Исем фигыльнең исемгә әйләнүе. Морфологик анализ ясау.(техн.карта)
план-конспект урока (7 класс) по теме

Укытучы эшчәнлеге

Укучылар эшчәнлеге

Универсаль укыту гамәлләре

I. Оештыру моменты (уку эшчәнлегенә мотивация)

Максат: уку эшчәнлегенә уңай мохит тудыру, уку теләге булдыру.

- Исәнмесез! Хәерле көн!

- Бүген кем дежур?

- Рәхмәт. Бүгенге дәрестә сезгә уңышлар телим.

Укучылар укытучы белән исәнләшәләр.

-Дежур укучы отчеты

Эшчәнлек өчен эш урынын әзерләү (РегулятивУУГ)

Белем алуга уңай мотив тудыру, уку теләге булдыру (Шәхси УУГ)

II. Актуальләштерү

Максат:  исем фигыль турында өйрәнгәннәрне ныгыту.

1.Өй эшен тикшерү

2. Мин сезгә җөмләләр әйтәм. Минем белән килешсәгез, торып басасыз. Килешмәсәгез, утырып торасыз. (ТЕЙКОФ-ТАЧ ДАУН)

-Исем фигыль исем һәм фигыль билгеләрен ала.

-Исем фигыль зат-сан белән төрләнә.

-Исем фигыль килеш, тартым, сан белән төрләнә.

-Исем фигыль юнәлеш кушымчасы алмый.

-Үзеннән алда килгән исемнең билгеле бер килештә булуын таләп итә.

-Җөмләнең төрле кисәге булып килә.

Исем фигыльләр кергән җөмләләрне укыйлар, исем фигыльне  әйтә баралар.

Уку эшчәнлеген планлаштыру (Коммуникатив УУГ) әңгәмәдәшең белән аралашу ысулларын үзләштерү (Коммуникатив УУГ)

III. Проблема куеп, яңа белемгә чыгу.

Максат: дәрес темасын һәм максатын ачыклау.

СЛАЙД №1

- Әйдәгез, беренче баганадагы җөмләне укыйк һәм сорау куеп, исем фигыльләрне табыйк әле.

- Ә хәзер икенче баганадагы беренче җөмләне укыйбыз.

Нәтиҗә. Слайд №2

- Бүген дәреснең темасы нинди? СЛАЙД №3

(Укытучы теманы тактага яза)

- Без дәрестә нәрсә эшләрбез?

Укучылар  җөмләләрне укыйлар, сорау куеп (нишләү, нишләмәү), исем фигыльләрне әйтәләр. (барлыкта-юклыкта, юнәлеш куш-сы, килеш, тартым, сан, җөмләдәге роле)

Укучылар  җөмләләрне укыйлар, -у, -үгә беткән сүзләргә сорау куялар  (Нәрсә?) юклык формасына куеп карыйлар, килеш, тартым, сан, җөмләдәге роле

Сорау кую һәм аларга җавап бирү (Коммуникатив УУГ)

Максат кую (Танып белү УУГ) Укытучы ярдәме белән максат кую һәм эшне планлаштырырга өйрәнү (Регулятив УУГ)

IV. Авырлыктан чыгу проектын төзү.

Максат: Алган белемнәргә таянып, схема төзү.

- Сез хәзер төркемнәрдә эшлисез.

- Төркемнәрдә эшләү кагыйдәләрен искә төшерик. Сез нинди булырга тиеш?

-  Бирем: Кагыйдәне схемада күрсәтергә.

- Дус, әдәпле, тыныч, актив.

Укучылар төркемнәрдә эшлиләр. Схемадан кирәкле өлешләрне билгелиләр.

Һәр төркем үз схемасын укый. Тактада элеп куя.

Иптәшләрең белән хезмәттәшлек итү, күршеңне тыңлый белү (Коммуникатив УУГ)

 Куелган максат буенча план

 нигезендә эшләү, кирәк булган

очракта, үзеңнең эшчәнлегеңә

 төзәтмәләр кертү(Регулятив

УУГ)

Тиешле мәгълүматны таба белү (Танып белү УУГ)

V. Сөйләмдә беренчел ныгыту.

Максат: Яңа белемнәрне кабатлау һәм ныгыту. Өйрәнгән теманы ничек аңлауларын ачыклау, коррекцияләү.

84 нче бит, 187 нче күнегү

Укучылар җөмләләрне укыйлар, күчереп язалар. Исем фигыльләрнең астына бер, исемгә әйләнгән исем фигыльләрнең астына ике сызык сызалар.

Әңгәмәдәшнең фикерен тыңлый белү; мәгълүматны туплау өчен күмәк эш башкару (коммуникатив УУГ)

ФИЗМИНУТ

• Ә хәзер басабыз, урындыкларыбызны этеп куябыз. Ял итеп алыйк.

-Кышның ничәнче ае?

- Бүген атнаның ничәнче көне?

-Без ничәнче затланышсыз фигыльне өйрәнәбез?

-Сыйфат фигыльнең ничә заман формасы бар?

- Хәл фигыльнең ничә төре бар?

1. Музыка яңгырый, укучылар түгәрәк буенча йөриләр. Музыка астында  бер укучы физик күнегүләр ясый, калганнар  кабатлыйлар.
2. Музыка яңгырый, укучылар түгәрәк буенча ашыкмыйча гына йөриләр. Музыка туктатыла, укучылар укытучының соравын игътибар белән тыңлый, кычкырмыйча сорауга җавап бирерлек санны барлыкка китерәләр – төркемләп басалар. МИКС-ФРИЗ-ГРУП структурасы “музыка яңгыраганда боталалар”, “музыка туктагач (селкенмичә) торалар”, “төркемнәргә берләшәләр”)

Уку эшчәнлеге нәтиҗәләрен контрольгә ала белү (Регулятив УУГ)

VI. Белемнәрне системалаштыру һәм ныгыту.

Максат: алган белемнәрне практикада куллана белү

1. Бирелгән җөмләне уку. Слайд №4

2.Ә хәзер, укучылар, тактада бирелгән сүзләр белән 3 җөмлә төзеп язабыз. (Җиңү, язу, уку, сорау, очрашу)

3. 189 нчы күнегү. 5 нче җөмләдәге исем фигыльләргә морфологик анализ ясарга.

Бу җөмлә белән килешәсезме?

- парларда эш

Бер укучы тактада эшли. Сәяхәт ул – географияне өйрәнү, кешеләр белән танышу, аралашу өчен дә бик яхшы чара.

Фикерләрне логик чылбырга салу; иҗади эзләнү (Танып-белү УУГ)

Үзэшчәнлекне планлаштыру, уку эшчәнлеге нәтиҗәләрен контрольгә ала белү (Регулятив УУГ)

VII.  Тикшерү эше. Тест.

Максат: Теманы аңлауны ныгыту. Слайд №5 (тикшерү)

VIII. Дәресне йомгаклау. Рефлексия.

Максат: теманы үзләштерүеңне аңлау, үз эшчәнлегеңә үзбәя һәм сыйныф эшчәнлегенә бәя бирү.

- Без бүген дәрестә нишләдек?

- Дәреснең темасы нинди иде?

Мин дәрестә...турында белдем.

Миңа... авыр булды.

Миңа ... кызыклы булды.

Үзбәя: СЛАЙД №6

* Дәрес материалын бик әйбәт үзләштердем, хәтта иптәшләремә дә булыша алам- 5

• Әйбәт эшлим, материалны аңладым-4
• Әйбәт эшлим, ләкин иптәшемнең ярдәменә каршы килмим-3.

ӨЙ ЭШЕ. СЛАЙД №7

1. Буш вакытыгызда нәрсә белән кызыксынасыз? Исем фигыльләр кулланып, кечкенә хикәя язарга. Исем фигыльләрнең астына сызарга.

Бәяләү

- Сау булыгыз. Дәрес өчен рәхмәт.

Укучылар сорауларга җавап бирәләр.

Дәрестә үз эшчәнлекләренә бәя бирәләр.

Укучылар үзләренә бәя бирәләр.

Билгеләнгән критерийларга таянып, эш сыйфатына бәя бирә белү (Регулятив УУГ)

Аралашу-сөйләм эшчәнлеген формалаштыра белү; тирә-яктагылар (укытучы, укучылар) белән аралашу ысулларын үзләштерү (Коммуникатив УУГ)