7-се класс .Башҡорт теле дәресе. Тема: Башҡортостан- чемпиондар иле. Һорау һөйләмдәр
план-конспект урока (7 класс) на тему

Тема. Башҡортостан- чемпиондар иле.Һорау һөйләмдәр.

Маҡсат:уҡыусыларҙың һөйләү телмәрен үҫтереү; “Һорау һөйләмдәр” темаһын ҡабатлау: уҡыусыларҙа  спортҡа һөйөү тәрбиәләү.

Йыһазландырыу: мультимедия, ноутбук,электрон дәреслек, презентация, “Күңелле бейеү” видеояҙмаһы.

Дәрес барышы.

I.Ойоштороу моменты.

-Һаумыһығыҙ, уҡыусылар. Дәресебеҙҙе башлайбыҙ.

Дәресте  артикуляцион күнегеүҙән башлайыҡ( беренсе слайд)

Хәрәкәт- ул атта елеү,

 Хәрәкәт- ул ауға барыу,

 Хәрәкәт– ул тауға менеү.

    Хәрәкәттә- бәрәкәт, тип

Әйткән ололар бик хаҡ.

Һаулыҡ ныҡлы булһын тиһәң,

Йүгер,  һикер, тәкмәс ат.

-Нимә ул хәрәкәт?

-Хәрәкәт- движение.

- Ә рус телендә шундай әйтем бар: Движение- это …

-Жизнь.

-Ә ҡасан кеше күп хәрәкәтләнә?

-Спорт күнекмәләре, уйын ваҡытында.

- Тимәк, беҙ дәрестә нимә тураһында һөйләшәсәкбеҙ?

- Спорт тураһында.

-Эйе, бөгөн дәрестә спорт тураһында һөйләшеүҙе дауам итәсәкбеҙ.

II.Ҡабатлау

-Нимә ул спорт?

-Һиңә ниндәй спорт төрө оҡшай?

-Ниндәй спорт менән шөғөлләнәһең?

-Мәктәптә ниндәй спорт түңәрәге бар?

 -Һиңә физкультура оҡшаймы?

- Башҡортостан ере ниндәй спортсыларҙы тәрбиләгән?

-Ирек Зарипов, Татьяна Лебедева.

III. Яңы тема.

-Уҡыусылар, бик яҡшы. Һеҙ беҙҙең ҡалала тыуыап-үҫкән билдәле спортсмендарҙы беләһегеҙ икән. Ә беҙҙең республикала тыуған Олимпия, донъя  чемпиондары байтаҡ. Бөгөн дәрестә  Башҡортостан ере  тәрбиәләгән билдәле спортсылар менән танышасаҡбыҙ.

1.71-се күнегеү өҫтөндә эш

а) тексты уҡытыусы уҡый;

б) уҡыусылар уҡый;

в) һүҙлек эше;

г) тексты бергәләп тәржемә итеү.

2.- Уҡыусылар, хәҙер ошо спортсмендар тураһында слайдтар ҡарап үтәйек (2-10 слайдтар).

Слайдтарҙы ҡарау, бирелгән текстарҙы тәржемә итеү.

3.-Уҡыусылар, бына ниндәй бик билдәле спортсылар тәрбиәләгән икән Башҡортостан ере. Һеҙ Ирек Зарипов  тураһында әйтеп киткәйнегеҙ. Әйҙәгеҙ уның тураһында ла слайдтар ҡарайыҡ. (11-15 слайдтар)

4.Әңгәмә.

-Ирек Зарипов кем? Ул ниндәй спорт менән шөғөлләнә? Ирек Зарипов ҡайҙа тыуған? Һеҙ нисек уйлайһығыҙ , Ирек ниндәй кеше?  Спорт ниндәй сифаттар тәрбиәләй?

- Эйе, Ирек Зарипов бик көслө, сыҙамлы, ҡыйыу кеше. Уға спорт  тормошта үҙ урынын табырға ярҙам икән.

4. Физминутка (“Күңелле бейеү” видеояҙмаһына ҡушылып бейеү).

5.-Һеҙҙең бөтәгеҙҙең дә яратҡан спортсылары бар. Минең дә яратҡан спортсым бар. Ул- Виктор Валуев.  Валуев –боксер, Рәсәй һәм донъя чемпионы.  Уның ҡушаматы- “Рус гиганты”, “Кувалда”. Валуев бик ҙур һәм көслө. Шуға миңә оҡшай ҙа.

-Мин ниндәй спортсы тураһында һөйләнем?(уҡыусылар рус телендә һөйләп бирәләр). Хәҙер беҙ төркөмдә эшләйәсәкбеҙ. Һәр төркөм үҙҙәренә оҡшаған бер спортсы тураһында бәләкәй генә текст төҙөй.

Һәр төркөмдән бер уҡыусы төҙөгән тексты уҡып ишеттерә, иң яҡшы эш билдәләнә.

6. Таҡтала ике һөйләм.

Һиңә ниндәй спорт төрө оҡшай?

Һиңә спорт оҡшаймы?

-Был ниндәй һөйләмдәр?(һорау һөйләмдәр)

-Башҡорт телендә һорау һөйләмдәр нисек барлыҡҡа килә?(Һорау алмаштары ярҙамында йәки –мы, -ме киҫәксәләре ярҙамында)

7. Электрон дәреслектән 2-се күнегеүҙе телдән үтәү.

IV. Йомғаҡлау, баһалау.

-Дәрестә нимәләр белдегеҙ? Нимә оҡшаны?

V.Өй эше: 71-се күнегеү буйынса алты һорау һөйләме төҙөргә.