Аксар ден Юлавий драмын йылмыже
план-конспект урока (9 класс) на тему

Марий литератур дене урок конспект.

Класс: 9

Тема: «Аксар ден Юлавий» драмын йылмыже.

Цель: йоча-влакым «Аксар ден Юлавий» драмын йылмыж дене палдараш.

Задаче-влак:

Шинчымашым пуышо:

- «Аксар ден Юлавий» драмым чоналтме да сылнылык могырым лончылаш;

Шинчымашым пенгыдемдыше:

- произведенийыште палыме сылнештарыме йöн-влакым кычалын да ойырен моштымо навыкым пенгыдемдаш;

Воспитательный:

- марий драме-влакым лудаш кумыландаш.

Урокын типше: комбинированный.

Урокым эртарыме тÿн йöн: мутланымаш (беседе),  туныктышын умылтарымыже, практический паша.

Кучылтмо материал: «Марий литератур», 9 класслан учебник-хрестоматий /П. А. Апакаев ден Г. Н. Бояринова ямдыленыт. – Йошкар –Ола: Марий книга савыктыш, 2011., драматургын произведенийже-влак, портретше.

Ыштышаш паша радам:

1. К. Коршуновын илышыжым да творчествыжым ушештарымаш.
2. «Аксар ден Юлавий» драмын содержанийже дене паша:

а) драмыште ончыктымо жап;

б) драмын сюжет линийже.

      в) контраст йöн дене ончыктымо образ-влакым танастарымаш да  ушештарымаш (тунемше-влакын выступленийышт).

3.Драмын тÿн шонымашыжым да йылмыжым рашемдымаш.

4. Иктешлымаш.

Урокын эртымыже.

1. Организационный момент.

-Салам лийже, йоча-влак, шичса.Таче ме тендан дене К. Коршуновын «Аксар ден Юлавий» драмыжым лончылена, тыгак драмын йылмыж дене палыме лийына.

 2. Мöнгö пашам тергымаш.

 - Кодшо урокышто ме драматургын илышыже да творчествыже дене палыме лийна. Таче тиде темым тестысе йодыш-влак почеш тергена. (Йоча-влак тестысе йодыш-влаклан вашештат)

 - А ынде листокда-влакым икте-весыланда тергаш пуыза. (йоча-влак икте-весыштын пашаштым туныктышын ойлымо вашмут-влак почеш тергат).

 - Ынде паша-влакым аклыза.(йоча-влак аклат)

 3. У темым лончылымаш. (презентаций почеш)

- Ынде урокысо темынам лончылена. Драмын содержанийжым ушештарена.(икмыняр йоча содержанийым ужаш дене каласкала).

 - Патыр улыда. Шичса. Тау.

 - Амогай жап драмыште ончыкталтеш?

 - Марий калыкын 16 курымын кокымшо пелыштыже илыме жапше да тунамсе нунын сöйышт нерген.    

 - Чын. Тидын нерген лудын пуа Кристина учебник гыч (с. 120).    

 -Тау. А ынде драмын сюжет линийжым ончалына.

  - «Аксар ден Юлавий» драмын конфликтше кок шöрынан: бытовой (ÿдыр верч ÿчашымаш) да социальный    (калыкын пÿрымашыже). Нуно чак кылдалтыныт. Кузе шонеда, кушто тыште завязке, кульминаций, развязке? (йоча-влак шке шонымыштым ойлат).

 - А ынде учебникысе материал дене шкенан шонымынам танастарена (учебникыште с. 128-129 лудмаш).

4. Физминутка.

5. У теме дене паша. Образ-влакым лончылымаш.

 - А ынде образ-влакым ончалына. Нунын нерген шке каласкаледа. (йоча-влак ямдылыме материалыштым каласкалат).

 - Теве, ончалза слайд-влакыш, мом тушто возымо? (слайд-влак).

 - Тау чылаландат.

 5. Драмын тÿн шонымашыже да йылмыже дене паша.

 - Ынде драмын темыже да идейже нерген каласена. Те кузе шонеда, могай шонымаш дене драме возалтын? (йоча-влакын вашмутышт)

- Молан тыге шонеда?

 - Чын. К. Коршунов шке драмыж гоч марий калыкын 16 курымысо неле илышыжым ончыктен. Тыгак марий-влакын шке мландышт, эрыкышт верч, социальный да политический шыгыремдымаш ваштареш кучедалмышт драмыште сайын почын пуымо.

 - Драмын йылмыж нерген мом каласаш лиеш?

 - Калыкын ойгыжым ончыкташ автор  мурымат кучылтеш. («Эр кечыже легылда2 мурым колыштмаш)

 -Муро могай кумылан? Молан тиде мурым автор кучылтын? (йоча-влакын вашмутышт).

 - Эше мом каласаш лиеш?

 - Драмыште тоштемше мут-влак вашлиялтыт. Тыгак ятыр танастарымаш, олицетворений, калыкмут, кумалтыш мутын ужашыже , марий калыкын пайрем йÿлаже, кочкышыжо нергенат икмыняр мут вашлиялтеш.Тиддеч посна драмыште монолог уло (Лаймырын да Ялантайын).(Йоча-влак пример-влак дене пенгыдемдат)

6. Иктешлымаш.

 - Таче урокышто мом пален налда?

 - Мо тыланда йöсö ыле, а мо куштылго?

 - Келшыш мо тыланда драме? Мо дене?

7. Мöнгö паша.

 - Мöнгыштö образ-влакым кÿчыкын тетрадеш возен толаш.

8. Аклымаш.

 - Тау. Урок пытен. Чеверын.