Конспекты уроков
план-конспект урока на тему

                                                                                      Мордовия Республикань

                                 Орданьбуе ёнксонь МБОУ «Низовкань средней школань»

                                       эрзянь келень ды тиринь литературань тонавтыцянть

            Клементьева Зоя Викторовнань

             Тиринь келень урок  6 класс

Уроконь темась:  Прилагательнойтнень теевемаст.

Уроконь вешематне:

              -кемекстамс ды домкалгавтомс прилагательнойтнеде чарькодеманть;

        - максомс содамочи цецятнеде;

              - кармавтомс эйкаштнень пертьпельксэнь мазычинть нееме ды сонзэ

                ванстомо.

                                     Уроконь молемась:

1. Уроконтень организациясь.

     -Шумбратадо, эйкакшт! Течи минек тынк марто эрзянь келень урок. Уроконтень тыненк эрявить тетрадть, ручкат, карандашт.

      Течинь уроконок минек явовикс лия уроктнеде, миненек састь инжеть. Эйкакшт, стятадо ды шумбракстнетядо мартост!

     -А ней озадо!

Те урокстонть минь тынк марто мельс ледстясынек ютазь тематнень Прилагательнойтнень коряс, теевтяно содавиксэкс од тема марто «Прилагательнойтнень теевемаст». Ды седе тов карматано кортамо…

      -Ули меленк содамс мезде? Сестэ кунсолодо содамоёвкс.

                           Эрьвась эйстэнек пек кеци,

                            Зярдо казить тензэ … (цеця)  

- Виде, течинь уроксто минь карматано кортамо цецятнеде.

2. Кудонь тевенть ванномась:

-Вансынек кудонь тевенк! Кие эйстэденк ёвты, кодамо тев максозель кудов? (сёрмадомс сочинения «Монь вечкевикс цецям»)

- Кие анок ловномс эсь сочинениянзо? (ловновить сочиненият)

- Сиянь превнеть, парсте топавтынк тевенк.

3. Мельс лецтямось:

-А ней лецтясынек Прилагательнойтнень!

(Таркасо) 1.Мезе те прилагательноесь?

                  2.Кода явовить прилагательнойтне смустень коряс?

                  3.Зняро Прилагательнойтнень сравнениянь степенест?

                  4. Кодамо валрисьмень пельксэкс эрсить прилагательнойтне

                      валрисьмесэ?

(Доскасо) Карточка марто важодемась:

1. Существительнойтненень путомс качествань невтиця прилагательнойть.

                     Цеця,  килей,  чилисема,  кудо. (якстере, вишка, сэнь, покш)

2. Относительной прилагательнойтненень путомс существительнойть.

Тумонь, валскень, сырнень, сёксень. (столь, варма, суркс, рудаз)

3. –Эйкакшт, кие эйстэнк соды мезде мерить антонимть?

(Антонимтне – смустень коряс карадо – каршо аравтозь валт. Сынь свал эрсить вейке секе жо кортамо пельксэкс.)

-Кода арсетядо, эрсить прилагательнойтне антонимекс?

-Вансынек артовксонь коряс.

-Эйкакшт, тесэ икеленк аштить кавто артовкст. Арсетяно ды сёрмадтано лангозост ванозь антонимть.

Чись кодамо?               маней   - потмура

Лесь кодамо?               эриця – кулозь

Менелесь кодамо?       валдо – чопода

Лугась кодамо?            пешксе (цецядо) – чаво

Артовксось кодамо?    весёла – нусманя

-Эйкакшт, ёвтадо, кона артовксось седе вадря ды канды кодамо-бути кеняркс, паряк мездеяк лецтнемат? (Васенцесь- курок сы кизэ)

-А мезде ёвтни омбоце артовксось?

(Омбоце атровксонть лангсо пертьпельксэсь аварди, сюморди…)

-Эйкакшт, пертьпельксэнть ды цецятнень эрявить ванстомс!

4. Од теманть толковамось:

-А ней, пажсынк тетраденк, сёрмадсынк течинь чинть ды уроконь теманть.

-Вансынек, кода жо теевить прилагательнойтне.

    Качественной                                                             Относительной

(эрсить теезь ды апак тейть)                    (эрсить весе теезь)

1. Существительнойстэ:        1.Сущ-стэ – нь суф. вельде

-в /-й суф. вельде                                                  велень ки,

Сал – салов ям                                                     вирень нармунь

Кеж – кежей пине                                                кизэнь ве

2. Кавто прилаг-нь вейс васодемасо            2. Кой – кона наречиятнестэ:

Валдо – сэнь менель                                            - це суф. вельде

Валдо – пиже тюс                                                 икеле – икельце

Сюрдов – сярдов чочко                                       удало - удалце

Теде башка свал эряви кирдемс мельсэ: стр. 112-це тень ловносынек марямга.

4. Кемекстамось:

1. Валонь диктант: (кунсолотадо содамоёвкст, муевкстнэнь сёрмадсынк тетрадьс)

Баягине - сонсь а гайги (колокольчик – овтонь баягат)

Пиже нупальнесэ, экше таркинесэ

Мазылгали ожо пава (горнипов – купальница европейская)

Вейке суринесэ керьксазь баягинеть аштить (ландыш - куколокшо)

Чись лиси – кецить

Чись ёми – мадить (баляга - одуванчик)

-Эйкакшт, Вансынек – мезть муевкстнэ?

-Цеця лемть, виде! Ансяк Сынь существительнойть. Ютксост Ули вейке относительной прилагательной марто. Кие ёвтасы седе курок, конась эйстэдест?

-Виде!

      Цецятне миненек кандыть аволь ансяк мазычи, но и седеень витема. Кода пек ламо сюлмазь эрямосонть цеця марто. Сынь минек оянок кеняркссо, талновтыця торжественной шкасто.

      Ванынка, кода мазыйстэ аштить цецятне кедьгетнесэ минек классо. А бути сынь а улевельть – улевель бу перьканок мазычи? А улевель. Сынст лангс ванозь юты весе сизевксэсь, берянь арсематне.

      Цеця  марто тынь ушодсынк эсь тонавтнема иенть ды прядсынкак сынст марто. Инжетькак, чачома чинтькак вастыть цеця марто. Ней пек паро ды уцяскав эрямонок. Сон карми улеме седеяк вадря бути оштнева, велень ульцятнева, кудосонк кармить улеме цецят.

2. Ней истямо тевесь:

(Неть существительнойтнестэ – муевкстнэстэ арседе ды сёрмадодо прилагательнойть.)

Овтонь баягат – овтонь баягав

Тикшесь васолдо неявсь овтонь баягав.

Горнипов – горниповонь

Вирьстэ тейтерькатне кандсть горниповонь пусмот.

Ансяк неень шкане тень а эряви тейнемс. Сон совавтозь Мордовиянь Якстере книгантень ды сынст ней эрявить ванстомс.

Куколокшо – куколокшонь

Чувто алга кассть ламо куколокшонь лопат.

-Эйкакшт, Зярдо куколокшонть цецянзо цветявить, мельгаст появить умарьнеть. Неть ягодынетнеде а эряви ярсамс, сынь пек ядовт!

3. –Эйкакшт, а ней мартост арсетядо ды сёрмадтадо валрисьметь.

(эйкакштне ловныть)

-Пек парт валрисьметь арсиде!

-А ней седе тов!

Минек тиринь кельс цеця лемтне совасть лия кельстэ, лиятнень жо лемест аламодо лият – штобу тенень чарькодемс ды содамс миненек лездыть валкстнэ: (невтевить)

И.М. Ведяшкин «тиринь модань кельтне»

Р.Н. Бузакова «Тикшень валкс»

Этимлолгиянь валкс.

Вансынек -         горнипов – купальница европейская эрзя-мокшонь вейсэнь келесь

Ведьлукш – кувшинка  финнэнь – угрань келесь

Лияназ – лён кезэрень иранонь

Чавканьбал – (вараканьбал) – клевер финнэнь – угрань вейсэнь келесь.

Теде башка малав эрьва цецянть ули эсь эрямо ошозо, масторозо, косо сон ловови символокс.

-Вансынек! (невтевить цецянь артовкст)

Ромашка – пейделька (Россиянь символ)

Василёк – сэнь гулькат (Швециянь символ)

Клевер – вараканьбал (Ирландиянь символ)

Подсолнух – чиньжарамо (Украинань символ)

Лён – Лияназ (Беларуссиянь символ)

Лотос – (Индиянь символ)

Цецятне марто, эйкакшт,  кезэрень  шкане ульнесть сюлмазь ушоёжодо содавкскеть (приметат)

 – Кодат тынь содатадо? (тонавтницяте ёвтнить)

Тикшесь цецяв – лиссть ледеме.

Ведьлукштнэ (кувшинкатне) пекставить – пиземес

Цецятнень чинест пек маряви – пиземес

Цветязеви акациясь – путнить куярт

Кудонь цецятне начкить – пиземе туи

Сёксня умаринась ёрты цецят – сёксесь ули кувака.

-Неть содавкскетнень путынк эсенк мельс – превс ды ванстынк сынст. Паряк, сынь максыть лезкс ушоёжодо содамга.

4. Таблицань коряс важодемась.

5.Карточкань коряс важодемась:

Невтемс эрявикс тешкссэ Прилагательнойтнень смустень кандыця пельксэст.

Стр. 113-це упр. № 227-це

5. Уроконь вейсэндямось:

Мезде течинь урокстонть  кармиде содамо?

Путневить тонавтницятненнень важодемань кис отметкат.

6. Кудонь тевесь:  Кроссворд « Содыть цецятнень »

                                 Тиринь кель 6-це класс

Темась: Существительнойтнень теевемась.

Уроконь бажамотне:     - мельс ледстямс существительноенть эйстэ

ютазь материалонть;

                   - теевемс содавиксэкс существительнойтнень

теевемаст марто;

                - вечкемс ды сюпалгавтомс тиринь келенть;

               - ванстомс тиринь ёнконь пертьпельксэнть.

Уроконь молемась:

1. Уроконтень анокстамось:

 -Шумбратадо, эйкакшт! Течи минек тынк марто тиринь келень урок. Те урокось карми ютамо интерактивной доска марто. Течи минек урокс састь ламо инжеть, секскак весе стятанок ды шумбракстнетянок вейке – вейкенек марто.

- А ней озадо!

2. Теманть ды уроконь бажамотнень ёвтамось:

Те урокстонть минь тынк марто карматано кемекстамо содамочинек существительнойтнень эйстэ: мельс ледстясынек ютазь материалонть сынст эйстэ, карматано кортнеме тиринь мазый кельсэ, вантано од материал существительнойтнень коряс.

 Эйкакшт, 2013 иесь алтазь тиринь пертьпельксэнь ванстомантень, секскак течи минь поладсынек тынк марто сонзэ эйстэ кортамонть.

2. Кудонь тевенть ванномась:

Кие монень ёвты эйстэденк кодамо кудонь тев тыненк максозель?

Виде, кудонь тевекс ульнесь упр. Учебникстэ (ваннови тонавтницятнень топавтомась). Кудонь тевенть топавтынк видестэ!

3. Мельс ледстямо: 

А ней ули меленк важодемс интерактивной доска марто?

-Вансынек мезе течи сон миненек максы.

Интерактивной доскась минек течи анокстась Тиринь пертьпелькска якамо.Ули меленк нейке сыргамс тиринь пертьпелькска?

- Сестэ, седе курок сыргатано!

Ансяк теде икеле миненек тынк марто эряви ледстямс существительнойде ютазь материалонть:

Максомс ответ неть вана кевкстематнень лангс.

Кинь ули мелезэ васенцекс лисемс доскас?

1 кевкстема:

Мезе те существительноесь?

2 кевкстема:

Кодат существительнойть улить?

3 кевкстема:

Кодат кавто курос явовить существительнойтне?

4 кевкстема:

Зняро существительноенть полавтнеманзо?

5 кевкстема:

Кода теевить существительнойтне?

4.Од темань толковамось:

-Эйкакшт, те кевкстеманть лангс тынь ответэнть а содасынк.Те минек тынк марто од теманок. Озатадо витьстэ, ды кунсолотадо седе внимательнойстэ.

(толковамось моли интерактивной доскань слайда марто)

Эрзянь кельсэ од валтнэ теевить:

1. суффикс вельде (теезь валт)
2. валонь (или валлувонь ) путозь (сложной валт)
3. валонь васодезь (кавонзазь валт)
4. вейке кортамо пельксэнть лия кортамо пельксэс ютамо вельде.

Некеть китнень – янтнэнь вельде теевить существительнойтнеяк.

(невтевить примерт, конатнень ловносызь марямга тонавтницятне)

5. Кемекстамось:

-Эйкакшт, минь тынк марто ютынек весе кинть, штобу пачкодемс интерактивной досканть лангсо картантень…Вансынек нолдасамизь ней сон минек пертьпельга якамо. (слайданть лангсо появи мазый музыка, ды валт «Мон вастан эйсэнк, оят паро мельсэ!»)

-Эйкакшт, пертьпельксэсь васты эйсэнек паро мельсэ!

Икеленек пертьпельксэнь ламо мазый кужот.

-Вансынек мезе максы тенек 1-це кужось? Кинь ули мелезэ лисемс 1-це кужов?

1-це кужонь тевесь:

Вал марто важодема – Видестэ ли сёрмадозь валтнэ?

Киуло, ежо марямо, ине кужо, пиземе чирьке, тарго чи, тамаша.

А ней ютавтсынек рузкс неть валтнэнь:

Переулок, чувство, собрание, радуга, чудо.

2 –це  1-це кужонь тевесь:

Эрявить неть валтнэнь явомс кавто курос:

Валонь путозь,  Кавто валонь васодезь

Кинь ули мелезэ лисемс доскас?

2-це кужонь тевесь – Явомс существительнойтнень  кавто курова :

Собственной (лемень), Нарицательной (истяконь )

-Ютатано седее тов пертьпелькска.Икеленек 3-це кужось.Кинь ули мелезэ  лисемс доскас.

3 – це кужонь тевесь:

А ней, эйкакшт мартонк лацетяно синквейн «Пертьпелькс» теманть лангс.

1строчкась : Пертьпелькс

2строчкась : кавто прилагательнойть

3 строчкась: глагол

4 строчкась: валрисьме

Пертьпельксэсь

Мазый, Эрьва кодамо

Кеняркстовты, кази,эжди

Пертьпельксэнть эряви ванстомс!

Мазычи

-Вмидестэ топавтынк те тевенть, сыргатано седе тов!

4-це кужонь тевесь – налксема «Явить ракшатнень таркаваст: Кудонь Вирень».

А ней минь тынк марто сыргатано седе  тов. Пачкодинек 5-це кужонтень.Кинь ули мелезэ варштамс кодамо тев максы те кужось?

5-це кужонь тевесь – Кортнетяно оя, эрзякс!

6-це кужонь тевесь – Валтнэнь явомс кавто курос: Невтемачинь полавтнемань существительнойть, Аволь невтемачинь полавтнемань существительнойть.

Кие невтьсы тенек, кодамо тев мавксы 7-це кужось?

7-це кужонь тевесь – Тест «Зняро эрзянь кельсэ падежтнеде?»

А ней седе курок сыргатано 8-це кужов. Кинь ули мелезэ варштамс кодамо тев максы тенек те кужось?

8-це кужонь тевесь – Налксема «Содык нармуненть»

Минь тынк марто пек парсте содасынек ней пертьпельксэнь вантано мартонк эрьва чистэ мазый таркат. Истя жо пачкодинек 9-це кужонтень. Кинь ули мелезэ  варштамс кодамо тев максы те кужось?

9-це кужонь тевесь 

– Пертьпельксэсь минек сюпавчинек! Мон тыненк максокшнынь тев – вешнемс тиринь пертьпелькссэ содавкскеть, валмеревкст.

 - Тынь, эйкакшт топавтынк те тевенть? Кинь ули мелезэ ловномс весенень эсь валмеревксэнзэ.? Васняяк ушодан ловномо монсь:

«Чувтонть сявордсак – мекев а кепедьсак»

 «Ванстат пертьпелькс – ванстат эсь эрямонть.»

-А ней кунсолотадызь тынк.

-Пек вадрят валтнэ ды валмеревкстнэ пертьпельксстэнть .

-А ней минь тынк марто ваньтанок истямо кинофильм пертьпельксстэнть.

-Эйкакшт, кода арсетядо мекс эряви ванстомс пертьпельксэнть?

А кода минь карматано сонзэ мазылгавтомо?

6.Уроконть вейсэндямось:

Эйкакшт, мезде кортынек мартонк течинь урокстонть? Мезе од карминек содамо?

Течи весе парсте важодиде , сень кувалма путан тенк парт отметкат.

7.Кудонь тевесь:

Кудов тевекс карми улеме сочинения «Телень пертьпельксэнть мазычизэ.»

- Уроконок прядовсь, вастомазонок!

Национально – региональный компонент на уроке эрзянского языка в 7 классе.

Тема урока: Глагол как часть речи.

Тип урока: комбинированный

Цели:

- повторить и систематизировать знания о   глаголе, полученные в начальных классах.

-обобщить  знания учащихся по теме «Местоимение»

- вызывать интерес  к изучению родного языка

- способствовать  формированию у детей чувства  любви к малой родине и Мордовии;

-воспитывать любовь, уважение  и интерес к родному языку, культуре русского и мордовского народа;

Оборудование: выставка книг о Мордовии;

                           старинные вещи: глиняные крынки (кринкат), деревянная ручная маслобойка (пивтеньпарь), пенчень кирдемка (ложкарница), деревянные ложки (чувтонь пенчть), ленгень кептерть(корзинки из липовой бересты);

        национальные блюда: поза (квас), чапамо ловсо (топлённое квашенное молоко), прякат (пироги),  курник (праздничный пирог), кулага (кисель из муки с добавлением сушёных ягод и фруктов);

Эпиграф: «И к будущему восходя навстречу, я прошлое не скидываю с плеч»

                                             Ход урока:

I.Организация к уроку.

-Здравствуйте, дети! Сегодня у нас с вами урок эрзянского языка. Я думаю, вы пришли на этот  урок с хорошим настроением. И это настроение пусть будет сопутствовать вам в течение всего нашего урока. У вас на партах сегодня должны быть ручки, рабочие тетради, учебники и простые карандаши. Вы все уже  увидели выставку, оформленную к уроку, и догадываетесь, что урок у нас сегодня будет проходить необычно. На этом уроке мы проведём повторение пройденного материала по теме «Местоимение» и познакомимся с новой темой «Глагол как часть речи». А на последующих уроках будем рассматривать материал о глаголах подробнее. Кроме темы урока мы с вами познакомимся с национальной кухней мордовского народа, с предметами быта и некоторыми обычаями.

II.Вступительное слово учителя.

 Тиринь ёнкс. Утю – балюнь лавсь. Те ёнксось минек масторонок, конась тенек маряви сехте паро ды мазый таркакс. Кодамо домка смусть путозь неть валтнэс! Неть валтнэ, эйкакшт арсезевтить эйсэнек чачома велень сюпав ойме ды тевень вечкиця ломандензэ, минек масторонок ютазь ды неень шкадонзо.

   Родная сторона - детства колыбель. Это,  прежде всего, наша Родина, которая кажется для нас самым родным и красивым местом. Какое глубокое  значение несут эти слова. Они заставляют нас размышлять о селе, о  богатой душе и трудолюбии сельчан, о прошлом и настоящем нашего  Мордовского края.

- Ребята, а кто скажет из  вас как называется наша республика?

- (Мордовия)

- Мы живём с вами в Республике Мордовия.

-       Видестэ, нама кортыть: эрямосонть сехте вадря тонавтыцясь – кезэрьпингесь (историясь). Течи минь тынк марто варштатано одов удалов ютазенть лангс. Вансынек минек масторонь эрзянь раськенек эрямост, коест – кирдаст, важодемантень сынст вечкемаст ды эрзянь азораватнень ярсамопелень  панема – пидема лувост.

     Народная мудрость гласит: В жизни самый хороший учитель – это история. Поэтому на сегодняшнем уроке мы с вами, ребята, заглянем опять в историческое прошлое нашего мордовского  народа. Рассмотрим традиции и обычаи,  большое трудолюбие наших предков  и то, как  мордовские женщины готовили национальные блюда.

- А сейчас с вами проведём небольшое повторение по пройденному материалу (фронтальный опрос и работа у доски по карточкам). (У доски работают 2 ученика, остальные отвечают с места)

1 задание по карточке: Синтаксический разбор предложения. Найти в предложении местоимение и выполнить морфологической разбор.

Голландканть томбале цюланонь кондямо юткинесэ сон шли – нарды пенчть – вакант, пиди – пани ярсамопель

Сон  - местоимение, личное, исх. форма сон, им. падеж, в предложении является подлежащим.                  

2 задание по карточке: Синтаксический разбор предложения. Найти в предложении местоимение и выполнить морфологический разбор.

Сынст лазонь стенанть ёжова поволезь гигерень кептерть, коцтонь питерть.

Сынст – местоимение, притяжательное, родительный падеж, исх., форма сынь.

Фронтальный опрос учащихся:

1. Мезе те местоимениясь?
2. Зняро ды кодат местоимениянть разрядонзо?
3. Кодат местоимениятненень мерить личнойть ды усилительно – личнойть?

- А сейчас посмотрите на доску. Правильно ли выполнили свои задания ребята, у доски?

(Если задания выполнены неправильно, учащиеся исправляют)

III.Проверка домашнего задания.

А сейчас, ребята проверим домашнее задание.

Кто скажет, какое задание должны были выполнить дома?

(- Написать сочинение «Традиции и обряды моего села»)

2-3 ученика читают свои сочинения.

- Молодцы, ребята очень хорошо справились с заданием. А кто не успел прочитать своё сочинение, в конце урока сдайте тетрадь на проверку, я проверю и оценю вашу работу.

 Слово учителя

  Седикелень эрзятнень ульнесть ламо коест – кирдаст. Эсь раськень кой – кирдатне сыненст ульнесть покштояк покш  сюпавчикс. Пек мазыельть урьвакстомань – венчамонь, эйдень чачомань ды лемдемань койтне. Седеяк талновтыцят жо ульнесть озксонь койтне. Весе неть кой-кирдатне, конат эрясть 19 пингень ушодовомсто, седе мейле пек полавтовсть. Олась эйсэст оймень кецямось, ине мазычись, конань марильть кезэрень эрзятне. Неень шкас неть койтнень эйстэ кадовсть ансяк пелькскеть, но пингестэ пингес сыретнень кедьстэ одтнэнень максовить ознома валтнэ, койтне, мезесь корты пек кезэрень чачодост.

   В далёкие  времена у мордвы было много традиций и обрядов. Свои национальные традиции они считали большим богатством. Очень красивыми были свадебные обряды, обряды рождения ребёнка и его крещения. Но больше всего мордва  почитаемыми считала   моления. Все эти традиции и обряды, которые жили в начале 19 века, очень изменились. Выцвело от них то душевное волнение, которое чувствовали наши предки. Несмотря на это, по сей день старожилами села молодому поколению передаются  моления, обряды и традиции, что говорит об их древнем происхождении.

IY. Объяснение нового материала

    Кезэрень шкатнева эрзянь раськетне вечксть эрямо вирьга. Виртне сыненст максокшность ярсамопель, кудонь стявтомс чочкот, ванстылинзе ятонь кайсевемадо.       Эрзянь цёратне вадрясто содылизь виренть обуцянзо ды маштсть превейстэ ютавтомо сонзэ лезэвчинзэ. Сынсь жо цёратне ульнесть виевть ды важодицят. Сокасть модат, видсть сюро, кунсесть калт, кирдсть ламо мекштть.

   В старые времена мордва любили жить  около леса или же в лесу. Лес им давал пищу, брёвна для строительства домов,  защищал от набегов  чужеземцев. Эрзяне  хорошо знали характер леса и с умом  применяли  его природную помощь. Сами эрзяне были  сильными и трудолюбивыми. Они пахали землю, сажали рожь, ловили рыбу, держали  пчёл - занимались бортничеством. Об этом виде деятельности мы уже с вами знакомились на предыдущих уроках.

- А сейчас ребята, посмотрите на доску. На доске у нас написаны предложения:

Голадканть томбале цюланонь кондямо юткинесэ сон шли – нарды пенчть – вакант, пиди – пани ярсамопель.

Сынст стенатнень ёжова поволезь гигерень кептерть, коцтонь питерть.

Кияксканть лацезь парть – покшт, вишкинеть - чувто керь сёлмот, чова тараднэть.

Чувтонь печтнень юткова неявить сиянь.

Столь лангсо, чувтонь якстере вакантнэнь вакссо ашолдыть кикс марто тарелкат.

- Ребята, а кто эти предложения прочитают вслух?

-  О чём говорится в этих предложениях?

 (Тесэ валрисьметнесэ сёрмадозь пенчть – ваканть, гигерень кептерть, коцтонь питерть, парть, чувтонь якстере вакант, чувтонь пенчть)

- О существительных.

- Правильно, о существительных.

- Как можно назвать эти предметы?

- Кедьёнкст. (Орудия труда, предметы быта)

 Обобщение ответов учащихся: 

В этих предложениях говорится о предметах быта мордвы.

 Эрявикс чувтосто, эрзянь цёратне тейнесть кеме кедьёнкст: сянгт, налт, цётмарт. Анокстасть коцтонь кодамо стант, штереть, салдырькст, пивтемпарть, эрямопарть ды тейнесть эйкакшост туртов налкшкеть.

  Из нужного дерева эрзяне делали надёжные орудия труда и предметы быта: вилы, стрелы, сохи, грабли, ткацкие станы, веретена, солонки, маслобойки и мастерили для своих детей затейливые игрушки.

 - Ребята, посмотрите на эту выставку, что сегодня вы нового видите на ней.

- Течинь урокс анокстазь знярыя кедьёнкст.

- К сегодняшнему уроку на выставке выставлено несколько предметов быта мордвы:

Пивтембарь - маслобойка

Гигерень кептерь - прямоугольная корзина из липовой бересты

Кринка – глиняная крынка

Чакшке – глиняное блюдо

Пенчть – ложки

- Ребята, каждый предмет использовался по своему предназначению, и приносил пользу. Они были все очень нужны нашим предкам.

В маслобойке пахтали сметану на масло;

Из блюдца кушали;

В корзине носили пищу в поле, и ещё что – то;

В крынку наливали воду, молоко, квас;

Мордва с каждым предметом выполняли  действие – тевдеема. И все они созданы руками отличных мастеров. С этими  предметами, что – то делалось, выполнялось, совершалось.

 Сегодня мы с вами ознакомимся с новой темой «Глагол как часть речи». С этим материалом вы уже знакомились в начальных классах, на русском языке и т.д. Поэтому мы с вами сейчас вспомним, что называется глаголом.

Глаголось – те кортамо пелькс, кона невти предметэнь действиянзо ды отвечи мезе теи ?, мезе карми тееме?кевкстематнень лангс.

 Работа с учебником. стр . 23 , дети читают правило (по новым учебникам)

 Глаголось – те прявт кортамо пелькс, конась невти предметэнть эли лицянть тевдееманзо ды аштема – улемачинзэ; отвечи  мезе теи? предметэсь эли лицясь мезе мартонзо тееви? кевкстематнень лангс

-  Ребята, посмотрите теперь на доску. Кто скажет, какое слово является  глаголом в первом предложении.

-  В этом предложении глаголами являются два слова шли – нарды, пиди – пани.

 Глаголы бывают настоящего, прошедшего и будущего времени.

Привёдём примеры: кодан, кодасть, карман кодамо - вяжу, вязали, буду вязать

Глаголы склоняются по лицам:

Мон моран – Я пою        Минь моратано – мы поём

Тон морат – Ты поёшь        Тынь моратадо – Вы поёте

Сон моры – Он поёт                 Сынь морыть – Они поют

-Вот мы посмотрели некоторые особенности глагола, как части речи. А как вы думаете, нужны в нашей речи глаголы?

(- Нужны!)

Глаголтнэнь вельде миненек седе шожда ёвтамс эсенек меленек – превенек, эсенек бажамонок - арсеманок; сынст вельде седе видестэ, домкасто ды келейстэ невтеви пертьпельксэсь, эрямось.

С помощью глаголов нам легче выражать  мысли, цели, рассуждения. С глаголами мы  более глубоко понимаем окружающую действительность, природу и жизнь.

 Y. Закрепление

1 задание. А сейчас открываем тетради, записываем сегодняшнее число, тему урока и пишем словарный диктант.

Я прочитаю вам загадки, а вы отгадки будете записывать в тетрадь.

1. Эрькинесэ кал уйкшни (кече)     В озере рыбка плавает (ковш)

2. Тесэ розь, сюро ды тов              Здесь рожь, зерно и мука

Мезе те – ёвтака тон? (ларь)       Что это – скажи ка ты?(амбар)

3. Кардазось пешксе ракшинеде

Вечкить ярсамс тантейнеде. (Пенчть ды пенченть кирдемка)

Двор полон животных,

Кушать любят вкусно. (Ложки и ложкарница)

4. Кедьгесь рамазь одсто              Предмет куплен новый,

Весе варя потсо (сувтеме)          А сам дырявый (сито)

5.  Кавто братнэ ношкстасть ардомо,

     Кавто братнэ бажить сасамост (Крандаз)

Два брата помчались ехать

А два брата хотят дагнать.(Телега)

6. Пей марто, сонсь а суски                       С зубами а не кусается

Ледезь тикше пурны, уски (грабля)  Скошенное сено собирает, сгребает (грабли) 

6. Ули истямо Иван,           Есть такой Иван,

      Озы алаша лангс           Сядет на коня

      Ды туи толс (чугун)      И уходит в огонь(чугун)

- Ребята, кто скажет, как можно назвать отгадки загадок?

- Кедьёнкст! Правильно, орудия труда.

- Давайте  выполним такое задание. Каждый из вас из словарного диктанта выбирает одно слово и составляет и пишет в тетради предложение, используя глаголы.

- Дети пишут предложения.

-Проверяем задание.

2 задание (по вариантам)

Спишите текст, вставляя вместо точек  нужные глаголы.

3 задание

Из учебника найдите упр. 61 . Выполняем задание устно. Найти в тексте глаголы, и назвать какого они времени.

Чийнесь (неень шка – наст. Вр), яжамка, пиземе, ёвтнекшнесь(ютазь шк. – прошедш.вр.), якси , кенярдома, сыргась,миненек, чилисема, якшавтни, кавонест, якшамо, якшавтсь, тыненкак, сюлмо, сюлмамс,савсь, оршамка, тундонь, арсема,, арсезевсь, лембелгадсь, лембе, викшни, викшнемка, манейкс, манейгадсь, од, одкстомсь, сюпалгады, лоткаволь, колмонст, кодлмонзавсь, кенярдозь, кенярдсь, мизолкс, мизолды, ардомка, сёксь.

4 задание .Исследовательская работа

-Ребята, вот мы с вами рассмотрели традиции, обряды, теперь рассмотрим национальные блюда.

    Кодат мазыйть ульнесть эрзянь аватне седикеле. Зняро сынь викшнильть. Ней истят викшневкстнэнь нейсыть ансяк книгасто (невтеви книгасто фотография эрзянь оршамкасо ава)

Ванынка, кодат мазыйть ульнесь сынст оршамост, конатнень  сынь теилизь эсь кедьсэст.

 Эрзянь азораватне ёроковольть  пидемасояк. Кодат тантей кшить рошксеть,  прякат маштсть панеме. Анокстыльть човов позаяк. Чинзэ кувалмсто шкась а сатыль, секскак ярсамопелесь анокставиль весть, рана валске каштомсо, косо сон аштиль чокшнес. Ламо  кой – мезе теильть ловсосто.Знярыя ярсамопельтне анокставильть ансяк покшчитнес. Ульнесь и кизэнь, сёксень, телень – те сывелень прякинеть, кулага, позань салведь, куяронь салведь и ламо лият.

Течинь урокс, эйкакшт тынь эрьвась туиде невтемс ярсамопель, конась ванстовсь кезэрень шкатнестэ саезь минек шкатнес. Сынст арсян пидизь – панизь тенк сырькаенк. Сынь седе кезэрень ломанте, ды пек парсте  содасызь седикелень пингень пидематнень ды парсте маштыть сынст панеме – пидеме ды эйсэст каванямояк.

Вансынек, мезе течи тынь анокстыде. Паряк эйстэденк неть ярсамопельтнень эзинк варчнеяк ды а содыленкак.

   Какие красивые были женщины в древние времена. Какой необычностью и затейливостью отличался их национальный костюм, который они вышивали при свете лучины.(детям учитель показывает фотографию из книги.)

     Мордовские женщины не только были искусницами, но и очень умело готовили национальные блюда. Какой румяный хлеб пекли и ароматные пироги. Умело готовили квас. А щи, картошка да блюда с молока  были вкуснейшими кухонными произведениями. В течение дня времени не хватало готовить, поэтому еда готовилась один раз и сохранялась горячим до самого вечера. Рано утром в печи мордовки готовили еду на целый день для большой семьи. Некоторые блюда у них были сезонными: мясные пельмени, окрошка, чапамо ловсо(кислое топлёное молоко), кулага (кисель из ржаной муки, сушёных ягод, фруктов, который томится в печи 3 дня), куяр салведь (морсовка), капстань салведь(капуста квашенная в большом количестве воды) и многое другое. Были и праздничные кушанья: курник, пироги,  топонь пышкат (ватрушки с творогом), каймакт (панжакайть- открытые пироги из  картошки).

    На сегодняшний урок вы принесли национальные блюда, которые вам приготовили ваши бабушки . Они ведь старожилы села и знают много рецептов приготовления еды  наших предков. Возможно кто – то из вас эти кушанья не пробовал и не знал. Я думаю, ваши бабушки поделились с вами, когда и как эти кушанья готовятся. И вы сегодня на уроке расскажете,  а после урока  попробуете на вкус.

Чапамо ловсо

Поза

Курник

Кулага

Прякат

- Ребята, дома своим бабушкам скажите огромное спасибо, что они позаботились о нашем с вами уроке, испекли и приготовили эти национальные блюда.

5 задание. Творческое.

-А сейчас мы с вами, ребята побеседуем о приметах, которые есть в нашей жизни   и  сохранились в сельском быту до наших дней. Оказывается, наши предки всегда о погоде примечали по окружающим их предметам, растениям и мн.др.

Я сейчас вам некоторые зачитаю. А вы послушайте внимательно,  может кто – то из вас знает даже  больше примет или слышал их от бабушек и дедушек и дополнит.

Позасонть позаоргатне верев кепететсть – пиземе туи (Если в квасе закваска вверх поднялась – быть дождю.)

Пси ямонть чакшкенть ало моргась ливеськадсь – лембес. (Если под чашкой щей  стол запотел – будет тепло)

Кшинть мекевланг столь лангс а путнить - часият велявтсак ( На стол хлеб горбушкой вниз не ставят - счастье своё перевернёшь)

Пеель пры – инжекс цёра сы (Нож упал – в гости мужчина придёт)

Пенчь пры – инжекс ава сы (Ложка упадёт со стола – женщина в гости заявиться)

Салонть валсак беряньс ( Соль высыпишь невзначай - к худу.)

Моданть лангс пачалгонть путсак ды сон ливеськады – тозонь можна чувомс лисьма (Если на землю положишь сковороду и он запотел – то в этом месте можно вырыть колодец )

YI. Итог урока

- Ребята, что мы нового сегодня узнали на уроке?

(Мы начали изучение нового материала по теме» Глагол». Рассмотрели традиции, обычаи, национальные блюда, предметы быта и орудия труда древней мордвы)

 Удалов ютазь эрямонть лангс варштамсто сат мельс: сеть шкатнестэ ломантне маштсть ладямо, эрясть вейсэнь арсемасо, бажасть ванстомс эсь коест – кирдаст, конатне покш тарка занясть сынст седикелень эрямосост, ды сехте пек сюлмазельть пертьпельксэнть марто. Ды виде паро ацирьгадат, зярдо арсезеват, кода ламо минь ёмавтынек эсенек раськень кезэрьпингеденть. Минь мокшэрзят ды секскак  минек васенце тевекс улезэ эсенек раськенек масторонок ды коенек ванстомась.

 Оглядываясь назад в прошлое,  приходишь  к мысли: в далёкие времена люди хорошо ладили между собой, жили одной мечтой и  стремились к сохранению традиций и культуры, которые занимали в их жизни самое огромное значение и были  тесно связаны с окружающей природой. Болью отзывается в душе понимание того, как   много мы потеряли сведений из истории своей нации. Мы – люди мордовской национальности и важным первостепенным  делом для нас должны  стать  сохранение родной земли, самобытной многовековой культуры мордовского народа и родного языка.  А это послужит нам тем, что мы будем уважать не только свою культуру, но и традиции и культуры других наций, живущих в нашей стране. Стихотворение читает ученица:

Бути эрзят мекс полавтнемс келеть?

Зяро вий максы келесь эрзянь!

Кортак эрзякс, валтнэ витьсызь мелеть:

Сынь миненек – казнеть умонь шкань.

YII. Выставление  оценок  и объяснение  домашнего задания.

Параграф 16.Выписать из журналов «Чилисема» и «Сятко» глаголы, которые показывают действие, состояние.

 - Урок наш, ребята подошёл к завершению. Я по вашим лицам и по вашему настроению вижу, что он вам понравился. Жду вас на следующий урок эрзянского языка.