1 нче сентябрь - Белем көне
план-конспект на тему

1 нче сентябрь - Белем көне

Б. УФ, арыдым.Бер дә укыйсым килми минем.

М. Май аенда Соңгы кыңгырау бәйрәмендә барлык укучылар каршында Әлифба китабын укыйм дип сүз биргән идең бит.

Б. Бирүен бирдем дә ...

М. Буратино, әйдә, хәзер без синең белән математика белән шөгыльләнәбез. Синең кесәдә 2 алма.

Б. Алдыйсың, берәү дә юк.

М.  Мин әйтәм. Синең кесәдә 2 алма бар, ә син шуны күз алдыңа китер.

Б.  Ха, ха,ха...

М.  Кемдер шул ике алманың  берсен кесәңнән алган. Синең кесәдә ничә алма калды?

Б.   Ике.

М. Ничек инде ике ?

Б.  Минем кесәдә ике алма булса, мин аны сугышып булса да, беркемгә дә бирмәс идем.

М.Буратино,синең математикага бер дә сәләтең юк икән.

А.Б.  Бездә кунаклар бар икән.

         Исәнмесез, дусларым. Нигә бәхәсләшәсез?

М.( еламсырап). Буратино Соңгы кыңгырау бәйрәмендә чыгарылыш класс укучылары алдында укырга- язарга өйрәнәм, мәктәпкә барам, дигән иде.

А.Б. Әй, Мальвина, юкка борчылма әле:

      Соңгы звонок бит ул – уку елы ахыры. 3 ай җәйге каникулда кемнең укырга- язарга өйрәнәсе килсен инде? ( Бу вакытта Буратино кыланып йөри)

Б. Әле мин вообще быел укымам дип торам, киләсе елга килермен әле.

М. Ә вәгъдә?

Б. Вәгъдә, вәгъдә. Беләсеңме ул вәгъдәләрне безнең илдә күпме бирәләр?

А.Б. Мальвина, Буратино, юкка бәхәсләшмәгез әле.  Икегез дә мине игътибар белән тыңлагыз .  Хәзер болай итәбез. Буратино, син 1нче класс укучылары белән дәрескә керерсең.Синең сумкаң мондамы?

Б. Мәктәпкә сумка белән йөрү мәҗбүриме соң?

А.Б. Мальвина, син Буратинога булыш инде. Барыгыз, тиз генә сумканы алып килегез.

Б. Минем сумкам барлыкка барлыкка бар инде ул.( Көчкә сөйрәп

Ишек төбеннән алып керә). Мин аны менә шушында гына калдырып кергән идем бит.

А.Б. Буратино, әйдә карыйк әле, ниләр салддың икән сумкаңа?

Б.   Мәктәптә ул минемчә,

      Иң кирәге пистолет.

      Аннан килеп зур конфет

       Бер тәлинкә винегрет

       Рогатка чебен атарга,

       Зур таш чикләвек ватарга.

      Телефон, булмый синсез

      Мобильниксыз- күңелсез.

      Бик матур ачкыч таптым

       Тәмле жевачка тыктым

        Баш авыртса, дип әле

        Салдым матур мендәрне

М. Абау, Буратино, тутырып та карагансың син сумкаңны.

Б. Тырыштым инде. Барысыннан да уздырырга иде исәп.

( Шул вакыт Шәвәли керә).

Ш. Таң ата да кояш чыга,

     Кояшны сәламли көн,

  -Саумы, Кояш, сүнмәс учак,

  Әссәламегаләйкем.

Ф.    Нинди ямьле безнең көн.

        Йөгереп урамга чыгам,

        Күңелле уйлар белән

        Мәктәбемә ашыгам.

        Кояш нуры иркәли,

        Шат йөзле һәркем , кара

         Кайсы эшкә, хезмәткә,

         Кайсы укырга бара.

Ш.  Бар күңеллелек бөтен дөньяда, бар бер ямь бүген.

Нәрсәдән бу? Мин беләм: бәйрәм бүген, бәйрәм бүген, бәйрәм бүген.  Укытучы абый- апаларның чираттагы август киңәшмәсе.

1 нче укучы.

Ак кәгазьдәй сабый къжеленщ

Язмышларны башлап язасыз,

Өмет тулы күпме күзләргә Сез,

Яшәү чаткылары саласыз.

Кайгыртып гел кеше язмышларын

Безнең янәшәдә эшлисез.

2нче укучы.

Бәйрәмегез белән сезне укытучы апалар һәм абыйлар.

Очар кошлар күкне сагынгандай

Ашыгасыз һәркөн мәктәпкә

Аңлатасыз тормыш,яшәү серен,

Өйрәтәсез фәкать әдәпкә.

3 нче укучы.

Укытучым.

Һәрвакытта сине уйлый-уйлый

Тормыш сукмагыннан атлармын

Син күңелемә салган зур хисләрне

Каралтмыйча, һәрчак саклармын

4 нче укучы.

Киңәшчем дә ,ярдәмчем дә

Авыр чакта аңлый белүчем

Сине мәңге оныта алмам

Иң кадерле кешем- укытучым.

5 нче укучы

Игелекле татар мөгаллиме

Синнән күчә мәрхәмәт

Йөрәк утың балкып янса гына

Яшәр иман, яшәр мәхәббәт

6 нчы укучы

Ил карты да сиңа башын иеп

Мөгаллим, дип зурлап эндәшә

Яшьләр синнән матур үрнәк алып

Күркәмлектә Сезгә тиңләшә.

7 нче укучы.

Тиңләп булмый аны башка хезмәт белән

Үлчәнми ул минут белән, сәгать белән.

Синең хезмәт айлык түгел, еллык түгел

Яз төшүгә көз өлгергән орлык түгел

Хезмәтеңнең нәтиҗәсен күрер өчен

Дистә еллар түгәсең син акыл көчен  

Кадерле укытучы апалар, абыйлар.

Сезне чын күңелдән 2014-2015 нче уку елы башлану белән тәбрик итәбез.  Авыр , ләкин мактаулы эшегездә зур уңышлар телибез.