Урок "Банзарай хубуун Доржо" с применением ИКТ
план-конспект урока (7 класс) на тему

Хэшээлэй темэ: Ч.Цыдендамбаевай зохёохы зам. «Борхоног» гэhэн бүлэг.

Хэшээлэй зорилго:

Һургалгын:

-Ч.Цыдендамбаевай зохёохы замтай танилсуулха, түрүүшын эрдэмтэн Д.Банзаровай дүрые байгуулжа шадаhан уран зохёолшо гэжэ харуулха

-Д.Банзаров – буряадай түрүүшын эрдэмтэн гэhэн ойлгосо үгэхэ

Хүгжөөлгын:

-«Борхоног» гэжэ бүлэгэй гол  удха ойлгожо хадуун абаха (зурагаар хүдэлхэ, түсэб табиха шадабари)

Хүмүүжэлгын:

-Д.Банзаровай  намтар дээрэ үхибүүдые hураха эрмэлзэл дээшэлүүлхэ

Хэшээлэй хэрэгсэлнүүд: планшет, зурагууд, слайдова презентации, 7-дохи классай ном, Ч.Цыдендамбаевай номуудай выставкэ.

Хэшээлэй янза: шэнэ темэ үзэлгэ.

Хэшээлэй ябаса:

1.Эмхидхэлэй үе.

Хэшээл дээрэ Ч.Цыдендамбаевай зохёохы замтайнь танилсажа, Д.Банзаров-буряадай түрүүшын эрдэмтэ гэhэн мэдээ абажа, «Банзарай хүбүүн Доржо» романай «Борхоног» гэжэ бүлэгөөр хөөрэлдөө үнгэргэхэбди

2 Уран зохёолшо тухай хөөрөөн (hурагша планшедээр зохёохы замынь хөөрэнэ).

3.Д.Банзаров тухай  хөөрөөн.

Доржо Банзаров гээшэмнай хэн гээшэб? Зүб, буряадай түрүүшын эрдэмтэн. Хэды зуугаад жэлэй сана Зэдэ мүрэнэй нугада нэгэ зэртэгэрхэн жаахан хүбүүн томоо таhаран наадажа ябадаг hэн. Теэд хэн мэдэхэ бэлэй энээхэн хүбүүн эрдэмтэн болохыень.

(слайдова презентаци)

Һургуулида hураха хүшэр замдань бэрхэшээлнүүд, hаад оло дахин ушарhан. Бишыхан эрдэмтэ гэртэхинээ, нүхэдөө hанаха. Хэды оло гасаалуулааб, доромжолуулааб, наадалуулааб. Хүбүүнэй номдо шунал, hүбэлгэн ухаан, зоримгой зан, тэсэмгэй абаринь бэрхэшээлнүүдые дабахадань туhалаа. Иимэ бэлигтэй буряад хүбүүгээр Ч.Цыдендамбаев hонирхонгүй байха аргагүй байгаа. Эгээ түрүүн 1948 ондо «Банзарай лагбаан» гэhэн рассказ бэшээ, удаань 1953 ондо «Банзарай хүбүүн Доржо» эрдэмтын бага наhа зураглаhан роман гуурhан дороhоонь гараба., үргэлжэлынь «Түрэл нютагhаа холо» Казань хотодо hураhан үе харуулhан роман бэшэгдэбэ.

4. «Борхоног» гэжэ бүлэгэй удхаар хөөрэлдөөн

1.Энэ бүлэг хэды болгожо хубаахаар бэ?

2. Самбарта байhан зурагуудые хараад, рассказай удхатай тааруулан табигты. Тараха хубииень  хөөрэгты.

1-дэхи зураг. Доржо ном дархална.

2 дохи зураг. Борхоног үльгэршэн, тэрэнэй үльгэр шагналга.

3-дахи зураг. Гэртээ үдэшэ үльгэр шагнаад бусалга.

3.Ямар хубида зураг үгыб? Таанад юу зураха hэмта?

5. Түсэб табилга.(  роман соохи дүрэнүүдэй  үгөөр)

1. «Дархан болохош.Дархан…»

2. «Борхоног үльгэршэн ерээ!»

3. «Yльгэр хэлэжэ байхада шууяжа, хөөрөө хэжэ болохогүй»

4. «Yльгэршэ болохо хүн бии гү?»

5. «Затагархан, ши иимэ хуур юундэ дархалнагүйбши?»

6. Доржын дүрэ элирүүлгэ.

1. Доржын гадаадахи түхэл шарай ямараар автор зурагланаб?

2. Доржо  ямар хүбүүн байнаб? Энэ бүлэгэй мэдүүлнүүдээр хэлэжэ үгэхэ.

Доржын дүрэ энэ бүлэг соо hонюуша, ухаансар, ходо досооогооо юумэ бодожо, юумэ түргэн хадуужа абаха, hайнаар хөөрэжэ ба зохёожошье  шадаха гэжэ уран зохёолшо Ч.Цыдендамбаев харуулжа шадаа.

7. Хэшээлэй дүн гаргалга. Сэгнэлтэ.

8.Гэрэй даабари.

Бүлэг соо үльгэршэнэй дүрэ харуулга.

1хабсарал