Аршаан булаг-Захааминда
статья на тему

                 Түнхэнэй аймагай «Аршаан булаг» бүлгэм Захаамин нютагаар зорижо ерээ.

     Аршаанай П.М.Билдаевай нэрэмжэтэ  һургуулида эгээл бэлигтэй, хатарша, дууша шабинар һурадаг юм. Ушарынь юуб гэхэдэ 20 жэлэй саада тээ Дарима Санжиевна Галсановагай ударидалга доро «Аршаан булаг» гэжэ дуу хатарай бүлгэм үүдэеэ сэлиһэн байна.Мүнөө энэ ансамбльнай жэшээтэ хүүгэдэй фольклорно дуу хатарай бүлгэм гэжэ нэрэтэй болонхой, Дарима Санжиевна  Буряад уласай соелой габьяата хүдэлмэришэн,  «Россиин эрдэм гэгээрэлэй хүндэтэ ажалшан» гэһэн хүндэтэ нэрэ зэргэтэй.  

           Өөрөө  Захаамин нютагай басаган  хорин жэлэй хугасаа соо хэһэн ажалаа, тоонто нютагтаа харуулха гэжэ оролдожо, аймагайнгаа эдэбхидтэй хөөрэлдэжэ, зүбшөөл абажа,апрелиин 30-һаа  майн зургаа болотор «Аршаан булаг» бүлгэмэйхид  Захаамин аймагаар концерт наада харуулаабди. Харагшад ехэ баярлажа,сэдьхэлээ хүдэлгэн манай наада хараа. Захаамин хотын клуб ерэхэдэмнай  маанадые соелой клуб даагша Будаева Любовь Федоровна сагаан эдеэ хадагаар маанадые угтажа байгаа.Дутулур, Захаамин хото, Енгорбой, Санага, Хамней, Сахир, Үлэгшэн, Бургултайн Адаг, Ехэ Сахир, Мэлэ һууринаар ябажа, концерт наадаа  харуулааабди, концерт бүхэнэй һүүлээр захааминайхид гушан хоер хүниие халуун эдегээр, байха байраар  хангаһандань, бидэ ансамблиин зүгһөө халуун баяр баясхалан хүргэнэбди. Ажалша Захааминайхид  хэдыш хүндэ сагай болобошье, нютаг бүхэндэ адуу малынь үдэжэ олон боложо, фермерскэ үйлэдбэри болонхой, бэе бэедээ туһалжа, нэгэн шэнги ажаллажа байхадань ехэ атаархамаар байна.Эдэбхитэй зоной хамта эбтэйгээр ажаллахада, хүдөөгэй һууринууд, һургуулинууд, сэсэрлиг болон клубууд һандарангүй хүдэлжэ байна. Клубууд урданайхидал гое, томо, сэбэр байхадань маанадай үхибүүд ехэ һонирхожо, тайзан дээрэ томо артистнуудһаа дутуугүй дуу хатараа гүсэдхөө.

    Енгорбой ошоходомнай манай Түнхэн нютагһаа гарбалтай Цыренжит Гомбоевна- Жэмһэгэй, Диана Гунгаевна – Далахайн, Ольга Викторовна- Галбын  баярай үгэнүүдые хэлэжэ нютагаархиндаа мэндые хүргэн маанадаа хүндэтэйгөөр угтаа.  

   Хамар-Дабаанай урда хормой барин, Захаамин аймагай гол зүрхэндэнь оршодог, хадата дайдын хоймор- Мэлэ нютаг ерэбэбди.  Клуб соо хүн зон олон, Дарима Санжиевна энэ нютагһаа ажалайнгаа түрүүшын жолоо барижа, багахан хүүгэдэй бүлгэм суглуулһан байна. Халуун альга ташалгаар хатар, дууемнай угтаа.Сэдьхэлэй урмашуулма, үгэнүүдые хэлэжэ, баяр баясхаланиие хүргөө.

    Будаева Алина, Ягдуева Саша, Цыденова Дарима басагаднай хатар, дуугаараа хүн бүхэнэй сэдьхэл, зүрхэ хүдэлгөө, тиихэдэ ансамблиин хатаршадые  ба Ангархаева Галина Махлеевна, Ягдуева Инна Влидимировна, Халудоров Жамбал  гэгшэдэй хонгео дуугаа зэдэлүүлхэдэнь зон бодожо, халуун альга ташалгаар үдэшөө.  

   Үндэр уула хадануудтай, үльгэр соохидол үзэсхэлэн,аршаан булаг элбэгтэй арюун тэнюун Захаамин нютагаар ябажа ерэһэндээ үхибүүн бүхэн ехэ баяртай, һуралсалай жэл дүүргэбэ.

 Бидэ ансамблиин зүгһөө РУО-гой хүтэлбэрилэгшэ Намдакова Сэсэгма Дугаровнада, маанадые угтажа дулаан  байрада байлгаһан коррекционно һургуулиин дарга Гармаева Екатерина Санжиевнада, Захааминай соелой байшанай дарга Будаева Любовь Федоровнада, «Закамна» дуу хатарай ансамблиин хүтэлбэрилэгшэ Тарбаев Николай Гармажаповичта, Дутулурай соелой байшаниие дагша Юрий Ширапович ба Татьяна Галсановна Шагдуровтанда  баяр баясхаланиие хүргэн, эжы абынгаа үреэлтэй,аглаг тэнюун нютагтаа, энхэ гуламтаяа бадарган,элшэ гэгээн наран доро амар амгалан һуугыт даа гэжэ үреэнэбди.    

       Тиихэдэ  аймагайнгаа гулваа Иван Александрович Альхеевта, гулваагай орлогшо Байминов  Баир Владимировичта,  Соелой түрүүлэгшэ Светлана Владимировна Тулаевада, МКУ  РКЦТ-гэй мэргэжэлтэн  Цыдендоржиева  Бэлигма  Батожаргаловнада,  РУО-гой профкомой түрүүлэгшэ Намсараева Людмила Лопсоновнада, РУО-гой хүтэлбэрилэгшын орлогшо Цыбиков Эдуард Васильевичта,РУО-гой хүтэлбэрилэгшэ  Майоров Мунко Батаевичта   ехэ баярые хүргэнэбди, энэ зомнай маанадта хоер автобус, аппаратура үгэжэ холын харгын аза талааниие , амжалта хүсөө. Аршаан һууринай  Монголой дэлгүүрэй ажалшад, Укоев Баир, ансамблиин хабаадагшадай эхэ эсэгэнэр манай спонсорнууд болоо юм. Таанадтаа хүн зондоо туһатай, арад түмэндэ хүндэтэй, ажал хүдэлмэридөө амжалтатай, үнэр баян ябахыетнай үхибүүдэй зүгһөө баяраарнь  хубаалданабди.      

Л.В.Жалсанова, буряад хэлэнэй багша