Конспект урока
план-конспект урока (6 класс) на тему

Уçă урок теми:В.Элпи. «Илемлĕхе курма пÿрнĕ ача» калаври тĕп сăнар.

Урок эпиграфĕ: «Ырă-усала, лайăх начара çĕнтертĕр».Ваттисен сăмахĕ.

Урок тĕсĕ: хайлава пĕтĕмĕшле тишкермелли  хутăш урок

Сапăрлăх тĕллевĕ: кашни çынра пултарулăх пур, ăна сÿнме памалла мар, аталанма пулăшмалла.

Пĕлÿ тĕллевĕ: хайлаври сăнарсен шухăш-кăмăлне, ĕçне-хĕлне лайăхрах ăнланса илме пулăшасси; вĕсене хаклама, пĕтĕмлетÿ тума хăнăхтарасси.

Аталантару тĕллевĕ: сăнарсене, вĕсен ĕçĕсене танлаштарса тĕрĕс хак парас пултарулăха, сăнарлă шухăшлава аталантарасси

Урок мелĕсемпе меслечĕсем: ыйту-хурав; ыйтусене çырса хуравлани.

Пуплеве аталантарасси: илемлĕ калаçасси, шухăша, пуплеве йĕркелеме хăнăхтарасси.

Литература теорийĕ: калав, унăн уйрăмлăхĕсем.

Курăмлăх хатĕрĕсем: ачасен ĕçĕсен выставки, презентаци

Урок юхăмĕ

I. Класа йĕркелесси.Сывлăх сунатăп, класра кам пуррипе-çуккине тĕрĕслетĕп

Урок темипе, вĕренÿ тĕллевĕсемпе паллаштаратăп

II.Килти ĕçе тĕрĕслесси

1.Ачасем калава  мĕнле ăнланнине тĕрĕслеме тест ыйтăвĕсем валеçсе паратăп: текста лайăх астăватăр-и? 

1.Пĕр канмалли кун ачасене ăçта илсе каяççĕ?

А)йывăç лартма

Ă)тимĕр- тăмăр пухма

Б)чие тĕпĕсене кăклама

2.Читлĕхри упăте мĕн ятлă пулнă?

А)Чаппи

Ă)Жанна

Б)Бетти

3.Энтьукăн пускилĕ мĕн ятлă пулнă?

А)Петĕр

Ă)Микулай

Б)Çитăр

4. Эньтук амăшĕ мĕн  ятлă ?

А)Наçтаç

Ă)Урине

Б)Укçине

5.Уçланкăра Энтьук  мĕн курать?

А)Улăм купи

Ă)Çапă купи

Б)Тислĕк купи

6.Вожатăй ячĕ

А)Виктор Иванович

Ă)Степан Иванович

Б)Николай Иванович

7.Энтьука яланах кам хÿтĕлет?

А)Юлташĕ

Ă)Кукамăшĕ

Б)Асламăшĕ

8.Выставкăна Энтьук миçе япала тăратнă?

А)2

Ă)5

Б)3

2.Калав ятне эсир мĕнле ăнланатăр?

(Словарь ĕçĕ-пÿрнĕ-пултарнă; пускил-кÿршĕ Унта мĕн çинчен каланă? Энтьук пурнăç çулне тĕрĕс суйласа илнĕ-ши? Çакна тума ăна камсем пулăшрĕç?

III. Çĕнĕ тема (Доска çинчине тетрадь çине çырмалла, урок тĕллевĕсене калатăп)

Произведенири тĕп сăнар камччĕ-ха?-Энтьук.

Энтьукăн характеристикине тăвасси:

А) Ĕçĕ-хĕлĕ:колхоз пахчинче ĕçлет,тымарсенчен кĕлеткесем тăвать

Ă)Шухăш-ĕмĕчĕ:тымарсене чун кĕртесси

Б) Кăмăлĕ:ĕçчен, ырă, чĕмсĕртерех, тÿрĕ кăмăллă

В)Тыткаларăшĕ: Вăтанчăк, сăпайлă,мал ĕмĕтлĕ-хăйĕн юратнă ĕçне пăрахмасть

1.Тĕп сăнарсен ырă енĕсене палăртни: ĕçченлĕхĕ, тÿрĕлĕхĕ, шухăш-туйăмĕ, ĕмĕчĕ, кăмăлĕ, тыткаларăшĕ.

(кластер туни)

Энтьук:ĕçчен, таса чун-чĕреллĕ, чĕмсĕр, вăтанчăк, тÿрĕ кăмăллă, пултаруллă

Физкультура минучĕ

2. Кĕнекепе ĕçлени

 Çыравçă Энтьук пирки кулянни-савăнни çинчен каланă вырăнсене тупса вулни.(92 стр. «..Савăнчĕ Энтьук…

3. Ушкăнсем çине пайланса ытти сăнарсене хак пани:Çитăр(ĕрлешет, чĕлхи çивĕч, Тымар Энтьукĕн амăшĕ тет, тымар чăмлама лекет тет) Укçине аппа, асламăшĕ, Виктор Иванович- вожатăй

4.Хайлаври илемлĕх мелĕсем(килте тупса килмелле пулнă)

Танлаштарусем:

Çак тымар темшĕн упăте çури пекех туйăнчĕ

Çĕлен курнăн кăшкăрса ячĕ

Ваттисен сăмахĕсем:каскаламасăр калăп та пулмасть; каскалама пĕлмен ал-уран чĕрни вĕçне шăрпăк кĕрет

Сăпатлантару: тымара чун кĕртмесĕр; вăйлă çил пĕлĕтсене каллĕ-маллĕ хăваланă вăхăтра; аслă хĕвел аса илчĕ пулмалла

III.1.        «Сăнарлă сăмаха туйма вĕренĕр» ыйтусемпе ĕçлени.- 92 стр. «Энтьукăн тымара чун кĕртмесĕр кăмăлĕ тулмасть… Çакна мĕнле ăнланатăр?

2.Учитель калав жанрĕ çинчен ăнлантарни; «Кукамай», «Илемлĕхе курма пÿрнĕ ача» хайлавсенче калав паллисене тупса палăртни.

Калавăн тĕп паллисем:

-калăпăшĕ пысăк  мар

-сăнарсен йышĕ сахал

-çын пурнăçĕнчи кĕске вăхăта сăнласа парать(Çакна ачасем тетрадь çине çырса хураççĕ)

Диалог культур-вырăс чĕлхинчи тĕслĕх Эпиграфпа ĕçлени

Ваттисен сăмахĕпе ĕçлесси: Ĕç çынна илем кÿрет

2. «Ăста алăсем» выставкăпа паллашни(ачасем пĕр-пĕрин ĕçне хаклаççĕ).

IV.Пĕтĕмлетÿ

В.Элпи пире мĕнле ачапа паллаштарчĕ? Ырă чунлă Энтьук пурнăçпа савăнма пĕлет, кашни пĕчĕк япаларах илем курать. Анчах Çитăр пеккисем те тупăнаççĕ. Укçине аппа пеккисем вара йăнăш туса хума пултараççĕ. Асламăш пек çынсем пурри, ăнланма тата пулăшма тăрăшни Энтьука питĕ кирлĕ.

Кашни çынра пултарулăх пур, ăна сÿнме памалла мар, аталанма пулăшмалла.(Кружоксене çуремелле)

V. Киле ĕç: Пĕрисем валли- «Çулсем иртсен» ятпа калава малалла тăсăр, унта Энтьукăн малашлăхне кăтартса пама тăрăшăр.

Теприсем валли-Калав тăрăх ÿкерчĕк тумалла

VI.Ачасен ĕçне хаклани

VII.Урок вĕçленни