамась произведенияса? Аф эрявихть азондомс стихнень содержанияснон (виде въдь, поэта лац аф азови). Учительсь арьси сянь лангса, кода сувафтомс марс ёжмаряматнень мяльхнень-арьсематнень мархта.

Лирическяй произведениятнень коряс работамста учительти шарфтома мяль аф аньцек цебярьста лувомать, но и наизусть стихонь азондомать лангс.

Драматическяй произведениятнень тонафнемасна.

Драмась, кода содаф, фалу серматкшневи сцена лангса путоманди. Драматическяй произведениятнень эса аш авторть пяльде событиятнень колга корхтама, аш кувака серматфкст (аньцек ремаркаса азондови нюрьхкяняста, коса моли действиясь). Драмаса сембода няевись – тя действиясь, геройхнень ёткса корхтамась и синь тевсна. Штоба действиясь еталь сяда эрязста, писательсь сувафты произведенияти тюрема, конфликт. Драматическяй произведениятне аф фкат лиятнень эзда эсь композицияснон коряска. Синь ушеткшнихть геройхнень лемсоно тяштемаста, явовихть башка действиява, явлениява, сценава. Драматическяй произведениятнень тонафнемста ня башка ширетне эрявихть кирдемс мяльса.

Драматическяй произведениятне эпическяйхнень коряс лувовихть сяда стакаста, сяс, улема, ученикнень лувондомань формулярсост драматне васьфневихть пяк шуроста. Лияста шабатнень эвондакшни мяльсна лувомс тя или тона драматическяй произведениять сцена лангса ваномдонза меле, мъзярда туй мялезост сюжетсь и артисттнень налкомасна.

Школань программаса литературань лия роттнень коряс драмась занци оцю васта. Класса драматическяй произведениять тонафтомдонза инголе учительсь максы тев: лувомс драмать и арьсемс, кепотьксонди, месс тяфта сонь лемдезь, мезсь сембода тусь мялезост, кона геройть можна лувомс главнайкс и стак тов. Ушедомань урокса тогнафтысь сяда лама азонды произведенияса няфтьф пингть, сцена лангса драмать историянц колга. Урокса жа ушедови пьесать лувомац. Сяда сидеста васенце явлениять лувондсы сонць тонафтысь. Азондсы, кода эряви работамс драматическяй произведениять лангса. Можна ётафтомс комментированнай лувомавок. Тяда меле тиеви анализ. Пьесатнень анализсна фалу тиендевихть эрь явлениять и действиять лувомдонза меле, аньцек лядыкс урокса драмать лангса арьсематне-мяльхне пуроптовихть марс и арьсевихть марнек путф проблематне, геройхнень обуцясна, эряфонь конфликтнее и идейнай смузсь. Драматическяй произведениятнень эса пяк стака шабатненди содамс авторть ванфонц, мяленза-арьсеманза, сяс месс синь видеста апак аст. Тонафнихненди

урокта урокс геройхнень обуцяснон афсатыксснон панжемста эряви корхтамс сянь колга, мезсь тушенды авторть мяльс. Мекольце занятияса савихть ня арьсематне пуроптомс марс и тиемс тяфтама вывод: кодама ванфоц писательть эряфть лангс. Пьесатнень тонафнемста эряви станя жа шарфтомс мяль шабатнень арьсемаснон касомаснонды. Тянкса можна максомс эрь кодама тефт. Кепотьксонди, кода ба тинь латцелесть артисттнень сцена лангса васенце актса, кодама вайгяльса азолесть репликатнень, кодама декорацият рисовандаледе омбоце действияти и стак тов. Сембось тя пяк лезды шарьхкодемс драматическяй произведениятнень.

Теоретико-литературнай шарьхкодематнень тонафнемасна.

Литературань теориясь ащи литературоведениянь няеви пяльксокс. Сон кемоста сотнеф литературать историянц и критиканц мархта. Литературань теориясь панчсесы литературать касомань-вииямань смузенц, няфнесыне художественнай метоттнень касомаснон и полафтомаснон, явфнесыне произведениятнень родга и башка жанрава, азондсыне литературнай произведениятнень башка ширеснон: формать, сюжетть, композициять, темать, идеять, кяльть, толкавасыне прозать и поэзиять ёткса аф фкаксшить стихосложениять юронзон эса.

Литературать теориянц коряс содамошитне пяк лездыхть тонафнихненди произведениятнееенди анализонь тиемста. Теориять юронзон апак содак можна аньцек азондомс произведениять содержаниянц, сембе жа сонь башка ширенза: стакашиц, эсонза путф проблематне, кяльть мазышиц, идейнай смузец – лядыхть апак шарьхкотть. Сяс учительхненди эрь урокса эряви шарфнемс мяль литературать теориянц коряс содамошитнень кочкамаснон лангс и старандамс ня шарьхкодематнень тиемс анализонь инструментокс.

Родной литературань программати сувафтф лама теоретико-литературнай шарьхкодемат. Синь тонафневихть ветеце класса сявомок кефкиеце классти молемс. Средняй класснень эса вановихть сяда теждя шарьхкодематне. Кепотьксонди, тяфтапне, кода изобразительно-выразительнай средстватне (эпитеттне, сравнениятне, метафоратне, гиперболатне); прозань и стихань кяльсь, кафта и колма слогонь стихонь размерхне, рифмась, ритмась, темась, идеясь, сюжетсь, композициясь.

Сяда оцю класснень эса тонафневихть тяфтама теориянь шарьхкодематне, кода: художественнай методсь, литературнай направлениясь, стильсь, произведениять содержаниянц и форманц ёткса сотксне, литературань художественнай критерийхне. Сембе ня шарьхкодематне вешихть тонафнихнень эзда кърхка содамошит, лама произведениянь лувома и содама.

Родной литературань тонафтысь теориянь шарьхкодематнень тонафнемаста нежетькшни принципнень лангс:

• произведениятнень лувомснон и теоретико-литературнай шарьхкодематнень ёткса соткссь;
• тя или тона шарьхкодемать лангса наблюдениянь вятемась, обобщениясь (определениянь азондомась) и произведенияти анализонь тиемста теориянь шарьхкодематнень тевс нолдамасна;
• теориять тонафнемста шабатнень кялень культураснон касфтомасна;
• теоретико-литературнай шарьхкодематнень фалу мяльса кирдемасна и системас кочкамасна (эрь класса содамошитнень пуроптомсна, тянкса башка урокнень явомасна).

Тяда башка, кирдьсыне мяльса теоретико-литературнай содамошинь критерийхнень:

• литературань теориянь шарьхкодематнень определенияснон содамасна;
• художественнай произведенияста изобразительнай средстватнень мумасна и синь функцияснон азондомасна;
• произведенияти анализонь тиемста теоретическяй содамошитнень маштозь тевс нолдамасна;

• теоретическяй работань сёрмадомста теоретико-литературнай шарьхкодематнень мяльс сявомасна.

Литературань теориянь кизефкснень цебярьста содамасна максы шабатненди оцю лезкс, тонафтсыне видеста и кърхкаста шарьхкодемс произведениятнень и азомс синь корязост мяльснон.

Родной литературать тонафнемста шабатнень кялень культураснон касфтомасна.

Родной литературань программаса эрь класса максовихть башка част кялень культурать касфтоманцты. Ня урокнень эса сембода сидеста сёрматкшневихть изложеният и сочиненият.

Учительсь старандай эрь урокса тонафтомс шабатнень мазы и шарьхкодеви валса эсь мялень азома, беседань вятема, лиянь корхтамань кулхцондома, эсь кялезост валмуворкснень и цитатань сувафнема. Ветеце класста сявомок эрявихть тонафтомс шабатнень лувф произведениятнень содержанияснон азондома. Синь азондовихть нюрьхкяняста, кочкаф (кодамовок башка эпизодонь или сюжетонь пялькс) произведениятнень художественнай ширеснон апак юкстак. Художественнай азондомась сембода стака, сяс школаса сон васьфневи пяк шуроста. Кяльть культуранц касфтоманцты лезды произведениятненди анализонь и комментариень тиемась, станя жа мяльс туф лувомась, произведениять рузонь кяльс ётафтомац и стак тов. Сембе ня приемтне лездыхть шабатненди тонадомс цебярьста корхтама.

Устнай корхтамать мархта сотнеф сермадомань культураське. Тянди лездыхть тяфтама приёмтне, кода цитатань сёрмадомась, планонь, тезисонь, конспектонь тиемась, рецензиянь анокламась, кизефкснень лангс отвечамась, изложениянь и сочинениянь сёрмадомась.

Сёрмадомань работатне, конат ётафтовихть ученикнень мархта, ащихть литературать тонафнеманцты и анализонцты пяльксокс. Старшай класснень эса сёрмадомань работань основной видкс лувови сочинениясь. Сон касфтсыне ученикнень сёрмадомань кяльснон и тонафтсыне синь арьсема. Сочинениятнень можна явомс тяфта: сочиненият, конатнень эса тонафнись азондсыне эсь арьсеманзон васенцеда лувомда меле; сочиненият, конат сермадовихть самостоятельнай анализонь тиемда меле; сочиненият, конат сермадовихть оцю темань шумордамда меле.

Учительсь оцю мяль шарфни сочинениятненди, конатне сёрмадовихть произведениять васенцеда лувомдонза меле, мъзярда тейнза апак тиколь анализ. Тя тонафтсыне ученикнень арьсема произведенияса кепсефи тематнень, проблематнень, геройхнень, композициять и сюжетть колга. Тяфтама сочинениять можна сермадомс кода кудса, станя и класса.

Шарьхкодеви, произведениять тонафнеманц васенце этапса ученикнень аш нинге мяльсна арьсемс лац-ряц. Сяс и учительсь лемдьсыне сочинениятнень тяфта, штоба синь арьсезевольхть: «Мезень колга мон арьсян тя книгать лувомдонза меле?» «Мес тусь мялезон тя книгась?» «Сембода мялень салайсь книгаса» и стак тов. Ня сочинениятне аф оцюфт.

Анализонь тиемста и меле шабатненди макссевихть сочинениянь темат, конат панчсесазь произведенияса путф проблемать, башка пяльксть смузенц, геройхнень потмоёжеснон, валснон-тевснон. Тяфтама сочинениятне тонафтсазь ученикнень анализонь тиема.

Оцю темать аделамдонза меле шабатне сермадыхть сочиненият, конат кармайхть улема обобщениякс сембе ётаф материалти. Аньцек ётаф материалть можна сотнемс инголи ётафть мархта, мумс марстонь ширет, проблемат, кепотьксонди: «Литератураса или башка произведенияса Великай Отечественнай войнать няфтемац» и лият.

Тяфтама сочинениятнень сёрмадомста ученикненди лезды учительсь. Сермадомда инголе тонафтысь ётафты работань эрь кодама витт, нъльня марстонь планонь сермадомавок. Ули сёрмадомань аф фкя ки-ян. Тяса эрь учительсь няфтьсы эсь маштомошинц и сонць кочкасы сочинениянь сёрмадома методть.

Тяниень пингонь школаса сёрмадомань способонь коряс сочинениятне явовихть колма группава: художественнай, научнай и традиционнай. Къда учительсь кочкасы художественнай методть, эста сочинениясь эряви сермадомс литературань кодамовок жанраса: стихотворенияса, азксса, басня ладса, дневник вельде и стак тов.

Научнай кить кочкамста тонафнись сёрмады информация, отчёт, аннотация, лувф книгань коряс ингольдень вал.

Тя кида-янда башка учительсь фалу нежетькшни традиционнай жанратнень лангс – описаниять, повествованиять, характеристикать, арьсемать. Кепотьксонди: «Видеста ли шарьхкодезе эряфть Тихон Черемшин?», «Кода панжеви Лавгиновонь обуцяц прянь вятеманц вельде?» и стак тов.

Мъзярда шабатне кармайхть лац сёрмадома сочиненият тя жанратнень коряс, эряви нажядемс художественнай и научнай жанратненди.

Аф класса лувомась и аф класса работась.

Родной литературать коряс аф класса работась, сембода пяк аф класса лувомась, лезды шабатнень содамошиснон кеподемснонды и касфтомаснонды. Родной литературань коряс аф класса лувомань занятиятне лездыхть кърхкалгофтомс и кемокстамс урокса ётаф материалть, кеподемс теориянь содамошитнень, получамс од содамошит литературать и исскуствать коряс, келептемс эряфть лангс ванфть, сяда лацкас кельгомс эсь кяльцень и литературацень.

Аф класса лувомань коряс урокне ащихть фкя пяльде, кода урокса, станя жа аф класса работать эзда. Ня урокненди лияста мярьгихть переходнайхть, промежуточнайхть, сяс мес произведениятне лувондовихть кудса, библиотекаса или самостоятельна, корхтамась жа лувфть коряс моли урокса.

Произведениятне, конат макссевихть аф класса лувомать коряс, сувафтфт родной литературань школань программати. Тя спискась азондови шабатненди эрь кизоня тонафнемать ушедомста. Аф класса лувомать коряс программати сувафтф лама произведения. Сембе ня произведениятне аф класса лувомань урокса аф вановихть, аф сатни пингсь, да тя и аф эряви. Сяс учительсь кочкай тя спискати мяльс сяда туф произведеният и тии кизонь план. Средняй и старшай класснень эса аф класса лувомати максови 7-10 част. Сявомок тянь мяльс, учительсь ётафты эрь класса ковти аф класса лувомань коряс, конат аф сувайхть тя планти, ётафтови аф класса работа, кепотьксонди, лувомань конференция,викторина, конкурс и стак тов.

Ветеце класста сявомок, учительсь тонафтсыне шабатнеь лувомань коряс дневниконь вятема. Ня дневникненди синь сёрматкшнесазь эсь мяльснон-арьсемаснон лувфть колга. Тяда башка, литературань кабинетса эряви тиемс эчке кагодста уомань экран, конань лангс клевиь зепонят тонафнихнень фамилиясон и лемснон мархта.эрь книгать лувомдонза меле учениксь путы зепоняти каготкя, коза сёрматф авторть и произведеиять лемсна.

Аф класса лувомать цебярьста ладямац ламода ащи школань библиотекать эзда. Сяс тонафтыхненди эряви сидеста сувсемс библиотекав, марса тиендемс книгань выставкат, ванондомс шабатнень лувомань формулярснон, кой-коста ётафнемс библиотекаса литературань

конкурст. Кепотькснди, «Лувомань формулярса тяшнефнень араламасна».

Аф класса лувомань урокть анокламста кафта-колма неделяда инголе учительсь максы шабатненди тев: лувомс произведениять и арьсемс тя или тона кизефкснень лангса. Тя пингста тонафтысь ётафты эрявикс работа сянкса, штоба шабатнень эвондаль мяльсна лувомс произведениять: кой-коста азонды или лувонды книгаста мяльс туф вастт, лияста путни тонафнихненди кодамовок кизефкст, мярьгонди панжемс тяштьфть смузенц.

Аф класса лувомань урокнень эрявихть ётафнемс станя, штоба синь сувальхть шабатнень седизост и ламос афольхть юкстав, лиякс мярьгомс, аральхть афкуксонь праздникокс. А тянкса сидеста тиендемат книгань выставкат, нолнемат литературань газетат. Аф класса лувомань урокса тонафнихнень сяда лама корхтайхть синць, учителшьсь жа аньцек вяти корхтама лувфть колга, азсы эсь мяленц, кинди мезе сатовсь и мезень лангса сави нинге покодемс тя или тона ученикти. Приёмда, конатнень нолдасыне тевс тонафтысь аф класса лувомань уроконь вятемста, пяк лама. Кепотьксонди: фкя-фкянь мельге лувфть азондомац; жрь тонафнись лувфть коряс получай ответонь вариант и муссы эрявиксть; кизефксенень лангс сёрмадома ответ; налксемкат: кулхцондость тя или тона пяльксть и азость, кодама произведенияста сон сявф; азость, кодама произведениятненди ладяйхть ня иллюстрациятне; содасть, кона литературнай геройсь тись тяфта…; ваность крассвордть и лият.

Оцю класснень эса заданиятне сяда стакалгофтовихть. Лувф книгатнень коряс ётафтовихть семинархт, конфиренцият, обсужденият, сёрмадовихть аннотацият и рецензият.

Аф класса лувомань урокне эрьсихть разнай видонь: библиографиянь урок. Урок-концерт, урок-ёфкс, урок-конференция, урок-литературнай композиция, урок азкс, урок-инсценировка, заочнай экскурсиянь урок, урок-конкурс.

Литературань материалть коряс тяфтама мероприятиятне, конатнень ётафтсыне тогнафтысь тонафнихнень мархта урокта меле, лувовихть аф классонь работакс. Родной литературать коряс аф класса работань видта пяк лама. Ученикне ётафтыхть урокта меле разнай кружокса (кепотьксонди, литературань творчествань, драматическяй, краеведениянь) мероприятият. Аноклайхть лувомань илятть, конференцият, писательхнень мархта васьфтемат, конкурст, олимпиадат, родной кялень и литературань недялят, презентацият. Тяка пингоня якайхть театрав, выставкас и музеи, нолнихть стенгазетат, ётафнихть ванф спектакльхнень коряс корхнемат,  кочксихть эсь велестост фольклоронь произведеният и стак тов. Сембе тя покодемась лезды шабактненди сяда цебярьста шарьхкодемс эсь кяльса сёрматф литературать, содамс и кельгомс шачема масторть.

5)Основной контролень форматне тонафнхнень маштомаса и содамаса:

• Сочинениясь (отзывсь, кизефкснень лангс отвечамась рассуждениянь формаса, рисунка лангс ванозь).
• Тестт.
• Устнай монологическяй высказываният темать коряс.
• Выразительнайста текстонь лувомась (дикторсь, наизусть).
• Лирическяй произведенияти письменнай анализ.
• Письменнай анализ эпизодти.
• Техника чтениянь проверямась.

6)Меттотне и приёпне родной литературать тонафнемста

Котоце класса тонафнемань метоттне и приёмтне стамот же, кодамот и ветеце класса, аньцек ётафтовихть сяда крхкаста, сяс месс котоце классонь тонафнихнень содамошисна и эряфонь опытсна аф ламода сяда оцю ветеце классонь ученикнень коряс.

Тяфтамма методкс и приёмкс арайхть:

Художественнай текстть разнай видонь морафтомац: эсь пачка, кайгиста, толкавазь, комментированнай, индивидуальнай, ролень коряс, выборочнай.

Эрь видонь азондомась: наизусть, художественнай текстти маласта, аньцек инь важнай эпизоттнень азондомасна, устнай ответ путф кизефксть лангс, цитированиясь, азондомась лицань полафтозь.

Письменнай работатне: аф содаф валхнень мархта работась, планонь арьсемась, изложениянь и сочинениянь сёрмадомась, путф кизефкс лангс отвечамась.

Тяда башка котоце класса ётафневи устнай рисовандама, мзярда эпизодическяй геройхне азондомста аф лятфневихть. Тонафнемань од приёмкс арай устнай сценарийнь тиемась. Сон ётафневи эста, кда произведениять эса няфневи оржа, вишкста моли действия.

Произведениянь анализсь

Произведениянь анализсь котоце классонь ученикненди стака тев.

Художественнай произведениять тонафнемац ётафневи колма этапса: вводнай валонь азомста, морафтомста и текстть тонафнемста. Ванцаськ ня пялькснень башка сявозь.

Вводнай валса, кодама формаса сон афоль ётафтов, эряви анокламс шабатнень художественнай текстть шарьхкодеманцты. Тянь апак тик, ученикненди сидеста аф шарьхкодевихть тя или тона явлениятне и факттне. Сяс учительти синь колгаст сави азомс башка вал.

Формас коре вводнай валсь сидеста ётафневи беседань формаса. Учительти эсь корхтаманц пингста эряви нежетькшнемс котоце классонь тонафнихнень эряфонь опытснон лангс. Кда тяфтама условият аш, беседась аф ётафтови. Кепотьксонди, мзярда ушедови М. Безбородовонь «Вирь» стихотворениять тонафнемац, учительсь шарфтсыне шабатнень мяльснон тялоть колга содамошиснон лангс, ётафты тянь колга аф оцю беседа.

Сидеста вводнай валть пингста учительсь работай картина мархта, конань содержаниянц малатфневи произведенияти. Кепотьксонди, М. Безбородовонь азф стихотворениянц тонафнемста цебярь сявомс И.И. Левитанонь «Березовая роща» картинаста репродукциять.

Сембода сидеста картина мархта работась ётафтови снярда, мзярда шабатнень эряфонь опытсост кржа нинге содамошида сянь колга, мезе синь морафтыхть тя или тона произведенияса.

Сембода сидеста вводнай занятиянь формакс эряй историко-литературнай справкань максомась, писательть или поэтть биографиянц колга азондомась. Сембось тя максови учительть азондомаса, шарьхкодеви кяль-валса. Улель пяк цебярь тя пингть урокти кандомс кодамовок нагляднай пособият: писательть колга альбом, фотографият, портрет, лия ломанень лятфнемат. Сидеста макссевихть историческяй справкат тонафневи пингти, кепотьксонди, гражданскяй войнать, отечественнай или лия важнай и оцю событиятнень колга.

Ваномок вводнай занятиятнень формаснон, минь няеськ, што цельсна синь фкя: максомс ученикненди сембе ширдень содамоши тонафневи произведениять колга.

Морафтомань форматне тожа аф фкат. Учительть морафтомац – тя ученикненди пример сембе ширде, сяс месс морафтомада инголе тии партитура, конань вяльде кошярясыне шабатнень выразительна лувома. Лятфтасаськ, што нюрьхкяня лоткамась няфневи фкя вертикальнай цёртамаса, кувакась – кафтса, а вайгяльть кеподемац и нолдамац – вяри и алу стрелкаса. Партитурать эса тяштевихть аф аньцек логическяй ударениясь и вайгялень лоткамась, но и эрь валонь ударениясь. Штоба тонафтомс ученикнень выразительнайста морафтома, партитурань тиема эрявихть кошардомс синьге.

Минь тевсонк – морафтомать графическяйста няфтемац: коза путомс ударения – ударениянь знаксь, кона путови ударнай слогть вельхксс, а кда ударениясь логическяй, то ударнай валть алга таргави виде китькс /, пауза // - нюрьхкяня паузань знаксь, //- кувака паузать няфтемац/, кона путневи лоткамать вастс.

Вайгяльть вяри кеподемац няфневи стрелкаса (→), кода и алу нолдамац (↓). Стрелкась путневи ся вастти ,коса кеподеви  или нолдави вайгяльсь.

Лувомс выразительна – тя няфтемс морафтомаса сянь, мезе азсь авторсь эсь произведениясонза, кенярдема, ризнама, эводема и стак тов. Сембось, мезе ули тя или тона художественнай текстса, аш кода няфтемс, кда  учительсь аф пачфтьсыне ученикненди выразительнай левомань правилатнень. Тяфта, мзярда морафтомаса эряви няфтемс кенярдема, вайгяльсь кеподи вяри, лувомань темпсь арай сяда сиде; эводемась – вайгяльсь прай алу, морафтомась шура; азондомась няфневи корхтамань темпса, средняй валонь азомаса. Лотксема знакне – тожа пяк важнай тев произведениять шарьхкодемаса. Выразительнайста морафтомась няфнесыне ученикненди произведениять художественнай ширензон, касфтсыне мяльснон сяда лац тонафнемс сонь.

Произведениять выразительнайста морафтомдонза меле ушеды инь важнай и стака тевсь – анализсь, лиякс мярьгомс, произведениянь анализсь: планонь тиемась ( ваномс, мзяра и кодама пяльксста ащи текстсь), учительть заданиянц коряс морафтомась ( произведениять структуранц няфтемац и шарьхкодемац) . Художественнай обраснень ваномасна ( проблематне, конат няфтьфт произведенияса) , характеристикань анокламась, литературань тетраттненди сёрмадомась.

Героень характеристикатне латцевихть снярда, мзярда сембе синь действияснон и поступкаснон ученикне лац ни содасазь. Характеристикась – тя обобщения тя или тона геройть колга.

Лиякс мярьгомс, произведениять анализонц эса кафта этапт: васенцесь – впечатлениянь и содамошинь кочкамась, омбоцесь – обобщениянь синтезонь тиемась.

Анализонь принципне.

   Историческяй принципсь. Литературась, кода тонафнемань предмет, сотф общественно – историческяй наукатнень и тя или тона пингть, и народть эряфонц мархта. Эрь произведениять эса няевихть эряфть кафта ширенза: событиятне, явлениятне, ломанень типне, а омбоце ширде писательть ванфоц тя событиятнень и явлениятнень лангс.

Литературанай произведениясь эвондай кода художественнай ванф тя или тона пингть эряфонь событиятнень или  явлениятнень лангс, кода колгаст авторскяй арьсема. Сяс учительсь произведениять колга азондомста путни эстейнза цель – пачфтемс ученикненди тя или тона историческяй пингть эсь лацонь ширензон художественнайста няфтемаснон.

Содержаниять и формать фкя-фкянь мархта соткссна. Литературнай произведениясь ащи содержанияста и формаста, синь аш кода явфнемс фкя-фкянь эзда. Формать содержаниять эзда явфтомац вяти формализмати. Формань шарьхкодемать аф эряви тиендемс аньцек эпититонь, сравнениянь и метафорань вешендемати. Эряви фалу путомс кизефкс: мезенди синь? Кодама смузьса? Кда аф няеви, мезенди синь эрявихть, произведениять форманц шарьхкодемац аф сатови.

Анализонь тиемста фалу эряви ваномс произведениять идейно-художественнай ширензон и педогогическяй условиянзон. Тя тевса школаса улихть афсатыкст – вкаксшись тонафнемаса, мзярда аф сявондевихть мяльс морафтф повестть или стихотворениять особенностенза. Содаф, што эрь родсь или жанрась фкаксшида башка кирди аньцек тейнза характернай признакт и качестват.

Кепотьксонди, лирическяй произведениятне лият драматическяйхнень и эпическяйхнень эзда. Синь эсост няфтевихть ломанень мяльхне, арьсематне. Кда эсост оцю васта заняйхть эряфонь картинатне и обрасне, анализсь ушедови синь характеристикастост; кда тяса улихть аллегорическяй или символическяй обраст, учительсь шарфты мяль синь содержанияснон лангс, а сяльде панчсы переноснай смысласнон.

Нльне фкя родонь произведениятне сидеста кирдихть индивидуальнай признакт, и тя аф эряви юкснемс синь ваномстост.

Анализонь ётафтомста сави мяляфтомс шабатнень аноклафшиснон, а стане жа произведениять вастонц литературнай курса, пингть, кона максови темать тонафнемста, улихть ли учебникт, нагляднай пособият.

Ня вешфксне кирдемат мяльса национальнай школаса, синь аф ваномасна вятихть формализмати, литературать аф кельгоманцты.

Кепотьксонди, кда учительсь сяви методическяй разработка и апак арьсек ня кизяфкснень ётафты урок, сон сидеста аф туй мялезонза, сяс мес тяфтама уроксь ученикнень арьсема аф кошардсыне.

Учительти сави мяляфтомс и сянь колга, што тонафнихне класса аноклафт аф фкакс. Фалу макссевихть заданият средняй школьникть лангс нежедезь. Аф юкстамс инголе молихнень – тя тожа пяк оцю тев учительть работасонза. Цебярьста тонафнихненди эряви сяда сидеста макссемс творческяй работа: азондомс текстть лицань полафтозь, тиемс кой-кона тонафневи произведениятненди слайдат, арьсемс, кодама произведениянь действиясь, - динамическяй, вии или статистическяй,  фкя вастса ащи (кепотьксонди, лятфнематнень эса), сёрмадомс характеристика персонажти или рисовамс устна портретонц, тиемс сценарий, максомс письменнай ответ кизефкс лангс и стак тов.

Слабай тонафнихнень сиденяста кошарямс эсь пачка морафтома и азондома. Мяляфтомс, што тя урокса тяфтама-тяфтама ученикт кармайхть лувома и азондома класть инголе. Путомс цель и топафтомс сонь: сембе ученикне маштольхть выразительнайста валонь-валонь морафтома и логически последовательна азондома, планонь сёрмадома.

Учительть целенза – касфтомс литературать вельде ученикнень содамошиснон и воспитандамс шабатнень идейнай и эстетическяй ширде грамотнай ломанькс – сатовихть аньцек эста, мзярда сембе ня принципне уроконь ётафтомста аф явфневихть фкя-фкянь эзда.

  7-це класса тонафнихненди эряви маштомс и содамс:

 -эпическяй моротнень,

-лирическяй моротнень,

-кафта слогонь размерхнень,

-повестть явфтома лия жанратнень эзда,

-композициять,

-колма слогонь размерхнень,

-мезе стамсь юморсь, сатирась, художественнай произведенияса художественнай вымыслась и эряфонь видешись.

 2.Учебно-тематическяй планированиясь.

                       3.Учебнай курсть « Родной литература 7-це класса» основной содержанияц.

Устнай народнай творчествань произведениятне. Мокшень и эрзянь народнай моротне                                                                              1ч.

Эпическяй моротне: «Мора Пугачёвонь колга», «Вирь ширеса», «Шаткинань паксясь»

Эпическяй моротнень колга. «Мора Пугачевонь колга».

«Мора Пугачёвань колга».  Пугачёвань эряфста факттнень колга азондомась. Пёгачёвань колга рузань кяльса сёрматф книгатне. Тя мороса путф кизефксне. Народть воляшинц инкса козятнень каршес тюремац, видешить вешендемац. Пугачевань войскаса мокшэрзятнень и лия нароттнень павазу эряфть инкса тюремасна. Мороть идейнай смузец и художественнай башка ширенза. Пугачёвонь образоц.

-«Вирть ширеса», «Шаткинань паксясь» моротне.

«Вирть ширеса» морть темац историческяй: мокшетнень и эрзятнень ногаень полонц сявомасна, повонц повф ломатнень эрямасна- ащемасна, прянь марямасна. «Вирть ширеса» мороть композицияц. Произведенияса потриотизмать и родной масторонь кельгомань мотифне. Мороть кяль-валонь козяшиц.

«Шаткинань паксясь»-крепостной правать, мокшетнень и эрзятнень наругайснон каршес тюремаснон колга мора. Народть воляшити и павазу эряфти надияманц няфтемац. Облозов баярть аф пара ваймоц и нильготькс тевонзон азондомасна. Мороть идейнай смузец панжемста художественнай средстватнень лезкссна

Балладнай моротне. «Ушман Байкась». Мифологическяй моротне. «Стирява».

Литературань теориясь. Эпическяй моротнень колга шарьхкодемась.

Литературань творчествась. «Мезенкса мон кельгса фольклорть?» темать коряс сочинениянь сёрмадомась.

Лирическяй моротне «Умарина», «Луга лангса келуня», «Вай, тят уфа, варма, вирь ланга» 

«Марлю» морсь.  «Луганяса келунясь». «Дирювонь Федянясь.

 «Народть мяляфтомац пефтома» книгть мархта васедемась.

Лирическяй моротнень колга шарьхкодемась. Синь идейно- тематическяй козя ширесна. Моротнень эса лирическяй и эпическяй элементтнень фкя-фкянь мархта кеме соткссна.Лирическяй моротнень жанровай формасна: социально- бытавой, трудавой, пеетькшнемань и кштимань, идень, природать, солдатокс служмать колга морот.

Лирическяй моротнень эса эряфонь койхнень, перьфпялень мазышить, кельгомать колга азондомась.  Нолатнень, тевонь аф содайхнень пеетькшнемасна, покодихнень шнамасна. Солдатствать колга лирическяй моротнень башка ширесна. Авань стака эряфть колга моротне.

«Умарина» мороть идено-тематическяй содержанияц. Умаринась, кода образ-символ, конань вельде няфтеви авать сядонгольдень стака эряфоц. Умраинать сире шуфтть мархта корхтаманц вельде ломаттнень майсемаснон колга азондомась. Изобразительно-выразительнай средстватне,  конат сявоньдевихть умаринань образть няфтемста  и мороти седи ваксстонь лямботь путоманц пингста.

«Луга лангса келунясь» мороть эса народоньконь «поэтическяй ваймонц» и эряфти оцю кельгоманц няфтемац. Келуть образоц. Мороть кяль-валонь козяшиц. Изобразительно- выразительнай средстватне, конатнень вельде мороть эса азондови стирень мазышить и вии кельгомать колга. Мороть кштимань ритмикац, эсонза повторхнень оцю рольсна.

«Вай, тят уфа, варма, вирь ланга»  народнай мороть темац. Сядонгольдень оцязоронь армияса солдатть стакадонга стака служаманц няфтемац. Морть смузенц панжемаса изобразительно-выразительнай средстватнень рольсна.

Литератураньтеориясь. Лирическяй моротнень колга шарьхкодемась

Предматтнень ёткса сотксне. Историясь. Мокшетнень и эрзятнень эряфснон колга ногаень полонть пингста историянь книгаста азкснень лувомасна.

Рузонь народть фольклороц. Рузонь народть фольклорста солдатчинань и рекрутчинань колга моротнень ваномасна.

Изобразительнай и музыкальнай искусстватне. Мария Антоновать мораманц коряс «Умарина» мороть кулхцондомац.

«Мастрава»  эпос                                    1ч.

-«Мастрава» эпоссь - афкукс народонь произведения.

Эпость сюжетоц. Эпость колга шарьхкодемась.

 Устнай поэзиянь мотифнень коряс героическяй поэматне.

Я.Я.Кулдуркаев                                                                     2ч.

-Я.Я.Кулдуркаевонь творчествац. «Эрьмезь» ефкссь.

-«Эрьмезь» ефксть сюжетоц.

-Эрьмезь богатырть образоц.

-Поэмаса народоньконь героическяй историяц.

-Видешить инкса ащемась.

 Учительть валоц поэматнень колга, конат сёрматфт устнай поэзиянь коряс: Я. Я. Кулдыркаевонь «Эрьмезь», М.Б. Бебанонь «Ушмань Байкась», Г.И. Ельмеевонь «Ёжка»,

Н.Л. Иркаевонь «Мора Раторть колга», К.Г. Абрамовонь «Сараклыч», В.К. Радаевонь «Сияжар», «Пенза и Сура», «Умарина», «Сурай», «Тюштя» и лиятне.

«Эрьмезь» поэмась- ногаецнень каршес мокшэрзянь народть тюреманц колга произведния. Поэмать сюжетоц и героенза. Эрьмезь богатырть образоц, сонь тюремац народть павазонц инкса.

Поэмаса народоньконь героическяй историянц нафтемац. Пургасонь и Пурейшань образсна. Поэмаса аф видешить и  васькафнемать сялдомасна. Видешить инкса ашемац и сонь шнамац. Афкуксонь эряфста и  ёфксонь эряфста событиятнень фкя-фкянь мархта соткссна. Поэтть маштомашиц, поэмать кялень козяшиц.

Максим Афанасьевич Бебан. «Ушмань Байкась»             1ч

М.А. Бебанонь произведениянзон соткссна фольклорть мархта. «Ушмань Байкась» поэмать содержанияц. Поэмать идейно-тематическяй смузец. Сонь крхка сюжетоц. Монголо-татарскяй завоевательхнень мархта тюремась.

Байка од цёрать полонц сявомац и тоса сазоронц мархта васедемац. Сазоронц ногаецнень ширеса аф тёждя эряфонц няфтемац. Сонь образонц вельде шачема ширеть панжемац.

«Ушмань Байкась» поэмаса изобразительно-выразительнай средстватне. Сонь козя кяль-вадоц, кона лезды сяда цебярьста панжемс оржа конфликтть, няфтьсы сонь трагическяй пенц.

«Ушмань Байкась» поэмать идейно-художественнай и историко - познавательнай питнец тя пингоня.

Литературань теориясь. Гиперболать колга шарьхкодемась.

Литературань тврочествась.  Ялгань пяльде интерьвьюнь сявомась.

Минь писателеньке сядонгольдень эряфть колга

Тимофей Алексеевич Раптанов. «Татю»                            2ч.

Т. А. Раптанов - эрзянь содаф писатель-прозаик. Сонь эряфоц, творчествац и минь литературасонок оцю путфксоц. Писательть творчестваса «Татю» повесть вастоц. Мокшетнень и эрзятнень сядонгольдень эряфснон типическяй явлениятнень и событиятнень вельде няфтемасна.

Иван атянь образоц. Сонь стака эряфонц няфтемац. Карпа атя- зверень обуця мархта ломань. Сире койхнень инкса ащемац.

Татювонь образоц. Эряфть мархта сонь сознаниянц касомац.

Геройхнень потомёжеснон крхкаста няфтемасна, мокшетнень и эрзятнень эрямань- ащемань койснон типическяй ширеснон панжемасна.

Литературань теориясь. Повестть, литературнай произведениять характеристиканц, описаниять колга шарьхкодемась.

Литературань творчествась. Писательть шачеманц колга азондомась.

Пётр Иванович Левчаев. «Кафонц кудат»            2ч.+2ч.

Учительть валоц П.И. Левчаевонь эряфонь и творчествань кинц колга. «Кафонц кудат» повестьса мокшэрзянь велень сире пингонь койхнень няфтемасна. Ашу  ломанттнень стакадонга стака эряфсна. Геройть и Аннань образсна. Синь тюремасна кельгомаснон ванфтоманц инкса.

Писательть нежедемац народнай койхнень и устнай поэзиять лангс.

Предметтнень ёткса сотксне. Рузонь литератураса народть оцязоронь россияса стака эряфонц няфтемац. Историясь. Народть эряфоц XIX векть песта- XX вексть ушедомста.

  К/к Кучкань геройхненди характеристикань максомась.

    Аф класса морафтомань урок. П.Левчаев «Оцю кал»

  Мокшень и эрзянь писательхне минь мастороньконь колга

Илья Петрович Кишняков. «Самолётсь повсь туцяс»  2 ч.+1ч.

Писательть эряфонь и творчествань киц. Писательть Великай Отечественнай вайнаса улемстонза авиацияса служамац. Няфтьф событитнень цебярьста содамасна.

«Самолётсь повсь туцяс» азксть драматическяй сюжетоц и героенза. Наротнень ёткса кеме ялгаксшить няфтемац. Азксть цебярец воспитаниянь тевса- фкя-фкянди лездомась сясксыйнь сембе сталмотнень- азксть инь главнай мялец. Максомс групповой характеристика самолётть мархта праф тайгав ломаттненди.

Азксть художественнай ширенза: аф лама валса крхкаста эряфонь явлениянь няфтемась, пейзажть оцю ролец.

 К/к Сочинения «Фкя-фкянди лездомась сяськсынь сембе салмотнень»

Александр Константинович Мартынов. «Монь лемозе-Россия» 1 ч

А.К. Мартыновонь  творчестваса Великай Отечественнай войнань темась. Минь мастороньконь ломанзон геройкс прянь вятемаснон шнамасна.

«Монь лемозе- Россия» стихотворениять потриотическяй содержаниянц, нароттнень ёткса ялгаксшить, фронть и тылть фкя целенди работамаснон няфтемасна. Стихотворенияса лирическяй ёжмаряматне.

Стихотворениять художественнай ширенза: сонь композицияц и поэтическяй кялец.

В.Н.Радин                                                            2ч.+1ч.

- В.Н.Радинонь эряфонь киц.

- «Сембе минь ломаттяма». Повестьса военно –патриотическяй темась.

-Кучкань геройсь повестьса.

-Люда медсестрать образоц.

-Сюжетсь эпическяй произведенияса.

  - Аф класса морафтомань урок. В.Радин «Анай сельме»

В.С.Радин-эряфонь и творческяй киц. Великай Отечественнай войнаса улемац. Войнань темась писательть творчестваса: «Равжа кши», «Присяга», «Азорть заботанза» и лия азксне, «Сембе минь ломаттяма» повестсь.

«Сембе минь ломаттяма» повестьса нравственностень прябалатне. Стака пингста ваймонь арушить ванфтомац. Лиянь инкса пичедемань темась. Ярцевонь и Людань образсна.

Литературань теориясь. Композициянь элементтнень колга шарьхкодемась.

Литературань творчествась. Долг и честь... Кода тейне шарьхкодевихть ня валхне и кодама смузьсна монь эряфсон?

А.С.Щеглов                                                                  1ч.

- А.С.Щеглов –эрзянь содаф поэт.

-Афкуксонь кельгома» повестьсонза разведчикнень няфтемасна.

-   Мастороньконь ломанензон мазышиснон, Родинати кельгомаснон няфтемасна.

-Сюжетть колга шарьхкодемась.                                                             

Александр Степанович Малькин. «Каркне тердихть куда»        1 ч.

А.С. Малькин- содаф мокшень поэт-лирик. «Каркне тердихть куду» стихотворенияса шачем ширень и родной масторонь кельгомань мотифне. Лирическяй геройть пичедеманц-таколкодоманц вельде поэтть нравственнай и эстетическяй мялензон-арьсеманзон няфтемасна. Произведениять выразительнайста лувомац, художественнай башка ширензон шарьхкодемасна. Стихнень техникасна, валхнень смысловой нагрузкасна. Кялень изобразительнай средстватне, конатнень вельде поэтсь няфти родной масторть мазашинц и ломантть козя потомёжеснон.

Литературань творчествась. Сёрмадомс аф оцю стихотворения, сувафтомс эзонза валхнень, конатнень максозень учительсь.

Юрий Фёдорович Кузнецов. «Коряй пайгонят» (Идекс пингонь картинат)    2ч.+2ч.

Ю.Ф. Кузницовонь эряфонь и творчествань киц. Минь литературасонок лирическяй повестень касомаса сонь путфксоц.

Писательть козя творчествасонза «Коряй пайгонят» повесть вастоц. Повестьса геройть лятфнеманза идькс пингонц, шачема ширенц, содаф ломанензон колга.

Произведенияса эрямань- ащемань детальхне, перьфпяльдень картинатнень вельде крхкаста эрявикс морально- нравственнай проблематнень кеподемасна. Авторть тердемац ломаттнень ёткса цебярь отнашениятненди, перьфпяльть кельгоманцты и сонь ванфтоманцты.

Произведениять жанровай и композициянь башка ширенза, кялец. Повестьса лирическяй ушетксне, сонь эсонза новеллатнень и азкснень сувафтомасна.

Литератураь теориясь. Эпическяй произведениятнень композицияснон колга шарьхкодемать крхкалгофтомац.

Литературань творчествась. Сёрмадомс аф оцю лятфнемат эсь идекс пингцень колга.

Аф класса морафтомань урок. Ю.Кузнецов «Сере пря куй»

Артур Матвеевия Моро (Осипов) «Русь»                   1 ч.

А.М.Моро-талантливай поэт-лирик. «Русь» стихотворениять содержаниянц ваномац. Сонь лирика-публицистическяй крхкашиц, эсонза Россиянь ломатнень героизмаснон няфтемасна, Родинать и родной крайть колга седикс токай кяль-валса кельгома чувствань крхкаста ётафтомась. Полафксне, конат тиевсть Россияса стихотворениять сёрмадомдонза меле.

Кялень изобразительнай средстватне, конатнень вельде поэтсь няфнесыне природань картинатнень и ломатнень потмоёжеснон. Уроксь ётафтови географическяй карта мархта, эрявикс диапозитивонь няфтезь родной природать мазышинц коряс.

Литературань теориясь. Колма слогонь стихотворениянь размерхне.

Анатолий Прохорович Тяпаев. «Сусетт»                            2 ч.

А.П.Тяпаев - идень содаф писатель. «Сусетт» повесть идено-тематическяй содержанияц. Сонь эсонза кепотьф кизефксне. Авторть пичевксоц «аф перспективнай велетнень» колга. Произведениять героенза. Сашоконь и Машань образсна. Повестть художественнай юронза. Авторть эсь ладса сёрмадомань ширенза. Произведенияса юморсь и пеетькшнемась. Повестть значенияц воспитаниянь тевса.

Литературань теориясь. Юморть колга шарьхкодемась.

Литературань творчествась. Повесть лангса аф оцю рецензиянь сёрмадомась.

Пётр Уварович Гайни (Поздяев).  «Таня»                         1ч.+1ч.)

Учительть азондомац карановщицать Таня Бибинать подвигонц колга. «Таня» поэмать сюжетоц и содержанияц. Эрзянь стирть Танять образоц. Сонь цебярь ломанень обуцяц. Смелста прянь вятемац, мзярда даволть пингставанфты лама ломанень эряф.«Таня» поэмать художественнай ширенза и кяль-валонь козяшиц. Сонь ритмикац и строфикац.

Литературань теориясь. Крхкалгофтомс стихосложениять колга шарьхкодемась. Колма слогонь размерхне.

Литературань творчествась.  Тиемс рисунка «Таня» поэмать коряс.

 С.Е.Вечканов                                              1ч.-

-С.Е.Вечкановонь «Концерт» стихотворенияса шачем ширть няфтемац.                                            

Валентина Иванова Мишанина. «Пингонь ортат»          1ч+1ч.+1ч.  

В.И. Мишанина- лама азксонь, повестень автор. Мокшэрзянь велеть войнада мельдень эряфонц няфтемац «Пингонь ортат» повестьса. Главнай героинять Таня стирнять образоц, валом-валом эряфти суваманц, обуцянзон  кемокстамасна. Повестьса поэзиясь. Эзонза народнай ёфкснень сувафтомасна. Синь вастсна повесть содержаниянц козякофтомаса.

Литературань теориясь. Эряфонь видешинь няфтемась и произведенияса художественнай вымыслась.

Литературань творчествась. Сёрмадом сочинения «Кода минь якаме вири мангс».

Предматтнень ёткса сотксне. Рузонь литературась. Тяниень пингонь рузонь поэттне и прозаикне минь Родинаньконь, сонь ломанензон и синь подвигснон колга. Родной кяльсь. Синонипне, антонипне, ононипне, сире и од валхне. Лувомс текст эрзянь кяльса.

Итокнень тиемасна                                    1ч.

С е м б о ц :

Художественнай текстонь тонафнемати - 26част

Корхтама касфтомань занятиятненди – 5частт

Аф класса лувомань урокненди - 4 частт

4.Инголи моли сатфксне

  Личностнайхне:

• шарьхкодемс мокшень кяльть вастонц эряфса, фкя-фкянь ёткса корхтамста, перьфпялень ванфтомста
• маштомс кочкаф содамошитнень и сатфкснень нолямс школань и эрь шинь эряфса;
• касфтомс маштомашитнень ялга и оцю мархта прянь вятема; шабрань ломаттнень мархта сотксонь     кирдема;
•  содамс иттненди народоньконь эряфста мокшетнень эряма койснон, унксснон.

Метапредметнайхне:

• шарьхкодевиста марямс кайги мокшень кяльть ;
• маштомс  кизекфксонь лангс максома кувака и нюрьхкяня каршек вал;
• маштома эльбятьксфтома, выразительнайста и эрявикс интонациянь вятема лувомста,
• кувакаста и нюрьхкяняста азксонь азондома;
• максомс  анализ и оценка тиф заданиятненди;
•  маштомс корхтама мокшень литературнай  кяльса.

Предметнайхне:

• морафтома валть марнек,
• валть эса ударениять путома;
• валрисьмоть потмоса арьсемань канды инь эрявикс валхнень вайгяльса няфтема;
• валрисьмоть песа интонациять вятема;
• маштомс учительть морафтоманц и азондоманц, а станя жа эсь ялгаснон морафтомаснон и азондомаснон кулхцондома;
•  устна  ответонь максома фкя темань коряс путф кизефксонь лангс;
• художественно-выразительнай средствань мушендома;
•  аф оцю морафтф статьянь пяльксонди лемонь максома;
•  эсь тевонь колга азксонь арьсема.

5.Мокшень кяльть коряс содамошинь и маштомошинь и навыконь оценкать норманза.

Иттенень  тонафнемаса оцю воспитательнай ролец синь содамошиснонды и маштомошиснонды и навыкснонды видексонь, лац и эсь пингстонза оценкать максомать. Сон лезды касфтомс тонафнеманкса школьникнень ответственностьснон, ванфтомс тонафнемань дисциплинать, касфтомс тонафнихнень эстейст вешфкснень, ваномс эсь лангозост видексонь сельмоса, улемс лестнайкс, ащемс видешить инкса, тяка пингть ученикнень содамошиснонды касфтф и кирьфтаф оценкань путомась колсесы синь мяльснон, кошярясыне эсь колгаст вельф цебярьста арьсема,прянь шнама, аф вийс и содамошис коря эстейст оценкань максома.

Формализмать и оцю процентонкса панемать каршес молемать инкса содамошитненди оценкань максомаста эрявихть кирдемс мяльса синь кърхкалмосна и кемошисна, проверямс школьникнень маштомошиснон, лац и арьсефста учебнай и практическяй задачань тиемста, кемоста ванфтомс ладяф норматтнень.

Оценкань норматнень коряс мярьгондеви ладямс мокшень кяльса сембе тонафнихнеь содамошиснонды, маштомошиснонды и навыкснонды фкя лацонь вешфкст. Синь эсост ладяфт: 1) мокшень кяльть устнай и письменнай форманзон эрь кодама ширеснон содама оценкань фкя лацонь критерийхть (сёрмадомань грамотностти, сотф корхтамать кялень ширде ладяманцты, корхтамать содержаниянцты оценкань критерийхть); 2) содамошитненди, моштомошитненди и навыкненди оценкань фкя лацонь нормат; 3) эрь кодама видонь контрольнай работань оцюлма; 4) эрь кодама видонь контрольнай работанкса отметкань лувкс.

 Тонафнихненди путневихть вешфкст аньцек тяфтама маштомошинкса и навыконкса, конатнень лангса работасть или работайхть проверямань пингста. Мокшень кялень урокса проверявихть: 1) кяльть колга получаф сведениятнень содамасна; 2) сёрмадмань навыкне; 3) корхтамань маштомошитне.

1.Тонафнихненди устнай ответонь оценкасна.

Устнай кизефнемась – васенце способсь, конань вельде содавихть мокшень кяльть коряс тонафнихнень содамошисна, маштомошисна и навыксна. Ученикть ответонцты оценкань максомста эрявикть кирдемс мяльса тяфтама критерийхть: 1) ответть целайшиц и видешиц; 2) тонафнефть шарьхкодемац; 3) ответть кялень-валонь ширец.

Тонафнить ответоц лувондови сатомшкакс и кърхкакс, къда сон сотф азф темать мархта, лигикань ширде сон ащи мельцек моли корхтамакс, конань эса няеви  определениятнень, правилатнень тевс нолдамаса маштомась.

«5» оценкась путови, къда учениксь: 1) сатомшка марнек азондсы тонафнеф материалть, максы кялень понятиятненди виде определеният;   2) педа пес шарьхкодьсы материалть, машты содамошинзон тевс нолдама; сявонди эрявикс примерхт аф аньцек учебникста, но и арьси соньцьке; 3) азондсы материалть мельцек-мельцек, эсонза логическяй сотксонь кирдезь и литературнай кялень норматнень ванфтозь.

«4» оенкась путови, къда ученикть ответоц ладяй няка вешфксненди, конат эрявихть «5» оценкань путомста, но тяка пингть ноляй 1-2 эльбятькс, ня эльбятькснень петнесыне сонць, мзярда учительсь шарфтсы лангозост тонафнить мяленц; азондомаса кялень-валонь ширде и эсонза эрявикс сотксонь кирдемасонга эльбятькста 1-2.

«3» оценкась путови, къда тонафнись содасыне и шарьхкодьсыне азф темать основной ширензон,но: 1) азондсы материалть аф марнек и ноляй афсатыкст правилатнень азомста или понятиятненди определениянь максомста; 2) аф машты кърхкаста и цебярьста эсь мялензон-арьсеманзон ладяма, эсь примерсонзп синь кемокстамост; 3) азондсы материалть аф мельцек-мельцек и азондомасонза ноляй кялень-валонь эльбятькст.

«2» оценкась путови, къда тонафнись аф содасы ётаф материалонь максф разделть оцюшканц, определениянь и правилань азомста тиенди стама эльбятькст, конат ёфси колсесазь ня определениятнень и правилатнень смузьснон, азондсы кодамовок сотфксфтома, аф кемазь. «2» оценкать мархта няфтевихть тонафнить анокламаса стама афсатыкст, конат шоряйхть тейнза сай пингонь материалть тонафнемста, шарьхкодемаста.

«1» оценкась путови, къда тонафнись ёфси аф содасы или аф шарьхкодьсы материалть.

Оценкась («5», «4», «3») путневи аф аньцек фкя ответонкса (мзярда тонафнить анокшинц проверяманкса ноляви башка пинге), но и мзярошка ответонкса, конатнень максозень учениксь уроконь пингста (лихневи марнек уроконкса балл), къда урокть пингста аф аньцек кулхцонкшневсть тонафнить ответонза, но и практическяй ширде ванондовсть содамошинзон тевс нолямасна.

2. Сочинениянь и изложениянь оценкась

Сочинениятне и изложениятне – лац и мельцек-мельцек мялень азондома тонафнихнень маштомошиснон, синь корхтама маштоммаснон проверямс эрявикс формат.

5-11 класснень эса сочинениятне и изложениятне ётафневихть программаса «Корхтама маштомать касфтомац» разделть вешфксонзон мяльс сявозь.

Подробнай изложениянди текстть примернай оцюлмац тяфтама: 5 класса – 100-150 вал, 6 класса – 150-200 вал, 7 класса – 200-250 вал, 8 класса – 250-300 вал, 9 класса – 350-450 вал, 10 класса  - 450-500 вал, 11 класса 500-550 вал.

8-11 класснень эса итоговай конторльнай подробнай изложениянди текстть оцюлмоц мжна касфтомс 50 валда, сяс мес тяфтама урокса аф уленди инголькиге аноклама.

Оценкань максомста класса сёрмадови сочинениятнень оцюлмосна тяфтама: 5 класса – 0,5- 1 страница, 6 класса – 1-1,5 страница, 7 класса – 1,5-2 страница, 8 класса – 2-3 страница, 9 класса – 3-4 страница, 10 класса – 4-4,5 страница, 11 класса –4,5 -5 страница.

Тя оцюлмась примернай, сяс мес тонафнить текстонц оцюлмоц ащи сочинениять стиленц и жанранц, темать характеронц и арьсефшинц, онафнихнень вишкста или валом сёрмадомаснон, сембе ширде содамошиснон, почеркснон эзда.

Сочинениянь и изложениянь вельде  проверявихть: кода тонафнись машты темань панжема; темать панжеманкса кялень эрявикс средстватнень ноляма; кялень норматнень и орфографиянь правилатнень ванфтома.

Эрь кодама сочинениять и изложениять инкса путовихть кафта оценкат: васенцесь – содержаниянь и кялень-валонь коряс; омбоцесь – орфографиянь и пунктуациянь норматнень ванфтоманкса.

Кафцьке оценкатне лувондовихть мокшень кялень коряс оценкакс, ся случайда башка, мъзярда проверяви литературать содамац. Эста васенце оценкась лувондови литературань коряс оценкакс.

Работати содержаниянь и кялень-валонь ширде оценкань максомста тяфтапт:

• Тонафнить работанц темати и основной мяльти-арьсемати ладямац;
• Темать марнек панжемац;
• Сёрматф материалть видексшиц;
• Сёрматфть мельцек-мельцек лац молемац.

Сочинениятнень и изложениятнень кялень-валонь ширде ладямаснонды оценкань максомста сявондевихть мяльс: корхтамать валонь ширде козяшиц; корхтамать стилень ширде фкаксшиц и мазышиц; кялень и стилень эльбятькснень лувкссна.

Орфографиянь и пунктуациянь коряс содамошитнень инкса оценкась путневи нолдаф эльбятькснень лувксснон мяльс сявозь.

Содержаниянь и кялень-валонь ширеть инкса путневихть тяфтама оценкат:

«5» оценкась путови, къда : рабатать содержаниянц марнек темать коряс; эльбятькст аш; содержанияц моли эрявикс последовательностьса; работась козя валонь ламошинь и синтаксисонь конструкциятнень нолямаснон коряс, валхнень лац тевс нолямаснон коряс; текстса няеви стилень фкаксши и выразительность.

Работаса ноляви содержаниянь коряс 1 афсатыкс, кялень-валонь коряс – 1-2 афсатыкс, грамматикань – 1эдьбятькс.

«4» оценкась путови, къда: работать содержанияц пъцтай марнек темать коряс; содержаниясь видексонь, но ули аф лама афсатыкс; аф ламода колсеви мяльхнень мельцек азондомасна; лексикань и грамматикань ширде сёрматфсь сатомшка козя; текстса ванфневи стилень эрявикс фкаксшись и сатомшка выразительностсь.

Работаса ноляви содержаниянь коряс аф 2-да лама афсатыкс, кялень-валонь коряс аф – 3-4-да лама афсатыкс, грамматикань эльбятькста аф 2-да лама.

«3» оценкась путови, къда: работать содержанияса улихть темать эзда аердомат; работась видексонь сембоса, но эсонза улихть башка эльбятькст; васток-васток колсеви мельцек азондомась; аф козя валонь ширде, фкат синтаксисонь конструкциятне, васьфневихть афсатыкст валхнень аф эсь вастсост тевс нолямасна; стилень ширде аш фкаксши, кяльсь-валсь аф выразительнай.

Работаса ноляви содержаниянь коряс аф 4-да лама афсатыкс, кялень-валонь коряс аф 5-да лама афсатыкс, грамматикань эдьбятькста аф 4-да лама.

«2» оценкась путови, къда: работась аф темань коряс; нолдаф лама афсатыкс; работать сембе пяльксонзон ёткса аш эряикс соткс, синь эсост аш мельцек молема, работпсь аф отвечай темати; пяк ашу валонь ширде, работась сёрматф фкя типонь нюрьхкяня валрисьмоса, ётксост сотксне лафчт, сидеста васьфневихть валхт, конат нолдафт тевс аф лац; текстса колаф стилень фкаксшись.

Работаса нолдаф содержаниянь коряс 6 афсатыкст, кялень-валонь коряс – 7-шка афсатыкс, грамматическяй эльбятькста 7-шка.

«1» оценкась путови, къда работаса нолдаф содержаниянь коряс 6-да лама афсатыкс, кялень-валонь коряс – 7-да лама афсатыкс, грамматикань коряс – 7-да лама эльбятькс.

Примечаният.

1. Сочиненияти оценкань максомста эрявихть сявондемс мяльс работать самостоятельностец, эсонза мяльхнень-арьсематнень оригинальностьснон, композициянь и кялень-валонь ширде лац-ряц ладяманц. Арьсефть оригинальностенц и сонь тевс нолдаманц инкса васенце оценкась касфневи фкя баллда.
2. Къда сочиненить оцюлмоц тяса азфть коряс фкя пяле мархтонь – кафтонь-кърдада сяда оцю, эста норматифне касфтовихть «4» оценкати – фкя единицада, «3» оценкати – кафта единицада. Кепотькс, грамотностть инкса «4» оценкась путови работати, конань эса орфографиянь коряс 3, пунктуациянь коряс 2, грамматикань коряс 2 эльбятькст, или 2-3-2, 2-2-3 соотношениятнень пингста; «4» оценкась путови 6-4-4, 4-6-4, 4-4-6 соотношениятнень пингста. «5» оценкань путомста сочинениять оцюлмац мяльс аф сявондеви.
3. Васенце оценкась аф положительнай, къда темась илядсь апак панчт, хъть сочинениянь лия ширетне аф кальдяфт.
4. Сочиненияти и изложенияти оценкань масомста эльбятькснень лувомста эряви кирдемс мяльса ся, мезе азф 11 разделса фкя типонь и аф оцюэльбятькснень и тонафнить кядьса тиф петькснень колга.

3.Итоговай оценкань путомась

Тонафнема четвертть и тонафнема кизоть инкса путови итоговай оценка. Сон фкя, и вельденза няфтеви мокшень кяльть коряс тонафнить  сембе ширде аноклафшиц: теоретическяй материалть сламаса, маштомошиса, кялень-валонь коряс касомаса, орфографиянь и пунктуациянь грамотностьса.

Итоговай оценкась путови аф аньцек цифратнень лангс ванозь. Васендакиге эряви ваномс сянь лангс, кодама содамошит няфти тонафнись сембе параметратнень коряс оценкань путома пингста. Сембе сяка, штоба учениксь лац аноклакшнель сембе занятиятненди марнек тонафнема кизоть пингста, мяльс сявондеви оценкать путомста ся, кода тонафнесь сон марнек тя пингть.

 Итоговай оценкань путомаста сяда оцю мяль шарфневи оценкатненди, конатнень вельде няфневихть тонафнить сембе ширде маштомошинза, навыконза. Сяс итоговай оценкась аф уленди положительнайкс, къда четвептть, кизоть ётамда меле контрольнай работатнень пяледа ламоснон тонафнись сёрмадозень «2» и «1» оценка мархта.

Старшай класснень эса сочинениять инкса кафцьке оценкатне, конат няфнесазь тонафнить литератураса содамошинзон и сонь грамотностенц, сёрматкшневихть дробьса класснай журналса литературать коряс страницаса.

6.Календарно-тематическяй планированиясь

Сембоц – 35                   К/к  - 5                                   Аф класса морафтомань урок – 4

5.Учебнай предметть материально - техническяй базац.

 Портреттне:

- С.В.Аникин,

- А.И.Завалишин,

-З.Ф.Дорофеев,

-Д.И.Малышев,

-А.Я.Дорогойченков,

-С.С.Ларионов,

-А.М.Осипов, 

-П.С.Кириллов,

-М.А.Бябин, 

-В.М.Коломасов,

- СД дискт.

6. Кабинетса литературась тя предметть коряс.

-Имяреков М.Г. «Писательсь и эряфсь», Саранск ,1992к.,

-«Ваймонь лихтибрят», Саранск ,1994к.,

-«Мордовская литература» ч.1, ч.2,Саранск ,1990к.,

-Мокшень-рузонь валкс», Саранск ,1993к.,

-О.Е.Поляков «Касыксонь валкс» Сарансранск, 1998к.,

-Азыркина Е.И. « Родной литература», Саранск, 2010к.,

А.Д.Шуляев «Народть мяляфтомац пефтома»,

-литературно-художественнай и общественно- политическяй журнал  «Мокша»,

-«Якстерь тяштеня» идень журнал.

 .

7.Цифровой образовательнай ресурсне.

8.Практическяй деятельностть содержанияц                            -Аф класса морафтомась             4ч.

Аф класса морафтомась № 1.

  П.Левчаев «Оцю кал»

Аф класса морафтомась №2 .

   В.Радин «Анай сельме»

Аф класса морафтомась №3.

Ю.Кузнецов «Сере пря куй»

Аф класса морафтомась №3.

 Итокнень тиемасна

      Корхтама маштома касфтомась            5ч.

 Корхтама маштома касфтомась №1

Кучкань геройхненди характеристикань максомась

Корхтама маштома касфтомась №2

Сочинения «Фкя-фкянди лездомась сяськсынь сембе сталмотнень».

 Корхтама маштома касфтомась №3

Авторть тердемац ломаттнень еткса цебярти. «Монь лятфнемане емлакс пингозень коряс.»

-Корхтама маштома касфтомась №4

Танянди характеристикань максомась.

-Корхтама маштома касфтомась №5

Татунянди характеристикань максомась

Тестовай заданият 7-це классти

1.Таблицать эзда пяшкодесть шава васттнень

2 заданиясь.

1.Ефкссь –тя

2.Тематическяй кодама группава явовихть ефксне?

3.Мезьса аф фкат литературнай и фольклорнай ефксне?

  3 заданиясь.Лувость максф пяльксть.Азость произведениять авторонц и лемонц.

А.Мольсь историянь урок. Апак учентт римоннетнень врьгятемаснон лоткафтозе катонь мявкснема.

 Шабатне рахазевсть, а Нина Петровна сяшкава кяжиясь, нъльня прась кядьстонза указкась.

     Виктор тонгозе кяденц портфели, еразе пандомс катонять кургонц, но ся ашезь макса пря, сяшкава пезфтазень кенжензон киськозонза, нъльня церанясь ойкстсь.

Б.Мъзярда топодсь тейне кемгафтува киза, ефси апак учентт кулось алязе. Наследстванди сон тейнек кадсь кевейхксые кизоса рыжай  мерин, кемгафтува вазняса сермав тракс –Зорькать и панксу оронц.

В. «Няйса , пара тевс съркат-

Ваймоснон идят.

Аньцек пелькс, аф пачкодят,

Въдь нинге идят».

Г.Кодак марязе сире Пурейша,

Стиренц-мазыенц ворьфтезь эрзятне,

Сон Пургасонди кучсь фкя веженди,

Сяльде омбоцеть, сяльде колмоцеть,

Аньцек кучфонза шавонь кядть мърдасть.

 4 заданиясь

Лувость кизефкснень и няфтесть виде ответть

1.Н.Эркай сермадозе повестть:

А. Кешань приключениянза

Б.Татю

В.Сусетт

Г.Алешка

2.Фольклорнай мотифнень коряс серматф произведениятне:

А.Я.Кулдуркаев «Эрьмезь»

Б.В.Радаев «Варда»

В.П.гайни «Таня»

Г. Д.Куляскин «Пичай»
3 заданиясь

Кие сермадозень ня строчкатнень?           А.  Н Эркай

Розень кели паксяса                                     Б.      А. Доронин

Сери шужярень пряса,                                В.   И.Шумилкин                    

Шуваня Колазсь венемсь вяри фалу         Г.            Р.Орлова

(А лиятне комасть алу)