"Р.Батулланың “Куян баласы Нуяк” әкияте" темасына дәрес конспекты
план-конспект по теме

Гарәфетдинова Алия Гомәр кызының

әдәби уку дәресенә план һәм конспекты

Дата:

Сыйныф:

Тема: Р.Батулланың “Куян баласы Нуяк” әкияте.

Максат:

        1) укучыларны Р.Батулланың “Куян баласы  Нуяк” әкияте белән таныштыру, дөрес укырга өйрәтү;

        2) укучыларның уку күнекмәләрен үстерү, сөйләм телен баету, логик фикерләү сәләтен үстерү;

        3) укучыларда хайваннарга, җәнлекләргә карата мәхәббәт хисе тәрбияләү.

Җиhазлау: дәреслек, презентация, рәсемнәр, такта, компьютер

Дәрес тибы: яңа материалны үзләштерү

Кулланылган методлар һәм алымнар: укытучы укуы, әңгәмә, сүзлек белән эш, аңлатмалар бирү, сорауларга җаваплар бирү һ.б.

План

• Оештыру
• Исәнләшү, укучыларны барлау;
• Укучыларның игътибарын туплау; дәрес материалын теләп үзләштерү өчен, уңай психологик халәт булдыру.

• Актуальләштерү
• Үткән дәрес материалын искә төшерү;
• Хикәянең эчтәлеген сөйләү, сорауларга җавап бирү.

• Яңа белем һәм күнекмәләр бирү
• Табышмакларга җавап табу;
• Укучыларны дәреснең темасы белән таныштыру;
• Сүзлек белән эш;
• Р.Батулланың “Куян баласы Нуяк” әкияте белән танышу.
• Физкультминутка.

• Яңа белем һәм күнекмәләрне ныгыту
• Сорау-җавап рәвешендә әсәргә анализ ясау;
• “Куян баласының исемен язучы ничек уйлап тапкан?” соравына җавап эзләү;
• Табышмакларга җавап эзләү.

• Дәресне йомгаклау
• Өй эше бирү;
• Актив укучыларны билгеләү, билгеләр кую.

Дәрес барышы:

1. Оештыру.

Укытучы: Исәнмесез, укучылар!

укучы: Исәнмесез, укытучы апа!

Укытучы: Бер-беребезгә уңышлы көн теләп, бүгенге уку дәресен башлап җибәрәбез, укучылар!

Укытучы: Сүзне дежур укучыга бирәбез. (Укучыларны барлау)

2. Актуальләштерү.

Укытучы: Укучылар, үткән дәрестә без нәрсә укыдык? Кайсы язучының әсәре белән таныштык?

укучы: Узган дәрестә без В.Монасыйповның “Кем белән кем” хикәясен укыдык.

Укытучы: Укучылар, өйгә эш итеп әлеге хикәянең кыскача эчтәлеген сөйләргә өйрәнергә бирелгән иде.

        (укучылар әзерләнәләр, хикәянең кыскача эчтәлеген сөйлиләр.)

Укытучы: Молодцы, укучылар! Димәк, кешеләрне киендерүчебелән чишендерүче кем инде ул?

        (Укучыларның фикерләре тыңлана)

Укытучы: Молодцы, укучылар!

3. Яңа белем һәм күнекмәләр бирү

Укытучы: укучылар, сез ниндим җәнлекләрне беләсез? Кыш көне алар нишлиләр?

        (укучыларның җаваплары)

Укытучы: Әйе! Кыш көне ңәнлекләр зуравырлыклар кичерәләр. К.бесе салкынннан,ачлыктан кышны чыга даалмый, үлә. Без кулыбыздан килгәнчә, җәнлекләргә булышырга - аларга ашарга бирергә тиешбез.

Укытучы: Укучылар, бүген без Р.Батулланың “Куян баласы Нуяк” әкияте белән танышырбыз.  

Укытучы: Әкиятне укый башлаганчы, аңлаешсыз сүзләрне аңлатыйк, укучылар.

                улый – воет

                суыктан – холода

                мамык йонлы туны – шуба из мягкого меха

                үтеп керә алмый – не проходит (не продувает)

                ямансу, күңелсез – скучно

                кар катламы аша – через слой снега

                яктылык – свет

                бәләкәй – кечкенә

                тышта – на улице

                торгызып тыңлый – слушает поднимая уши

                җәнлек – зверь

                бертуктаусыз – безостановично

                карыны ач - голодный

Укытучы хикәяне 1 кат укый.

Чылбырлап уку.

         Физкультминут

Укытучы: Укучылар, “Очты-очты” уенын уйнап алыйк әле!

Укучылар торып басалар, игътибар белән укытучыны тыңлап, очу хәрәкәтләре ясыйлар.

“Очты очты каргалар очты,  ... агачлар,   казлар,....чыпчыклар, канатлар һ.б.”

4. Белем hәм күнекмәләрне ныгыту 

Укытучы: Укучылар, әйдәгез, Нуякка ярдәм итегез  әле, сорауларга җавап бирегез.

        (сорауларга җавап бирү)

Укытучы: Укучылар, куян баласының исемен язучы ничек уйлап тапкан?

        (Укучыларның фикерләре тыңлана)

Укытучы: Ни өчен Нуяк ач, ялгыз посып утыра?

укучы: Тышта салкын кыш, Нуяк кар астында ята. Әнисе ашарга эзләргә киткән.

        (Укучыларның фикерләре тыңлана)

Укытучы: Әйе, укучылар! Нуякка бит башка куркыныч та яный – аны төлке яисә башка җәнлек тотарга мөмкин. Ләкин куян баласы моны белми әле, ул ашарга көтә.

Укытучы: Укучылар, сезнеңчә ничек:  буран елыймы, әллә җилме? Белешмә өчен сүзләрдән файдаланып, җавап бирегез.

        (укучыларның җаваплары тыңланыла)

Укытучы:  Укучылар, буран турындагы табышмакларны укыйк. Аларның эчтәлеге син сөйләгәннәргә туры киләме?

5. Дәресне йомгаклау.

Укытучы: Укучылар, бүгенге  дәрестә сез үзегезгә нинди яңалыклар алдыгыз?

(укучыларның җаваплары)

Укытучы: Димәк, кышын җәнлекләр зур авырлыклар кичерә икән. Кешеләр аларга ризык белән булса да ярдәм итәргә тиешләр.

Өй эше бирү. Буран турындагы табышмакларны истә калдыр. Эчтәлеген сөйлә.

Билгеләр кую.

Укытучы: Укучылар, бүген дәрестә бик актив булдыгыз! Сау булыгыз, укучылар!

укучы: Саубулыгыз, укытучы апа!