Панжада урок "А.Моро "Мораса эряфть""
план-конспект урока (9 класс) на тему

МБОУ «Мордовско-Козловскяй средняй общеобразовательнай школась»

Атюрьевскяй муниципальнай районць

Панжада  урок

«А.Моро  «Мораса эряфть»сорниксь

 »

 Маланкина В.С.

Урокть темац :А. Моро «Мораса эряфть» сборниксь.

Урокть целец : кемокстамс содамошитне А.Моронь  эряфонь кинц и творчестванц  колга ;

                            содафтомс тонафнихне сёрмадыть «Мораса эряфть» сборниконц мархта ;

                           няфтемс Родинать шнамац , народть героическяй тюреманц ВОВ –са ;

                           касфтомс тонафнихнень кельгомасна эсь шачема крайснонды.                          

Оборудованиясь  : А. Моро «Мораса эряфть» сборниксь ,Е.И. Азыркина «Родной литература » 9-це классонди.

Урокть молемац

1.1.Оранизационнай моментсь.

Тонафтысь :

- Шумбратада , шабат !

Шабат , мезе макссефоль куду ?

Тонафнись :

- А. Моронь  эряфонь  и творческяй  кинц  коряс анокламс сообщения.

1.2.Тонафнихнень корхтамасна .

А.Моронь эряфонь кинц колга азонды Федоткина Т., пяшкодьсы корхтамать эряфонь кинц колга Хрущев А..

Творчествань кинц колга азонды Юков А. , пяшкодьсы корхтамать творческяй кинц колга Макашкин Д.

1.3. Обобщениясь .

Тонафтысь :

- Шабат , сембе анокладе мялень салай сообщеният , молодецт .

2 . Од материалть лангса покодемась .

2.1. Тонафтыть корхтамац

1945 кизоня лиссь Артур Моронь стихонь ветеце сборникоц –«Мораса эряфть » , коза сувасть войнань пингонь произведениянза. Сонь поэзиянц кучкаса ащи Советскяй Родинать шнамац , вракнень каршес  героическяй тюремань мяльхнень кърьвястемасна . Тя пяк лац няеви «Русь стихотворенияста» , коса поэтсь моразе Родинать мазышинц , оцю вийнц , нароттнень марстонь павазснон. Поэтсь азонды , што масторонц ётазе педа  - пес мирнайста эрямста и войнань толоньбачк , эсь сельмосонза няезе , кодама мазы минь пефтома Родинаньке . Сонь вийц нароттнень ялгаксшиса , оцю тевонь тиемаса , рузонь народть перьфке пуромомаса . Стихотворенясь аделави кельгомань и спасибань азы валса сянкса ,  што мокшэрзятне тиевсть ломанькс Россиять вийса , сяс инксонза аф ужяль максомс эряфоцка.

2.2 «Русь» стихотворениять морафтомац .

2.3. Аф содаф валхнень лангса покодемась .

Тянь –Шань  - пантт Центральнай Азияса

Кара –Кум-   пустыня Центральнай Азияса

Бухара – ош Узбекистанца

Арарат -  пантт  Турцияса  , а ингольти ня панттне ульсть Арменияса

Днепра и Днестра – ляйхть Украинаса

Буковина – ош Украинаса .

2.4.Кизефкст морафтфть коряс .

Тонафтысь:

- Морафтомок стихотворениять , кодама мяльсь – арьсемас  тинь сатада ?

Тонафнихне азсазь эсь мяльснон – арьсемаснон.

3. Од материалть кемокстамац.

3.1. Выразительнайста стихотворениять морафтомац .

3.2.Кизефкснень лангс отвечамась.

Тонафтысь :

-Коста няеви , што поэтсь ульсь пяк лама вастова ? И мезенди сон тянь азондсы ?

Тонафнись :

- Стихотворенияса  минь васьфнетама лама географическяй лемонь мархта  , ся азондсы сянь ,што поэтсь ульсь минь Родинаньконь лама вастсонза мирнай и войнань кизотнень пингста . Корхтави Родинать оцюшинц колга .

Тонафтысь :

- Кона строчкаста шарьхкодеви , што лирическяй геройсь эряфонь киса васьфнесь аф кържа сталма ?

Тонафнись :

-Поэтсь етазень войнань стака китнень «Украинать туркс ётань войнаста» ,

Тонафтысь :

- Мезе содатада СССР-ть колга ?

Тонафнись :

- СССР-сь ащесь 15 республикаста , тя тяниень Россиясь , Украинась , Белоруссиясь ,Узбекистанць , Казахстанць ,Грузиясь , Армениясь ,Азербайджанць , Литвась , Латвиясь , Эстониясь ,Молдовась ,Киргизиясь , Туркмениясь , Таджикистанць.

Тонафтысь :

- Кона строчкатне пачфнесазь поэтть кельгоманц Русти ?

Тонафнись :

-Кода кельктя!..Тонь кельги эрь кие !

Вай, примак родной цёрань сюкпрять …

Поэт лемозень содавикс тиить ,

Лихтить ломань ёткс беднай эрзять .

Тонафтысь :

- Мезенди поэтсь сувафни валхт уменшительно – ласкательнай суффикс мархта ?

Тонафнись :

- Няфтемс Родинати кельгомать .

4. Обобщенись .

«Русь » стихотворениясь лувондови фкя инь цебярькс мокшэрзянь патриотическяй лирикаса , тяса поэтсь сотозень марс ваймоёжень оцю вийнец и афкуксонь публицистокс улеманц , лама нациянь странань нароттнень фкя лацонь мяльснон – арьсемаснон.

Мокшэрзясь кельгсы эсь Русенц , анок максомс инксонза эряфонц , мес сонь мархтонза сотф сембоц : правац улемс ломанькс , латсемс эряфонц , арьсемс эсь еньца , корхтамс тядянь кяльса – валса , и морсемс эсь мороньконь .

5. Урокть итогоц .

6.Куду заданиянь максомась.