Нәсел шәҗәрәләребезне белик!
методическая разработка на тему

Тамырлары никадәр тирәнрәк китсә, агачлар шулкадәр тотрыклырак, җил -давылларга бирешмәүчәнрәк булалар. Шуның кебек үк , халыкларның тарихи тамырлары да никадәр тирәнрәк үсеш алсалар һәм ул  катламнардан бүгенгә килеп җиткән хәбәр никадәр тулырак булса, халыкның язмыш-тәкъдире, үткән юлы да вакыт көзгесендә шулкадәр үк тулырак гәүдәләнә. Бу бик тә мөһим. Чөнки үткәннәр белән киләчәк арасында җанлы бәйләнеш булганда гына нәсел агачы тере булачак һәм гасырлар дәвамына бирешмичә шаулап үсеп утырачак.Шәҗәрәләр исә тамырдан кәүсәләргә, ягъни ерак үткәннәрдән бүгенгә “Тереклек суы” ташып торучы җепселләр ул.